ಸೌರವ್ಯವಸ್ಥೆಯಾಚೆಗಿನ ನಿಗೂಢ ಜಗತ್ತಿನತ್ತ ಪಯಣ?
ತಾರಾಂತರೀಯ ಪ್ರದೇಶದಲ್ಲಿ ಅಧ್ಯಯನ ನಡೆಸಲು ಚಿಂತನೆ; ಜಾನ್ಸ್ ಹಾಪ್ಕಿನ್ಸ್ ವಿಜ್ಞಾನಿಗಳ ಹೊಸ ಯೋಜನೆ
Team Udayavani, Jan 4, 2022, 9:15 PM IST
ನ್ಯೂಯಾರ್ಕ್: ಲಕ್ಷಕೋಟಿಗೂ ಹೆಚ್ಚು ನಕ್ಷತ್ರಗಳು, ಕೋಟ್ಯಂತರ ಗ್ರಹಗಳು, ಅಸಂಖ್ಯಾತ ಸಾಧ್ಯತೆಗಳು ತುಂಬಿರುವ ಬ್ರಹ್ಮಾಂಡದಲ್ಲಿ ಮಾನವ ವಾಸಯೋಗ್ಯವಾದ ಮತ್ತೊಂದು ಜಗತ್ತಿದೆಯೇ, ಇನ್ನೊಂದು ನಾಗರಿಕತೆಯಿದೆಯೇ ಎಂಬ ಬಗ್ಗೆ ಪ್ರಶ್ನೆಗಳು ಏಳುತ್ತಲೇ ಇರುತ್ತವೆ. ಈಗ ಇಂಥ ನಿಗೂಢ ಲೋಕದ ರಹಸ್ಯವನ್ನು ಭೇದಿಸಲು ಖಗೋಳವಿಜ್ಞಾನಿಗಳು ಹೊಸ ಯೋಜನೆಯೊಂದನ್ನು ಸಿದ್ಧಪಡಿಸಿದ್ದಾರೆ.
ಇದು ಸೌರ ವ್ಯವಸ್ಥೆಯ ಹೊರಗಿನ ಜಗತ್ತಿನತ್ತ ಸಂಚರಿಸಿ, ತಾರಾಂತರೀಯ ಪ್ರದೇಶಕ್ಕೆ ಪ್ರವೇಶಿಸುವ ಯೋಜನೆಯಾಗಿದೆ.
ಸೂರ್ಯನ ಪ್ರಭಾವಲಯವನ್ನು ದಾಟಿ ನಕ್ಷತ್ರಗಳತ್ತ ಪ್ರಯಾಣಿಸುವ ಈ ಯೋಜನೆ ಕುರಿತು ಜಾನ್ಸ್ ಹಾಪ್ಕಿನ್ಸ್ ವಿವಿಯ ಅನ್ವಯಿಕ ಭೌತಶಾಸ್ತ್ರ ಪ್ರಯೋಗಾಲಯದ ಖಗೋಳವಿಜ್ಞಾನಿಗಳು ವರದಿಯೊಂದನ್ನು ಪ್ರಕಟಿಸಿದ್ದಾರೆ. ಬಹಳಷ್ಟು ದೂರ ಮತ್ತು ಬಹಳಷ್ಟು ಕ್ಷಿಪ್ರವಾಗಿ ಸಂಚರಿಸಿ, ನಾವು ಮತ್ತು ನಮ್ಮ ನೆರೆಯ ನಕ್ಷತ್ರಗಳ ನಡುವಿನ ಅಂತರ, ಅಲ್ಲಿರುವ ನಿಗೂಢ ಪ್ರದೇಶಗಳ ಕುರಿತು ಅಧ್ಯಯನ ನಡೆಸುವುದೇ ಈ ಯೋಜನೆಯ ಉದ್ದೇಶ.
ಇದನ್ನೂ ಓದಿ:ಖಾಲಿ ಜಾಗದಲ್ಲಿ ಬಂಗಾರದಂಥ ಬೆಳೆ : ಕೃಷಿಯಲ್ಲಿ ಯಶಸ್ಸು ಕಂಡ ಮಲೆನಾಡಿನ ರೈತನ ಕಥೆ
ಯಾವ ಪ್ರದೇಶದ ಅಧ್ಯಯನ?
