ನಿಮ್ಮ ಗ್ರಹಬಲ: ಇಂದು ಈ ರಾಶಿಯವರ ಎಣಿಕೆಯ ಕೆಲಸ ಕಾರ್ಯಗಳು ನಡೆಯಲಿವೆ

Team Udayavani, Jan 7, 2021, 7:40 AM IST

07-01-2021

ಮೇಷ: ಜನಹಿತ ಕಾರ್ಯಕ್ರಮದಲ್ಲಿ ಭಾಗಿಯಾಗುವ ಅವಕಾಶವು ಕಂಡುಬರಲಿದೆ. ಗೃಹ ಖರೀದಿಯ ಸಾಧ್ಯತೆ ಕಂಡು ಬಂದೀತು. ನಿಮ್ಮ ಎಣಿಕೆಗಿಂತ ಮಿಗಿಲಾಗಿ ಖರ್ಚು ತಂದೀತು. ಬೇಸಾಯ, ಕೃಷಿ ಕಾರ್ಯಕ್ಕೆ ಕುತ್ತು ಬಂದೀತು.

ವೃಷಭ: ಶ್ರಮಜೀವಿಗಳಿಗೆ ಕೊಂಚ ಲಾಭಕರವಾದ ದಿನವಾದೀತು. ಕಟ್ಟಡ ಕಾರ್ಯದವರಿಗೆ ಹೆಚ್ಚಿನ ಲಾಭವು ದೊರಕುವುದು. ಮೀನುಗಾರರಿಗೆ ಸ್ವಲ್ಪ ಕಷ್ಟದ ಸಮಯವಾದೀತು. ಧೈರ್ಯ ಕಳೆದುಕೊಳ್ಳದೆ ಮುಂದಡಿ ಇಡಿ.

ಮಿಥುನ: ಲಾಭಾಂಶವು ನಿಮಗೆ ಹೆಚ್ಚಿದ್ದು ನಿಮ್ಮೆಣಿಕೆಯ ಕೆಲಸ ಕಾರ್ಯಗಳು ನಡೆಯಲಿವೆ. ಜನರ ಭಾವನೆಗಳಿಗೆ ಸ್ಪಂದಿಸಿರಿ. ಧನ ವಿನಿಯೋಗವು ಸತ್ಕಾರ್ಯಕ್ಕಾಗಿ ಆದೀತು. ಆರೋಗ್ಯವು ಸುಧಾರಿಸಿ ಪುಷ್ಟಿಯಾಗಿರುವಿರಿ.

ಕರ್ಕ: ಮನೆಯಲ್ಲಿ ಗೃಹ ರಿಪೇರಿ ಯಾ ನವೀಕರಣದ ಕಾರ್ಯವು ನಡೆಯಲಿದೆ. ಲಾಭಾಂಶಕ್ಕಿಂತ ಹೆಚ್ಚು ಖರ್ಚು ನಿಮ್ಮಿಂದ ಆಗಲಿದೆ. ಹಿರಿಯ ಬಂಧುಗಳಿಂದ ಸ್ವಲ್ಪ ಕಿರುಕುಳವಿದ್ದೀತು. ರೈತಬಂಧುಗಳಿಗೆ ಅಸಮಾಧಾನವಿದೆ.

ಸಿಂಹ: ನಿಮಗೆ ಜೀವನದಲ್ಲಿ ತುಂಬಾ ನಿರಾಸೆ ಮೂಡಿ ಬಂದೀತು. ಎಲ್ಲಾ ಕಡೆಯಲ್ಲೂ ಸಮಾಧಾನವಿರದು. ನೀವು ಊಹಿಸಿದ ಕೆಲಸವೂ ಕೈಕೊಡಲಿದೆ. ಆದರೆ ಚಿಂತಿಸದಿರಿ. ಚಕ್ರ ತಿರುಗಲೇಬೇಕು. ಮುನ್ನಡೆಯಿರಿ.

ಕನ್ಯಾ: ಮಂಗಲಕಾರ್ಯ ನಿಮಿತ್ತ ಪ್ರಯಾಣವು ಕೂಡಿ ಬಂದು ಆಯಾಸವಾದೀತು. ಖರ್ಚುವೆಚ್ಚದಲ್ಲಿ ನಿಗಾ ಇರಲಿ. ಧನಾಗಮನ ಹೆಚ್ಚಿದೆ ಎಂದು ಅಪವ್ಯಯ ಮಾಡದಿರಿ. ಬಂಧುಗಳೊಂದಿಗೆ ಸಮಾಗಮ.

