Udayavni Special

ಕಣ್ಮನ ಸೆಳೆಯುವ ಪ್ರಾಕೃತಿಕ ಕೌತುಕ “ಬಾಂಡೀಲು”


Team Udayavani, Aug 29, 2019, 5:00 AM IST

h-5

ಮಾನವ ನಿರ್ಮಿತ ಸೋಜಿಗಕ್ಕಿಂತ ಹಲವು ಶತಮಾನಗಳ ಹಿಂದಿನಿಂದಲೂ ಯಾವುದೇ ಪ್ರಾಕೃತಿಕ ವಿಕೋಪಕ್ಕೆ ನಾಶವಾಗದೇ ಉಳಿದಿರುವ ಹಲವು ಅಚ್ಚರಿಯ ರಚನೆಗಳು ಕೆಲವು ಊರುಗಳಲ್ಲಿ ಕಾಣಸಿಗುತ್ತವೆ. ಚಾರಣಿಗರನ್ನು, ಪ್ರಕೃತಿ ಪ್ರಿಯರನ್ನು ಕೈಬೀಸಿ ಕರೆಯುವ ಸುಂದರ ಪ್ರಕೃತಿ ತಾಣ ಬಾಂಡೀಲು.

ಚಾರಣಿಗರು, ಪ್ರಕೃತಿಪ್ರಿಯರೂ ಮೈ ಮರೆಯುವ ಮತ್ತು ಅಚ್ಚರಿಯಿಂದ ಕಣ್ಣರಳಿಸುವ, ಅಧ್ಯಯನಕ್ಕೂ ಆಹಾರವಾಗಬಲ್ಲ ಸುಂದರ ಪ್ರಕೃತಿ ತಾಣ ಬಾಂಡೀಲು.
ಸಾರಡ್ಕ ದಾಟಿ ಬಂದರೆ ಪೆರ್ಲ, ಅಲ್ಲಿಂದ ಪುತ್ತಿಗೆ, ಬಾಡೂರು ದಾರಿಯಾಗಿ ಕುಂಬಳೆಗೆ ಸಾಗುವ ಹಾದಿಯಲ್ಲಿ 4 ಕಿ.ಮೀ. ದೂರ ಕ್ರಮಿಸಿದರೆ ಬೆದ್ರಂಪಳ್ಳ, ತುಸು ದೂರದಲ್ಲಿ ಬಾಂಡೀಲು ಎಂಬ ಸಣ್ಣ ಬಸ್‌ ತಂಗುದಾಣ ಸಿಗುತ್ತದೆ.

ಇಲ್ಲಿಂದ ಕೂಗಳತೆಯ ದೂರದಲ್ಲಿ ಗೇರು ತೋಟ ಹಾಗೂ ಇತರ ಮರ, ಗಿಡ, ಬಳ್ಳಿಗಳಿಂದ ಆವೃತವಾದ ಪ್ರದೇಶವೊಂದಿದೆ. ಅಲ್ಲಿ ಸುಮಾರು 100 ಜನ ಕುಳಿತುಕೊಳ್ಳುವಷ್ಟು ವಿಸ್ತಾರಕ್ಕೆ ಆಳೆತ್ತರಕ್ಕೆ ನೆಲದಿಂದ ಉಬ್ಬಿ, ಪಾರೆ (ಹಾಸುಗಲ್ಲು)ಚಾವಣಿಯ ರೀತಿ ಹಾಸಿಕೊಂಡಿದೆ. ನಡುವೆ ಮರ ಅಥವಾ ಮಣ್ಣಿನ ಆಧಾರವಿಲ್ಲ. ಈ ಪಾರೆಯ ಮೇಲೆ ಆತಂಕವಿಲ್ಲದೆ ನಡೆದಾಡಬಹುದು. ಅದರ ಎರಡೂ ತುದಿಗಳಲ್ಲಿ ಗುಹೆಗಳಿವೆ. ಇವುಗಳಲ್ಲಿ ಮುಳ್ಳು ಹಂದಿ, ಕಾಡು ಹಂದಿ ಮೊದಲಾದ ಪ್ರಾಣಿಗಳು ಅವಿತಿರುತ್ತವೆ. ಹಿಂದೆ ಊರಿನ ಬೇಟೆಗಾರರು ಬಾಂಡಿಲಿನ ಮೇಲೆ ಕುಳಿತು ಗುಹೆಯಿಂದ ಹೊರಡುವ ಪ್ರಾಣಿಗಳನ್ನು ಬೇಟೆಯಾಡುತ್ತಿದ್ದರಂತೆ.

