Udayavni Special

ಕಣ್ಮನ ಸೆಳೆಯುವ ಪ್ರಾಕೃತಿಕ ಕೌತುಕ


Team Udayavani, Jan 16, 2020, 5:50 AM IST

JOSH-5

ಕಾಂಕ್ರೀಟ್‌ ಸ್ಲ್ಯಾಬ್ ಹಾಸಿದ ಹಾಗಿರುವ ಈ ಪಾರೆಯ ಮೇಲ್ಭಾಗದಲ್ಲಿ ಆರಾಮವಾಗಿ ಯಾವುದೇ ಆತಂಕವಿಲ್ಲದೇ ನಡೆದಾಡಬಹುದು. ಹತ್ತಿರ ಹತ್ತಿರ ಇಂಥ ಎರಡು ರಚನೆಗಳನ್ನು ನಾವು ಕಾಣಬಹುದು. ಅಗಲವಾದ ಸೇತುವೆ ರೀತಿಯ ಈ ರಚನೆಯ ಎರಡೂ ತುದಿಯ ಕೆಳಭಾಗದಲ್ಲಿ ಗುಹೆಗಳಿವೆ. ಇಲ್ಲಿ ಪ್ರಾಣಿಗಳು ಹಗಲಿನಲ್ಲಿ ಅವಿತು ಕುಳಿತುಕೊಳ್ಳುತ್ತವೆ.

ಪ್ರಕೃತಿ ಆರಾಧಕನಿಗೆ ಸೌಂದರ್ಯ, ಅಭಿಮಾನಿಗೆ ಆಪ್ತತೆ, ಕುತೂಹಲಿಗೆ ಕೌತುಕ! ಭೂಮಿಯ ಮೇಲ್ಪದರದಲ್ಲಿ ಮಾನವ ನಿರ್ಮಿತ ಸೋಜಿಗಕ್ಕಿಂತ ಹಲವು ಶತಮಾನಗಳ ಹಿಂದಿನಿಂದಲೂ ಯಾವುದೇ ಪ್ರಾಕೃತಿಕ ವಿಕೋಪಕ್ಕೆ ನಾಶ ಹೊಂದದೆ ಉಳಿದ ಹಲವಾರು ಅಚ್ಚರಿಯ ರಚನೆಗಳು ಕೆಲವು ಊರುಗಳಲ್ಲಿ ಕಾಣಸಿಗುತ್ತದೆ. ಅಲ್ಲಿನ ನಿವಾಸಿಗಳಲ್ಲಿ ಅವು ಕುತೂಹಲ ಹುಟ್ಟಿಸುವುದಿಲ್ಲ.. ಬಲು ದೂರದ ಜೋಗದ ಜಲಪಾತವನ್ನು ನೋಡುವ ಸಾಮೂಹಿಕ ಆಕರ್ಷಣೆಯಲ್ಲಿ ಸೆರೆಯಾಗುವ ನಮಗೆ ನಮ್ಮೂರಿನಲ್ಲಿ ಹರಿಯುವ ಸುಂದರ ಝರಿ ಯಾವ ಕುತೂಹಲವನ್ನೂ ಉಂಟು ಮಾಡಲಾರದು. ಆದರೆ ಚಾರಣಿಗರು, ಪ್ರಕೃತಿ ಪ್ರಿಯರೂ ಮೈಮರೆವ ಮತ್ತು ಅಚ್ಚರಿಯಿಂದ ಕಣ್ಣರಳಿಸುವ ಅಲ್ಲದೇ ಅಧ್ಯಯನಕಾರರ ಬುದ್ಧಿಗೆ ಆಹಾರವಾಗಬಲ್ಲ ಸುಂದರ ಪ್ರಕೃತಿ ತಾಣವೊಂದು ಇಲ್ಲಿದೆ.

