ಶಿಕ್ಷಣದ ಕೊರತೆ ನೀಗಿಸುವ ಸಂಧ್ಯಾ ಕಾಲೇಜು

Team Udayavani, Jun 19, 2019, 5:00 AM IST

ಅನೇಕರು ಯಾವುದೋ ಕಾರಣಕ್ಕೆ ಶಿಕ್ಷಣದಿಂದ ವಿಮುಖರಾಗಿರುತ್ತಾರೆ. ಅದಕ್ಕೆ ಬಡತನ ಕಾರಣವಾಗಿರಬಹುದು, ಇಲ್ಲವೇ ಇನ್ನಿತರ ಕಾರಣಗಳು ಅಡ್ಡಿಯುಂಟು ಮಾಡಬಹುದು. ಅಂಥವರಿಗೆ ಸಂಧ್ಯಾ ಕಾಲೇಜುಗಳು ವರದಾನವಾಗಿವೆೆ. ಹಗಲು ಪಾರ್ಟ್‌ ಟೈಮ್‌ ಕೆಲಸ ಮಾಡಿ ಸಂಜೆ ಕಾಲೇಜಿಗೆ ಹೋಗುವ ಅನೇಕ ಯುವಕ, ಯುವತಿಯರಿಂದು ಸಮಾಜದಲ್ಲಿ ಕಾಣಸಿಗುತ್ತಾರೆ. ಅಂಥವರ ಶಿಕ್ಷಣದ ಕೊರತೆಯನ್ನು ನೀಗಿಸಿ ಸಮಾಜದಲ್ಲಿ ತಲೆ ಎತ್ತಿ ನಿಲ್ಲುವಂತೆ ಮಾಡಿದ್ದು ಇವೇ ಸಂಧ್ಯಾ ಕಾಲೇಜುಗಳು.

ಹಿಂದೆ ಹೀಗಿತ್ತು…
ಆರಂಭದ ದಿನಗಳಲ್ಲಿ, ಹಳ್ಳಿಗಳು ಮತ್ತು ಸಣ್ಣ ನಗರಗಳಿಂದ ಬಂದ ಯುವಕರು, ಶಾಲೆಯನ್ನು (10ನೇ) ಪೂರ್ಣಗೊಳಿಸಿದ ಅನಂತರ ಮತ್ತು ಉದ್ಯೋಗ ಹುಡುಕುವಲ್ಲಿ ದೊಡ್ಡ ನಗರಕ್ಕೆ ಹೋಗಲು ಟೈಪ್‌ರೈಟಿಂಗ್‌ ಅನ್ನು ಕಲಿಯುತ್ತಿದ್ದರು. ಕೆಲಸವನ್ನು ಪಡೆದ ಅನಂತರ ಅವರು ಸಂಜೆ ಕಾಲೇಜುಗಳಿಗೆ ಸೇರಿ ಪದವಿಯನ್ನು ಪೂರ್ಣಗೊಳಿಸಲು ಪ್ರಯತ್ನಿಸುತ್ತಿದ್ದರು.

ಹಿಂದೆಯಾದರೆ ಮನೆಯಲ್ಲಿ ಬಡತನ, ಕಾಲೇಜು ಫೀಸು ಕಟ್ಟೋಕೂ ದುಡ್ಡಿಲ್ಲ ಅಂತ ಅನೇಕರು ಶಿಕ್ಷಣಕ್ಕೆ ತಿಲಾಂಜಲಿ ಇಡುತ್ತಿದ್ದರು. ಈಗ ಹಾಗಿಲ್ಲ. ಹಗಲು ಮಾರ್ಕೆಟಿಂಗ್‌ನಲ್ಲೋ, ಫ‌ುಡ್‌ ಡೆಲಿವರಿ ಬಾಯ್‌ ಆಗಿಯೋ ಕೆಲಸ ಮಾಡಿ ರಾತ್ರಿ ಕಾಲೇಜಿಗೆ ಹೋಗಬಹುದು. ದುಡಿಮೆಯೂ ಆಗುತ್ತೆ, ಶಿಕ್ಷಣ ಸಂಪೂರ್ಣವಾಗುತ್ತದೆ.

ಮೌಲ್ಯಯುತ ಶಿಕ್ಷಣ
ಸಂಜೆ ಕಾಲೇಜು ಬೆಳಗ್ಗೆ ಕಾಲೇಜಿಗೆ ಸಮನಾಗಿದ್ದು, ಪಠ್ಯಕ್ರಮ ಒಂದೇ ರೀತಿ ಇರುತ್ತದೆ. ಯಾವುದೇ ಕಾಲೇಜು ಮತ್ತು ಕಾಲೇಜು ಒದಗಿಸಿದ ಪದವಿ ಅಥವಾ ಪ್ರಮಾಣಪತ್ರಗಳಂತೆ ಸಂಜೆಯ ಕಾಲೇಜು ನೀಡುವ ಪ್ರಮಾಣಪತ್ರ ಉಳಿದ ಕಾಲೇಜುಗಳಷ್ಟೇ ಮೌಲ್ಯಯುತವಾಗಿರುತ್ತದೆ. ಇವುಗಳ ಬಗ್ಗೆ ಹೆಚ್ಚಿನವರಿಗೆ ತಿಳಿದಿಲ್ಲ. ಆದರೆ ಸಂಜೆ ಕಾಲೇಜುಗಳು ಸ್ವಾತಂತ್ರ್ಯದ ಆರಂಭಿಕ ವರ್ಷಗಳಿಂದಲೂ ಇವೆೆ. ಈ ಕಾಲೇಜುಗಳು ಕೆಲಸದ ಸ್ವರೂಪದ ಕಾರಣದಿಂದಾಗಿ ಅಧ್ಯಯನ ಮಾಡಲು ಸಾಧ್ಯವಾಗದವರಿಗೆ ಅವಕಾಶ ನೀಡಲು ಪ್ರಾರಂಭವಾದವು.

