30 ಸಾವಿರ ಗಿಡಗಳನ್ನು ನೆಟ್ಟು ಬೆಳೆಸಿದ ಮಹಾನ್ ಪರಿಸರ ಪ್ರೇಮಿ ಈ ‘ಅಂತರ್ಯಾಮಿ’
ಸುಹಾನ್ ಶೇಕ್
ಬಾಲ್ಯದಲ್ಲಿ ಅಂದರೆ ತನ್ನ 11 ನೇ ವಯಸ್ಸಿನಲ್ಲಿ ಅದೊಂದು ದಿನ ಅಂತರ್ಯಾಮಿ ಆಲದ ಗಿಡವೊಂದನ್ನು ತನ್ನ ಮನೆಯಂಗಳದಲ್ಲಿ ನೆಡುತ್ತಾರೆ. ಆ ಗಿಡಕ್ಕೆ ನೀರು ಹಾಕಿ, ಅದರ ಬಾಲ್ಯ, ಯೌವನ, ಮುದಿತನವನ್ನು ಕಾಯುತ್ತಾ, ಅದನ್ನು ಸಾಕಿ ಮರವಾಗಿ ಕಾಪಾಡುವಲ್ಲಿ ಅಂತರ್ಯಾಮಿ ಯಶಸ್ವಿಯಾಗುತ್ತಾರೆ. ಪ್ರತಿ ವರ್ಷ ಗಿಡ ನೆಟ್ಟು ಪೋಷಿಸುವ ಅಂತರ್ಯಾಮಿ ಅವರ ಹವ್ಯಾಸಕ್ಕೆ ಶಿಕ್ಷಕ ವೃತ್ತಿ ಜತೆಯಾಗುತ್ತದೆ. ಶಿಕ್ಷಕ ವೃತ್ತಿಯಲ್ಲಿ ಮಕ್ಕಳಲ್ಲಿ ಪರಿಸರದ ಉಳಿವಿನ ಬಗ್ಗೆ ಜಾಗೃತಿ ಪಾಠವನ್ನು ಮಾಡುವುದು ಮಾತ್ರವಲ್ಲದೆ. ಶಾಲೆಯ ಹಿತ್ತಲಿನಲ್ಲಿ ನೂರಾರು ಗಿಡಗಳನ್ನು ನೆಡಲು ಶುರು ಮಾಡುತ್ತಾರೆ...