ಬದನೆ, ಮೆಂತೆ ಸೊಪ್ಪು ಗಸಿ

Team Udayavani, Oct 12, 2019, 5:15 AM IST

ಬೇಕಾಗುವ ಸಾಮಗ್ರಿ
ಮೆಂತೆ ಸೊಪ್ಪು: ಒಂದು ಕಟ್ಟು
ಬದನೆಕಾಯಿ: ನಾಲ್ಕು
ತೊಗರಿಬೇಳೆ: ಅರ್ಧ ಕಪ್‌
ಟೊಮೇಟೊ: ಎರಡು
ಈರುಳ್ಳಿ: ಎರಡು
ಕೆಂಪು ಮೆಣಸು: ಮೂರು (ಒಗ್ಗರಣೆಗೆ)
ಹಸಿ ಮೆಣಸು: ಹತ್ತು
ಜೀರಿಗೆ: ಒಂದು ಚಮಚ
ಉಪ್ಪು: ರುಚಿಗೆ ತಕ್ಕಷ್ಟು
ಸಾಸಿವೆ: ಒಂದು ಚಮಚ
ಬೆಳ್ಳುಳ್ಳಿ: ಹತ್ತು ಎಸಳು
ಎಣ್ಣೆ: ಮೂರು ಚಮಚ
ಕರಿಬೇವು: ಸ್ವಲ್ಪ
ಅರಿಶಿನ ಹುಡಿ: ಒಂದು ಚಿಟಿಕೆ
ಗರಂ ಮಸಾಲ: ಎರಡು ಚಮಚ
ಚಕ್ಕೆ, ಲವಂಗ, ಹುಳಿ: ಸ್ವಲ್ಪ

ಮಾಡುವ ವಿಧಾನ
ಕುಕ್ಕರ್‌ನಲ್ಲಿ ಎಣ್ಣೆ ಕಾಯಲು ಇಟ್ಟು ಚಕ್ಕೆ, ಲವಂಗ, ಸಾಸಿವೆ ಹಾಕಿ, ಅನಂತರ ಬೆಳ್ಳುಳ್ಳಿ, ಕರಿಬೇವು, ಜೀರಿಗೆ ಹಾಕಿ, ಚಿಕ್ಕದಾಗಿ ಕತ್ತರಿಸಿದ ಈರುಳ್ಳಿ ಮತ್ತು ಕೆಂಪು ಮೆಣಸು ಹಾಕಿ ಸರಿಯಾಗಿ ಹುರಿದುಕೊಳ್ಳಿ. ಅನಂತರ ಸಣ್ಣದಾಗಿ ಕತ್ತರಿಸಿದ ಬದನೆಕಾಯಿ, ಟೊಮೇಟೊ, ಬೇಳೆ ಮತ್ತು ಮೆಂತೆ ಸೊಪ್ಪುಗಳನ್ನು ಚಿಕ್ಕದಾಗಿ ಹೆಚ್ಚಿಕೊಂಡು ಕುಕ್ಕರ್‌ಗೆ ಹಾಕಿ ಬೇಯುವುದಕ್ಕೆ ಬೇಕಾದಷ್ಟು ನೀರು ಸೇರಿಸಿ. ಅನಂತರ ಅರಿಶಿನ, ಉಪ್ಪು, ಹುಳಿ, ಗರಂ ಮಸಾಲ ಹಾಕಿ ಮುಚ್ಚಳ ಮುಚ್ಚಿ. ಇದು 3 ವಿಸಿಲ್‌ ಆದಾಗ ಗ್ಯಾಸ್‌ ಆಫ್ ಮಾಡಿ. ಈಗ ಚಪಾತಿ, ದೋಸೆ, ವೈಟ್‌ರೈಸ್‌ ಜತೆ ಸವಿಯುವ ರುಚಿ ರುಚಿ ಬದನೆ, ಮೆಂತೆ ಸೊಪ್ಪು ಗಸಿ ಸವಿಯಲು ಸಿದ್ಧ.

-   ಶಿವಾನಂದ್‌ ಎಚ್‌.