ಜಪಾನ್‌ ಕೋವಿಡ್‌ 2ನೇ ತರಂಗ: ಯುವಕರು ಕಾರಣ?

ಸಾಯುವವರಲ್ಲಿ 60 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರ ಪ್ರಮಾಣ ಶೇ. 50 ಎಂದು ವಿಶ್ವ ಸಂಸ್ಥೆ ಹೇಳಿದೆ.

Team Udayavani, Aug 22, 2020, 10:39 AM IST

ಟೋಕಿಯೊ : ಕೋವಿಡ್‌ನ‌ ಎರಡನೇ ತರಂಗವು ಜಪಾನ್‌ನ ಟೋಕಿಯೊ ನಗರದಲ್ಲಿ ಸಂಭವಿಸಿದೆ. ಇಲ್ಲಿಯೂ ಸಹ, ಹೊಸ ಪ್ರಕರಣಗಳು ಹೆಚ್ಚಾಗಲು ಯುವಕರು ಕಾರಣವೆಂದು ಪರಿಗಣಿಸಲಾಗುತ್ತಿದೆ.

ಏಕೆಂದರೆ ಯುವಕರು ಲೇಟ್‌ ನೂಟ್‌ ಪಾರ್ಟಿ ಮತ್ತು ಬಾರ್‌ಗಳಿಗೆ ಹೋಗುತ್ತಿದ್ದಾರೆ. ಜಪಾನ್‌ನಲ್ಲಿ 20 ಮತ್ತು 29 ವರ್ಷ ವಯಸ್ಸಿನವರಲ್ಲಿ ಹೆಚ್ಚಿನ ಪ್ರಮಾಣದ ಸೋಂಕನ್ನು ಹೊಂದಿದೆ.

ಇದೇ ರೀತಿಯ ಕೆಲವು ಉದಾಹರಣೆಗಳು ಆಸ್ಟ್ರೇಲಿಯಾದಲ್ಲಿಯೂ ಕಂಡುಬರುತ್ತವೆ. ಸ್ಪೇನ್‌, ಬಾರ್ಸಿಲೋನಾ, ಉತ್ತರ ಫ್ರಾನ್ಸ್‌ ಮತ್ತು ಜರ್ಮನಿಯಲ್ಲಿ ಕೋವಿಡ್‌ ಪ್ರಕರಣಗಳ ಹೆಚ್ಚಳ ಕಂಡುಬಂದಿದೆ. ಈ ಕಾರಣದಿಂದಾಗಿ, ಸ್ಪೇನ್‌ ಮತ್ತು ಜರ್ಮನಿ ಸಹ ರಾತ್ರಿ ಲಾಕ್‌ ಡೌನ್‌ ವಿಧಿಸಿವೆ. 15 ಮತ್ತು 44 ವರ್ಷ ವಯಸ್ಸಿನವರಲ್ಲಿ ಫ್ರಾನ್ಸ್‌ ಅತಿ ಹೆಚ್ಚು ವೈರಸ್‌ ಪ್ರಕರಣಗಳನ್ನು ಹೊಂದಿದೆ.

ಭಾರತದಲ್ಲಿ ಯುವಕರಿಗೆ ಕೋವಿಡ್‌ ಅಪಾಯ ಈಗಾಗಲೇ ಹೆಚ್ಚಾಗಿದೆ. ವರದಿಯ ಪ್ರಕಾರ ಭಾರತದಲ್ಲಿ ಕೋವಿಡ್‌ ನಿಂದ ಸಾಯುವವರಲ್ಲಿ 60 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರ ಪ್ರಮಾಣ ಶೇ. 50 ಎಂದು ವಿಶ್ವ ಸಂಸ್ಥೆ ಹೇಳಿದೆ. ಯುವಕರೂ ಸಹ ಸೋಂಕಿಗೆ ಒಳಗಾಗಬಹುದು.

ಆದ್ದರಿಂದ ಅಗತ್ಯ ಕ್ರಮಗಳು ಮತ್ತು ನಿಯಮಗಳನ್ನು ಪಾಲಿಸಬೇಕು. ತಮ್ಮ ಆರೋಗ್ಯದ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಬೇಕು ಎಂದಿದೆ.

ಫಿಲಿಪೈನ್ಸ್‌ಗೆ ರಷ್ಯಾದ ಲಸಿಕೆ

ಮಾಸ್ಕೋ: 2021ರೊಳಗೆ ಫಿಲಿಪೈನ್ಸ್‌ ಆಹಾರ ಮತ್ತು ಔಷಧಾಡಳಿತವು ರಷ್ಯಾದ ಲಸಿಕೆಗೆ ಒಪ್ಪಿಗೆ ನೀಡುವ ಸಾಧ್ಯತೆ ಇದೆ. ಈ ಲಸಿಕೆಯನ್ನು ಗಮಲೇಯಾ ರಿಸರ್ಚ್‌ ಇನ್ಸ್ಟಿಟ್ಯೂಟ್‌ ಅಭಿವೃದ್ಧಿಪಡಿಸಿದೆ.ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್‌ ಪುತ್ರಿಗೆ ಮೊದಲ ಲಸಿಕೆ ನೀಡಲಾಗಿತ್ತು.