ಸೆಟ್ಟೇರುತ್ತಿದೆ “ವೋಡ್ತಾಂತ್ಲೆ ಫುಲ್’ ಕೊಂಕಣಿ ಸಿನೆಮಾ
Team Udayavani, Feb 13, 2020, 7:11 AM IST
ತುಳು ಸಿನೆಮಾ ಇಂಡಸ್ಟ್ರಿಯ ರೀತಿಯಲ್ಲಿಯೇ ಕೊಂಕಣಿಯಲ್ಲಿಯೂ ಹಲವು ಸಿನೆಮಾಗಳು ತೆರೆ ಮೇಲೆ ಬರುತ್ತಿವೆ. ಕೊಂಕಣಿ ಭಾಷಿಗರು ಅಧಿಕವಿರುವ ಕರಾವಳಿಯಲ್ಲಿ ಈ ಸಿನೆಮಾಗಳಿಗೆ ವಿಶೇಷ ಒಲವು ಪ್ರೇಕ್ಷಕರಿಂದ ವ್ಯಕ್ತವಾಗುತ್ತಿದೆ.
ಇದೀಗ ಕೊಂಕಣಿಯಲ್ಲಿ ಮತ್ತೂಂದು ಸಿನೆಮಾ ಸೆಟ್ಟೇರುತ್ತಿದೆ. ಬರೆಟ್ಟೊ ಪ್ರೊಡಕ್ಷನ್ ಬ್ಯಾನರಿನಡಿಯಲ್ಲಿ ತಯಾರಾಗುತ್ತಿರುವ ಕೊಂಕಣಿ ಸಿನೆಮಾದ ಹೆಸರು “ವೋಡ್ತಾಂತ್ಲೆ ಫುಲ್’. ಮೆಲ್ವಿನ್ ಎಲ್ಪೆಲ್ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ವಿಶೇಷವೆಂದರೆ, ಅವರ ನಿರ್ದೇಶನದ 3ನೇ ಸಿನೆಮಾ ಇದು. ಸುನಿಲ್ ಬರೆಟ್ಟೊ ಈ ಸಿನೆಮಾ ನಿರ್ಮಾಣ ಮಾಡಿದ್ದಾರೆ.
ಇದರ ಸಿನೆಮಾಟೋಗ್ರಫಿ ವಿಜಯ್ ಎಸ್. ಮತ್ತು ಸಂಕಲನ ರಘುನಾಥ್ ಅವರದ್ದು. ಸಂಗೀತ ನಿರ್ದೇಶನವನ್ನು ಡೊಲ್ವಿನ್ ಕೊಳಲಗಿರಿ ಮಾಡಿದ್ದು, ಸಾಹಿತ್ಯ ಅರ್ಜುನ್ ಲೂಯಿಸ್ ಅವರದ್ದು.ಚಿತ್ರದಲ್ಲಿ ಲಿಷಾ,ಆಸ್ಕರ್, ಸುನಿತಾ, ಸ್ಟಾನಿ ಅಲ್ವಾರಿಸ್, ಜೀವನ್ ವಾಸ್,ನೊರ್ಬರ್ಟ್ ಜೋನ್ ನಟಿಸಿದ್ದಾರೆ.
ನೀರುಮಾರ್ಗ,ವಾಮಂಜೂರು,ಮಂಗಳೂರು,ಕೆಲರಾಯ್ ಮತ್ತು ಬೆಂಗಳೂರಿನಲ್ಲಿ ಸಿನೆಮಾದ ಒಂದು ಹಂತದ ಶೂಟಿಂಗ್ ಮುಗಿದಿದೆ.ಕೆಲವೇ ದಿನಗಳಲ್ಲಿ ಹಾಡಿನ ದೃಶ್ಯ ಚಿತ್ರೀಕರಣ ನಡೆಯಲಿದೆ.ಎಪ್ರಿಲ್ನಲ್ಲಿ ಸಿನೆಮಾ ಬಿಡುಗಡೆಯ ನಿರೀಕ್ಷೆಯಲ್ಲಿದೆ.