ಐಸಿಸ್ ಮುಖ್ಯಸ್ಥ ಅಬೂಬಕ್ಕರ್ ಅಲ್ ಬಗ್ಧಾದಿ ಸಾವು?
Team Udayavani, Jul 12, 2017, 4:40 AM IST
ಬೈರತ್: ಇಸ್ಲಾಮಿಕ್ ಸ್ಟೇಟ್(ಐಸಿಸ್) ಎಂಬ ಅತಿ ಕ್ರೂರ ಉಗ್ರ ಸಂಘಟನೆಯನ್ನು ಹುಟ್ಟುಹಾಕಿ, ಮಧ್ಯ ಪ್ರಾಚ್ಯ ರಾಷ್ಟ್ರಗಳನ್ನು ರಣಾಂಗಣವಾಗಿ ಮಾರ್ಪಡಿಸಿದ ಅಬೂಬಕ್ಕರ್ ಅಲ್ – ಬಗ್ಧಾದಿ ಮೃತಪಟ್ಟಿದ್ದಾನೆ ಎಂದು ಸಿರಿಯಾದಲ್ಲಿನ ಯುದ್ಧ ಕುರಿತ ಮಾನವ ಹಕ್ಕುಗಳ ವೀಕ್ಷಣಾಲಯ ಹೇಳಿದೆ. ಐಸಿಸ್ನ ಪ್ರಮುಖ ಉಗ್ರರು ಬಗ್ಧಾದಿ ಸಾವನ್ನು ಖಚಿತಪಡಿಸಿದ್ದಾರೆ ಎಂದು ಅದು ಹೇಳಿದೆ.
ಐಸಿಸ್ ಉಗ್ರರ ಹಿಡಿತದಲ್ಲಿದ್ದ ಮೊಸೂಲ್ ನಗರವು ಇರಾಕ್ ಸೇನೆಯ ವಶಕ್ಕೆ ಸಿಕ್ಕಿದ ಬೆನ್ನಲ್ಲೇ ಈ ಬೆಳವಣಿಗೆ ನಡೆದಿದೆ. ಈ ಹಿಂದೆಯೂ ಹಲವು ಬಾರಿ ಬಗ್ಧಾದಿ ಮೃತಪಟ್ಟಿದ್ದಾನೆ ಎಂಬ ಸುದ್ದಿ ಬಂದಿದ್ದವು. ಆದರೆ, ಯಾವುದೂ ಖಚಿತವಾಗಿರಲಿಲ್ಲ. ಈ ಬಾರಿ ಐಸಿಸ್ ಆಕ್ರಮಿತ ಪೂರ್ವ ಸಿರಿಯಾದ ಡೆಯರ್ ಎಝೊlರ್ ಪ್ರಾಂತ್ಯದಲ್ಲಿದ್ದ ಐಸಿಸ್ನ ಉನ್ನತ ಕಮಾಂಡರ್ಗಳು ಈ ಕುರಿತು ಮಾಹಿತಿ ನೀಡಿದ್ದಾರೆ ಎಂದು ವೀಕ್ಷಣಾಲಯದ ನಿರ್ದೇಶಕ ರಮಿ ಅಬ್ಧೆಲ್ ರೆಹಮಾನ್ ತಿಳಿಸಿದ್ದಾರೆ.