ಹಿಂದೆ ಮದುಮಗ ಹಾಗೂ ಮದುಮಗಳಿದ್ದ ಪಲ್ಲಕ್ಕಿಯನ್ನು ಹೊತ್ತವರು ದಣಿವಾರಿಸಲೆಂದು ಇಲ್ಲಿ ಇಳಿಸಿದ್ದರಂತೆ. ಸ್ವಲ್ಪ ಸಮಯ ಕಳೆಯುವಷ್ಟರಲ್ಲಿ ಮದುಮಗ, ಮದುಮಗಳು ನಾಪತ್ತೆ! ಹಾಗಾಗಿ ಈ ಪ್ರದೇಶಕ್ಕೆ ಪಲ್ಲೆಂಕಿ ಪಾರೆ ಎನ್ನುವ ಹೆಸರೂ ಇತ್ತಂತೆ. ಎರಡೂ ಬಾಂಡೀಲುಗಳು ಪಲ್ಲಕ್ಕಿಯ ಆಕೃತಿಯನ್ನೇ ನೆನಪಿಸುವಂತಿವೆ.

ಸ್ವಲ್ಪ ಮುಂದೆ ಸಾಗಿದರೆ ಎಣ್ಮಕಜೆ ತರವಾಡು ಮನೆ ಎದುರಾಗುತ್ತದೆ. ಒಂದೊಮ್ಮೆ ಬಲ್ಲಾಳರ ಬೂಡು ಆಗಿದ್ದ ಇದು ಸದ್ಯ ಬಂಟರ ಸುಪರ್ದಿಯಲ್ಲಿದೆ. ನಾಗ, ಕೊರತ್ತಿ, ರಕ್ತೇಶ್ವರಿ ಬನಗಳನ್ನು ಹೊಂದಿರುವ ಇಲ್ಲಿ ಪಿಲಿಭೂತದ ಬಂಡಿಯಿರುವ ಮನೆತನವಿದೆ. ವಿಶಾಲವಾದ ಬಾಕಿತ್ತಿಮಾರ್‌ ಗದ್ದೆಯಲ್ಲಿ ಪಿಲಿ ಭೂತದ ಮರದ ಹುಲಿಯಿರುವ (ಸೇಜಿ) ಗುಡಿಯಿದೆ. ಅಡ್ಯತ್ತಿಮಾರ್‌ ಗದ್ದೆ ಈಗ ಅಡಿಕೆ ತೋಟವಾಗಿದ್ದರೂ ಅದರ ಬದಿಯಲ್ಲಿ ಒಂದೆಡೆ ಬಿಸಿ ನೀರು ಚಿಮ್ಮವ ಸುರಂಗ (ಮುಗುಳಿ) ಕಾಣಬಹುದು. ಅದರ ವಿಸ್ತಾರವನ್ನು ಅಳೆದವರಿಲ್ಲ.

