ಬದುಕಿನ ಪಥ ಬದಲಿಸುವ ಟೂರಿಸ್ಟ್‌ ಗೈಡ್‌

Team Udayavani, May 21, 2019, 6:00 AM IST

ಶಿಕ್ಷಣ ಮುಗಿದ ಕೂಡಲೇ ಹೆಚ್ಚು ಸಂಬಳ ಸಿಗುವ ಉದ್ಯೋಗಗಳಿಗೆ ಮುಖ ಮಾಡುವ ಯುವ ಜನತೆ ನೆಮ್ಮದಿ ಜೀವನಕ್ಕೆ ಗುಡ್‌ಬೈ ಹೇಳುತ್ತಾರೆ. ನಾವು ಮಾಡುವ ಕೆಲಸ ನಮಗೆ ಖುಷಿ ಕೊಡುವಂತಿರಬೇಕು. ಆಗ ಮಾತ್ರ ನೆಮ್ಮದಿಯ ಬದುಕು ಸಾಧ್ಯವಿದೆ. ಹೀಗೆ ಖುಷಿ ನೀಡುವ ಕೆಲಸಗಳಲ್ಲೊಂದು ಟೂರಿಸ್ಟ್‌ ಗೈಡ್‌.

ಟ್ರಾವೆಲಿಂಗ್‌ ಎಂದರೆ ಹೆಚ್ಚಿನವರಿಗೆ ಪಂಚಪ್ರಾಣ. ಮಾತು ನಿಮ್ಮ ಬಂಡವಾಳವಾಗಿದ್ದರೆ, ದಿನನಿತ್ಯ ಹೊಸ ಹೊಸ ವ್ಯಕ್ತಿಗಳನ್ನು ಪರಿಚಯ ಮಾಡಿಕೊಳ್ಳುವ ಸ್ವಭಾವ ನಿಮ್ಮದಾಗಿದ್ದರೆ ಟೂರಿಸ್ಟ್‌ ಗೈಡ್‌ ಉದ್ಯೋಗ ನಿಮಗೆ ಸೂಕ್ತ. ಇದಕ್ಕಾಗಿ ವಿಶೇಷ ಶಿಕ್ಷಣ ಪಡೆದುಕೊಂಡಿರಬೇಕಾದ ಆವಶ್ಯಕತೆ ಇಲ್ಲ. ಪ್ರವಾಸಕ್ಕೆ ಬರುವ ಪ್ರವಾಸಿಗರಿಗೆ ಸ್ಥಳಗಳ ಇತಿಹಾಸ, ಆಸಕ್ತಿದಾಯಕ ವಿಷಯಗಳ ಕುರಿತಾದ ಮಾಹಿತಿಗಳನ್ನು ಅಚ್ಚುಕಟ್ಟಾಗಿ ವಿವರಿಸುವ ಕಲೆ ಗೊತ್ತಿದ್ದರೆ ಸಾಕು. ಇದರೊಂದಿಗೆ ವಿವಿಧ ಭಾಷೆಗಳ ಮೇಲೆ ಹಿಡಿತವಿದ್ದರೆ ಟೂರಿಸ್ಟ್‌ ಗೈಡ್‌ ಯಾರು ಬೇಕಾದರೂ ಆಗಬಹುದು. ಟೂರಿಸ್ಟ್‌ ಗೈಡ್‌ ಕೆಲಸ ಸಂತೋಷಕರ ಮತ್ತು ಸವಾಲುಗಳಿಂದ ಕೂಡಿರುವಂಹಥದ್ದು. ಮಾರ್ಗದರ್ಶಿ ಪ್ರವಾಸಿಗರಿಗೆ ಸ್ಥಳೀಯ ಸಂಪ್ರದಾಯಗಳ ಜತೆಗೆ ಸಾಮಾಜಿಕ ವಿಚಾರಗಳ ಕುರಿತು ಮಾಹಿತಿ ನೀಡುವವರು. ಈ ಉದ್ಯೋಗದಲ್ಲಿ ಮಾರ್ಗದರ್ಶಿ ಪ್ರವಾಸಿಗರ ಅದರಲ್ಲೂ ಮೊದಲ ಬಾರಿಗೆ ಭೇಟಿ ನೀಡುವ ಪ್ರವಾಸಿಗರ ಕುತೂಹಲವನ್ನು ತೃಪ್ತಿಪಡಿಸಬೇಕು. ಟೂರಿಸ್ಟ್‌ ಗೈಡ್‌ ಉದ್ಯೋಗಿಗೆ ಯಾವುದೇ ವಯಸ್ಸಿನ ಮಿತಿ ಇಲ್ಲ. ಪದವಿ ಶಿಕ್ಷಣ ಓದಿಕೊಂಡು ಪ್ರವಾಸಿ ತಾಣಗಳ ಕುರಿತು ಸ್ಪಷ್ಟ ಮಾಹಿತಿ ಇದ್ದರೇ ಯಾವುದೇ ವ್ಯಕ್ತಿ ಕೂಡ ಟೂರಿಸ್ಟ್‌ ಗೈಡ್‌ ಆಗಿ ಉದ್ಯೋಗ ಮಾಡಬಹುದು.

