ನಿಮ್ಮ ಇಂದಿನ ಗ್ರಹಬಲ: ಹಿರಿಯರ ಉಪದೇಶಗಳಿಗೆ ಅಸಡ್ಡೆ ತೋರಿಸದೆ ಸ್ಪಂದಿಸಿರಿ

Team Udayavani, Apr 21, 2021, 8:28 AM IST

21-04-2021

ಮೇಷ: ಹಲವು ಎಡರು ತೊಡರುಗಳು ಕಂಡು ಬಂದರೂ ಹಂತ ಹಂತವಾಗಿ ಅಭಿವೃದ್ಧಿಯು ಕಂಡುಬಂದು ನವಚೈತನ್ಯ ಮೂಡಿ ಬರುವುದು. ಮನೆಯಲ್ಲಿ ಅತಿಥಿ ಅಭ್ಯಾಗತರ ಆಗಮನದಿಂದ ಸಂತಸವು ಮೂಡಿ ಬರುವುದು.

ವೃಷಭ: ನೂತನ ಬಾಂಧವ್ಯದಿಂದ ವೃದ್ಧಿ ಕಂಡುಬಂದು ನೆಮ್ಮದಿ ದೊರಕಲಿದೆ. ಸತ್ಕಾರಾದಿಗಳಿಗೆ ಧನವ್ಯಯ ಕಂಡು ಬಂದರೂ ಸಂತೃಪ್ತಿ ದೊರಕಲಿದೆ. ಆಗಾಗ ವ್ಯಯವು ಅಧಿಕವಾಗಿ ವ್ಯಾಪಾರ, ವ್ಯವಹಾರಗಳಲ್ಲಿ ಆದಾಯವು ವರ್ಧಿಸಲಿದೆ.

ಮಿಥುನ: ಶ್ರೀ ದೇವರ ದರ್ಶನದಿಂದ ಮನೋಕಾಮನೆಗಳೆಲ್ಲಾ ಪೂರೈಸಲಿದೆ. ನಾನಾ ರೀತಿಯಲ್ಲಿ ಕೆಲಸಕಾರ್ಯಗಳು ಪೂರ್ಣತೆಯನ್ನು ಪಡೆಯಲಿದೆ. ಆರ್ಥಿಕವಾಗಿ ಹೆಚ್ಚಿನ ಸಮಸ್ಯೆಯು ಕಂಡುಬರಲಾರದು. ಗೃಹಿಣಿಯ ಬೇಡಿಕೆಗೆ ಸ್ಪಂದಿಸಿರಿ.

ಕರ್ಕ: ನಿರುದ್ಯೋಗಿಗಳಿಗೆ ತಾತ್ಕಾಲಿಕ ಉದ್ಯೋಗ ದೊರೆತು ಸಮಾಧಾನವಾಗಲಿದೆ. ವಿದ್ಯಾರ್ಥಿಗಳು ಸಮಸ್ಯೆಗಳಿಂದ ಪಾರಾಗಿ ನೆಮ್ಮದಿ ಹೊಂದಲಿದ್ದಾರೆ. ಹಿರಿಯರ ಉಪದೇಶಗಳಿಗೆ ಅಸಡ್ಡೆ ತೋರಿಸದೆ ಸ್ಪಂದಿಸಿರಿ. ಅತಿಥಿಗಳು ಬಂದಾರು.

ಸಿಂಹ: ಕೌಟುಂಬಿಕವಾಗಿ ಆಗಾಗ ಆಕ್ಷೇಪ, ಮನಸ್ತಾಪಗಳಿಂದ ಮನೋವ್ಯಾಕುಲತೆ ಹೆಚ್ಚಲಿದೆ. ಆಗಾಗ ಅನಾರೋಗ್ಯದಿಂದ ದೇಹರುಜೆ ತಂದೀತು. ಆಗಾಗ ತೋರಿಬರುವ ಕಾರ್ಯಸಾಧನೆಯ ಅಡ್ಡಿಯನ್ನು ಪ್ರಯತ್ನಬಲದಿಂದ ನಿವಾರಿಸಿ.

ಕನ್ಯಾ: ಆಗಾಗ ಮನಸ್ಸಿನ ನೆಮ್ಮದಿ ಕೆಡಲಿದೆ. ಸ್ವತಂತ್ರ ಉದ್ಯೋಗಿಗಳು, ವ್ಯಾಪಾರಸ್ಥರು, ಹೆಚ್ಚಿನ ಎಚ್ಚರಿಕೆಯಿಂದ ಮುಂದುವರಿದ್ದಲ್ಲಿ ಮೂಲಧನ ಇಮ್ಮಡಿಯಾಗಲಿದೆ. ವ್ಯಾಪಾರ, ವ್ಯವಹಾರವು ಸುಸ್ಥಿತಿಯಲ್ಲಿದ್ದು ಸಮಾಧಾನವಾಗಲಿದೆ.