ಕಾಡುಪ್ರಾಣಿಗಳು
ಅವಿತುಕೊಳ್ಳುತ್ತವೆ
ಬಾಂಡೀಲು ನಿಲ್ದಾಣದ ಕೂಗಳತೆಯ ದೂರದಲ್ಲಿ ಗೇರುಬೀಜದ ಮರಗಳಿಂದ ಮತ್ತು ಇತರ ಮರ ಬಳ್ಳಿಗಳಿಂದ ಆವೃತವಾದ ಪ್ರದೇಶವೊಂದಿದೆ. ಆ ಭಾಗದ ಪರಿಚಿತರಿಗೆ ಮಾತ್ರ ಅಲ್ಲಿಗೆ ಹೋಗುವುದಕ್ಕೆ ಸಾಧ್ಯ. ಸುಮಾರು ನೂರು ಜನರು ಒಮ್ಮೆಗೆ ಕುಳಿತುಕೊಳ್ಳುವಷ್ಟು ಜಾಗದಲ್ಲಿ, ಆಳೆತ್ತರದಲ್ಲಿ ನೆಲದಿಂದ ಉಬ್ಬಿ, ಪಾರೆ ಛಾವಣಿಯ ರೀತಿ ಹಾಸಿಕೊಂಡಿದೆ. ನಡುವೆ ಯಾವುದೇ ಮರವಾಗಲೀ ಮಣ್ಣಿನ ತಡೆಯಾಗಲಿ ಇಲ್ಲ. ಕಾಂಕ್ರೀಟ್‌ ಸ್ಲಾéಬ್‌ ಹಾಸಿದ ಹಾಗಿರುವ ಈ ಪಾರೆಯ ಮೇಲ್ಭಾಗದಲ್ಲಿ ಆರಾಮವಾಗಿ ಯಾವುದೇ ಆತಂಕವಿಲ್ಲದೇ ನಡೆದಾಡಬಹುದು. ಹತ್ತಿರ ಹತ್ತಿರ ಇಂಥ ಎರಡು ರಚನೆಗಳನ್ನು ನಾವು ಕಾಣಬಹುದು. ಅಗಲವಾದ ಸೇತುವೆ ರೀತಿಯ ಈ ರಚನೆಯ ಎರಡೂ ತುದಿಯ ಕೆಳಭಾಗದಲ್ಲಿ ಗುಹೆಗಳಿವೆ. ಇಲ್ಲಿ ಮುಳ್ಳು ಹಂದಿ,ಕಾಡು ಹಂದಿ ಮೊದಲಾದ ಪ್ರಾಣಿಗಳು ಹಗಲಿನಲ್ಲಿ ಅವಿತು ಕುಳಿತುಕೊಳ್ಳುತ್ತವೆ.

ಪಲ್ಲೆಂಕಿ ಪಾರೆ
ಹಿಂದೆ ಊರಿನ ಬೇಟೆಗಾರರು ಬಾಂಡಿಲಿನ ಮೇಲೆ ಕುಳಿತು ಗುಹೆಯಿಂದ ಹೊರಡುವ ಪ್ರಾಣಿಗಳನ್ನು ಬೇಟೆಯಾಡುತ್ತಿದ್ದರಂತೆ. ಈ ಎರಡು ರಚನೆಗಳ ಬಗ್ಗೆ ಜನಪದ ಕತೆಯೊಂದಿದೆ. ಹಿಂದೊಮ್ಮೆ ಪಲ್ಲಕಿಯಲ್ಲಿ ಮದುಮಗಳು ಮತ್ತು ಮದುಮಗನನ್ನು ಹೊತ್ತು ಹೋಗುತ್ತಿರುವಾಗ ಅದನ್ನು ಹೊರುವವರಿಗೆ ಧಣಿವಾಯಿತಂತೆ. ಅವರು ಧಣಿವಾರಿಸಿಕೊಳ್ಳಲು ಪಲ್ಲಕಿ ಕೆಳಗಿರಿಸಿ ಅತ್ತಿತ್ತ ಹೋಗಿ ಬರುವಾಗ ಅಲ್ಲಿದ್ದ ಮದುಮಗಳು ಮತ್ತು ಮದುಮಗ ಇಬ್ಬರೂ ಪಲ್ಲಕಿ ಸಹಿತ ಮಾಯವಾಗಿದ್ದರು. ಹಾಗಾಗಿ ಹಿಂದೆ ಈ ಪ್ರದೇಶಕ್ಕೆ ಪಲ್ಲೆಂಕಿ ಪಾರೆ ಎನ್ನುವ ಹೆಸರೂ ಇತ್ತಂತೆ. ಹಾಗೆ ನೋಡಿದರೆ ಎರಡೂ ಬಾಂಡೀಲುಗಳು ಆಕೃತಿಯಲ್ಲಿ ಪಲ್ಲಕಿಯನ್ನೇ ನೆನಪಿಸುವಂತೆ ಇರುವ ಕಾರಣಕ್ಕೆ ಈ ಹೆಸರು ಬಂದಿರಲೂಬಹುದು.