ಮುಂದೆ ಕಾಲು ಸಂಕ ದಾಟಿ ಸಾಗಿದರೆ ಪ್ರಕೃತಿ ಸೌಂದರ್ಯದ ಖಜಾನೆಯೇ ತೆರೆದುಕೊಳ್ಳುತ್ತದೆ. ವಿಶಾಲವಾಗಿ ಹರಡಿರುವ ಹಾಸುಪಾರೆಯ ದೊಡ್ಡ ಹಸುರಿನ ಬಯಲು (ಮಲ್ಲ ಒಡಾಲ್‌). ಇದು ಗೇರು ನಿಗಮದ ಅಧೀನಕ್ಕೆ ಒಳಪಟ್ಟಿದ್ದು, ಇಲ್ಲಿ ಮನೆಗಳು ಇಲ್ಲ. ಸಣ್ಣ ಕೆರೆಗಳಿದ್ದು, ಅದರಲ್ಲಿ ಕಪ್ಪೆ, ಕೇರೆ, ನೀರು ಹಾವುಗಳು ನಿರ್ಭಯವಾಗಿ ಜೀವಿಸುತ್ತಿವೆ. ನವಿಲು, ಹಕ್ಕಿಗಳನ್ನು ನೋಡುತ್ತ ಸಾಗಿದರೆ ದೂರದಿಂದ ಕಾಣುವ ಗುಂಪೆ ಗುಡ್ಡೆಯ ನೋಟ ರಮಣೀಯವಾಗಿರುತ್ತದೆ.

ಅಲ್ಲಿಂದ ತುಸು ದೂರದಲ್ಲಿ ಮರಗಳಿಂದ ಆವೃತವಾದ ಮತ್ತೂಂದು ಬಾಂಡೀಲು (ಪಿಲಿ ಬಾಂಡೀಲು) ದೊರೆಯುತ್ತದೆ. ಬೃಹದಾಕಾರದ ಗುಹೆಯೂ ಇದೆ. ಇದು ಹುಲಿಗಳ ಅಡಗುದಾಣವಾಗಿತ್ತೆಂದು ಗ್ರಾಮದ ಹಿರಿಯರಾದ ಅರೆಮಂಗಿಲ ನಾರಾಯಣ ರೈಗಳು ಹೇಳುತ್ತಾರೆ. ಈ ಗುಹೆಯೊಳಗೆ ಟಾರ್ಚ್‌ ಬೆಳಗಿಸುತ್ತ ಬಹಳ ದೂರ ಸಾಗಿದರೂ ಕೊನೆ ಮುಟ್ಟುತ್ತಿರಲಿಲ್ಲ. ದನಕರುಗಳು ಒಳಹೊಕ್ಕು ದಾರಿ ತಪ್ಪಬಾರದೆಂದು ಗುಹೆಯ ಬಾಗಿಲಿಗೆ ಕಲ್ಲುಗಳನ್ನು ಅಡ್ಡ ಇರಿಸಲಾಗಿದೆ. ಹಿಂದೊಮ್ಮೆ ಆ ಗ್ರಾಮವನ್ನು ನಡುಗಿಸಿದ ಕುಂಞಿರಾಮ ಎನ್ನುವ ಕಳ್ಳ ಹಗಲು ಹೊತ್ತಿನಲ್ಲಿ ಮುಖಕ್ಕೆ ಬೂದಿ ಸವರಿಕೊಂಡು ಇಲ್ಲಿ ಅಡಗಿರುತ್ತಿದ್ದನಂತೆ.

ಮುಂದೆ ಬಯಲಲ್ಲಿ ವಿಶಾಲವಾದ ಎಟ್ಟಿ (ಸಿಗಡಿ) ಪಳ್ಳವಿದೆ. ಬೇಸಗೆಯಲ್ಲೂ ಇದರಲ್ಲಿ ನೀರು ಬತ್ತುವುದಿಲ್ಲ. ತಗ್ಗಿನ ಪ್ರದೇಶ ಬೇಂಗಪದವು ಕೃಷಿಕರು ನೀರು ಹರಿಸಿಕೊಂಡು ತರಕಾರಿ ಬೆಳೆಯುತ್ತಾರೆ. ಈ ಕೆರೆಯಲ್ಲಿ ನೈದಿಲೆಯ ಗಿಡಗಳನ್ನು ಕಾಣಬಹುದು.

