ವಿಜ್ಞಾನಿ ಹಾಕಿಂಗ್ ಹೆಸರಲ್ಲಿ ಬಡವರಿಗೆ ಭೋಜನ
Team Udayavani, Apr 4, 2018, 10:45 AM IST
ಲಂಡನ್: ಬ್ರಿಟನ್ನ ಭೌತವಿಜ್ಞಾನಿ ಸ್ಟೀಫನ್ ಹಾಕಿಂಗ್ ಅವರು ಸಾವಿನಲ್ಲೂ ಕಾರುಣ್ಯ ಮೆರೆದಿದ್ದು, ಸಾವಿರಾರು ಮಂದಿ ನಿರ್ವಸಿತರು ಮತ್ತು ಬಡ ಜನರಿಗೆ ಈಸ್ಟರ್ ಹಬ್ಬದ ದಿನ ಅದ್ಧೂರಿ ಭೋಜನವನ್ನು ಒದಗಿಸಿದ್ದಾರೆ. ಹೌದು, ಮಾ.14ರಂದು ನಿಧನರಾದ ಹಾಕಿಂಗ್ ಅವರ ಅಂತ್ಯಸಂಸ್ಕಾರ ಈಸ್ಟರ್ ದಿನವೇ ನೆರವೇರಿತು. ಅಂದು ಕೇಂಬ್ರಿಜ್ ನಲ್ಲಿ ಹಾಕಿಂಗ್ ಕುಟುಂಬದ ಪರವಾಗಿ ಬಡವರಿಗೆ ಭರ್ಜರಿ ಭೋಜನವನ್ನು ನೀಡಲಾಯಿತು.
ಫುಡ್ ಸೈಕಲ್ ಎಂಬ ದತ್ತಿ ಸಂಸ್ಥೆಗೆ ಹಾಕಿಂಗ್ ಕುಟುಂಬವು ದೇಣಿಗೆಯನ್ನು ನೀಡಿ, ಅದನ್ನು ಹಸಿದವರಿಗೆ ಅನ್ನ ಹಾಕಲು ಬಳಸುವಂತೆ ಕೋರಿತ್ತು. ಅದರಂತೆ, ಅಂದು ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಪ್ರತಿಯೊಂದು ಟೇಬಲ್ ಮೇಲೆಯೂ ಹೂಗುಚ್ಛ ಹಾಗೂ ಒಂದು ಪತ್ರವನ್ನು ಇಡಲಾಗಿತ್ತು. ಆ ಪತ್ರದಲ್ಲಿ, ‘ಇಂದಿನ ಭೋಜನವು ಸ್ಟೀಫನ್ ನೀಡಿರುವ ಗಿಫ್ಟ್. ಹಾಕಿಂಗ್ ಕುಟುಂಬದ ಕೊಡುಗೆಯಿದು’ ಎಂದು ಬರೆಯಲಾಗಿತ್ತು.
ಒಂದೆಡೆ ಲಂಡನ್ನ ಸೈಂಟ್ ಮೇರೀಸ್ ಚರ್ಚ್ನಲ್ಲಿ ಹಾಕಿಂಗ್ ಅಂತ್ಯಸಂಸ್ಕಾರದ ಪ್ರಕ್ರಿಯೆ ನಡೆಯುತ್ತಿದ್ದಂತೆ, ಇಲ್ಲಿ ಬಡ, ನಿರ್ವಸಿತರು ಹೊಟ್ಟೆತುಂಬಾ ಉಂಡು ಸಂತಸಪಟ್ಟರು. ಸ್ಟೀಫನ್ ಕುಟುಂಬದ ಈ ಕಾರ್ಯಕ್ಕೆ ಹಲವರು ಮೆಚ್ಚುಗೆಯನ್ನೂ ವ್ಯಕ್ತಪಡಿಸಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Jamie Dimon: ಮೋದಿ ಆರ್ಥಿಕ ನೀತಿ ಅದ್ಭುತ, ಅಮೆರಿಕದಲ್ಲೂ ಜಾರಿ ಮಾಡಿ: ಜೇಮಿ
Sunita Williams: ಮೇ 6ರಂದು 3ನೇ ಬಾರಿಗೆ ಸುನಿತಾ ವಿಲಿಯಮ್ಸ್ ಗಗನ ಯಾತ್ರೆ
Thailandನಲ್ಲಿ ಗುಜರಿ ಮಾಫಿಯಾದ ಕಿಂಗ್ ಪಿನ್ ರವಿ ಕಾನಾ, ಪ್ರಿಯತಮೆ ಕಾಜಲ್ ಜಾ ಬಂಧನ
ತಂಗಿಯ ಸಮಾಧಿ ಸ್ಥಳಕ್ಕೆ ಭೇಟಿ ನೀಡುವುದನ್ನು ವ್ಲಾಗ್ ವಿಡಿಯೋ ಮಾಡಿದ ಯೂಟ್ಯೂಬರ್: ಆಕ್ರೋಶ
Kyrgyzstan; ಹೆಪ್ಪುಗಟ್ಟಿದ ಜಲಪಾತದಲ್ಲಿ ಸಿಲುಕಿ ಆಂಧ್ರದ ವಿದ್ಯಾರ್ಥಿ ಸಾವು