ಇಂದಿನ ಗ್ರಹಬಲ: ಒಳ್ಳೆಯದು ಹಾಗೂ ಕೆಟ್ಟದ್ದನ್ನು ನೀವು ಸಮಚಿತ್ತದಿಂದ ತೆಗೆದುಕೊಳ್ಳಬೇಕಾದೀತು
Team Udayavani, Jun 11, 2021, 7:11 AM IST
11-06-2021
ಮೇಷ: ಉದ್ಯೋಗ, ವ್ಯವಹಾರಗಳಿಗೆ ಸಂಬಂಧಿಸಿದ ವಿಚಾರದಲ್ಲಿ ತುಂಬಾ ಎಚ್ಚರ ವಹಿಸಿರಿ. ಕಾರ್ಯರಂಗದಲ್ಲಿ ಛಲ ಬಿಡದೆ ಪಟ್ಟು ಹಿಡಿದು ದುಡಿಯಿರಿ. ನಿರೀಕ್ಷಿತ ಅಭಿವೃದ್ಧಿಯು ನಿಶ್ಚಿತ ರೂಪದಲ್ಲಿ ಕಂಡುಬಂದು ಸಂತಸವಾಗಲಿದೆ.
ವೃಷಭ: ಸ್ತ್ರೀಯರ ವಿಚಾರದಲ್ಲಿ ಸಮಸ್ಯೆಗಳು ತೋರಿ ಬಾರದಂತೆ ಗಮನಹರಿಸಿರಿ. ಒಳ್ಳೆಯದು ಹಾಗೂ ಕೆಟ್ಟದ್ದನ್ನು ನೀವು ಸಮಚಿತ್ತದಿಂದ ತೆಗೆದುಕೊಳ್ಳಬೇಕಾದೀತು. ಹೃದ್ಗತ ವಿಚಾರಗಳ ಬಗ್ಗೆ ತಲೆಕೆಡಿಸಿಕೊಳ್ಳದಿರಿ. ವಿದ್ಯಾರ್ಥಿಗಳಿಗೆ ಉತ್ಸಾಹವಿದೆ.
ಮಿಥುನ: ನಿಮ್ಮ ಜೀವನದಲ್ಲಿ ಪ್ರಭಾವ ಬೀರಲಿರುವ ಹಲವು ಹೊಸ ಜನರ ಪರಿಚಯದಿಂದ ಲಾಭವಾಗಲಿದೆ. ವೃತ್ತಿರಂಗದಲ್ಲಿ ಸಮಾಧಾನ ಮಾನಸಿಕ ದೃಢತೆಯನ್ನು ಕಾಪಾಡಿ ಕೊಳ್ಳಬೇಕಾದೀತು. ಕುಟುಂಬದವರ ಹಿತನುಡಿ ಸಮಾಧಾನ ತರಲಿದೆ.
ಕರ್ಕ: ಹಿರಿಯರ ಸಕಾಲಿಕ ಪ್ರೇರಣೆ ಇಂದು ನಿಮ್ಮನ್ನು ಕಾಪಾಡುವ ಶ್ರೀರಕ್ಷೆಯಾಗಲಿದೆ. ಆರೋಗ್ಯಭಾಗ್ಯ ಕೊಂಚ ಏರುಪೇರಾಗುವ ಸಾಧ್ಯತೆ ಇರುತ್ತದೆ. ಹಣದ ಪರಿಸ್ಥಿತಿಯನ್ನು ನಿಮ್ಮ ಅನುಕೂಲಕ್ಕೆ ತಕ್ಕಂತೆ ಹೊಂದಿಸಿಕೊಳ್ಳಬೇಕಾದೀತು.
ಸಿಂಹ: ದೂರ ಸಂಚಾರದ ಸಿದ್ಧತೆ ಸಂತಸ ತರಲಿದೆ. ಜೀವನದಲ್ಲಿ ಮಹತ್ತರ ಬದಲಾವಣೆಯು ಕಂಡುಬಂದೀತು. ಜೀವನವನ್ನು ಬಂದ ಹಾಗೆ ಎದುರಿಸುವುದನ್ನು ನೀವು ಕಲಿಯಬೇಕು. ಹೊಸ ಹೊಸ ಘಟನೆಗಳು ಮನಸ್ಸನ್ನು ಗಲಿಬಿಲಿಗೊಳಿಸಲಿದೆ.
ಕನ್ಯಾ: ಹಲವಾರು ಸಂದಿಗ್ಧತೆಗಳು ನಿಮಗೆ ಚಾಂಚಲ್ಯ ತಂದರೂ ನೀವು ದೃಢ ನಿರ್ಧಾರದಿಂದ ಮುಂದುವರಿದಲ್ಲಿ ಯಶಸ್ಸು ನಿಮ್ಮ ಪಾಲಿಗಿದೆ. ಅವಿವಾಹಿತರಿಗೆ ಕಂಕಣಬಲದ ಭಾಗ್ಯ ಒದಗಿ ಬಂದೀತು. ನಿರುದ್ಯೋಗಿಗಳಿಗೆ ಅವಕಾಶಗಳು ಒದಗಿ ಬರಲಿದೆ.
ತುಲಾ: ಆರ್ಥಿಕವಾಗಿ ಸಂಪತ್ತು ಸಮೃದ್ಧಿ ಇದೆ. ಶುಭ ಕಾರ್ಯಕ್ಕೆ ಇದು ಸಕಾಲ. ಅನಿರೀಕ್ಷಿತ ಘಟನೆಗಳಿಂದ ಆಶ್ಚರ್ಯಕ್ಕೊಳಗಾಗುವಿರಿ. ಬಂಧುಗಳಿಂದ ಸಂತಸ ಸುದ್ದಿ ಬರಲಿದೆ. ನೀವು ಜಡತೆಯನ್ನು ಕೆಡವಿ ಮುನ್ನುಗ್ಗಲು ಯತ್ನಿಸಿರಿ.