ಈ ಕೆರೆಗೆ ವನವಾಸದ ಸಂದರ್ಭದಲ್ಲಿ ಪಾಂಡವರು ಬಂದಿದ್ದರಂತೆ. ರಾತ್ರಿ ಬೆಳಗಾಗುವಷ್ಟರಲ್ಲಿ ಅರಮನೆ ನಿರ್ಮಿಸಬೇಕು ಎಂದು ನಿರ್ಧರಿಸಿದ್ದರಂತೆ. ಕೃಷ್ಣನಿಗೆ ಮನಸ್ಸಿರಲಿಲ್ಲ. ಹಾಗಾಗಿ, ಕೃಷ್ಣ ಹುಂಜದ ರೂಪ ತಾಳಿ ಕೂಗಿದಾಗ ಬೆಳಗಾಯಿತೆಂದು ಪಾಂಡವರು ಅಲ್ಲಿಂದ ಹೊರಟು ವಿಟ್ಲದಲ್ಲಿ ಅರಮನೆ ನಿರ್ಮಿಸಿದರು ಎಂದು ಕಥೆ ಇದೆ.

ಅಲ್ಲಿಂದ ಕೆಳಗಿಳಿದರೆ ಜಲಪಾತ ಮಾದರಿಯ ಗುರ್ಮೆಯನ್ನು ಮನದಣಿಯೆ ನೋಡಬಹುದು. ಅಲ್ಲಿ ಮಣ್ಣು ಕುಸಿಯುತ್ತಿರುವ ಕಾರಣ ಸುರಕ್ಷತೆಯ ದೃಷ್ಟಿಯಿಂದ ಗ್ರಾಮದ ಅನುಭವಿಕರನ್ನು ಕರೆದೊಯ್ಯುವುದು ಸೂಕ್ತ.

ಈ ಪ್ರದೇಶದಲ್ಲಿರುವುದು ಬಂಡೆಕಲ್ಲುಗಳ ಮಾದರಿಯ ಪಾರೆ ಅಲ್ಲ. ಹೊರಮೈ ಕಪ್ಪಾಗಿದ್ದು, ಒಳಗೆ ಕೆಂಪಗಿರುವ ಚಿಪ್ಪು ಪಾರೆ. ಮೇಲ್ಭಾಗದಲ್ಲಿ ಪೂರ್ತಿ ಸಣ್ಣಪುಟ್ಟ ಹೊಂಡಗಳಿವೆ. ಮಳೆಗಾಲದಲ್ಲಿ ಅವುಗಳಲ್ಲಿ ನೀರು ನಿಂತಿರುತ್ತದೆ. ನೀರಿಂಗುವಿಕೆ ಇಲ್ಲಿ ಪ್ರಾಕೃತಿಕವಾಗಿ ದೊಡ್ಡ ಪ್ರಮಾಣದಲ್ಲಿ ಆಗುತ್ತದೆ ಎನ್ನಲಾಗುತ್ತಿದೆ. ಈ ಬಾಂಡೀಲುಗಳ ಆಸುಪಾಸು ಎಲ್ಲ ಕಡೆ ನೀರಿನ ಒರತೆಗಳಿವೆ. ಪೆರ್ಲ ಪೇಟೆಯಿಂದ ಸ್ವಲ್ಪ ಮೇಲೆ ಹೋದರೆ ಮಚ್ಯì ಮಸೀದಿಯ ಬಳಿಯೂ ಒಂದು ಬಾಂಡೀಲು ಇದೆ. ಈ ವಿಸ್ಮಯಗಳನ್ನು ನೀವೂ ಒಮ್ಮೆ ನೋಡಿ ಬನ್ನಿ.

ರೂಟ್‌ ಮ್ಯಾಪ್‌
·   ಪೆರ್ಲದಿಂದ ಪುತ್ತಿಗೆ ಬಾಡೂರು ದಾರಿಯಾಗಿ ಕುಂಬಳಗೆ ಹೋಗುವ ನಡುವೆ ಸಿಗುವ ಬೆದ್ರಂಪಳ್ಳ ಮತ್ತು ಮಣಿಯಂಪುರ ಬಸ್‌ ನಿಲ್ದಾಣಗಳ ನಡುವೆ ಸಿಗುವುದೇ ಬಾಂಡೀಲು.
·   ಸ್ವಲ್ಲ ಮುಂದೆ ಎಣ್ಮಕಜೆ ತರವಾಡು ಮನೆ ಎದುರಾಗುತ್ತದೆ. ಒಂದೊಮ್ಮೆ ಬಲ್ಲಾಳರ ಬೂಡು ಆಗಿದ್ದ ಇದು ಸದ್ಯ ಬಂಟರ ಸುಪರ್ದಿಯಲ್ಲಿದೆ. ಇದು ಕೂಡ ನೋಡಬಹುದಾದ ಸ್ಥಳ.