ಬಿಸಿ ನೀರು ಚಿಮ್ಮವ ಸುರಂಗ
ಸ್ವಲ್ಪ ಮುಂದೆ ಸಾಗಿದರೆ ಎಣ್ಮಕಜೆ ತರವಾಡು ಮನೆ ಎದುರಾಗುತ್ತದೆ. ಒಂದೊಮ್ಮೆ ಬಲ್ಲಾಳರ ಬೂಡು ಆಗಿದ್ದ ಇದು ಅನಂತರ ಬಂಟರ ಸುಪರ್ಧಿಗೆ ಬಂದಿದೆ. ನಾಗ, ಕೊರತ್ತಿ, ರಕ್ತೇಶ್ವರಿ ಬನಗಳನ್ನು ಹೊಂದಿರುವ ಕಾಡುಪ್ರದೇಶದ ಅನತೀ ದೂರದಲ್ಲಿ ಆರಾಧ್ಯ ದೈವ ಪಿಲಿಭೂತದ ಬಂಡಿಯಿರುವ ಊರಿನ ಪ್ರಮುಖ ಮನೆತನದ ಮನೆ ಇದೆ. ವಿಶಾಲವಾದ ಬಾಕಿತ್ತಿಮಾರ್‌ ಗದ್ದೆಯಲ್ಲಿ ಪಿಲಿ ಭೂತದ ಮರದ ಹುಲಿಯಿರುವ (ಸೇಜಿ) ಇರುವ ಗುಡಿಯಿದೆ. ಅಡ್ಯತ್ತಿಮಾರ್‌ ಗದ್ದೆ ಈಗ ಅಡಿಕೆ ತೋಟವಾಗಿದ್ದರೂ ಅದರ ಬದಿಯಲ್ಲಿ ಒಂದೆಡೆ ಬಿಸಿ ನೀರು ಚಿಮ್ಮವ ಸುರಂಗ (ಮುಗುಳಿ) ಕಾಣಬಹುದು. ಹೀಗೆ ಹೆಜ್ಜೆ ಹೆಜ್ಜೆಗೂ ಅಚ್ಚರಿ. ಈ ನೀರಿನ ಸುರಂಗ ಎಷ್ಟು ದೂರದವರೆಗೆ ಇದೆ ಎಂದು ತಿಳಿದವರಿಲ್ಲ. ಆದರೆ ಹಿಂದೊಮ್ಮೆ ಯಾರದೋ ತಾಮ್ರದ ಬಿಂದಿಗೆ ಒಳಗೆ ಹೋದದ್ದು ಸುಮಾರು ಹದಿನೈದು ದಿನ ಕಳೆದು ಹೊರಬಂದಿತಂತೆ.

