ದಿನಭವಿಷ್ಯ: ಈ ರಾಶಿಯವರು ಇಂದು ತಮ್ಮ ಹಿತಶತ್ರುಗಳಿಂದ ದೂರವಿದ್ದರೆ ಉತ್ತಮ !
Team Udayavani, Apr 10, 2021, 7:26 AM IST
ಮೇಷ: ಅವಿರತ ಚಟುವಟಿಕೆಗಳು ದೇಹಾರೋಗ್ಯದಲ್ಲಿ ಕೆಟ್ಟ ಪರಿಣಾಮ ಬೀರದಂತೆ ಜಾಗ್ರತೆ ಮಾಡುವುದು ಅವಶ್ಯ. ನ್ಯಾಯಾಲಯದ ವಾದವಿವಾದಗಳು ಸದ್ಯಕ್ಕೆ ಮುಕ್ತಾಯಗೊಳ್ಳುವ ಲಕ್ಷಣಗಳು ತೋರಿಬರಲಾರದು. ಜಾಗ್ರತೆಯಿಂದ ಹೆಜ್ಜೆ ಇಡಿರಿ.
ವೃಷಭ: ದೈವಾನುಗ್ರಹದ ಬಲದಿಂದ ಅನಿರೀಕ್ಷಿತ ರೀತಿಯಲ್ಲಿ ಕೆಲಸ ಕಾರ್ಯಗಳು ನಡೆದು ಅಚ್ಚರಿ ತರುವುದು. ಸಹೋದ್ಯೋಗಿಗಳ ದುರ್ವ್ಯವಹಾರಗಳು ಹಂತಹಂತವಾಗಿ ಗೋಚರಕ್ಕೆ ಬರುವುದು. ಎಷ್ಟು ನೋಡಿಕೊಂಡರೂ ಸಾಲದು.
ಮಿಥುನ: ನಿಮ್ಮ ಎಚ್ಚರಿಕೆಯ ಹೆಜ್ಜೆಯು ಮುನ್ನಡೆಗೆ ಸಾಧಕವಾಗುವುದು. ಸಾಂಸಾರಿಕವಾಗಿ ನೆಮ್ಮದಿಯು ಗೋಚರಕ್ಕೆ ಬರುವುದು. ಕಾರ್ಯರಂಗದಲ್ಲಿ ದುಡಿಮೆ ಹೆಚ್ಚಿ ಆರೋಗ್ಯದ ಕಡೆ ತುಸು ಗಮನವೀಯಬೇಕಾದೀತು. ಮುನ್ನೆಡೆಯಿರಿ.
ಕರ್ಕ: ಆರ್ಥಿಕವಾಗಿ ದುರಿತಗಳು ಕಡಿಮೆಯಾಗಿ ಕಾರ್ಯಾನುಕೂಲಕ್ಕೆ ಸಾಧಕವಾದೀತು. ಆದರೂ ನಿಮ್ಮ ಅಳತೆಮೀರಿ ಖರ್ಚು ವೆಚ್ಚಗಳು ಬಂದಾವು. ಸ್ವಕಾರ್ಯ, ಸಮಾಜಕಾರ್ಯ, ಪರೋಪಕಾರ ಬುದ್ಧಿಯಿಂದ ಶ್ಲಾಘನೆ ದೊರೆಯಲಿದೆ.
ಸಿಂಹ: ಗುರುಹಿರಿಯರೊಡನೆ ಉತ್ತಮ ಬಾಂಧವ್ಯ ಹಾಗೂ ಭಕ್ತಿಯಿಂದ ನಿಮ್ಮ ಹಲವು ಕಾರ್ಯಗಳು ಕೈಗೂಡಲಿದೆ. ಕಾರ್ಯಕ್ಷೇತ್ರದಲ್ಲಿ ನೀವು ತೋರಿಸಿದ ಪ್ರಯತ್ನಬಲ, ವಿಶೇಷ ಸಾಧನೆ ನಿಮ್ಮ ಮುನ್ನಡೆಗೆ ಪುಷ್ಟಿ ನೀಡಲಿದೆ. ಶುಭವಿದೆ.
ಕನ್ಯಾ: ಸಾಂಸಾರಿಕವಾಗಿ ಉದ್ಯೋಗ ಕ್ಷೇತ್ರದಲ್ಲಿ ಹಾಗೂ ಪರರ ಕಾರ್ಯದಿಂದ ನಿಮಗೆ ಸಂತಸ, ಸಮಾಧಾನ ದೊರಕಲಿದೆ. ನಿಮ್ಮ ಅತೀ ಪ್ರೀತಿಪಾತ್ರ ಮಿತ್ರರು ನಿಮಗೆ ದ್ರೋಹ ಬಗೆದಾರು. ಹೆಚ್ಚಿನ ಎಚ್ಚರಿಕೆಯಿಂದ ವ್ಯವಹರಿಸಿರಿ.
