ಇಂದಿನ ಗ್ರಹಬಲ: ಈ ರಾಶಿಯ ಸಂದರ್ಶನ ನಿರುದ್ಯೋಗಿಗಳಿಗೆ ಕಿರಿಕಿರಿಯಿಂದ ಬೇಸರ ತರಲಿದೆ.
Team Udayavani, Mar 27, 2021, 8:04 AM IST
27-03-2021
ಮೇಷ: ಕೌಟುಂಬಿಕವಾಗಿ ಉತ್ತಮ ಸಹಕಾರ ಕೊಡುತ್ತಿದ್ದ ಹಿರಿಯರು ಕ್ರಮೇಣ ದೂರ ಸರಿದಾರು. ವ್ಯಾಪಾರ ವ್ಯವಹಾರದಲ್ಲಿ ಹೇಳಿಕೊಳ್ಳುವಷ್ಟು ಲಾಭವಿದ್ದರೂ ತೃಪ್ತಿ ಇರದು. ಮನಸ್ಸಿನ ನೆಮ್ಮದಿಗಾಗಿ ಯಾತ್ರೆ ಸಂಭವ.
ವೃಷಭ: ಅವಿವಾಹಿತರಿಗೆ ವಿವಾಹ ಪ್ರಸ್ತಾಪ ಫಲಗಳಿಂದ ಸಂಭ್ರಮ ತಂದೀತು. ವೃತ್ತಿರಂಗದಲ್ಲಿ ನಿಮ್ಮ ಕಾರ್ಯಸಾಧನೆಗೆ ಸಾಮಾಜಿಕವಾಗಿ ಪ್ರಶಂಸೆ ಕೇಳಿ ಬಂದೀತು. ವೈಯಕ್ತಿಕವಾಗಿ ಹೆಸರಿಗೆ ಕೆಸರೆರೆಚುವ ಪ್ರಸಂಗ ನಡೆದೀತು.
ಮಿಥುನ: ಕಲೆ, ಸಂಗೀತ, ಚಿತ್ರ ಜಗತ್ತಿನಲ್ಲಿ ಆರ್ಥಿಕವಾಗಿ ಲಾಭದಾಯಕವೇ ಆದೀತು. ಸರಕಾರೀ ಕೆಲಸ ಕಾರ್ಯಗಳು ಸರಾಗವಾಗಿ ನಡೆಯುತ್ತದೆ. ಶುಭಕಾರ್ಯಕ್ಕಾಗಿ ಚಿನ್ನ, ಬೆಳ್ಳಿಯ ಖರೀದಿ ನಡೆದು ಖರ್ಚು ಆದರೂ ಸಂತಸವಿರುತ್ತದೆ.
ಕರ್ಕ: ಸ್ಥಿರ ಉದ್ಯೋಗಿಗಳಿಗೆ ಮುಂಭಡ್ತಿಯ ಸೂಚನೆಯಿಂದ ಸಮಾಧಾನವಿದೆ. ಆರೋಗ್ಯದಲ್ಲಿ ಶೀತ, ಪಿತ್ತೋಷ್ಣ ಪ್ರಕೋಪ ತಂದೀತು. ಕೌಟುಂಬಿಕವಾಗಿ ಸಹೋದರ ವರ್ಗದಲ್ಲಿ ಮನಸ್ತಾಪಕ್ಕೆ ಕಾರಣವಾದೀತು. ಅತಿಥಿಗಳು ಬಂದಾರು.
ಸಿಂಹ: ವಿತ್ತ ಖಾತೆ, ಜೀವವಿಮೆ ವರ್ಗದಲ್ಲಿ ಶೇರು, ಲಾಟರಿಯಲ್ಲಿ ತುಸುಮಟ್ಟಿನ ಚೇತರಿಕೆಯಿಂದ ಜೀವಕಳೆ ತುಂಬಲಿದೆ. ಆದರೂ ಜಾಗ್ರತೆ ವಹಿಸಬೇಕಾದೀತು. ಸಂದರ್ಶನ ಕಿರಿಕಿರಿಯಿಂದ ನಿರುದ್ಯೋಗಿಗಳಿಗೆ ಬೇಸರ ತರಲಿದೆ.
ಕನ್ಯಾ: ಅನಿರೀಕ್ಷಿತ, ತಾತ್ಕಾಲಿಕ ಉದ್ಯೋಗವು ದೊರೆತು ಸಮಾಧಾನ ಹಾಗೂ ಲಾಭವಾದೀತು. ಮಕ್ಕಳೊಂದಿಗೆ ವಿರಸ ಕಂಡುಬಂದೀತು. ಪ್ರೀತಿ, ವಿಶ್ವಾಸದಿಂದ ವರ್ತಿಸಿರಿ. ನಿಮ್ಮ ಒರಟು ವರ್ತನೆ ಇತರರಿಗೆ ಸಹ್ಯವಾಗುವುದಿಲ್ಲ.
ತುಲಾ: ಪರಿವರ್ತನೆಯ ಕಾಲಚಕ್ರದ ಅನುಭವ ವಾಗಲಿದೆ. ಶತ್ರುಗಳ ಕಾಟ, ವಿರೋಧಗಳು ತಣ್ಣಗಾಗ ಲಿದೆ. ನಿಮ್ಮಿಷ್ಟದಂತೆ ಚಿಂತಿತ ಕಾರ್ಯಗಳು, ವಿಚಾರ ಗಳು ಕಾರ್ಯಗತವಾಗಿ ಫಲ ನೀಡಲಿದೆ. ಯಾತ್ರಾದಿಗಳು ಕೂಡಿಬರಲಿದೆ.