ದೊಡ್ಡ ಹಸುರಿನ ಬಯಲು
ಮುಂದುವರಿದು ಒಂದು ಸಣ್ಣ ಕಾಲುಸಂಕದ ಮೂಲಕ ತೋಡು ದಾಟಿದರೆ ಪ್ರಕೃತಿ ಸೌಂದರ್ಯದ ಖಜಾನೆಯೇ ತೆರೆದು ನಮ್ಮೆದುರು ಇರಿಸಿದ ಅನುಭವ. ವಿಶಾಲವಾಗಿ ಹರಡಿಕೊಂಡಿರುವ ಹಾಸುಪಾರೆಯ ದೊಡ್ಡ ಹಸುರಿನ ಬಯಲು (ಮಲ್ಲ ಒಡಾcಲ್‌). ಇದು ಕ್ಯಾಶ್ಯೂ ಪ್ಲಾಂಟೇಶನ್‌ನವರ ಸ್ವಾಧೀನದ ಸ್ಥಳವಾದುದರಿಂದ ಇಲ್ಲಿ ಯಾವುದೇ ಮನೆಗಳಿಲ್ಲ. ಸಣ್ಣ ಕೆರೆಗಳು, ಅದರಲ್ಲಿ ತಲೆ ಎತ್ತಿ ನಿರಾಳವಾಗಿ ಹರಿದಾಡುವ ಕೇರೆ, ನೀರು ಹಾವು, ಕಪ್ಪೆಗಳು ಮತ್ತಿತರ ಜೀವಿಗಳು. ಅವುಗಳು ಎಷ್ಟು ನಿರ್ಭಯದಿಂದ ಇವೆ ಎಂದರೆ ನಮ್ಮನ್ನು ಕಂಡರೂ ಕಾಣದಂತೆ ನಿರಾಂತಕದಿಂದ ಚಲಿಸುತ್ತಿರುತ್ತವೆ. ದೂರದಿಂದ ಕಾಣುವ ಗುಂಪೆಯ ಗುಡ್ಡೆಯ ನೋಟ ರಮಣೀಯವಾಗಿದೆ. ಇಲ್ಲಿ ಸ್ವಲ್ಪ ದೂರ ನಡೆದಾಗ ಮರಗಳಿಂದ ಆವೃತವಾದ ಮತ್ತೂಂದು ಬಾಂಡೀಲು ದೊರೆಯುತ್ತದೆ. ಊರವರು ಕರೆಯುವಂತೆ ಇದು ಪಿಲಿ ಬಾಂಡೀಲು. ಹೆಸರಿಗೆ ಒಂದನೇ ಕಾರಣ, ಹಿಂದೆ ಹುಲಿಗಳಿಗೆ ಇದು ಅಡಗುತಾಣವಾಗಿತ್ತು ಎಂಬುದು. ಇನ್ನೊಂದು ಇದರ ಒಳಗೆ ದೊಡ್ಡ ಗುಹೆಯಿದೆ. ಈ ಊರಿನ ಹಿರಿಯರೂ ಮತ್ತು ಅಲ್ಲಿ ಬೇಟೆಯಾಡಿದ ಅನುಭವವನ್ನು ಹೊಂದಿರುವ ಅರೆಮಂಗಿಲ ನಾರಾಯಣ ರೈಗಳು ಹೇಳುವಂತೆ ಈ ಗುಹೆ ಎಲ್ಲಿ ಕೊನೆಗೊಳ್ಳುತ್ತದೆ ಎಂದು ತಿಳಿದವರಿಲ್ಲ. ಅವರು ಅಂದಿನ ಕಾಲದಲ್ಲಿ ಸುಮಾರು ದೂರದವರೆಗೆ ಟಾರ್ಚಿನ ಬೆಳಕಿನಲ್ಲಿ ಅದರ ಒಳಗಡೆ ನಡೆದು ಹೋಗುತ್ತಿದ್ದರಂತೆ. ಈಗ ದನ ಕರುಗಳು ಒಳಪ್ರವೇಶಿಸಿ ಹಾದಿ ತಪ್ಪಿ ಹೋದರೆ ಎಂಬ ಮುಂದಾಲೋಚನೆಯಲ್ಲಿ ಬಾಗಿಲಿಗೆ ಅಡ್ಡಲಾಗಿ ಕಲ್ಲುಗಳನ್ನು ಇರಿಸಲಾಗಿದೆ. ಇದು ಎಲ್ಲಿ ಕೊನೆಗೊಳ್ಳುತ್ತದೆ ಎಂದು ಅರಿತವರಿಲ್ಲ. ಮನುಷ್ಯನಿಗೆ ನಡೆದುಕೊಂಡು ಒಳ ಹೋಗಬಹುದು. ಮೇಲ್ಭಾಗದಲ್ಲಿ ನಿಂತು ನೋಡಿದರೆ ಸಣ್ಣದಾಗಿ ಕಂಡು ಬರುವ ಈ ಬಾಂಡೀಲು ಕೆಳಗೆ ಬಂದು ನೋಡಿದರೆ ವಿಶಾಲವಾಗಿ ಕಾಣುತ್ತದೆ. ಹಿಂದೊಮ್ಮೆ ಆ ಗ್ರಾಮವನ್ನು ನಡುಗಿಸಿದ ಕುಂಞಿರಾಮ ಎನ್ನುವ ದೊಡ್ಡ ಕಳ್ಳ ಹಗಲು ಹೊತ್ತಿನಲ್ಲಿ ಮುಖಕ್ಕೆ ಬೂದಿ ಸವರಿಕೊಂಡು ಇಲ್ಲಿ ಅಡಗಿ ಕುಳಿತಿರುತ್ತಿದ್ದನಂತೆ. ಇದೇ ರೀತಿಯ ಇನ್ನೊಂದು ಬಾಂಡೀಲು ಇಲ್ಲಿ ಸಮೀಪದಲ್ಲಿದೆ.