ವೈಯಕ್ತಿಕ ಗುಣಲಕ್ಷಣಗಳು
ಟೂರಿಸ್ಟ್‌ ಗೈಡ್‌ ಉದ್ಯೋಗ ಆಯ್ಕೆ ಮಾಡಿಕೊಳ್ಳುವವರು ಎಲ್ಲರಿಗಿಂತ ವಿಭಿನ್ನ ಗುಣಲಕ್ಷಣಗಳನ್ನು ಹೊಂದಿರುವುದು ಅಗತ್ಯ. ಟೂರಿಸ್ಟ್‌ ಗೈಡ್‌ನ‌ಲ್ಲಿರಬೇಕಾದ ಲಕ್ಷಣಗಳೆಂದರೆ ಸಂಗಾಸಕ್ತ, ಸ್ನೇಹಪರ ವ್ಯಕ್ತಿತ್ವ, ಜನರನ್ನು ನಿಭಾಯಿಸುವ ಸಾಮರ್ಥ್ಯ, ಮೌಖೀಕ ಸ್ಪಷ್ಟತೆ. ಇದರೊಂದಿಗೆ ಪ್ರಯಾಣ, ಪ್ರವಾಸಿ ತಾಣಗಳು, ವ್ಯವಹಾರ ತಂತ್ರಗಳು ಮತ್ತು ಸಾಮಾಜಿಕ ಶಿಷ್ಟಾಚಾರಗಳಿಗೆ ಸಂಬಂಧಿಸಿದಂತೆ ಸಂಪೂರ್ಣ ಜ್ಞಾನವನ್ನು ಹೊಂದಿರಬೇಕು. ಅಂತೆಯೇ ಸಹಾಯ, ಆತಿಥ್ಯ ಒದಗಿಸುವ ಸಾಮರ್ಥ್ಯ ಮತ್ತು ತಾಳ್ಮೆ ಈ ಉದ್ಯೋಗದಲ್ಲಿ ಅಗತ್ಯವಾಗಿರುತ್ತದೆ. ಒಂದು ಕ್ಷೇತ್ರದಲ್ಲಿ ಲಭ್ಯವಿರುವ ಸೌಲಭ್ಯಗಳ ಮತ್ತು ಸೇವೆಗಳ ಅಪ್‌-ಟು ಡೇಟ್‌ ಜ್ಞಾನವನ್ನು ಕೂಡ ಹೊಂದಿರಬೇಕು.

