ಇಂದು ವಿಶ್ವ ಪ್ರವಾಸೋದ್ಯಮ ದಿನ: ಪ್ರವಾಸಿ ತಾಣಗಳ ಆಗರ ಕರಾವಳಿ
ನಗರದ ಹೊರವಲಯದ ಬೈಪಾಸ್ ರಸ್ತೆಯಲ್ಲಿ 1.2 ಕಿ.ಮೀ. ದೂರ ಸಂಚರಿಸಿದರೆ ಈ ಬೆಟ್ಟ ತಲುಪಬಹುದು.
Team Udayavani
ಪಶ್ಚಿಮ ಘಟ್ಟದ ಕುದುರೆಮುಖ ಬೆಟ್ಟದ ಸಾಲಿನಲ್ಲಿ ಅತೀ ಎತ್ತರದಲ್ಲಿರುವ ಬೆಟ್ಟ ವಾಲಿಕುಂಜ (ಅಜ್ಜಿಕುಂಜ).
ಸಾವಿರಾರು ಅಡಿಗಳಷ್ಟು ಎತ್ತರದಲ್ಲಿರುವ ಈ ಕೊರತಿಕಲ್ಲು ಗುಡ್ಡದ ತುತ್ತತುದಿಯಲ್ಲಿ ಎರಡು ಬೃಹತ್ ಬಂಡೆಗಳಿದ್ದು, ಅದರಡಿ ಕುಳಿತು ಸಾವಿರಾರು ಅಡಿಯಲ್ಲಿರುವ ಪ್ರಪಾತಕ್ಕೆ ಕಣ್ಣು ಹಾಯಿಸಿದರೆ ಸುತ್ತಲೂ ಸಹಜ ಸೌಂದರ್ಯದ ಪ್ರಾಕೃತಿಕ ಸೊಬಗೇ ಅನಾವರಣಗೊಳ್ಳುತ್ತದೆ. ಈ ಗುಡ್ಡದೆಡೆಗೆ ಸಾಗುವಾಗ ನೀರವ ಕಾಡಿನ ನಡುವೆ ಆಗೊಮ್ಮೆ ಈಗೊಮ್ಮೆ ದರ್ಶನ ನೀಡಿ ಮಾಯವಾಗುವ ಪ್ರಾಣಿ ಪಕ್ಷಿಗಳು ನಿಬ್ಬೆರಗಾಗಿಸುತ್ತವೆ. ಹಿಂದಿನ ಕಾಲದಲ್ಲಿ ಬಿದಿರು ತರಲು ಕೃಷಿಕರು ಈ ಕೊರತಿಕಲ್ಲು ಗುಡ್ಡಕ್ಕೆ ತೆರಳುತ್ತಿದ್ದರು. ಅಲ್ಲಿಂದ ಬಿದಿರು ತಂದು ಬುಟ್ಟಿ, ಕುರ್ಚಿ, ಟೇಬಲ್ ಸಹಿತ ಹಲವು ಉತ್ಪನ್ನಗಳನ್ನು ತಯಾರಿಸುತ್ತಿದ್ದರು. ಕಾಲಕ್ರಮೇಣ ಆ ವಸ್ತುಗಳಿಗೆ ಬೇಡಿಕೆ ಕಡಿಮೆಯಾದ ಹಿನ್ನೆಲೆಯಲ್ಲಿ ಆ ಗುಡ್ಡಕ್ಕೆ ತೆರಳುವವರು ಕಡಿಮೆಯಾಗಿ, ದಾರಿಯಲ್ಲಿ ಗಿಡಗಂಟಿ ಬೆಳೆದು, ಗುಡ್ಡಕ್ಕೆ ತೆರಳಲು ಸಾಧ್ಯವಾಗದ ಪರಿಸ್ಥಿತಿಯಿದೆ...