ಎಟ್ಟಿ ಪಳ್ಳ
ಮುಂದೆ ನಡೆಯುತ್ತ ಹೋದಂತೆ ಮತ್ತೆ ಬಯಲು ಸಿಗುತ್ತದೆ. ಅಲ್ಲೊಂದು ವಿಶಾಲವಾದ ಪಳ್ಳವಿದೆ. ಇದಕ್ಕೆ ಎಟ್ಟಿ (ಸಿಗಡಿ) ಪಳ್ಳ ಎಂದು ಹೆಸರು. ಇದರಲ್ಲಿ ಬೀಸಿಗೆಯಲ್ಲೂ ನೀರು ಬತ್ತಿ ಹೋಗುವುದಿಲ್ಲ. ಆಳವಾದ ಈ ಕೆರೆಯಲ್ಲಿ ಸೈದಿಲೆಯ ಗಿಡಗಳನ್ನು ಕಾಣಬಹುದು. ಈ ಕೆರೆಯ ಜತೆ ಪಾಂಡವರ ಕಥೆಯೇ ಜೋಡಿಕೊಂಡಿದೆ. ಹಿಂದೆ ವನವಾಸದ ಸಂದರ್ಭದಲ್ಲಿ ಇಲ್ಲಿಗೆ ಪಾಂಡವರು ಬಂದಿದ್ದರಂತೆ. ರಾತ್ರಿ ಬೆಳಗಾಗುವುದರೊಳಗಾಗಿ ಅಲ್ಲಿ ಅರಮನೆಯನ್ನು ನಿರ್ಮಿಸಿಕೊಳ್ಳಬೇಕು ಎಂದು ಅವರು ನಿರ್ಧರಿಸಿದರೆ ಶ್ರೀಕೃಷ್ಣ ದೇವರಿಗೆ ಯಾಕೋ ಅದು ಮನಸ್ಸಿರಲಿಲ್ಲ. ಹಾಗಾಗಿ ಆತ ಹುಂಜದ ರೂಪವನ್ನು ತಾಳಿ ಕೂಗಿದಾಗ ಬೆಳಗಾಯಿತು ಎಂದು ಭಾವಿಸಿದ ಪಾಂಡವರು ಅಲ್ಲಿಂದ ಆ ಕೂಡಲೇ ಹೊರಟು ವಿಟ್ಲದಲ್ಲಿ ಅರಮನೆಯನ್ನು ನಿರ್ಮಿಸಿದರು ಎಂಬುದು ರಸವತ್ತಾಗಿ ತಲೆಮಾರುಗಳಿಂದ ಹರಿದು ಬಂದ ಕಥೆ. ಅಲ್ಲಿಂದ ಕೆಳಗಿಳಿದರೆ ಅತೀ ಎತ್ತರದಿಂದ ನೀರು ದುಮ್ಮಿಕ್ಕಿ ಜಿಗಿಯುವ ಗುರ್ಮೆಯ ನೋಟವನ್ನು ನೋಡಬಹುದು. ಆದರೆ ಇಲ್ಲಿ ವರ್ಷದಿಂದ ವರ್ಷಕ್ಕೆ ಮಣ್ಣು ಕುಸಿದು ಬೀಳುತ್ತಿರುವ ಕಾರಣ ಅದೊಂದು ಸುರಕ್ಷತೆಯ ದೃಷ್ಟಿಯಿಂದ ವೀಕ್ಷಣೆಗೆ ಯೋಗ್ಯ ಸ್ಥಳವಲ್ಲ. ಅಲ್ಲದೇ ಈ ಬಾಂಡೀಲುಗಳು ಇರುವ ಸುತ್ತಲಿನ ಪ್ರದೇಶದಲ್ಲಿ ಎಲ್ಲೆಡೆಯೂ ನೀರಿನ ಒರತೆಗಳಿವೆ.