ತರಬೇತಿಗಳು ಕೂಡ ಲಭ್ಯ
ಟೂರಿಸ್ಟ್‌ ಗೈಡ್‌ ಉದ್ಯೋಗ ಬಯಸುವವರಿಗೆ ತರಬೇತಿ ಕೂಡ ಲಭ್ಯವಿದೆ. ಭಾಷಾ ಕೌಶಲ, ಮಾತು, ನಡವಳಿಕೆ ಮೊದಲಾದ ಸಾಮಾನ್ಯ ಶಿಕ್ಷಣದೊಂದಿಗೆ ಟೂರಿಸ್ಟ್‌ ಗೈಡ್‌ ಉದ್ಯೋಗವನ್ನು ವೃತ್ತಿಪರವಾಗಿ ತೆಗೆದುಕೊಳ್ಳುವುದು ಹೇಗೆ ಎಂಬುದನ್ನು ಕೂಡ ಕಲಿಸಿಕೊಡಲಾಗುತ್ತದೆ.

-  ರಮ್ಯಾ ಕೆದಿಲಾಯ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ವಿದೇಶದಲ್ಲಿ ಕಲಿಯಬೇಕು ಎಂಬ ಆಸೆ ಅನೇಕ ಮಂದಿಯಲ್ಲಿ ಇರುತ್ತದೆ. ಅದರಲ್ಲಿಯೂ ಉನ್ನತ ವಿದ್ಯಾಭ್ಯಾಸವನ್ನು ವಿದೇಶಗಳ ಪ್ರತಿಷ್ಠಿತ ಕಾಲೇಜುಗಳಾದ ಹಾರ್ವರ್ಡ್‌,...

  • ತಾವು ಯಾವುದರಲ್ಲಿ ಡಿಗ್ರಿ ಮಾಡಿದ್ದೇವೋ ಅದಕ್ಕೆ ತಕ್ಕಂತೆ ಕೆಲಸ ಸಿಗಬೇಕೆಂದು ಕಾದು ಕುಳಿತುಕೊಳ್ಳುವ ಕಾಲ ಅಲ್ಲ ಇದು. ಇವತ್ತು ಪದವಿ, ಸ್ನಾತಕೋತ್ತರ ಪದವಿಗಳು...

  • ಅಂಕಗಳ ಆಧಾರದಲ್ಲಿ ವಿದ್ಯಾರ್ಥಿಗಳ ಸಾಮರ್ಥ್ಯ, ಶಿಕ್ಷಣವನ್ನು ಅಳೆಯುವ ಕಾಲ ಹೋಗಿದೆ. ಆಧುನಿಕ ಕಾಲದಲ್ಲಿ ವಿದ್ಯಾರ್ಥಿಗಳ ಶಿಕ್ಷಣ ಮಟ್ಟವನ್ನು ನಿರ್ಧರಿಸುವುದು...

  • ಬದುಕಿನಲ್ಲಿ ಸೋಲು-ಗೆಲುವು, ನೋವು-ನಲಿವು ಇವುಗಳು ಇದ್ದೇ ಇರುತ್ತವೆ. ಅಂತೆಯೇ ಜೀವನಕ್ಕೊಂದು ಅರ್ಥ ಬರಬೇಕಾದರೆ ಇವುಗಳ ಮಧ್ಯೆಯೇ ನಾವು ಜೀವಿಸುವುದು ಹೇಗೆ ಎಂಬ...

  • ಸಂತೋಷವಾಗಿರುವುದಕ್ಕೆ ನಾವು ಹುಟ್ಟಿದವರು ಮತ್ತು ಅದು ಪ್ರತಿಯೊಬ್ಬರ ಹಕ್ಕು ಎನ್ನುವ "ಸಂತೋಷವಾಗಿ ಇದ್ದುಬಿಡಿ' ಸಂತೋಷವಾಗಿ ಯಾಕಿರಬೇಕು ಮತ್ತು ಸಂತೊಷವಾಗಿರಲು...

ಹೊಸ ಸೇರ್ಪಡೆ