ತುಲಾ: ಆರ್ಥಿಕ ಸ್ಥಿತಿಯು ನಾನಾ ರೀತಿಯಲ್ಲಿ ಸುಧಾರಿಸುವುದರಿಂದ ಋಣಭಾದೆಯಿಂದ ಮುಕ್ತರಾಗುವಿರಿ. ಆರೋಗ್ಯದಲ್ಲಿ ಮಾತ್ರ ಹೆಚ್ಚಿನ ಜಾಗ್ರತೆ ಬೇಕಾದೀತು. ಸರಕಾರಿ ಕೆಲಸ ಕಾರ್ಯದಲ್ಲಿ ಸಿದ್ಧಿಯಾಗಲಿದೆ. ಸಂತಸವಿದೆ.
ವೃಶ್ಚಿಕ: ಗೃಹದಲ್ಲಿ ಆಪ್ತೇಷ್ಟರ ಭೇಟಿಯಿಂದ ನಿಮ್ಮ ಕೆಲಸದಲ್ಲಿ ಉತ್ಸಾಹ ಮಿತಿಮೀರೀತು. ಸತ್ಕಾರ, ಸಮ್ಮಾನಗಳು ಲಭಿಸೀತು. ಅದರಿಂದ ಸ್ವಲ್ಪ ಖರ್ಚುಗಳೂ ಬಂದೀತು. ಹೊಸ ಉದ್ಯೋಗದ ಆರಂಭಕ್ಕೆ ಇದು ಸಕಾಲವಲ್ಲ.
ಧನು: ಯಾವ ಕೆಲಸ ಕಾರ್ಯದಲ್ಲೂ ಆತುರತೆ ಸಲ್ಲದು. ದುಂದುವೆಚ್ಚಗಳು ಅತಿರೇಕವಾಗಿ ಒಮ್ಮೊಮ್ಮೆ ಆತಂಕಕ್ಕೆ ಕಾರಣವಾದೀತು. ಅನಾವಶ್ಯಕ ಅವಮಾನ, ಅಪಮಾನ ಪ್ರಸಂಗಗಳು ಎದುರಾದೀತು. ಕಾರ್ಯಕ್ಷೇತ್ರದಲ್ಲಿ ಎಚ್ಚರವಿರಲಿ.
ಮಕರ: ಕೊಂಚ ಆಶಾದಾಯಕವಾದ ದಿನವಾದುದರಿಂದ ಮುಂದುವರಿಯಲು ಸಾಧಕವಾಗುತ್ತದೆ. ವೃತ್ತಿರಂಗದಲ್ಲಿ ಚೇತರಿಕೆಯ ದಿನಗಳಾಗಿ ಸ್ಥಾನಮಾನ ದೊರೆತು ನೆಮ್ಮದಿ ಕಂಡೀತು. ಕಳೆದದ್ದನ್ನು ಗಳಿಸುವ ಕಾಲವಾಗಿದೆ.
ಕುಂಭ: ನಿಮ್ಮ ಕೈಗೆ ಬಂದ ಭಾಗವನ್ನು ಸದುಪಯೋಗಿಸಿದರೆ ಉತ್ತಮ ಬೆಲೆ ಕಾಣಬಹುದು. ನಿಮ್ಮ ಸ್ವಸಾಮರ್ಥ್ಯದಲ್ಲಿ ನಂಬಿಕೆ ಇಡಿರಿ. ಕಾಲೋಚಿತವಾದ ನಡೆನಡೆಗಳು ನೆರವಿದ್ದು ನಿಮ್ಮ ಗಮನ ಅದರ ಮೇಲಿರಲಿ.
ಮೀನ: ಉದ್ಯೋಗಿಗಳಿಗೆ ಬದಲಾವಣೆಯ ಸೂಚನೆ ತೋರಿಬಂದೀತು. ಸಾಂಸಾರಿಕವಾಗಿ ನೆಮ್ಮದಿಯ ವಾತಾವರಣವಿದೆ. ಹಿತಶತ್ರುಗಳು ನಿಮ್ಮ ಶಾಂತಿಗೆ ಭಂಗತಂದಾರು. ಆದಷ್ಟು ಅವರಿಂದ ದೂರವಿದ್ದರೆ ನಿಮಗೆ ಉತ್ತಮ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Daily Horoscope: ಈ ರಾಶಿ ಅವರಿಗಿಂದು ಶುಭಫಲಗಳ ದಿನ
Horoscope: ಈ ರಾಶಿ ಅವರಿಗಿಂದು ಅನಿರೀಕ್ಷಿತ ಧನಲಾಭ ಉಂಟಾಗಲಿದೆ
Daily Horoscope: ಮನೆಮಂದಿಯೊಂದಿಗೆ ಸಣ್ಣ ಪ್ರವಾಸ ಸಾಧ್ಯ, ಆರೋಗ್ಯದತ್ತ ಗಮನ ಹರಿಸಿ
Daily Horoscope: ಉದ್ಯೋಗ ಸ್ಥಾನದಲ್ಲಿ ನೆಮ್ಮದಿಯ ವಾತಾವರಣ, ಅಕಸ್ಮಾತ್ ಧನಪ್ರಾಪ್ತಿ
Daily Horoscope: ಉದ್ಯೋಗದಲ್ಲಿ ಪ್ರತಿಭೆಗೆ ಗೌರವ, ದೇವತಾರಾಧನೆಯ ಮೂಲಕ ವಿಘ್ನ ನಿವಾರಣೆ