ವೃಶ್ಚಿಕ: ಋಣಭಾರದ ಚಿಂತೆ ಪರಿಹಾರವಾಗಲಿದೆ. ಯಾತ್ರೆ, ದೇವತಾ ಕಾರ್ಯಗಳು ನಡೆದೀತು. ಅವಿರತ ಕಾರ್ಯದೊತ್ತಡದಿಂದ ದೇಹಾಯಾಸ ತಂದೀತು. ನೂತನ ಮಿತ್ರರ ಭೇಟಿಯಿಂದ ಕಾರ್ಯಸಾಧನೆ ಸಾಧ್ಯವಾಗಲಿದೆ.
ಧನು: ಸ್ವ ಪ್ರಯತ್ನ ಪ್ರಾಮಾಣಿಕವಾಗಿದ್ದರೂ ಫಲ ಸಿಗದು. ಆರ್ಥಿಕವಾಗಿ ಆಕಸ್ಮಿಕ ಧನಪ್ರಾಪ್ತಿಯಿಂದ ಕೊಂಚ ನೆಮ್ಮದಿ ತರಲಿದೆ. ಕಾರ್ಯಕ್ಷೇತ್ರದಲ್ಲಿ ಹಲವು ವಿರುದ್ಧ ಗಳು ಗಂಭೀರ ಸ್ವಭಾವ, ಸ್ವಾಭಿಮಾನಿಗಳಾದ ನಿಮಗೆ ಅಚ್ಚರಿ ತಂದೀತು.
ಮಕರ: ಅನೇಕ ವಿರುದ್ಧಗಳ ನಡುವೆಯೂ ನಿಮ್ಮ ಕಾರ್ಯದಲ್ಲಿ ಜಯವಿದೆ. ಕೌಟುಂಬಿಕವಾಗಿ ಖರ್ಚು ವೆಚ್ಚಗಳು ಅಧಿಕವಾದಾವು. ಅವಿವಾಹಿತರ ವಿವಾಹದ ಬಗ್ಗೆ ಮಾತುಕತೆಗೆ ಹೆಚ್ಚಿನ ಪ್ರಯತ್ನ ಅಗತ್ಯವಿರುತ್ತದೆ. ಮುನ್ನಡೆಯಿರಿ.
ಕುಂಭ: ಹೊಸ ಉದ್ಯೋಗಿಗಳಿಗೆ ಅವಿರತ ದುಡಿಮೆಯ ಬಿಸಿ ತಟ್ಟಲಿದೆ. ಕೆಲವೊಮ್ಮೆ ನಿಮ್ಮ ಆತ್ಮಶಕ್ತಿಯ ಬಗ್ಗೆ ನಿಮಗೇ ಆಶ್ಚರ್ಯ ಹುಟ್ಟಲಿದೆ. ಅಧಿಕಾರಿ ವರ್ಗದ ವಿರೋಧ, ಹಿರಿಯರ ಅಪಸ್ವರದ ನಡುವೆ ಮಡದಿ ಆಪ್ತಳಾದಾಳು.
ಮೀನ: ಧನಾದಾಯಕ್ಕೆ ವಿಳಂಬವಾದೀತು. ಮಾತು ಕಠಿಣವಾದೀತು. ನಾಲಗೆಯಲ್ಲಿ ಹಿಡಿತವಿರಲಿ. ಸ್ವತಂತ್ರ ವ್ಯವಹಾರಕ್ಕೆ ಸದ್ಯ ಉತ್ತಮ ಕಾಲವಲ್ಲ. ಗೃಹದಲ್ಲಿ ಶಾಂತಿ, ಸಮಾಧಾನಕ್ಕಾಗಿ ಗೃಹಿಣಿಯ ಸಲಹೆ, ಸೂಚನೆಗೆ ಬೆಲೆ ಕೊಡಿರಿ.
ಎನ್.ಎಸ್. ಭಟ್
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Daily Horoscope: ಉದ್ಯೋಗದಲ್ಲಿ ಮೇಲಧಿಕಾರಿಗಳಿಗೆ ತೃಪ್ತಿ, ಅಪೇಕ್ಷಿತ ಆರ್ಥಿಕ ನೆರವು ಲಭ್ಯ
Daily Horoscope; ಉದ್ಯೋಗಸ್ಥರಿಗೆ ಹಿತಶತ್ರುಗಳ ಕಾಟ.ಶನಿ ಅನುಗ್ರಹ ಪ್ರಾಪ್ತಿಯ ಸಮಯ
Daily Horoscope: ಈ ರಾಶಿ ಅವರಿಗಿಂದು ಶುಭಫಲಗಳ ದಿನ
Horoscope: ಈ ರಾಶಿ ಅವರಿಗಿಂದು ಅನಿರೀಕ್ಷಿತ ಧನಲಾಭ ಉಂಟಾಗಲಿದೆ
Daily Horoscope: ಮನೆಮಂದಿಯೊಂದಿಗೆ ಸಣ್ಣ ಪ್ರವಾಸ ಸಾಧ್ಯ, ಆರೋಗ್ಯದತ್ತ ಗಮನ ಹರಿಸಿ