ಈ ವಿಮಾನದ ರೆಕ್ಕೆ ಫ‌ುಟ್‌ಬಾಲ್‌ ಮೈದಾನದಷ್ಟು !

Team Udayavani, Apr 15, 2019, 6:30 AM IST

ನ್ಯೂಯಾರ್ಕ್‌: ರಾಕೆಟ್‌ಗಳನ್ನು ಕಕ್ಷೆಗೆ ತಲುಪಿಸಲು ಸುಲಭವಾಗಿಸುವ ಉದ್ದೇಶದಿಂದ ಅಮೆರಿಕದ ಸ್ಟ್ರಾಟೋಲಾಂಚ್‌ ಎಂಬ ಕಂಪೆನಿ ವಿಶ್ವದ ಅತ್ಯಂತ ದೊಡ್ಡ ವಿಮಾನವೊಂದನ್ನು ಪ್ರಾಯೋಗಿಕವಾಗಿ ಹಾರಾಟ ನಡೆಸಿದೆ. ರವಿವಾರ ಕೆಲವು ಗಂಟೆಗಳ ಕಾಲ ಈ ವಿಮಾನ ಹಾರಾಟ ನಡೆಸಿದೆ. ಇದರ ರೆಕ್ಕೆಗಳು ಒಂದು ಫ‌ುಟ್‌ಬಾಲ್‌ ಮೈದಾನದಷ್ಟು ದೊಡ್ಡದಾಗಿ ಅಂದರೆ 385 ಅಡಿ ಉದ್ದವಿವೆ.

ಇದು ಆರು ಎಂಜಿನ್‌ ಹೊಂದಿದ್ದು, 15 ಸಾವಿರ ಅಡಿ ಎತ್ತರದವರೆಗೆ ಪ್ರಯಾಣಿಸಿದೆ ಮತ್ತು ಗಂಟೆಗೆ 170 ಮೈಲು (274 ಕಿ.ಮೀ.) ವೇಗದಲ್ಲಿ ಸಂಚರಿಸಿದೆ. ಮೈಕ್ರೋಸಾಫ್ಟ್ ಸಹ ಸಂಸ್ಥಾಪಕ ಪಾಲ್‌ ಅಲೆನ್‌ 2011ರಲ್ಲಿ ಈ ಸಂಸ್ಥೆಯನ್ನು ಸ್ಥಾಪಿಸಿದ್ದರು. ಆದರೆ ಅವರ ಮರಣಾನಂತರ ಸಂಸ್ಥೆಯ ಭವಿಷ್ಯವೇ ಮಂಕಾಗಿತ್ತು. ಈ ನಡುವೆ ಅಮೆರಿಕ ಸರಕಾರ ವಿಶೇಷ ಮುತುವರ್ಜಿ ಹೊಂದಿದ್ದರಿಂದ ಇದರ ಪ್ರಯೋಗ ನಡೆಸಲಾಗಿದೆ. ಒಮ್ಮೆಗೆ ಮೂರು ರಾಕೆಟ್‌ಗಳನ್ನು ಉಡಾವಣೆ ಮಾಡುವ ಸಾಮರ್ಥ್ಯವನ್ನು ಇದು ಹೊಂದಿದೆ.

ರಾಕೆಟ್‌ ಉಡಾವಣೆ ಸಾಮರ್ಥ್ಯ
ಈ ವಿಮಾನ ಮೂರು ರಾಕೆಟ್‌ಗಳನ್ನು ಉಡಾವಣೆ ಮಾಡಬಹುದಾದ ಸಾಮರ್ಥ್ಯ ಹೊಂದಿದೆ. ಇದಕ್ಕಾಗಿ ವಿಶೇಷವಾಗಿ ರೆಕ್ಕೆಗಳಲ್ಲಿ ರಾಕೆಟ್‌ ಉಡಾಹಕಗಳನ್ನು ವಿನ್ಯಾಸ ಮಾಡಲಾಗಿದ್ದು, ಇಲ್ಲೇ ದಹನ ಆರಂಭಿಸಿ ಬಾಹ್ಯಾಕಾಶಕ್ಕೆ ರಾಕೆಟ್‌ ನೆಗೆಯಲಿದೆ. ಸಣ್ಣ ಸ್ಯಾಟಲೈಟ್‌ಗಳನ್ನು ಈ ರಾಕೆಟ್‌ ಮೂಲಕ ಉಡಾವಣೆ ಮಾಡಬಹುದಾಗಿದೆ.

