ನಿಮ್ಮ ಗ್ರಹಬಲ:ಈ ರಾಶಿಯವರು ಪ್ರತಿಯೊಬ್ಬರನ್ನು ಆಲಿಸಿರಿ. ನಿಮಗೆ ಸರಿ ಎನಿಸಿದ್ದನ್ನು ಮಾಡಿರಿ!

Team Udayavani, Mar 16, 2021, 7:37 AM IST

16-03-2021

ಮೇಷ: ತಾಳ್ಮೆಯ ಅವಶ್ಯಕತೆ ನಿಮಗೆ ಅಗತ್ಯವಾಗಿರುತ್ತದೆ. ಅನಾವಶ್ಯಕವಾಗಿ ವಾದ ವಿವಾದಕ್ಕೆ ಅಸ್ಪದ ನೀಡದಿರಿ. ನಿಮ್ಮ ಮೇಲೆಯೇ ನಿಯಂತ್ರಣ ಹೇರಿಕೊಂಡವರಂತೆ ವರ್ತಿಸದಿರಿ. ಆದಷ್ಟು ಜಾಗ್ರತೆ.

ವೃಷಭ: ಯಾವುದೇ ಕೆಲಸಕಾರ್ಯಗಳನ್ನು ಅತುರದಿಂದ ಮಾಡಲು ಹೋಗದಿರಿ. ಹಿರಿಯರ ಸೂಕ್ತ ಸಲಹೆಗಳಿಗೆ ಕಿವಿಗೊಡಿರಿ. ಅಧಿಕ ಖರ್ಚು ತೋರಿಬಂದೀತು. ಆದಾಯವು ಸ್ವಲ್ಪ ಇಳಿಮುಖವಾದೀತು.

ಮಿಥುನ: ಯೋಚಿಸಿ ಮುಂದಡಿ ಇಡುವುದು ಉತ್ತಮ. ಇಲ್ಲದಿದ್ದಲ್ಲಿ ಹತಾಶೆ ನಿಮ್ಮನ್ನು ಕಾಡಲಿದೆ. ಸಹೋದ್ಯೋಗಿ ಗಳೊಂದಿಗೆ ವ್ಯವಹರಿಸುವಾಗ ಕಷ್ಟ ಪಡುವಿರಿ. ಇಕ್ಕಟ್ಟಿಗೆ ಸಿಲುಕಿಸಿದಂತೆ ಜಾಗ್ರತೆ ಮಾಡುವುದು.

ಕರ್ಕ: ಸಂಬಂಧದಲ್ಲಿ ಏರುಪೇರು ಕಂಡುಬರಬಹುದು. ಅದರಿದು ತಾತ್ಕಾಲಿಕ ಸ್ಥಿತಿ. ಶೀಘ್ರವೇ ಎಲ್ಲಾ ಸರಿಹೋಗಲಿದೆ. ತಾಳ್ಮೆ ಕಳೆದುಕೊಳ್ಳದಿರಿ. ಮನೆಯಲ್ಲಿ ತೃಪ್ತಿ, ಸಮಾಧಾನವು ನೆಲೆಸೀತು. ಶುಭವಿದೆ.

ಸಿಂಹ: ಕೆಲಸ ಕಾರ್ಯಗಳಲ್ಲಿ ಕಷ್ಟಗಳು ಎದುರಾಗಬಹುದು. ಹಾಗೆಂದು ಕರ್ತವ್ಯವನ್ನು ನಿರ್ಲಕ್ಷಿಸದಿರಿ. ನಿಮ್ಮ ಲಕ್ಷ್ಯವು ಗುರಿಯತ್ತ ಇರಲಿ. ಪ್ರತಿಯೊಬ್ಬರನ್ನು ಆಲಿಸಿರಿ. ನಿಮಗೆ ಸರಿ ಎನಿಸಿದ್ದನ್ನು ಮಾಡಿರಿ.

ಕನ್ಯಾ: ಈ ದಿನ ಅಷ್ಟೇನೂ ಒಳ್ಳೆಯದು ಎನಿಸದು. ಸ್ವಲ್ಪ ನಿರಾಸೆ ಹಾಗೂ ಹತಾಶೆ ಕಾಡಬಹುದು. ಅದಕ್ಕೆ ನಿಶ್ಚಿತ ಕಾರಣ ಎಂಬುದಿಲ್ಲ. ಇದರಿಂದ ನಿಮಗೇನೂ ಹಾನಿಯಾಗದು. ಅತಿಥಿಗಳು ಆಗಮಿಸಿಯಾರು.

