ಇಂದಿನ ಗ್ರಹಬಲ: ಸಮಸ್ಯೆಗಳನ್ನು ಗುರುತಿಸಿಕೊಂಡು ಬುದ್ಧಿವಂತಿಕೆಯಿಂದ ಪರಿಹರಿಸಿಕೊಳ್ಳಬೇಕು

Team Udayavani, May 25, 2021, 7:17 AM IST

25-05-2021

ಮೇಷ: ಜೀವನದಲ್ಲಿ ಮೂಡಿಬಂದ ಗೊಂದಲಗಳು ಹಂತಹಂತವಾಗಿ ತಿಳಿಯಾಗಲಿದೆ. ಕೆಲವೊಂದು ಕಡೆ ಕಣ್ಣು ಹಾಯಿಸುವಾಗ ಅದೃಷ್ಟದ ಅಲೆಯು ಕಂಡುಬರುವುದು. ಜಾಣತನದಿಂದ ಮುನ್ನಡೆಸಿರಿ ನಿಮ್ಮ ಪಯಣ.

ವೃಷಭ: ಬಂದ ಸಮಸ್ಯೆಗಳನ್ನು ಗುರುತಿಸಿಕೊಂಡು ಬುದ್ಧಿವಂತಿಕೆಯಿಂದ ಪರಿಹರಿಸಿಕೊಳ್ಳಬೇಕು. ಸಾಂಸಾರಿಕವಾಗಿ ಹೊಂದಾಣಿಕೆಯು ಗಟ್ಟಿಯಾಗಿಸಿಕೊಳ್ಳಿರಿ. ಮನೆಯಲ್ಲಿ ಹಿರಿಯರ ಆರೋಗ್ಯದ ಬಗ್ಗೆ ಜಾಗ್ರತೆ ಮಾಡಿರಿ.

ಮಿಥುನ: ಆರ್ಥಿಕ ಪರಿಸ್ಥಿತಿಯು ಡೋಲಾಯಮಾನವಾಗಲಿದೆ. ಅತಿಯಾಗಿ ಚಿಂತಿಸದಿರಿ ಬಂದ ಪರಿಸ್ಥಿತಿಯನ್ನು ಧೈರ್ಯವಾಗಿ ಎದುರಿಸಿರಿ. ಶಾಂತಿ, ಸಹನೆ ಕಾಯ್ದುಕೊಂಡರೆ ನಿಮ್ಮ ಜೀವನವು ಸ್ವರ್ಗಮಯ.

ಕರ್ಕ: ದೂರ ಸಂಚಾರ ಯಾ ಚಾಲನೆಯಲ್ಲಿ ಗಮನವಿಡಿರಿ. ವಿಲಾಸೀ ವಸ್ತುಗಳ ಖರೀದಿಗೆ ಈ ಸಮಯವು ಸೂಕ್ತವಲ್ಲ. ನಿಮ್ಮಾಸೆಯನ್ನು ಸ್ವಲ್ಪ ಕಾಲ ಅದುಮಿಟ್ಟುಕೊಂಡರೆ ಉತ್ತಮ. ಮುಂದೆ ತನ್ನಿಂತಾನೆ ಉತ್ತಮ ಕಾಲ ಬರಲಿದೆ.

ಸಿಂಹ: ಒಡವೆ ವಸ್ತುಗಳ ಖರೀದಿಯಿಂದ ಗೃಹಿಣಿಗೆ ಸಂಭ್ರಮ ತಂದೀತು. ಶಾಸ್ತ್ರ ಪ್ರವೃತ್ತಿ , ಪುರೋಹಿತರಿಗೆ ಒಳ್ಳೆಯ ಉತ್ಪತ್ತಿ ಇರುತ್ತದೆ. ಸರಕಾರೀ ಕೆಲಸ ಕಾರ್ಯಗಳಲ್ಲಿ ತೊಡಕು ಕಾಣಿಸಿಕೊಂಡರೂ ಪೂರ್ಣವಾದೀತು.

ಕನ್ಯಾ: ಶೈಕ್ಷಣಿಕ ಕ್ಷೇತ್ರದವರಿಗೆ ಹೆಚ್ಚಿನ ಧನ ಸಂಗ್ರಹವಾದೀತು. ಸರಕಾರೀ ಕಡತ ವಿಲೇವಾರಿಯಲ್ಲಿ ಒತ್ತಡ ತಂದೀತು. ಪ್ರಯಾಣ ಕಂಡುಬಂದೀತು. ಆದರೂ ಅದರಲ್ಲಿ ಲಾಭವಿದೆ. ಮನಸ್ಸಿಗೆ ಸಮಾಧಾನ ತಂದೀತು.

