ಇಸ್ಲಾಮಿಕ್ ಉಗ್ರವಾದದ ಮೇಲೆ ಕಠಿಣ ಕ್ರಮ: ರಿಷಿ ಸುನಕ್ ಪ್ರತಿಜ್ಞೆ
ನಮ್ಮ ದೇಶದ ದ್ವೇಷದಲ್ಲಿ ಧ್ವನಿಯೆತ್ತುವವರನ್ನು ಬೇರು ಸಹಿತ ಕಿತ್ತೊಗೆಯಲಿದ್ದೇವೆ
Team Udayavani, Aug 3, 2022, 3:57 PM IST
ಲಂಡನ್ : ”ಅಸ್ತಿತ್ವದಲ್ಲಿರುವ ಭಯೋತ್ಪಾದನಾ ವಿರೋಧಿ ಕಾನೂನನ್ನು ಇನ್ನಷ್ಟು ಬಲಪಡಿಸುವ ಮೂಲಕ ಇಸ್ಲಾಮಿಸ್ಟ್ ಉಗ್ರವಾದದ ಮೇಲೆ ಕಠಿಣ ಕ್ರಮ ಕೈಗೊಳ್ಳುತ್ತೇನೆ” ಎಂದು ಬ್ರಿಟಿಷ್ ಪ್ರಧಾನ ಮಂತ್ರಿ ಅಭ್ಯರ್ಥಿ ರಿಷಿ ಸುನಕ್ ಬುಧವಾರ ಪ್ರತಿಜ್ಞೆ ಮಾಡಿದ್ದಾರೆ.
ಬ್ರಿಟನ್ ಅತೀ ಹೆಚ್ಚು ಭಯೋತ್ಪಾದಕ ಬೆದರಿಕೆ ಹೊಂದಿರುವ ವೇಳೆಯಲ್ಲಿ, 42 ರ ಹರೆಯದ ಸುನಕ್ ಕನ್ಸರ್ವೇಟಿವ್ ಪಕ್ಷದ ಪ್ರಚಾರದ ವೇಳೆ ಈ ಹೇಳಿಕೆ ನೀಡಿದ್ದಾರೆ.
ನಮ್ಮ ದೇಶ ಮತ್ತು ನಮ್ಮ ಜನರನ್ನು ಸುರಕ್ಷಿತವಾಗಿರಿಸಿಕೊಳ್ಳುವುದಕ್ಕಿಂತ ಪ್ರಧಾನ ಮಂತ್ರಿಗೆ ಯಾವುದೇ ಪ್ರಮುಖ ಕರ್ತವ್ಯವಿಲ್ಲ. ಇಸ್ಲಾಮಿಸ್ಟ್ ಉಗ್ರವಾದವನ್ನು ನಿಭಾಯಿಸಲು ನಮ್ಮ ಪ್ರಯತ್ನಗಳನ್ನು ದ್ವಿಗುಣಗೊಳಿಸಲಿದ್ದೇವೆ. ನಮ್ಮ ದೇಶದ ದ್ವೇಷದಲ್ಲಿ ಧ್ವನಿಯೆತ್ತುವವರನ್ನು ಬೇರುಸಹಿತ ಕಿತ್ತೊಗೆಯಲಿದ್ದೇವೆ. ಆ ಕರ್ತವ್ಯವನ್ನು ಪೂರೈಸಲು ನಾನು ಏನು ಬೇಕಾದರೂ ಮಾಡುತ್ತೇನೆ. ಬ್ರಿಟನ್ ಸ್ವಾತಂತ್ರ್ಯ, ಸಹಿಷ್ಣುತೆ ಮತ್ತು ವೈವಿಧ್ಯತೆಯ ದಾರಿದೀಪವಾಗಿದೆ. ನಮ್ಮ ಜೀವನ ವಿಧಾನವನ್ನು ದುರ್ಬಲಗೊಳಿಸಲು ಮತ್ತು ನಾಶಮಾಡಲು ಬಯಸುವವರನ್ನು ನಾವು ಎಂದಿಗೂ ಯಶಸ್ವಿಯಾಗಲು ಬಿಡಬಾರದು”ಎಂದು ಅವರು ಹೇಳಿದ್ದಾರೆ.
ಯುಕೆ ಪ್ರಧಾನಿ ಹುದ್ದೆಗಾಗಿ ಭಾರತ ಮೂಲದ ರಿಷಿ ಸುನಕ್ ಮತ್ತು ವಿದೇಶಾಂಗ ಸಚಿವೆ ಲಿಝ್ ಟ್ರಾಸ್ ನಡುವೆ ಭಾರೀ ಪೈಪೋಟಿ ನಡೆಯುತ್ತಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Baltimore bridge: ಬಾಲ್ಟಿಮೋರ್ ಸೇತುವೆ ಕುಸಿತ: ಇಬ್ಬರ ಮೃತದೇಹ ಹೊರತೆಗೆದ ರಕ್ಷಣಾ ತಂಡ
America: ಕಾನೂನು ಸಮರದಲ್ಲಿ ಹೈರಾಣ-ಹಣ ಸಂಗ್ರಹಕ್ಕಾಗಿ ಟ್ರಂಪ್ ಬೈಬಲ್ ಮಾರಾಟ!
Baltimore bridge collapse; ಆರು ಕಾರ್ಮಿಕರು ನಾಪತ್ತೆ: ಪತ್ತೆ ಕಾರ್ಯ ಸ್ಥಗಿತ
Anjali Chakra – Sufi Malik; ಮದುವೆಗೂ ಮುನ್ನ ಭಾರತ-ಪಾಕ್ ಸಲಿಂಗಿ ಜೋಡಿ ಬ್ರೇಕಪ್!
H5N1: ವಿಯೆಟ್ನಾಂನಲ್ಲಿ ಹಕ್ಕಿಜ್ವರಕ್ಕೆ ಮೊದಲ ಬಲಿ!