ಇಂದಿನ ಗ್ರಹಬಲ: ಬಂಡವಾಳದ ವೈವಾಹಿಟಿನಲ್ಲಿ ಪಾಲುಗಾರನಿಂದ ಮೋಸಕ್ಕೆಡೆಯಿದೆ!

Team Udayavani, Apr 2, 2021, 7:40 AM IST

02-04-2021

ಮೇಷ: ಧನ ಸಂಗ್ರಹದ ಕೊರತೆ ಆಗಾಗ ಕಾಣಿಸಿಕೊಂಡು ಕಾರ್ಯಾನುಕೂಲಕ್ಕೆ ವಿಳಂಬವಾದೀತು. ವೃತ್ತಿರಂಗದಲ್ಲಿ ಎಚ್ಚರಿಕೆಯಿಂದ ಹೆಜ್ಜೆ ಇಟ್ಟಲ್ಲಿ ಯಶಸ್ಸು ನಿಮ್ಮದಾಗಲಿದೆ. ಪತ್ನಿಯ ತವರು ಮನೆಯ ವಾಸ ಏಕಾಕಿತನದ ಅನುಭವವಾದೀತು.

ವೃಷಭ: ವಿದ್ಯೆಯಲ್ಲಿ ಮಕ್ಕಳಿಗೆ ಯಶಸ್ಸು ದೊರೆತು ಸಂತಸವಾಗಲಿದೆ. ಶೇರು ಕಮಿಶನ್‌ ವ್ಯವಹಾರ ಗಳಲ್ಲಿ ಹೂಡಿಕೆಗಳು ಉತ್ತಮ ಫ‌ಲ ನೀಡದು. ವ್ಯಾಪಾರ, ವ್ಯವಹಾರಗಳಲ್ಲಿ ಸ್ಪರ್ಧಾತ್ಮಕ ಮನೋಭಾವ ಆಗಾಗ ಅಸಮಾಧಾನಕ್ಕೆ ಕಾರಣವಾಗಲಿದೆ.

ಮಿಥುನ: ಆದಾಯವನ್ನು ಮೀರಿ ಖರ್ಚು ಕಂಡು ಬರಲಿದೆ. ಹೆಚ್ಚಿನ ಜಾಗ್ರತೆ ವಹಿಸುವುದು. ಗೃಹಿಣಿಗೆ ಸಂಭ್ರಮದ ಸಮಯವಿದು. ವಿಲಾಸೀ ವಸ್ತುಗಳ ಖರೀದಿ, ಬೆಳ್ಳಿ ಬಂಗಾರ, ಒಡವೆ ವಸ್ತುಗಳ ಖರೀದಿ ತಂದೀತು. ಆರೋಗ್ಯವು ಉತ್ತಮ.

ಕರ್ಕ: ಅವಿವಾಹಿತರಿಗೆ ನೂತನ ಸಂಬಂಧದ ಮಾತುಕತೆ ನಾಂದಿಯಾದೀತು. ಹಿರಿಯರ ಆಶೀರ್ವಾದ ಇದೆ. ಆರೋಗ್ಯದ ಕೊರತೆ ಆಗಾಗ ಕಾಣಿಸಿಕೊಂಡರೂ ದೈವಾನುಗ್ರಹದಿಂದ ವಿಶೇಷ ಭೀತಿಗೆ ಕಾರಣವಾಗದು.

ಸಿಂಹ: ಪುರೋಹಿತ, ಅರ್ಚಕ, ದೇವತಾ, ವೈದಿಕ ವೃತ್ತಿ ಯವರಿಗೆ ವಿಶೇಷ ಆದಾಯ ತಂದುಕೊಡಲಿದೆ. ಹಲವು ಅಡೆತಡೆ ಆತಂಕಗಳು ಎದುರಾಗಲಿದೆ. ಬಿಡುವಿಲ್ಲದ ಕಾರ್ಯ ಒತ್ತಡದಿಂದ ಆರೋಗ್ಯವು ಹಾನಿಯಾದೀತು. ಸಾಂಸಾರಿಕವಾಗಿ ಸುಖೀಗಳು.

ಕನ್ಯಾ: ಸಾಂಸಾರಿಕ ಸಮಸ್ಯೆಗಳು ಆಗಾಗ ಕಂಡು ಬಂದು ತಲೆಕೆಡಿಸಲಿದೆ. ನೂತನ ವೃತ್ತಿ, ಉದ್ಯೋಗ ಲಾಭವಾಗಲಿದೆ. ಬಂಡವಾಳದ ವೈವಾಹಿಟಿನಲ್ಲಿ ಪಾಲುಗಾರನಿಂದ ಮೋಸಕ್ಕೆಡೆಯಿದೆ . ಜಾಗ್ರತೆ ಮಾಡಿರಿ. ದೈಹಿಕವಾಗಿ ಆರೋಗ್ಯದ ಕೊರತೆ ಕಾಣಿಸಲಿದೆ.