ವಿಶಾಲವಾದ ಪಳ್ಳ
ಕೇರಳ ಕರ್ನಾಟಕ ಗಡಿಭಾಗದ ಸಾರಡ್ಕ ದಾಟಿ ಬಂದರೆ ಹಲವಾರು ಖ್ಯಾತವೆತ್ತರ ಜನ್ಮ ಭೂಮಿ ಪೆರ್ಲ ಎಂಬ ಸಣ್ಣ ಊರು ಸಿಗುತ್ತದೆ. ಪೆರ್ಲ ಇರುವುದು ಎಣ್ಮಕಜೆ ಗ್ರಾಮದಲ್ಲಿ. ಈ ಗ್ರಾಮಕ್ಕೆ ಈ ಹೆಸರನ್ನು ತಂದ ಎಣ್ಮಕಜೆ ತರವಾಡು ಮನೆ ಇರುವುದು ಪೆರ್ಲದಿಂದ ಪುತ್ತಿಗೆ ಬಾಡೂರು ದಾರಿಯಾಗಿ ಕುಂ ಬಳೆಗೆ ಹೋಗುವ ಹಾದಿಯಲ್ಲಿ ನಾಲ್ಕು ಕಿ.ಮೀ. ದೂರದ ವಿಶಾಲವಾದ ಪಳ್ಳ (ನೀರು ನಿಂತ ಸ್ಥಳ) ಇರುವ ಬೆದ್ರಂಪಳ್ಳ ಎನ್ನುವ ಸಣ್ಣ ಹಳ್ಳಿಯ ಹತ್ತಿರ. ಇಲ್ಲಿ ಬೆದ್ರಂಪಳ್ಳ ಮತ್ತು ಮಣಿಯಂಪಾರೆ ಎಂಬ ಎರಡು ಬಸ್‌Õ ನಿಲ್ದಾಣಗಳ ನಡುವೆ ಬಾಂಡೀಲು ಎಂಬ ಸಣ್ಣ ಬಸ್ಸು ನಿಲ್ದಾಣ ಎದುರಾಗುತ್ತದೆ. ಎಣ್ಮಕಜೆ ತರವಾಡು ಮನೆಗೆ ಇಲ್ಲಿಂದ ಸ್ವಲ್ಪ ದೂರದ ಕಾಲ್ನಡಿಗೆ. ಬಾಂಡೀಲು ಎನ್ನುವ ಹೆಸರಿಗೆ ಕಾರಣವೇ ಆ ಪ್ರದೇಶದಲ್ಲಿ ಇರುವ ಪ್ರಕೃತಿ ನಿರ್ಮಿತ ವೈಶಿಷ್ಟ್ಯ ರಚನೆಗಳಿಗಾಗಿ ಎಂದು ಇಂದಿನವರಿಗೆ ತಿಳಿದಿರಲಾರದು. ಬಾಂಡೀಲು ಎಂದರೆ ಗುಹೆಯೋ , ಸುರಂಗದ ರೀತಿಯ ರಚನೆಯೋ ಎಂದುಕೊಳ್ಳುವವರಿಗೆ ಇಲ್ಲಿ ಅಚ್ಚರಿ ಕಾದಿದೆ.

ರೂಟ್‌ ಮ್ಯಾಪ್‌
-ಪೆರ್ಲದಿಂದ ಪುತ್ತಿಗೆ ಬಾಡೂರು ದಾರಿಯಾಗಿ ಕುಂಬಳೆಗೆ ಹೋಗುವ ಹಾದಿಯಲ್ಲಿ ಸಾಗಬೇಕು.
-ಬೆದ್ರಂಪಳ್ಳ, ಮಣಿಯಂಪಾರೆ ನಿಲ್ದಾಣದ ನಡುವೆ ಬಾಂಡೀಲು ಇದೆ.

– ರಾಜಶ್ರೀ ಟಿ. ರೈ ಪೆರ್ಲ
ಚಿತ್ರಗಳು: ಸನ್ನಿಧಿ ಟಿ. ರೈ ಪೆರ್ಲ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಮಾರಕ ವೈರಸ್ ಸೃಷ್ಟಿಸಿ ಚೀನಾಗೆ ಮಾರಿದರೇ ಹಾರ್ವರ್ಡ್‌ ವಿ.ವಿ. ಪ್ರೊಫೆಸರ್?

ಮಾರಕ ವೈರಸ್ ಸೃಷ್ಟಿಸಿ ಚೀನಾಗೆ ಮಾರಿದರೇ ಹಾರ್ವರ್ಡ್‌ ವಿ.ವಿ. ಪ್ರೊಫೆಸರ್?

