ಸೈಬರ್ ಅಟ್ಯಾಕ್: 21 ದಿನಗಳ ಕಾಲ ನಾಸಾದ ಚಟುವಟಿಕೆ ಸ್ಥಗಿತಗೊಳಿಸಿದ್ದ 15 ವರ್ಷದ ಬಾಲಕ!
ಇದೇ ನಾಸಾ ಸಂಸ್ಥೆಯ ಕಂಪ್ಯೂಟರ್ ಗಳನ್ನು 1999ರಲ್ಲಿ ಕೇವಲ 15 ವರ್ಷದ ಬಾಲಕ ಹ್ಯಾಕ್ ಮಾಡಿದ್ದ.
ಮಿಥುನ್ ಪಿಜಿ
ಇಂದು ಹ್ಯಾಕಿಂಗ್ ಎಂಬುದು ಸರ್ವೇಸಾಮಾನ್ಯವಾದರೂ 90ರ ದಶಕದಲ್ಲಿಯೇ ಜಗತ್ತಿನಲ್ಲಿ ಹ್ಯಾಕರ್ ಗಳು ಸಕ್ರಿಯರಾಗಿದ್ದರು ಎಂಬುದು ಕಟು ಸತ್ಯ. ಕೇವಲ 15 ವರ್ಷದ ಬಾಲಕ 21 ದಿನಗಳ ಕಾಲ ನಾಸಾದ ಕಾರ್ಯಚಟುವಟಿಕೆಗಳು ಸ್ಥಗಿತಗೊಳ್ಳಲು ಕಾರಣನಾಗಿದ್ದ ಎಂಬುದು ತಿಳಿದಿದೆಯೇ ? ಹೌದು, ಮುಂದೆ ಓದಿ ಅಮೆರಿಕಾದ ಪ್ರಖ್ಯಾತ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ NASA (National Aeronautics and Space Administration) ಬಗ್ಗೆ ಪ್ರತಿಯೊಬ್ಬರು ತಿಳಿದುಕೊಂಡಿರುತ್ತಾರೆ. 1958ರಲ್ಲಿ ಸ್ಥಾಪನೆಗೊಂಡ ಇದು ಅಮೆರಿಕಾ ದೇಶದ ಅಂತರಿಕ್ಷಕ್ಕೆ ಸಂಬಂಧಿಸಿದ ಕೆಲಸಗಳನ್ನು ನಿರ್ವಹಿಸುವ ಹೊಣೆ ಹೊತ್ತಿದೆ.