ತುಲಾ:ವ್ಯಾಪಾರ, ವ್ಯವಹಾರದಲ್ಲಿ ಸಾಲ ವಾಪಾಸಾತಿಯಿಂದ ಸಮಾಧಾನ ತಂದೀತು. ಸರಕಾರೀ ಕೆಲಸ ಕಾರ್ಯ ಗಳು ಸುಗಮವಾಗಿ ನಡೆಯಲಿದೆ. ಧನದ ಚಿಂತೆಗೆ ಅವಕಾಶವಿಲ್ಲ. ಅವಿವಾಹಿತರ ಮನೋಕಾಮನೆಗಳು ಪೂರ್ಣಗೊಂಡಾವು.

ವೃಶ್ಚಿಕ: ವಿದ್ಯಾರ್ಥಿಗಳಿಗೆ ವಿದ್ಯಾಭ್ಯಾಸದಲ್ಲಿ ಮುನ್ನಡೆಯು ಸಮಾಧಾನ ತಂದೀತು. ಆರ್ಥಿಕವಾಗಿ ನಾನಾ ರೀತಿಯ ವಿನಿಯೋಗಕ್ಕಾಗಿ ಹಣ ಖರ್ಚಾಗಲಿದೆಯಾದರೂ ಧನಾಗಮನವು ಒಂದಲ್ಲ ಒಂದು ರೀತಿಯಲ್ಲಿ ಅನುಕೂಲವಾಗಲಿದೆ.

ಧನು: ಗೃಹದಲ್ಲಿ ವಿಲಾಸೀ ವಸ್ತುಗಳ ಆಗಮನವಿದೆ. ಹಿರಿಯರ ವಿರೋಧದಿಂದ ಬಾಡಿದ್ದ ಪ್ರೇಮಾಂಕುರ ಪುನಃ ಹ ಚಿಗುರಲಿದೆ. ವೈದ್ಯಕೀಯ ವೃತ್ತಿಯವರಿಗೆ ಹೆಚ್ಚಿನ ಸಂಪತ್ತು ಹರಿದು ಬರಲಿದೆ. ದೇವತಾಕಾರ್ಯ ಶುಭಕಾರ್ಯಗಳಿಗಿದು ಸಕಾಲ.

ಮಕರ: ಕಾರ್ಯರಂಗದಲ್ಲಿ ಪ್ರತಿಷ್ಠಿತರ ಸಹಯೋಗದಿಂದ ಪ್ರಗತಿಯಿದೆ. ನೌಕರ ವರ್ಗಕ್ಕೆ ಸಮಾಧಾನದಿಂದ ಮುಂದುವರಿಯುವಂತಾದೀತು. ಆದರೂ ಪ್ರಭಾವೀ ವ್ಯಕ್ತಿಗಳ ಹಸ್ತಕ್ಷೇಪದ ಬಗ್ಗೆ ಜಾಗ್ರತೆ ವಹಿಸಿರಿ. ಹಣಕಾಸಿನ ವಿಚಾರದಲ್ಲಿ ಜಾಗ್ರತೆ.

ಕುಂಭ: ಆರ್ಥಿಕ ಪರಿಸ್ಥಿತಿಯು ಸುಧಾರಿಸಲಿದೆ. ರಾಜಕೀಯ ವಲಯದ ಕಾರ್ಯಕರ್ತರಿಗೆ ಮುನ್ನಡೆಯುವ ಅವಕಾಶಗಳು ಒದಗಿ ಬರುತ್ತವೆ. ಸಾಂಸಾರಿಕವಾಗಿ ಆಗಾಗ ಸದಸ್ಯರ ಆರೋಗ್ಯದ ಚಿಂತೆ ತಪ್ಪಿದಲ್ಲ .

ಮೀನ: ವಿದ್ಯಾರ್ಥಿಗಳಿಗೆ ವಿದ್ಯಾಭ್ಯಾಸದಲ್ಲಿ ಹಿನ್ನಡೆ ತೋರಿಬಂದು ಸ್ವಾಭಿಮಾನದ ಪ್ರಶ್ನೆಯಾಗಲಿದೆ. ಅಲೆದಾಟಗಳು ಅಧಿಕವಾಗಿ ದೇಹಾಯಾಸಕ್ಕೆ ಕಾರಣವಾಗದಂತೆ ಜಾಗ್ರತೆ ವಹಿಸಿರಿ. ಆಪ್ತರ ಸಲಹೆಗಳಿಗೆ ಗಮನ ನೀಡಿರಿ.

ಎನ್‌.ಎಸ್‌. ಭಟ್‌