ಆಂಧ್ರದ ಸಿಹಿ ಪೂರ್ಣಮ್‌ ಬೂರೆಲು

Team Udayavani, Aug 31, 2019, 5:15 AM IST

ಆಂಧ್ರಪ್ರದೇಶದಲ್ಲಿ ಹಬ್ಬಗಳ ಸಂದರ್ಭ ದೇವರಿಗೆ ಸಮರ್ಪಿಸುವ ನೈವೇದ್ಯಗಳಲ್ಲಿ ಒಂದು ಪೂರ್ಣಮ್‌ ಬೂರೆಲು. ಎಣ್ಣೆಯಲ್ಲಿ ಕರಿದು ತಯಾರಿಸಲ್ಪಡುವ ಬೂರೆಲು ತಿಂಡಿಯನ್ನು ಆಂಧ್ರದಲ್ಲಿ ಸಾಮಾನ್ಯವಾಗಿ ವರಮಹಾಲಕ್ಷ್ಮೀ ವ್ರತ ಹಾಗೂ ನವರಾತ್ರಿ ವೇಳೆ ತಯಾರಿಸುತ್ತಾರೆ. ಹಬ್ಬಗಳ ಋತುವಿನಲ್ಲಿ ವಿಭಿನ್ನ ಸಿಹಿ ತಿಂಡಿಗಳನ್ನು ಮಾಡಲು ಬಯಸುವವರಿಗೆ ಇಲ್ಲಿದೆ ಈ ಪೂರ್ಣಮ್‌ ಬೂರೆಲು ರೆಸಿಪಿ..

ಬೇಕಾಗುವ ಸಾಮಗ್ರಿ
ಹಿಟ್ಟಿನ ತಯಾರಿಗೆ
ಅಕ್ಕಿ ಒಂದು ಕಪ್‌
ಉದ್ದಿನಬೇಳೆ ಅರ್ಧ ಕಪ್‌
ನೆನೆಸಲು ನೀರು ಅರ್ಧ ಕಪ್‌
ಉಪ್ಪು ಅರ್ಧ ಟೀಸ್ಪೂನ್‌ ಅಥವಾ ರುಚಿಗೆ ತಕ್ಕಷ್ಟು
ಹೂರಣದ ತಯಾರಿಗೆ
ಕಡಲೆಬೇಳೆ ಒಂದು ಕಪ್‌
ಬೆಲ್ಲ ಒಂದು ಕಪ್‌
ಏಲಕ್ಕಿ ಅರ್ಧ ಟೀಸ್ಪೂನ್‌
ಜಾಯಿಕಾಯಿ ಹುಡಿ ಕಾಲು
ಟೀ ಸ್ಪೂನ್‌ (ಬೇಕಾದಲ್ಲಿ)
ಕಾಯಿತುರಿ ಕಾಲು ಕಪ್‌ (ಬೇಕಾದಲ್ಲಿ)
ಕರಿಯಲು ಎಣ್ಣೆ
ತುಪ್ಪ ಒಂದು
ಟೇಬಲ್‌ಸ್ಪೂನ್‌

ಹಿಟ್ಟಿನ ತಯಾರಿ
ಒಂದು ಕಪ್‌ ಅಕ್ಕಿ ಹಾಗೂ ಅರ್ಧ ಕಪ್‌ ಉದ್ದಿನಬೇಳೆಯನ್ನು ಚೆನ್ನಾಗಿ ತೊಳೆದು ರಾತ್ರಿ ನೀರಿನಲ್ಲಿ ನೆನೆಸಿ. ಮರುದಿನ ನೀರಿನಿಂದ ಅದನ್ನು ತೆಗೆದು ದೋಸೆ ಹಿಟ್ಟಿ ಹದಕ್ಕೆ ರುಬ್ಬಿಕೊಳ್ಳಿ. ಅನಂತರ ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ ಪಕ್ಕದಲ್ಲಿಡಿ.

ಹೂರಣದ ತಯಾರಿ
ಒಂದು ಕಪ್‌ ಕಡಲೆಬೇಳೆಯನ್ನು ತೊಳೆದು ಕುಕ್ಕರಿನಲ್ಲಿ ಬೇಯಿಸಿ (ಬೇಕಾದಲ್ಲಿ ಕಡಲೆಬೇಳೆ ನೆನೆಸಿಟ್ಟುಕೊಳ್ಳಬಹುದು). ಕುಕ್ಕರ್‌ ಅನ್ನು ಮಧ್ಯಮ ಉರಿಯಲ್ಲಿ ಇರಿಸಿ 6 ರಿಂದ 7 ಕೂಗು ಹಾಕಿಸಿಕೊಳ್ಳಬೇಕು. ಬೇಳೆ ತಣ್ಣಗಾದ ಅನಂತರ ಮಿಕ್ಸಿಯಲ್ಲಿ ಒಂದು ಕಪ್‌ ಬೆಲ್ಲ, ಅರ್ಧ ಟೀಸ್ಪೂನ್‌ ಜಾಯಿಕಾಯಿಹುಡಿ, ಅರ್ಧ ಟೀಸ್ಪೂನ್‌ ಏಲಕ್ಕಿ ಹುಡಿ ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ. ರುಬ್ಬಲು ಸಾಧ್ಯವಾಗದೇ ಇದ್ದರೆ 2ರಿಂದ 3 ಟೇಬಲ್‌ಸ್ಪೂನ್‌ ನೀರು ಸೇರಿಸಿಕೊಳ್ಳಬಹುದು.