ಯಾಕೆ ಸೇರಬಹುದು?
ಎಷ್ಟೋ ಜನರಿಗೆ ಶಿಕ್ಷಣ ಪಡೆಯುವ ಆಸೆಯಿದ್ದರೂ ಬಡತನ ಉದ್ಯೋಗ ಮಾಡುವಂತೆ ದೂಡುತ್ತದೆ. ಅಂಥವ‌ರಿಗೆ ಉದ್ಯೋಗದ ಜತೆಗೆ ಸಂಜೆ ಕಾಲೇಜು ಸೇರಿಕೊಂಡು ತಮ್ಮ ಶಿಕ್ಷಣ ಮುಂದುವರಿಸಬಹುದು. ಇಲ್ಲಿನ ಶಿಕ್ಷಣ ಮೌಲ್ಯಯುತವಾಗಿರುವುದರಿಂದ ಸಂಜೆ ಕಾಲೇಜಿಗೆ ಹೋಗಲೂ ಯಾವುದೇ ಹಿಂಜರಿಕೆಯ ಅಗತ್ಯವಿಲ್ಲ. ಮನೆ ಜವಾಬ್ದಾರಿಯಿಂದ ಕಲಿಕೆಗೆ ಬ್ರೇಕ್‌ ಹೇಳಿದ ಅದೆಷ್ಟೋ ಜನರು ಈ ಕಾಲೇಜುಗಳಲ್ಲಿ ಕಲಿಯುತ್ತಾರೆ.

-  ಹಿರಣ್ಮಯಿ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಮಾರುಕಟ್ಟೆಯಲ್ಲಿ, ಮನೆಗಳಲ್ಲಿ ಅಲಂಕಾರಕ್ಕಾಗಿ ಬಳಸುವ ಪಾಂಟ್‌ಗಳ ಸಂಖ್ಯೆ ಹೆಚ್ಚಾಗುತ್ತಿದೆ. ಆಲಂಕಾರಿಕ ವಸ್ತುಗಳ ಬೇಡಿಕೆ ಹೆಚ್ಚಾಗುತ್ತಿದ್ದಂತೆ ಪಾಟ್‌ ಪೈಂಟಿಂಗ್‌ನಂತಹ...

  • ಸಮಯ ಎನ್ನುವುದು ಪ್ರತಿಯೊಬ್ಬ ಮನುಷ್ಯನ ಜೀವನದಲ್ಲಿ ಅತಿ ಅಗತ್ಯ. ಸಮಯ ಯಾವತ್ತೂ ನಿಲ್ಲುವುದಿಲ್ಲ. ಅದು ಓಡುತ್ತೀರುತ್ತದೆ. ವಿದ್ಯಾರ್ಥಿ ಜೀವನದಲ್ಲಂತೂ ಸಮಯದ...

  • ಸಾಹಿತ್ಯದಲ್ಲಿ ಹಲವು ಪ್ರಕಾರಗಳಿವೆ. ಅದರಲ್ಲಿ ಹಾಸ್ಯವೂ ಒಂದು. ಹಾಸ್ಯವನ್ನೇ ಕೇಂದ್ರವಾಗಿಟ್ಟುಕೊಂಡು ಅನೇಕ ಪುಸ್ತಕಗಳು ಬಂದಿವೆ. ಆದರೆ ಹಾಸ್ಯ ಕೃತಿಗಳಲ್ಲಿ...

  • ಮಕ್ಕಳು ಊಟ ಮಾಡಬೇಕಾದರೆ ಕೈಯಲ್ಲಿ ಮೊಬೈಲ್‌ ಕೊಟ್ಟು ಆಹಾರ ಉಣಿಸುವ ಸಮಯವಿದು. ಬೊಂಬೆಗಳು, ಉಯ್ನಾಲೆ, ಮಣ್ಣಿನಲ್ಲಿ ಮಕ್ಕಳು ಆಡುವ ಕಾಲ ಹೋಗಿದೆ. ಇನ್ನೇನಿದ್ದರೂ...

  • ಕಾರ್ಟೊಗ್ರಫಿ ಎಂಬುದು ಒಂದು ವಿಜ್ಞಾನವೂ ಹೌದು. ಜತೆಗೆ ಮಾನವನಿಗೆ ಪ್ರಯಾಣದ ಸಂದರ್ಭದಲ್ಲಿ ಸಹಾಯಕ್ಕೆ ಬರುವಂತಹ ನಕ್ಷೆ ತಯಾರಿಕೆಯ ಒಂದು ಕಲೆಯೂ ಹೌದು. ಮ್ಯಾಪ್‌,...

ಹೊಸ ಸೇರ್ಪಡೆ