ಮೃಗಾಲಯದಲ್ಲಿದ್ದ ಹುಲಿಯನ್ನೂ ಬಿಡದ ಮಹಾಮಾರಿ ಕೋವಿಡ್!

ಮೃಗಾಲಯದಲ್ಲಿದ್ದ ಹುಲಿಯನ್ನೂ ಬಿಡದ ಮಹಾಮಾರಿ ಕೋವಿಡ್!

ತಮಿಳುನಾಡಿನಲ್ಲಿ ಒಂದೇ ದಿನ 63 ಕೋವಿಡ್ 19 ಪ್ರಕರಣ ಪತ್ತೆ, ಸಾವಿನ ಸಂಖ್ಯೆ 7ಕ್ಕೆ ಏರಿಕೆ

ತಮಿಳುನಾಡಿನಲ್ಲಿ ಒಂದೇ ದಿನ 63 ಕೋವಿಡ್ 19 ಪ್ರಕರಣ ಪತ್ತೆ, ಸಾವಿನ ಸಂಖ್ಯೆ 7ಕ್ಕೆ ಏರಿಕೆ

ಚೀನದಲ್ಲಿ ಎರಡನೇ ಹಂತದ ಸೋಂಕು? ; ಪತ್ತೆಯಾಯ್ತು 39 ಹೊಸ ಪ್ರಕರಣಗಳು

ಚೀನದಲ್ಲಿ ಎರಡನೇ ಹಂತದ ಸೋಂಕು? ; ಪತ್ತೆಯಾಯ್ತು 39 ಹೊಸ ಪ್ರಕರಣಗಳು

ಕೋವಿಡ್ 19 ವೈರಸ್: ನ್ಯೂಯಾರ್ಕ್ ನಲ್ಲಿ ಒಂದೇ ದಿನ 731 ಸಾವು, ರೋಗಿಗಳ ಸಂಖ್ಯೆ ಇಳಿಮುಖ

ಕೋವಿಡ್ 19 ವೈರಸ್: ನ್ಯೂಯಾರ್ಕ್ ನಲ್ಲಿ ಒಂದೇ ದಿನ 731 ಸಾವು, ರೋಗಿಗಳ ಸಂಖ್ಯೆ ಇಳಿಮುಖ

ಮಹಾರಾಷ್ಟ್ರ: ಒಂದು ಸಾವಿರ ದಾಟಿದ ಕೋವಿಡ್ 19 ವೈರಸ್ ಸೋಂಕಿತರ ಸಂಖ್ಯೆ, 40 ಮಂದಿ ಸಾವು

ಮಹಾರಾಷ್ಟ್ರ: ಒಂದು ಸಾವಿರ ದಾಟಿದ ಕೋವಿಡ್ 19 ವೈರಸ್ ಸೋಂಕಿತರ ಸಂಖ್ಯೆ, 40 ಮಂದಿ ಸಾವು

ಜಮ್ಮು-ಕಾಶ್ಮೀರ: ಉಗ್ರರ ಗ್ರೆನೇಡ್ ದಾಳಿ ಸಿಆರ್ ಪಿಎಫ್ ಯೋಧ ಹುತಾತ್ಮ, ಸೇನೆಯಿಂದ ಪ್ರತಿದಾಳಿ

ಜಮ್ಮು-ಕಾಶ್ಮೀರ: ಉಗ್ರರ ಗ್ರೆನೇಡ್ ದಾಳಿ ಸಿಆರ್ ಪಿಎಫ್ ಯೋಧ ಹುತಾತ್ಮ, ಸೇನೆಯಿಂದ ಪ್ರತಿದಾಳಿ

ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

kodibengre

ಪ್ರಕೃತಿ ಸೌಂದರ್ಯದ ಖನಿ ಕೋಡಿಬೇಂಗ್ರೆ

costalwood-kangal

ಕೊರೊನಾ ಕಪಿಮುಷ್ಟಿಗೆ ಕಂಗಾಲು!