ಸೂರ್ಯನಿಂದ ಹೊರಕ್ಕೆ ತಳ್ಳಲ್ಪಟ್ಟ(ಸೌರ ಮಾರುತ) ವಿದ್ಯುದಾವೇಶಪೂರಿತ ಕಣಗಳಿಗೆ ಸೂರ್ಯ ಮತ್ತು ಪ್ಲುಟೊದ ಅಂತರವೆಷ್ಟಿದೆಯೋ ಅದರ ಮೂರು ಪಟ್ಟು ದೂರಕ್ಕೆ ತಲುಪುವ ಸಾಮರ್ಥ್ಯವಿರುತ್ತವೆ. ಇದರಾಚೆಗೆ, ಈ ಕಣಗಳು ತಮ್ಮ ಶಕ್ತಿಯನ್ನು ಕಳೆದುಕೊಳ್ಳುತ್ತವೆ. ಅಲ್ಲಿಂದ ಆರಂಭವಾಗುವುದೇ ಅಂತರತಾರಾ ಮಾಧ್ಯಮ. ಈ ಸೂರ್ಯಗೋಳವು ನಮ್ಮ ಸೌರ ವ್ಯವಸ್ಥೆಯ ಸುತ್ತಲಿನ ಹೊದಿಕೆಯಂತಿರುತ್ತದೆ. ಈಗ ಖಗೋಳವಿಜ್ಞಾನಿಗಳು ಅಧ್ಯಯನ ನಡೆಸಲು ಉದ್ದೇಶಿಸಿರುವುದು ಇದೇ ಪ್ರದೇಶವನ್ನು.
2036-2042ರ ಅವಧಿಯಲ್ಲಿ ಈ ಯೋಜನೆ ಜಾರಿಗೆ ಚಿಂತನೆ ನಡೆಸಲಾಗಿದೆ. ಪ್ರಸ್ತಾವಿತ ಬಾಹ್ಯಾಕಾಶ ನೌಕೆಯ ಜೀವಿತಾವಧಿ 50 ವರ್ಷಗಳಾಗಿರಲಿವೆ ಎಂದು ಹೇಳಲಾಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Baltimore bridge: ಬಾಲ್ಟಿಮೋರ್ ಸೇತುವೆ ಕುಸಿತ: ಇಬ್ಬರ ಮೃತದೇಹ ಹೊರತೆಗೆದ ರಕ್ಷಣಾ ತಂಡ
America: ಕಾನೂನು ಸಮರದಲ್ಲಿ ಹೈರಾಣ-ಹಣ ಸಂಗ್ರಹಕ್ಕಾಗಿ ಟ್ರಂಪ್ ಬೈಬಲ್ ಮಾರಾಟ!
Baltimore bridge collapse; ಆರು ಕಾರ್ಮಿಕರು ನಾಪತ್ತೆ: ಪತ್ತೆ ಕಾರ್ಯ ಸ್ಥಗಿತ
Anjali Chakra – Sufi Malik; ಮದುವೆಗೂ ಮುನ್ನ ಭಾರತ-ಪಾಕ್ ಸಲಿಂಗಿ ಜೋಡಿ ಬ್ರೇಕಪ್!
H5N1: ವಿಯೆಟ್ನಾಂನಲ್ಲಿ ಹಕ್ಕಿಜ್ವರಕ್ಕೆ ಮೊದಲ ಬಲಿ!
MUST WATCH
ಹೊಸ ಸೇರ್ಪಡೆ
Australia; ಕೇಂದ್ರೀಯ ಗುತ್ತಿಗೆ ಪಟ್ಟಿ: ವಾರ್ನರ್, ಸ್ಟೋಯಿನಿಸ್, ಅಗರ್ ಹೊರಕ್ಕೆ
ACA ವಿರುದ್ಧ ಹೇಳಿಕೆ: ಕ್ರಿಕೆಟಿಗ ಹನುಮ ವಿಹಾರಿಗೆ ನೋಟಿಸ್
Rajasthan Royals; ಪ್ರಸಿದ್ಧ್ ಕೃಷ್ಣ ಬದಲಿಗೆ ಕೇಶವ ಮಹಾರಾಜ್
Uttara Kannada ಸಮುದ್ರದಲ್ಲಿ ಮತ್ತೆ ಜೆಲ್ಲಿಫಿಶ್ಗಳು: ಪ್ರವಾಸಿಗರಿಗೆ ಭಯ
IPL ;ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ಗೆ 12 ರನ್ಗಳ ಜಯ