ಶಮಿಮಾ ಬೇಗಂ ಹೇಳಿಕೆ ನಾಟಕೀಯ; ಸಾಜಿದ್ ಜಾವೇದ್ ಅಭಿಪ್ರಾಯ
Team Udayavani, Sep 15, 2021, 11:45 PM IST
ಲಂಡನ್: “2015ರಲ್ಲಿ ತನ್ನಿಬ್ಬರು ಸ್ನೇಹಿತರೊಂದಿಗೆ ಬ್ರಿಟನ್ನಿಂದ ಪಲಾಯನ ಮಾಡಿ ಇಸ್ಲಾಮಿಕ್ ಸ್ಟೇಟ್ (ಐಸಿಸ್) ಉಗ್ರ ಸಂಘಟನೆಯನ್ನು ಸೇರಿಕೊಂಡಿದ್ದ ಬ್ರಿಟನ್ನ ಪ್ರಜೆ ಶಮಿಮಾ ಬೇಗಂ, ಈಗ ತನ್ನ ಮನ ಪರಿವರ್ತನೆಯಾಗಿದೆ ಎಂದು ನಾಟಕೀಯ ಹೇಳಿಕೆ ನೀಡುತ್ತಿದ್ದಾಳೆ” ಎಂದು ಬ್ರಿಟನ್ನ ಮಾಜಿ ಗೃಹ ಸಚಿವ ಸಾಜಿದ್ ಜಾವೇದ್ ಹೇಳಿದ್ದಾರೆ.
” ಬ್ರಿಟನ್ ಪೌರತ್ವವನ್ನು ಮರಳಿ ದಯಪಾಲಿಸುವಂತೆ ಆಕೆ ಮನವಿ ಮಾಡಿದ್ದಾಳೆ. ಈ ಪ್ರಕರಣದ ಬಗ್ಗೆ ನಾನು ಹೆಚ್ಚೇನೂ ಹೇಳುವುದಿಲ್ಲ. ಆದರೆ, ಐಸಿಸ್ ವಿಚಾರದಲ್ಲಿ ತನಗೇನೂ ಗೊತ್ತಿರಲಿಲ್ಲ. ನಾನು ಕೇವಲ ಉಗ್ರನೊಬ್ಬ ಪತ್ನಿಯಾಗಿದ್ದೆ ಅಷ್ಟೆ ಎಂದು ಹೇಳುವ ಆಕೆಯ ಮಾತನ್ನು ಒಪ್ಪಿ ಕೊಳ್ಳಲು ಸಾಧ್ಯವಿಲ್ಲ. ನಾನು ಆಕೆಯ ಬಗ್ಗೆ ಯಾವ ಸಾಕ್ಷ್ಯಾಧಾರಗಳನ್ನು ಗಮನಿಸಿದ್ದೇನೋ ಅವು ಆಕೆಯ ಹೇಳಿಕೆಗೆ ವ್ಯತಿರಿಕ್ತವಾಗಿರುವಂಥವು” ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ:ಸುರಕ್ಷಿತವಾಗಿ ಪಾಕಿಸ್ಥಾನ ತಲುಪಿದ ಅಫ್ಘಾನ್ ವನಿತಾ ಫುಟ್ಬಾಲಿಗರು
ಶಮಿಮಾ, ಐಸಿಸ್ನ ಜಿಹಾದಿ ಮೂಲಭೂತವಾದಿಯೊಬ್ಬನನ್ನು ಮದುವೆಯಾಗಿದ್ದ ಆಕೆ 2015ರಲ್ಲಿ ಬ್ರಿಟನ್ ತೊರೆದು ಸಿರಿಯಾಕ್ಕೆ ಪಲಾಯನ ಮಾಡಿದ್ದಳು. ಈಗ ತನ್ನ ತಪ್ಪಿನ ಅರಿವಾಗಿದೆ. ಅದಕ್ಕಾಗಿ ತನ್ನನ್ನು ತಾನು ದ್ವೇಷಿಸಿಕೊಂಡಷ್ಟು ಮತ್ಯಾರೂ ನನ್ನನ್ನು ದ್ವೇಷಿಸಲಾರಳು. ಹಾಗಾಗಿ, ನನಗೆ ಬ್ರಿಟನ್ನಲ್ಲಿ ನನ್ನ ಹಳೆಯ ಜೀವನ ಪುನರಾರಂಭಿಸಲು ಮತ್ತೂಂದು ಅವಕಾಶ ಕಲ್ಪಿಸಬೇಕು ಎಂದು ಬ್ರಿಟನ್ ಸರ್ಕಾರಕ್ಕೆ ಸಿರಿಯಾ ದಿಂದಲೇ ಮನವಿ ಸಲ್ಲಿಸಿದ್ದಾಳೆ. ಇದು, ಬ್ರಿಟನ್ನಲ್ಲಿ ಆಕೆಯ ಪರ ಹಾಗೂ ವಿರೋಧದ ಚರ್ಚೆಗೆ ನಾಂದಿ ಹಾಡಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
MSD ಎಂಟ್ರಿ ಶಬ್ಧಕ್ಕೆ ಕಿವುಡುತನ ಸಾಧ್ಯತೆ; ವೈರಲ್ ಆಯ್ತು ಡಿಕಾಕ್ ಪತ್ನಿಯ ಇನ್ಸ್ಟಾ ಪೋಸ್ಟ್
UCC; ದೇಶವು ಶರಿಯಾ ಕಾನೂನಿನಲ್ಲಿ ನಡೆಯಬೇಕೆ?: ಯುಸಿಸಿ ಜಾರಿ ಬಗ್ಗೆ ಅಮಿತ್ ಶಾ ಖಡಕ್ ಮಾತು
Rain: ಉಡುಪಿ ಜಿಲ್ಲೆಗೆ ತಂಪೆರೆದ ಮಳೆರಾಯ, ಜಿಲ್ಲಾದ್ಯಂತ ಗುಡುಗು ಸಹಿತ ಧಾರಾಕಾರ ಮಳೆ
Daily Horoscope: ಉದ್ಯೋಗ ಸ್ಥಾನದಲ್ಲಿ ನೆಮ್ಮದಿಯ ವಾತಾವರಣ, ಅಕಸ್ಮಾತ್ ಧನಪ್ರಾಪ್ತಿ
Heavy Rain; ದುಬಾೖ ಪ್ರಯಾಣ ಬೇಡ: ಸಲಹೆ