“ಪೆನ್ಸಿಲ್ ಬಾಕ್ಸ್’ನಲ್ಲಿ ಬೋಳಾರ-ವಾಮಂಜೂರು
Bolara-Vamanjoor in "Pencil Box"
Team Udayavani, May 30, 2019, 6:00 AM IST
ಕರಾವಳಿಯಲ್ಲಿಯೇ ಶೂಟಿಂಗ್ ಕಂಡ ಅಪರೂಪದ ಸಿನೆಮಾ ಈಗ ತೆರೆ ಕಾಣುವ ಹೊಸ್ತಿಲಲ್ಲಿದೆ. ಅದರಲ್ಲಿಯೂ ಕರಾವಳಿಯ ಪ್ರತಿಭೆಗಳೆ ಅಭಿನಯಿಸಿದ ಸಿನೆಮಾ ಇದಾಗಿರುವ ಹಿನ್ನೆಲೆಯಲ್ಲಿ ಕುಡ್ಲದ ಪ್ರತಿಭೆಗಳಿಗೆ ಹೊಸ ಅವಕಾಶ ದೊರೆತಂತಾಗಿದೆ.
ದಯಾನಂದ್ ಎಸ್. ರೈ ನಿರ್ಮಾಣದಲ್ಲಿ ತಯಾರಾದ “ಪೆನ್ಸಿಲ್ ಬಾಕ್ಸ್’ ಕನ್ನಡ ಸಿನೆಮಾದ ಪೋಸ್ಟರ್ ಇತ್ತೀಚೆಗೆ ಶ್ರೀ ಕ್ಷೇತ್ರ ಧರ್ಮಸ್ಥಳದಲ್ಲಿ ಬಿಡುಗಡೆ ಯಾಗಿದೆ. ಸ್ಟಾರ್ ಸುವರ್ಣ ಡಾನ್ಸ್ ಡಾನ್ಸ್ ಹಾಗೂ ಭರ್ಜರಿ ಕಾಮಿಡಿ ರಿಯಾಲಿಟಿ ಶೋ ಮೂಲಕ ಕರ್ನಾಟಕದಲ್ಲಿ ಮನೆಮಾತಾದ ದೀಕ್ಷಾ ಡಿ. ರೈ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಲಿರುವ ಈ ಚಿತ್ರದಲ್ಲಿ ಕರಾವಳಿಯ ಖ್ಯಾತ ನಟರಾದ ಅರವಿಂದ್ ಬೋಳಾರ್, ಭೋಜರಾಜ್ ವಾಮಂಜೂರು ಹಾಗೂ ರಮೇಶ್ ರೈ ಕುಕ್ಕುವಳ್ಳಿ ಮುಂತಾದವರು ಅಭಿನಯಿಸಿದ್ದಾರೆ. ರಝಾಕ್ ಪುತ್ತೂರು ಕಥೆ, ಚಿತ್ರ ಕಥೆ ಬರೆದು ನಿರ್ದೇಶನ ಮಾಡಿರುವ ಈ ಚಿತ್ರಕ್ಕೆ ಮೋಹನ್ ಪಡ್ರೆ ಅವರ ಕೆಮರಾ ಕೈಚಳಕವಿದೆ.