ತುಲಾ: ಸಂಚಾರದಿಂದ ದೇಹಾಯಾಸಕ್ಕೆ ಕಾರಣವಾಗದಂತೆ ಹೆಚ್ಚಿನ ಜಾಗ್ರತೆ ವಹಿಸಬೇಕು. ನಿಮ್ಮ ಅಭಿವೃದ್ಧಿಗೆ ಹಿತಶತ್ರುಗಳ ಅಸೂಯೆಪಟ್ಟಾರು. ದೇಹಾರೋಗ್ಯ ಸುಧಾರಿಸಿದರೂ ಕಿರಿಕಿರಿ ತಪ್ಪದು. ಶ್ರೇಯೋಭಿವೃದ್ಧಿ ಆಗಲಿದೆ.

ವೃಶ್ಚಿಕ: ವ್ಯಾಪಾರಿಗಳು ಸಿಂಹಾವಲೋಕನ ಮಾಡಿಕೊಳ್ಳ ಬೇಕಾದೀತು. ರಾಜಕೀಯ ವೃತ್ತಿಯವರಿಗೆ ಮನಸ್ಸು ಸ್ಥಿರವಾಗಿರದು. ವಿದ್ಯಾರ್ಥಿಗಳ ಪ್ರಯತ್ನಬಲಕ್ಕೆ ಅನುಕೂಲವಾದ ಫ‌ಲಿತಾಂಶ ಲಭಿಸುವುದು. ನಿಮಗೆ ಶುಭ ಸಮಾಚಾರವಿದೆ.

ಧನು: ಸಾಂಸಾರಿಕವಾಗಿ, ಕೌಟುಂಬಿಕ ಸಮಸ್ಯೆಗಳನ್ನು ಬದಿಗೊತ್ತಿ ಮಾನಸಿಕ ನೆಮ್ಮದಿ ಕಾಪಾಡಿಕೊಳ್ಳಬೇಕು. ನಿಮ್ಮ ಬಹುದಿನಗಳ ಕನಸು ನನಸಾಗಲಿದೆ. ಅವಿವಾಹಿತರಿಗೆ ಇದು ಉತ್ತಮ ಕಾಲವಾಗಿದೆ. ಕಿರು ಸಂಚಾರವಿದೆ.

ಮಕರ: ಪ್ರವಾಸ ಯೋಗದಿಂದ ಸಂತಸ, ಸಮಾಧಾನ ತಂದು ಕೊಟ್ಟಿàತು. ಪ್ರಯತ್ನಬಲದಲ್ಲಿ ವಿಶೇಷ ರೂಪದಲ್ಲಿ ಯಶಸ್ಸು ನಿಶ್ಚಿತವಾದೀತು. ಆರೋಗ್ಯಕ್ಕಾಗಿ ಆಗಾಗ ಚಿಂತೆ ಬಿಟ್ಟರೆ ಉಳಿದೆಲ್ಲಾ ಶುಭವಾಗಿ ಪರಿಣಮಿಸಲಿದೆ.

ಕುಂಭ: ಭೂ ವ್ಯವಹಾರದಲ್ಲಿ ಧನ ವಿನಿಯೋಗ ಲೆಕ್ಕಕ್ಕಿಂತ ಹೆಚ್ಚಾದೀತು. ವ್ಯಾಪಾರ, ವ್ಯವಹಾರದಲ್ಲಿ ಸಾಲ ವಾಪಸಾತಿಯಿಂದ ನೆಮ್ಮದಿ ಇರುತ್ತದೆ. ಶೇರು ಮುಂತಾದ ವಿನಿಯೋಗದಲ್ಲಿ ಯೋಚಿಸಿ ಮುಂದುವರಿಯಬೇಕು.

ಮೀನ: ವಿದ್ಯಾರ್ಥಿಗಳಿಗೆ ಜಯದ ನಿರೀಕ್ಷೆಯು ಸಫ‌ಲವಾಗಲಿದೆ. ಮಡದಿಯ ಬಹುದಿನಗಳ ಕನಸುಗಳು ನನಸಾಗಲಿವೆ. ಅವಿವಾಹಿತರಿಗೆ ಇದು ಉತ್ತಮ ಕಾಲ. ಪ್ರವಾಸ ಯೋಗದಿಂದ ಸಂತಸ ಹಾಗೂ ಸಮಾಧಾನವಾಗಲಿದೆ.

ಎನ್‌.ಎಸ್‌. ಭಟ್‌