ವೆಚ್ಚ ಕಡಿಮೆ
ಈ ವಿಮಾನ ಯಶಸ್ವಿಯಾದಲ್ಲಿ ಉಪಗ್ರಹ ಉಡಾವಣೆಯಲ್ಲಿ ಕಡಿಮೆ ಇಂಧನ ವ್ಯಯವಾಗಲಿದೆ. ಇದರಿಂದ ಸಹಜವಾಗಿಯೇ ಉಡಾವಣೆ ವೆಚ್ಚವೂ ಕಡಿಮೆಯಾಗಲಿದೆ.

ವಿಮಾನದ ವೈಶಿಷ್ಟ 
– 28 ಚಕ್ರಗಳು, 6 ಎಂಜಿನ್‌ಗಳು
– ಫ‌ುಟ್‌ಬಾಲ್‌ ಮೈದಾನಕ್ಕೂ ಹೆಚ್ಚು ಉದ್ದದ ರೆಕ್ಕೆ
– 2 ವಿಮಾನಗಳನ್ನು ಜೋಡಿಸಿದಂಥ ಮಾದರಿ
– ಒಮ್ಮೆಗೆ 3 ರಾಕೆಟ್‌ ಕಕ್ಷೆಗೆ ಸೇರಿಸುವ ಸಾಮರ್ಥ್ಯ


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ

  • ಹೊಸದಿಲ್ಲಿ : ಭಾರತದ ವರಿಷ್ಠ ನ್ಯಾಯಮೂರ್ತಿ (ಸಿಜೆಐ) ರಂಜನ್‌ ಗೊಗೊಯ್‌ ಅವರಿಂದು ಶನಿವಾರ ಸುಪ್ರೀಂ ಕೋರ್ಟಿನ ವಿಶೇಷ ಪೀಠದಲ್ಲಿದ್ದುಕೊಂಡು ತನ್ನ ವಿರುದ್ಧ...

  • ಇಂದು ನಿತ್ಯ ಹರಿದ್ವರ್ಣ ಕಾಡುಗಳಲ್ಲಷ್ಟೇ ಬೃಹತ್‌ ಗಾತ್ರದ ದೇವದಾರು, ತೇಗ, ಬೀಟೆ ಮೊದಲಾದ ಮರಗಳನ್ನು ಕಾಣಬಹುದು. ಆದರೆ ಸವಣೂರಿನ ಕಲ್ಮಠದಲ್ಲಿ ಸಾವಿರಾರು ವರ್ಷಗಳ...

  • Gadwall (Anas strepera) M -Duck + ಗದ್ವಾಲ್‌ ಬಾತನ್ನು ಚರ್ಲೆ ಅಥವಾ ಸರಳೆ ಬಾತು ಎಂದು ಕರೆಯಲಾಗುತ್ತದೆ. ಈ ಹಕ್ಕಿ, ನೀರಿನಲ್ಲಿ ಮುಳುಗಿ ಅಲ್ಲಿರುವ ಕ್ರಿಮಿ ಕೀಟಗಳನ್ನು ಬೇಟೆಯಾಡುತ್ತದೆ....

  • ವೃತ್ತಿಯಲ್ಲಿ ಶಿಕ್ಷಕರಾದ ಕಲ್ಯಾಣ್‌ ಕುಮಾರ್‌ ಅವರಿಗೆ ಪತ್ರಿಕೆ ಸಂಗ್ರಹಿಸುವ ಹವ್ಯಾಸ. ಇದು ಹುಟ್ಟಿದ್ದು ಪರ ಊರಿಗೆ ಪ್ರಯಾಣಿಸುವಾಗ . ಬೇಜಾರು ಕಳೆಯಲಿಕ್ಕೆ...

  • ಉದ್ದಾನ ವೀರಭದ್ರಸ್ವಾಮಿಗಳು ಈ ಆಂಜನೇಯನಿಗೆ ಲಿಂಗಧಾರಣೆ ಮಾಡಿದ್ದು, ಕೊರಳಿನಲ್ಲಿ ರುದ್ರಾಕ್ಷಿ ಮಾಲೆ ಇರುವುದು ಒಂದು ವಿಶೇಷ. ಸೊಂಟದಲ್ಲಿ ಕತ್ತಿ ಇರುವುದು...

  • ಅರಳಿಮರದ ಬುಡದಲ್ಲಿ ಕುಳಿತು ಸರ್ವಾಂತರ್ಯಾಮಿಯಾದ ಭಗವಂತನ ಸ್ವರೂಪವನ್ನು ಯೋಗಿಗಳಿಂದ ಕೇಳಿ ತಿಳಿದ ರೀತಿಯಲ್ಲೇ ಧ್ಯಾನ ಮಾಡತೊಡಗಿದ್ದರು. ಏಕಾಗ್ರಚಿತ್ತದಿಂದ...