ವೃಶ್ಚಿಕ: ಆತ್ಮೀಯರಿಂದ ಮನನೋಯಿಸುವ ಪ್ರಸಂಗವು ಎದುರಾದೀತು. ಗೃಹ ಕಾರ್ಯ ನಿಮಿತ್ತ ಖರ್ಚು ವೆಚ್ಚಗಳು ಇದ್ದರೂ ಆರ್ಥಿಕ ಸ್ಥಿತಿಯು ಹಂತ ಹಂತವಾಗಿ ಪ್ರಗತಿಯಾಗಲಿದೆ. ಧಾರ್ಮಿಕ ಕಾರ್ಯಗಳ ಚಿಂತನೆ ಕಾರ್ಯಗತವಾಗಲಿದೆ.
ಧನು: ನೂತನ ಸ್ನೇಹಿತರ ಗೆಳೆತನದಿಂದ ವೈಯಕ್ತಿಕ ವಿಚಾರದಲ್ಲಿ ಅನುಕೂಲವಾಗಲಿದೆ. ನಿಮ್ಮ ಸ್ವಂತ ಯೋಗ್ಯತೆ ಹಾಗೂ ಪ್ರಯತ್ನಬಲದಿಂದ ಫಲಗಳು ಗೋಚರಕ್ಕೆ ಬರಲಿದೆ. ಕಾರ್ಯರಂಗದಲ್ಲಿ ಇಂತಹ ಅವಶ್ಯಕತೆ ನಿಮಗೆ ಕಂಡು ಬಾರದು.
ಮಕರ: ಹಲವಾರು ವಿಚಾರಗಳಲ್ಲಿ ಆಗಾಗ ಮಾನಸಿಕ ಅಸ್ಥಿರತೆ ಕಾಡಿದರೂ ದೈವಾನುಗ್ರಹದಿಂದ ಯಶಸ್ಸು ನಿಮ್ಮನ್ನು ಹಿಂಬಾಲಿಸಲಿದೆ. ಸಾಮಾಜಿಕವಾಗಿ ಉನ್ನತಿ ಪ್ರಾಪ್ತವಾಗಲಿದೆ. ವ್ಯಾಪಾರ, ವ್ಯವಹಾರಗಳಲ್ಲಿ ಚೇತರಿಕೆ ಇರುತ್ತದೆ.
ಕುಂಭ: ಆರ್ಥಿಕ ಸ್ಥಿತಿಯು ಸುಧಾರಿಸುತ್ತಲೇ ಹೋಗಲಿದೆ. ಹಿತಶತ್ರುಗಳ ಸಾಮರ್ಥ್ಯದ ಬಲೆಗೆ ಬೀಳುವ ಬದಲಿಗೆ ತಪ್ಪಿಸಿಕೊಂಡಲ್ಲಿ ಉತ್ತಮ. ಹೊಸ ಕಾರ್ಯಗಳ ಚಿಂತನೆಗೆ ಇದು ಸಕಾಲವಾಗಿದೆ. ಆರೋಗ್ಯದಲ್ಲಿ ಸುಧಾರಣೆ ಇದೆ.
ಮೀನ: ವೃತ್ತಿರಂಗದಲ್ಲಿನ ದಿಟ್ಟ ನಿರ್ಧಾರಗಳು ಅವಕಾಶಗಳಲ್ಲಿ ಶೀಘ್ರ ಸ್ಪಂದನ ಅವಶ್ಯಕವಾಗಿದೆ. ಪ್ರತಿಸ್ಪರ್ಧಿಗಳು ನಿಮ್ಮ ವೈಫಲ್ಯವನ್ನು ಸದುಪಯೋಗಿಸಿಕೊಂಡಾರು. ಜಾಗ್ರತೆ ವಹಿಸಿದರೆ ಉತ್ತಮ. ಗೌರವ , ಸನ್ಮಾನ ಪ್ರಾಪ್ತವಾಗಲಿದೆ.
ಎನ್.ಎಸ್. ಭಟ್
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Daily Horoscope: ಉದ್ಯೋಗದಲ್ಲಿ ಮೇಲಧಿಕಾರಿಗಳಿಗೆ ತೃಪ್ತಿ, ಅಪೇಕ್ಷಿತ ಆರ್ಥಿಕ ನೆರವು ಲಭ್ಯ
Daily Horoscope; ಉದ್ಯೋಗಸ್ಥರಿಗೆ ಹಿತಶತ್ರುಗಳ ಕಾಟ.ಶನಿ ಅನುಗ್ರಹ ಪ್ರಾಪ್ತಿಯ ಸಮಯ
Daily Horoscope: ಈ ರಾಶಿ ಅವರಿಗಿಂದು ಶುಭಫಲಗಳ ದಿನ
Horoscope: ಈ ರಾಶಿ ಅವರಿಗಿಂದು ಅನಿರೀಕ್ಷಿತ ಧನಲಾಭ ಉಂಟಾಗಲಿದೆ
Daily Horoscope: ಮನೆಮಂದಿಯೊಂದಿಗೆ ಸಣ್ಣ ಪ್ರವಾಸ ಸಾಧ್ಯ, ಆರೋಗ್ಯದತ್ತ ಗಮನ ಹರಿಸಿ