– ರಾಜಶ್ರೀ ಟಿ. ರೈ ಪೆರ್ಲ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ, ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ತಂಡಕ್ಕೆ ಮರಳಿದ ಶಕಿಬ್‌

ತಂಡಕ್ಕೆ ಮರಳಿದ ಶಕಿಬ್‌

ಬೆಳಗಾವಿ ಕುರಿತಾದ  ಅಜಿತ್ ಪವಾರ್ ಹೇಳಿಕೆ ಉದ್ಧಟತನದ ಪ್ರತೀಕ : ಡಾ. ಸಿ. ಸೋಮಶೇಖರ

ಬೆಳಗಾವಿ ಕುರಿತಾದ ಅಜಿತ್ ಪವಾರ್ ಹೇಳಿಕೆ ಉದ್ಧಟತನದ ಪ್ರತೀಕ : ಡಾ. ಸಿ. ಸೋಮಶೇಖರ

ಸಯ್ಯದ್‌ ಮುಷ್ತಾಕ್‌ ಅಲಿ ಟಿ20 ಟೂರ್ನಿ : ಪುದುಚೇರಿ ವಿರುದ್ಧವೂ ಮುಂಬಯಿಗೆ ಮುಖಭಂಗ

ಸಯ್ಯದ್‌ ಮುಷ್ತಾಕ್‌ ಅಲಿ ಟಿ20 ಟೂರ್ನಿ : ಪುದುಚೇರಿ ವಿರುದ್ಧವೂ ಮುಂಬಯಿಗೆ ಮುಖಭಂಗ

whatsapp posts status reassuring privacy commitment after new privacy update

ಸ್ಟೇಟಸ್ ಮೂಲಕ ಬಳಕೆದಾರರಿಗೆ ‘ಪ್ರೈವೆಸಿ ಪಾಠ’ ಮಾಡಿದ ವಾಟ್ಸಾಪ್

Phone numbers of WhatsApp Web users reportedly found on Google Search

ಮುಗಿಯದ ವಾಟ್ಸಾಪ್ ಗೋಳು: ಗೂಗಲ್ ಸರ್ಚ್ ನಲ್ಲಿ ‘ಮಿಂಚಿ ಮರೆಯಾದ’ ನಿಮ್ಮ ಮೊಬೈಲ್ ನಂಬರ್ !

gulam

ಖ್ಯಾತ ಹಿಂದೂಸ್ತಾನಿ ಗಾಯಕ, ಪದ್ಮವಿಭೂಷಣ ಉಸ್ತಾದ್ ಗುಲಾಂ ಮುಸ್ತಾಫಾಖಾನ್ ವಿಧಿವಶ

siddu

ಭದ್ರಾವತಿ ಕಾರ್ಯಕ್ರಮದಲ್ಲಿ ಕನ್ನಡ ಭಾಷೆ ಕಡೆಗಣನೆ; ತೀವ್ರವಾಗಿ ಖಂಡಿಸುತ್ತೇನೆ ಎಂದ ಸಿದ್ದು







ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಶ್ವಾನ ಜಗದೊಳಗೆಒಂದು ಸುತ್ತಾಟ

ನಾವು ನೋಡಿದ ಸಿನಿಮಾ: ಶ್ವಾನ ಜಗದೊಳಗೆಒಂದು ಸುತ್ತಾಟ

kodibengre

ಪ್ರಕೃತಿ ಸೌಂದರ್ಯದ ಖನಿ ಕೋಡಿಬೇಂಗ್ರೆ

costalwood-kangal

ಕೊರೊನಾ ಕಪಿಮುಷ್ಟಿಗೆ ಕಂಗಾಲು!