ತುಲಾ: ಮೋಜು, ಮಸ್ತಿಗೆ ಸೂಕ್ತ ದಿನವಲ್ಲ. ಸಂತೋಷ ಕೂಟ ಎಲ್ಲಾ ತ್ಯಜಿಸುವುದು ಅಗತ್ಯವಿದೆ. ಕೌಟುಂಬಿಕವಾಗಿ ಉದ್ವಿಗ್ನತೆ, ವಾಗ್ವಾದದ ಸಂಭವವಿದೆ. ಅದಕ್ಕೆಲ್ಲಾ ಹೆಚ್ಚು ಚಿಂತಿಸದೆ ಕರ್ತವ್ಯಪರರಾಗಿರಿ.

ವೃಶ್ಚಿಕ: ಕಚೇರಿ ಯಾ ಮನೆಯಲ್ಲಿ ಕೋಲಾಹಲ ಉಂಟಾಗಬಹುದು. ಕೆಲವರ ನಿಯಂತ್ರಣ ನಿಮಗೆ ಕಷ್ಟವಾಗಬಹುದು. ಸಹನೆ ಇರಲಿ. ಕುಟುಂಬದಲ್ಲಿ ಮಕ್ಕಳ ಶುಭ ಮಂಗಲ ಕಾರ್ಯನಿಮಿತ್ತ ಸಂತಸವಿದೆ.

ಧನು: ಐಶಾರಾಮಕ್ಕೆ ಹೋಗದಿರಿ. ಸುತ್ತಾಡಲು ಹೋಗುವುದಿದ್ದರ ಶಾಪಿಂಗ್‌ ಮಾಲ್‌ನಿಂದ ದೂರವಿರಿ. ಖರ್ಚು ನಿಭಾಯಿಸಲು ಕಷ್ಟವಾದೀತು. ಆದರೆ ಪತ್ನಿಯ ಉದ್ಯೋಗದಿಂದ ನಿಮ್ಮ ಭಾರವು ಸ್ವಲ್ಪ ಹಗುರವಾಗಲಿದೆ.

ಮಕರ: ಆರೋಗ್ಯದ ಬಗ್ಗೆ ಹೆಚ್ಚಿನ ಗಮನದ ಅಗತ್ಯವಿದೆ. ಚಾಲನೆಯಲ್ಲಿ ಅಥವಾ ಹರಿತ ವಸ್ತುಗಳನ್ನು ಅತೀ ಎಚ್ಚರಿಕೆಯಿಂದ ಬಳಸಿಕೊಳ್ಳಿರಿ. ಅವಘಡದ ಸಂಭವವಿದೆ. ಜಾಗ್ರತೆ ಮಾಡಿದರೆ ಉತ್ತಮ. ಶುಭವಾರ್ತೆ ಇದೆ.

ಕುಂಭ: ನಿಮ್ಮ ಸುತ್ತಮುತ್ತಲಿನವರು ಹೊಣೆಗೇಡಿಯಾಗಿ ವರ್ತಿಸಬಹುದು. ಇದರಿಂದ ನಿಮಗೆ ಕಿರಿಕಿರಿಯಾಗಲಿದೆ. ಆದರೆ ಬಾಯಿಮುಚ್ಚಿ ಕೂತರೆ ಉತ್ತಮ. ಸಂಘರ್ಷಕ್ಕೆ ಇಳಿಯದಿರಿ. ನಿಮಗೇ ಅವಮಾನವಾದೀತು.

ಮೀನ: ಕಚೇರಿಯಲ್ಲಿಂದು ವಿಳಂಬಗತಿಯಿಂದ ಅಸಹನೆ ಮೂಡಿಬಂದೀತು. ನೀವು ಎಚ್ಚರವಹಿಸದಿದ್ದಲ್ಲಿ ಖರ್ಚುಗಳು ಮಿತಿಮೀರಲಿದೆ. ಮನೆಯಲ್ಲಿ ಶುಭಕಾರ್ಯದ ವಿಚಾರದಲ್ಲಿ ವಾಗ್ವಾದಗಳು ಕಂಡುಬರಬಹುದು.

ಎನ್‌.ಎಸ್‌. ಭಟ್‌