ತುಲಾ: ಉದ್ಯೋಗದಲ್ಲಿ ಮುಂಭಡ್ತಿ, ಬದಲಾವಣೆ, ವರ್ಗಾವಣೆ ಇತ್ಯಾದಿಗಳು ತೋರಿಬಂದಾವು. ಇಷ್ಟಮಿತ್ರರ ಪ್ರೀತಿ ವಿಶ್ವಾಸ, ಸಹಕಾರ ಮನೋಭಾವಗಳಿಂದ ನೀವು ಕೈಗೊಳ್ಳುವ ಕಾರ್ಯಕಲಾಪಗಳು ಪೂರ್ತಿಗೊಳ್ಳುವುವು. ಶುಭವಿದೆ.

ವೃಶ್ಚಿಕ: ಶುಭಮಂಗಲ ಕಾರ್ಯಗಳು ನೀವು ಇಚ್ಛಿಸಿದ ರೀತಿಯಲ್ಲಿ ನಡೆಯಲಿದೆ. ಮನೆಯಲ್ಲಿ ಸಮಾಧಾನವು ನೆಲೆಸಲಿದೆ. ಕುಟುಂಬದ ಹಿತಶತ್ರುಗಳ ಕಾಟದಿಂದ ಕಿರಿಕಿರಿ ಕಂಡುಬರಲಿದೆ. ಇಚ್ಛಿಸಿದ ಕಾರ್ಯದಲ್ಲಿ ಸಿದ್ಧಿ.

ಧನು: ಒಳ್ಳೆಯ ಮನೋಭಾವ, ಧೀರತನವೂ ಕಾರ್ಯಭಾಗದಲ್ಲಿ ಉತ್ಸಾಹವೂ ನೆಲೆಗೊಳ್ಳಲಿರುವುದು. ಅವಿರತ ಚಟುವಟಿಕೆಗಳು ದೇಹಾರೋಗ್ಯದಲ್ಲಿ ಪರಿಣಾಮ ಬೀರದಂತೆ ಜಾಗ್ರತೆ ವಹಿಸಿರಿ. ಉದ್ವೇಗ, ಸಿಟ್ಟು ಬಿಟ್ಟು ಬಿಡಿರಿ.

ಮಕರ: ನ್ಯಾಯಾಲಯದ ವಾದವಿವಾದಗಳು ಸದ್ಯಕ್ಕೆ ಮುಕ್ತಾಯಗೊಳ್ಳುವ ಲಕ್ಷಣ ತೋರಿಬಾರದು. ಅನಿರೀಕ್ಷಿತ ರೀತಿಯಲ್ಲಿ ಕೆಲಸ ಕಾರ್ಯಗಳು ನಡೆದು ಅಚ್ಚರಿ ತರಲಿದೆ. ಸಹೋದ್ಯೋಗಿಗಳ ದುವ್ಯìವಹಾರಗಳು ಗೋಚರಕ್ಕೆ ಬಂದೀತು.

ಕುಂಭ:ಎಚ್ಚರಿಕೆಯಿಂದ ಹೆಜ್ಜೆ ಇಟ್ಟಲ್ಲಿ ಮುನ್ನಡೆಗೆ ಸಾಧಕವಾಗಲಿದೆ. ಸಾಂಸಾರಿಕವಾಗಿ ತುಸು ನೆಮ್ಮದಿ ಗೋಚರಕ್ಕೆ ಬರಲಿದೆ. ಕಾರ್ಯರಂಗದಲ್ಲಿ ದುಡಿಮೆ ಹೆಚ್ಚಿ ಆರೋಗ್ಯದ ಕಡೆಗೆ ಹೆಚ್ಚಿನ ಗಮನ ನೀಡಬೇಕಾದೀತು. ಶುಭವಿದೆ.

ಮೀನ: ಆರ್ಥಿಕ ದುರಿತಗಳು ಕಡಿಮೆಯಾಗಿ ಕಾರ್ಯಾನುಕೂಲಕ್ಕೆ ಸಾಧಕವಾಗಲಿದೆ. ಆದರೂ ಖರ್ಚುವೆಚ್ಚಗಳ ಬಗ್ಗೆ ಹಿಡಿತ ಗಟ್ಟಿಯಾಗಿರಲಿ. ಸಮಾಜ ಕಾರ್ಯ, ಜನೋಪಕಾರ ಬುದ್ಧಿಯಿಂದ ಶ್ಲಾಘನೆ, ಮೆಚ್ಚುನುಡಿ ಸಿಗಲಿದೆ.

ಎನ್.ಎಸ್.ಭಟ್