ಆದರೆ ಬಗ್ಧಾದಿ ಯಾವಾಗ ಮತ್ತು ಹೇಗೆ ಮೃತನಾದ ಎಂಬ ಮಾಹಿತಿ ಇನ್ನೂ ಸಿಕ್ಕಿಲ್ಲ ಎಂದು ಅವರು ಹೇಳಿದ್ದಾರೆ. ಆತ ಕೆಲವು ತಿಂಗಳ ಹಿಂದೆ ಡೆಯರ್ ಎಝೊlàರ್ನಲ್ಲಿದ್ದ. ಆದರೆ ಆತ ಮೃತಪಟ್ಟಿದ್ದು ಇದೇ ಪ್ರದೇಶದಲ್ಲೋ ಅಥವಾ ಬೇರೆಡೆಯೋ ಎಂಬುದು ಗೊತ್ತಾಗಿಲ್ಲ. ಮೇ ತಿಂಗಳಲ್ಲಿ ಸಿರಿಯಾದಲ್ಲಿ ನಡೆದ ವೈಮಾನಿಕ ದಾಳಿಯಲ್ಲಿ ಬಗ್ಧಾದಿ ಸಾವಿಗೀಡಾಗಿದ್ದಾನೆ ಎಂದು ರಷ್ಯಾ ಘೋಷಿಸಿತ್ತು. ಆದರೆ, ರಷ್ಯಾದ ಹೇಳಿಕೆಯನ್ನು ಅಮೆರಿಕ ದೃಢಪಡಿಸಿರಲಿಲ್ಲ. ಈಗ ಬಗ್ಧಾದಿ ಮೃತಪಟ್ಟಿರುವುದು ನಿಜವೇ ಆಗಿದ್ದಲ್ಲಿ, ಇದು ಇಸ್ಲಾಮಿಕ್ ಸ್ಟೇಟ್ಗೆ ಆಗಿರುವ ಅತಿದೊಡ್ಡ ಹಿನ್ನಡೆ ಎಂದು ರೆಹಮಾನ್ ಹೇಳಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Jamie Dimon: ಮೋದಿ ಆರ್ಥಿಕ ನೀತಿ ಅದ್ಭುತ, ಅಮೆರಿಕದಲ್ಲೂ ಜಾರಿ ಮಾಡಿ: ಜೇಮಿ
Sunita Williams: ಮೇ 6ರಂದು 3ನೇ ಬಾರಿಗೆ ಸುನಿತಾ ವಿಲಿಯಮ್ಸ್ ಗಗನ ಯಾತ್ರೆ
Thailandನಲ್ಲಿ ಗುಜರಿ ಮಾಫಿಯಾದ ಕಿಂಗ್ ಪಿನ್ ರವಿ ಕಾನಾ, ಪ್ರಿಯತಮೆ ಕಾಜಲ್ ಜಾ ಬಂಧನ
ತಂಗಿಯ ಸಮಾಧಿ ಸ್ಥಳಕ್ಕೆ ಭೇಟಿ ನೀಡುವುದನ್ನು ವ್ಲಾಗ್ ವಿಡಿಯೋ ಮಾಡಿದ ಯೂಟ್ಯೂಬರ್: ಆಕ್ರೋಶ
Kyrgyzstan; ಹೆಪ್ಪುಗಟ್ಟಿದ ಜಲಪಾತದಲ್ಲಿ ಸಿಲುಕಿ ಆಂಧ್ರದ ವಿದ್ಯಾರ್ಥಿ ಸಾವು
MUST WATCH
ಹೊಸ ಸೇರ್ಪಡೆ
Modi ಕಲ್ಪನೆಯ ವಿಕಸಿತ ಭಾರತಕ್ಕಾಗಿ ಕೋಟ ಅವರನ್ನು ಗೆಲ್ಲಿಸೋಣ: ಅಣ್ಣಾ ಮಲೈ
Award: ಅಮಿತಾಬ್ ಬಚ್ಚನ್, ಎಆರ್ ರೆಹಮಾನ್ ಗೆ ದೀನನಾಥ್ ಮಂಗೇಶ್ಕರ್ ಪ್ರಶಸ್ತಿ ಗೌರವ
LS Polls: ಹಿಂದೂ ಸಂಸ್ಕೃತಿ, ಪರಂಪರೆ ಉಳಿಸಲು ಬಿಜೆಪಿಯೇ ಶಕ್ತಿ: ಹರಿಕೃಷ್ಣ ಬಂಟ್ವಾಳ
33 ವರ್ಷಗಳಲ್ಲಿ ದ.ಕ. ಜಿಲ್ಲೆಗೆ ಬಿಜೆಪಿ ಸಂಸದರ ಕೊಡುಗೆ ಏನು? ಸಚಿವ ದಿನೇಶ್ ಗುಂಡೂರಾವ್
Patna: ಪಾಟ್ನಾದಲ್ಲಿ ನಿತೀಶ್ ಕುಮಾರ್ ಪಕ್ಷದ ನಾಯಕನ ಗುಂಡಿಕ್ಕಿ ಹತ್ಯೆ… ಆರೋಪಿಗಳು ಪರಾರಿ