ಸಿಂಪಲ್‌ ಆಗಿ ಮಾಡಿ ಬಗೆಬಗೆಯ ದೋಸೆಗಳು

ಸಿಂಪಲ್‌ ಆಗಿ ಮಾಡಿ ಬಗೆಬಗೆಯ ದೋಸೆಗಳು

pingara-2

ತೆರೆಗೆ ಬರಲು ಅಣಿಯಾಗಿದೆ ಪಿಂಗಾರ

MUST WATCH

udayavani youtube

KBCಯಲ್ಲಿ 12.5 ಲಕ್ಷ ಗೆದ್ದು ಬಡ ಮಕ್ಕಳ ಆಶಾಕಿರಣವಾದ ರವಿ ಕಟಪಾಡಿ | Udayavani

udayavani youtube

Whatsapp ಅನ್ನು ಓವರ್ ಟೇಕ್ ಮಾಡಿದ ಸಿಗ್ನಲ್!!??

udayavani youtube

ದ.ಕ ಜಿಲ್ಲೆಯಲ್ಲಿ ಕೋವಿಡ್ ಲಸಿಕೆ ವಿತರಣೆ ಅಭಿಯಾನಕ್ಕೆ ಕೋಟ ಶ್ರೀನಿವಾಸ ಪೂಜಾರಿ ಚಾಲನೆ

udayavani youtube

ಉಡುಪಿ ಜಿಲ್ಲಾಸ್ಪತ್ರೆಯಲ್ಲಿ ಕೋವಿಡ್ 19 ಲಸಿಕೆ ಅಭಿಯಾನ; ಪ್ರಥಮ ಡೋಸ್ ನೀಡಿ ಚಾಲನೆ

udayavani youtube

ಉಡುಪಿಯಲ್ಲಿ ಕೋರೋನಾ ಲಸಿಕೆ ಪಡೆದ ಮೊದಲ ವ್ಯಕ್ತಿಯ ಮಾತು

ಹೊಸ ಸೇರ್ಪಡೆ

ತಂಡಕ್ಕೆ ಮರಳಿದ ಶಕಿಬ್‌

ತಂಡಕ್ಕೆ ಮರಳಿದ ಶಕಿಬ್‌

ಬೆಳಗಾವಿ ಕುರಿತಾದ  ಅಜಿತ್ ಪವಾರ್ ಹೇಳಿಕೆ ಉದ್ಧಟತನದ ಪ್ರತೀಕ : ಡಾ. ಸಿ. ಸೋಮಶೇಖರ

ಬೆಳಗಾವಿ ಕುರಿತಾದ ಅಜಿತ್ ಪವಾರ್ ಹೇಳಿಕೆ ಉದ್ಧಟತನದ ಪ್ರತೀಕ : ಡಾ. ಸಿ. ಸೋಮಶೇಖರ

ಸಯ್ಯದ್‌ ಮುಷ್ತಾಕ್‌ ಅಲಿ ಟಿ20 ಟೂರ್ನಿ : ಪುದುಚೇರಿ ವಿರುದ್ಧವೂ ಮುಂಬಯಿಗೆ ಮುಖಭಂಗ

ಸಯ್ಯದ್‌ ಮುಷ್ತಾಕ್‌ ಅಲಿ ಟಿ20 ಟೂರ್ನಿ : ಪುದುಚೇರಿ ವಿರುದ್ಧವೂ ಮುಂಬಯಿಗೆ ಮುಖಭಂಗ

whatsapp posts status reassuring privacy commitment after new privacy update

ಸ್ಟೇಟಸ್ ಮೂಲಕ ಬಳಕೆದಾರರಿಗೆ ‘ಪ್ರೈವೆಸಿ ಪಾಠ’ ಮಾಡಿದ ವಾಟ್ಸಾಪ್

Phone numbers of WhatsApp Web users reportedly found on Google Search

ಮುಗಿಯದ ವಾಟ್ಸಾಪ್ ಗೋಳು: ಗೂಗಲ್ ಸರ್ಚ್ ನಲ್ಲಿ ‘ಮಿಂಚಿ ಮರೆಯಾದ’ ನಿಮ್ಮ ಮೊಬೈಲ್ ನಂಬರ್ !

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.