ತುಲಾ: ವಿದ್ಯಾಭ್ಯಾಸದಲ್ಲಿ ಹಾಗೂ ಕಾರ್ಯರಂಗದಲ್ಲಿರುವವರಿಗೆ ಪ್ರಗತಿ ತೋರಿ ಬರುವುದು. ವಿದೇಶಯಾನ ಕೂಡಿ ಬರಲಿದೆ. ಬಂಧುಗಳಿಂದ ಹಾಗೂ ಮೇಲಾಧಿಕಾರಿಗಳಿಂದ ಪ್ರಶಂಸೆ, ಗೌರವ, ಮರ್ಯಾದೆ ದೊರಕಲಿದೆ.

ವೃಶ್ಚಿಕ: ಸಣ್ಣ ಪ್ರಮಾಣದಲ್ಲಿ ಶುರು ಮಾಡಿದ ವ್ಯವಹಾರವು ಒಳ್ಳೆಯ ಪ್ರಗತಿ ಪಥದತ್ತ ಸಾಗುವುದು. ಗೃಹದಲ್ಲಿ ಸಂಭ್ರಮಾಚರಣೆ ಕಂಡುಬಂದೀತು. ದೇಹಾಯಾಸವು ಇದ್ದರೂ ಚೇತರಿಕೆಯು ಬೇಗನೆ ಆಗುವುದು.

ಧನು: ಪ್ರಯಾಣದ ಆಯಾಸವು ತಲೆದೋರಿ ಕೆಲಸ ಕಾರ್ಯಗಳು ವಿಳಂಬಗತಿ ಕಂಡಾವು. ಉದ್ಯೋಗಿಗಳಿಗೆ ಅಷ್ಟೇನೂ ಏರುಪೇರು ಕಂಡುಬಾರದು. ವಿಧೇಯತೆ, ವಿನಯ ಹಾಗೂ ಪ್ರಾಮಾಣಿಕತೆ ನಿಮ್ಮನ್ನು ರಕ್ಷಿಸಲಿದೆ.

ಮಕರ: ಕಾರ್ಯಕ್ಷೇತ್ರದಲ್ಲಿ ಭಡ್ತಿಗೆ ಅವಕಾಶ ವಿರುತ್ತದೆ. ಮೇಲಾಧಿಕಾರಿಗಳಿಂದ ಪ್ರಶಂಸೆಯು ದೊರಕೀತು. ಮಾತಾಪಿತೃಗಳಿಂದ ಒಳ್ಳೆಯ ಆದರ ದೊರಕಲಿದೆ. ಖರ್ಚುವೆಚ್ಚವು ಕಡಿಮೆಯಾಗಿ ಸಂತಸ.

ಕುಂಭ: ಅವಿರತ ದುಡಿಮೆಯಿಂದ ಆಯಾಸ ಕಂಡು ಬಂದೀತು. ಕುಟುಂಬ ಸದಸ್ಯರಲ್ಲಿ ಶುಭಮಂಗಲ ಕಾರ್ಯವು ಇರುವುದರಿಂದ ಪ್ರಯಾಣವಿದ್ದೀತು. ಪತ್ನಿ , ಮಕ್ಕಳೊಂದಿಗೆ ಸಂತಸದಿಂದ ಇರುವಿರಿ.

ಮೀನ: ಮನೆಯಲ್ಲಿ ಮಾತಾಪಿತರಿಗೆ ಮಕ್ಕಳ ಶುಭಮಂಗಲ ಕಾರ್ಯದ ಬಗ್ಗೆ ಚಿಂತೆ ತಲೆದೋರಲಿದೆ. ಮಕ್ಕಳ ಪ್ರಗತಿಯಿಂದ ಸಂತಸವಾದೀತು. ಆದರೂ ದಾರಿತಪ್ಪಿ ನಡೆಯದಿರಿ. ಅವಮಾನವಾದೀತು.

ಎನ್‌.ಎಸ್‌. ಭಟ್