ಸಿಂಪಲ್‌ ಆಗಿ ಮಾಡಿ ಬಗೆಬಗೆಯ ದೋಸೆಗಳು

ಸಿಂಪಲ್‌ ಆಗಿ ಮಾಡಿ ಬಗೆಬಗೆಯ ದೋಸೆಗಳು

pingara-2

ತೆರೆಗೆ ಬರಲು ಅಣಿಯಾಗಿದೆ ಪಿಂಗಾರ

ponmudi

ಪೊನ್ಮುಡಿ ಪ್ರವಾಸಿ ತಾಣ

MUST WATCH

udayavani youtube

Kundapura: ಖಾಲಿ ರಸ್ತೆಯಲ್ಲೂ ಅಪಘಾತ! CCTVಯಲ್ಲಿ ದಾಖಲಾಯ್ತು ಅಪಘಾತದ ದೃಶ್ಯ

udayavani youtube

Shivamogga ಜ್ವರದಿಂದ ಬಳಲುತ್ತಿದ್ದರೂ ಆದೇಶ ಉಲ್ಲಂಘಿಸಿ ನಮಾಜ್ ನಲ್ಲಿ ಭಾಗಿಯಾದರು

udayavani youtube

Covid 19 ಸೋಂಕು ತಡೆಗೆ ಕಾಗಿನೆಲೆ ಕನಕ ಗುರುಪೀಠದ ಶ್ರೀ ನಿರಂಜನಾನಂದ ಪುರಿ ಸ್ವಾಮೀಜಿ ಸಂದೇಶ

udayavani youtube

Udyavara Jamia Masjid ಮೈಕ್ ನಲ್ಲಿ ಮೊಳಗುತ್ತಿದೆ ಕೋವಿಡ್ ಮಹಾಮಾರಿ ಜಾಗೃತಿ ಸಂದೇಶ

udayavani youtube

ಒಂದೆರಡು ದಿನಗಳಲ್ಲಿ ರೈತರ ಎಲ್ಲಾ ಸಮಸ್ಯೆ ಸರಿಹೋಗಲಿದೆ : ಕೃಷಿ ಸಚಿವರಿಂದ ರೈತರಿಗೆ ಅಭಯ

ಹೊಸ ಸೇರ್ಪಡೆ

ಗಂಡನ ಬೈಕ್‌ ಸುತ್ತಾಟ: ಪತ್ನಿಯ ದೂರು

ಗಂಡನ ಬೈಕ್‌ ಸುತ್ತಾಟ: ಪತ್ನಿಯ ದೂರು

ಮಾನಸಿಕ ಸಮಸ್ಯೆ ಹೆಚ್ಚಿಸಿದ ಕೋವಿಡ್ 19 ವೈರಸ್

ಮಾನಸಿಕ ಸಮಸ್ಯೆ ಹೆಚ್ಚಿಸಿದ ಕೋವಿಡ್ 19 ವೈರಸ್

ಜರ್ಮನಿ, ದ. ಕೊರಿಯಾ ಮಾದರಿಯಾಗಲಿ ; ವ್ಯಾಪಕ ಪರೀಕ್ಷೆ, ಕಟ್ಟು ನಿಟ್ಟಿನ ಕ್ರಮ

ಜರ್ಮನಿ, ದ. ಕೊರಿಯಾ ಮಾದರಿಯಾಗಲಿ ; ವ್ಯಾಪಕ ಪರೀಕ್ಷೆ, ಕಟ್ಟು ನಿಟ್ಟಿನ ಕ್ರಮ

ಮಾರಕ ವೈರಸ್ ಸೃಷ್ಟಿಸಿ ಚೀನಾಗೆ ಮಾರಿದರೇ ಹಾರ್ವರ್ಡ್‌ ವಿ.ವಿ. ಪ್ರೊಫೆಸರ್?

ಮಾರಕ ವೈರಸ್ ಸೃಷ್ಟಿಸಿ ಚೀನಾಗೆ ಮಾರಿದರೇ ಹಾರ್ವರ್ಡ್‌ ವಿ.ವಿ. ಪ್ರೊಫೆಸರ್?

PCRಗಿಂತ ಆ್ಯಂಟಿ ಬಾಡಿ ರ್ಯಾಪಿಡ್ ಟೆಸ್ಟ್ ಯಾಕೆ ಬೆಸ್ಟ್?

ಕೋವಿಡ್ ವೈರಸ್ ಸೋಂಕು ಪತ್ತೆಯಲ್ಲಿ PCRಗಿಂತ ಆ್ಯಂಟಿ ಬಾಡಿ ರ್ಯಾಪಿಡ್ ಟೆಸ್ಟ್ ಯಾಕೆ ಬೆಸ್ಟ್?