ಬಡತನದ ದಿರಿಸು ಧರಿಸಿದ ಸಿರಿವಂತ
ಈ ಉಡುಗೆಯನ್ನು ಆರಿಸಿಕೊಂಡದ್ದೂ 50 ವಯಸ್ಸಿನ ಬಳಿಕ.
Team Udayavani
1888ರಲ್ಲಿ 18ನೆಯ ವಯಸ್ಸಿನಲ್ಲಿ ಬ್ಯಾರಿಸ್ಟರ್ ಪದವಿ ಅಧ್ಯಯನಕ್ಕಾಗಿ ಇಂಗ್ಲೆಂಡ್ಗೆ ಹೋದ ಸಂದರ್ಭ ಅವರು ಅಲ್ಲಿನ ಶೋಕಿ ನಾಗರಿಕನಾಗಲು, ಇಂಗ್ಲಿಷ್ ಜಂಟಲ್ಮ್ಯಾನ್ ಆಗಲು ಪಟ್ಟ ಶ್ರಮ ಅಷ್ಟಿಷ್ಟಲ್ಲ. ವಿದೇಶಕ್ಕೆ ಹೋಗುವ ಮೊದಲು ತಾಯಿಗೆ ಮಾತುಕೊಟ್ಟಂತೆ ಮಾಂಸ, ಮದ್ಯ, ಮಹಿಳೆಯರಿಂದ ದೂರವಿರುವುದು ಮತ್ತು ಆಂಗ್ಲ ಸಭ್ಯತೆ ಒಂದಕ್ಕೊಂದು ವಿರುದ್ಧವಾಗಿತ್ತು. ಮುಂಬಯಿಯಲ್ಲಿ ಹೊಲಿಸಿದ್ದ ಉಡುಪು ಆಂಗ್ಲ ಸಮಾಜಕ್ಕೆ ತಕ್ಕದ್ದಲ್ಲವೆಂದು ಬೇರೆ ಉಡುಪುಗಳನ್ನು ಹೊಲಿಸಿದರು. ದುಬಾರಿಯಾದ ಚಿಮ್ನಿ ಪಾಟ್ ಹ್ಯಾಟ್ (ಟೋಪಿ), ಈವ್ನಿಂಗ್ ಸೂಟು ಖರೀದಿಸಿದ್ದರು. ಉದಾರಿ ಯಾದ ಅಣ್ಣನಿಗೆ ಪತ್ರ ಬರೆದು ಜೇಬುಗಳಿಗೆ ಇಳಿಬಿಡುವ ಗಡಿಯಾರದ ಬಂಗಾರದ ಎರಡೆಳೆ ಸರಪಣಿಯನ್ನು ಕೊಂಡುಕೊಂಡರು...