ಬೂರೆಲು ಸಿದ್ಧಪಡಿಸಿಕೊಳ್ಳುವುದು
ಒಂದು ಪ್ಯಾನ್‌ಗೆ ಒಂದು ಟೇಬಲ್‌ ಸ್ಪೂನ್‌ ತುಪ್ಪ ಹಾಕಿ ಬಿಸಿ ಮಾಡಿ. ಅದಕ್ಕೆ ಕಡಲೆಬೇಳೆ ಹಾಗೂ ಬೆಲ್ಲದ ಮಿಶ್ರಣ ಹಾಕಿ ಇದಕ್ಕೆ ಕಾಲು ಕಪ್‌ ತೆಂಗಿನತುರಿ ಸೇರಿಸಿಕೊಳ್ಳಬಹುದು.. ಕಡಿಮೆ ಉರಿಯಲ್ಲಿ ಈ ಮಿಶ್ರಣವನ್ನು ಚೆನ್ನಾಗಿ ಹುರಿದುಕೊಳ್ಳಿ. ಮಿಶ್ರಣ ಪ್ಯಾನ್‌ನ ಬದಿ ಬಿಡುತ್ತಾ ಬಂದರೆ ಸಿದ್ಧವಾಗಿದೆ ಎಂದರ್ಥ. ಮಿಶ್ರಣವನ್ನು ತಣ್ಣಗಾಗಲು ಬಿಡಿ. ಅನಂತರ ಈ ಮಿಶ್ರಣವನ್ನು ಸಣ್ಣ ಸಣ್ಣ ಉಂಡೆಗಳನ್ನಾಗಿ ಮಾಡಿ. ಒಣಗದಂತೆ ಮುಚ್ಚಿಡಿ.

ಕರಿಯಲು ಎಣ್ಣೆಯನ್ನು ಸಿದ್ಧಪಡಿಸಿಕೊಂಡು ಗ್ಯಾಸ್‌ ಮೇಲೆ ಇಡಿ. ಎಣ್ಣೆ ಬಿಸಿಯಾದಾಗ ಮಿಶ್ರಣದ ಉಂಡೆಯನ್ನು ಮೊದಲೇ ಸಿದ್ಧಪಡಿಸಿದ ಅಕ್ಕಿ ಹಾಗೂ ಉದ್ದಿನ ಹಿಟ್ಟಿನಲ್ಲಿ ಅದ್ದಿ ಎಣ್ಣೆಯಲ್ಲಿ ಕಂದು ಬಣ್ಣ ಬರುವವರೆಗೆ ಕರಿಯಿರಿ. ಹೀಗೆ ಮಾಡಿದರೆ ರುಚಿ ರುಚಿಯಾದ, ಗರಿಗರಿಯಾದ ಪೂರ್ಣಮ್‌ ಬೂರೆಲು ಸವಿಯಲು ಸಿದ್ಧ.

(ಸಂಗ್ರಹ)
ರಮ್ಯಾ ಎಂ.ಕೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಆರೋಗ್ಯ ಎನ್ನುವುದು ಪ್ರತಿಯೊಬ್ಬರಿಗೂ ಬೇಕು. ಅದನ್ನು ಕಾಪಾಡಿಕೊಳ್ಳುವುದು ನಮ್ಮ ಕೈಯಲ್ಲೇ ಇದೆ. ಸಾಮಾನ್ಯವಾಗಿ ತಿನ್ನುವ ಆಹಾರ ಆರೋಗ್ಯಕರವಾಗಿದ್ದರೆ ನಾಮ್ಮ...

  • ಬೇಕಾಗುವ ಸಾಮಗ್ರಿ ಹೆಚ್ಚಿದ ಸೊಪ್ಪು 2 ಹಿಡಿ. ಬೆಳ್ತಿಗೆ ಅಕ್ಕಿ- ಒಂದೂವರೆ ಪಾವು ಕೊತ್ತಂಬರಿ-2 ಚಮಚ ಜೀರಿಗೆ-2 ಚಮಚ ಒಣಮೆಣಸು 2-3, ಉಪ್ಪು, ಹುಳಿ ಸ್ವಲ್ಪ, ತೆಂಗಿನಕಾಯಿ...

  • ಕರ್ನಾಟಕದೆಲ್ಲೆಡೆ ಮನೆ ಮಾತಾಗಿರುವ ಒಂದು ತಿಂಡಿ ರೊಟ್ಟಿ. ಜೋಳದ ರೊಟ್ಟಿ, ಅಕ್ಕಿ ರೊಟ್ಟಿ ಹೀಗೆ ನಾನಾ ಬಗೆಗೆಯ ರೊಟ್ಟಿಗಳು ಕರ್ನಾಟಕದಲ್ಲಿ ಫೇಮಸ್‌. ಒಂದೊಂದು ...

  • ಬೇಕಾಗುವ ಸಾಮಗ್ರಿ ಗೋಧಿ ಹಿಟ್ಟು 2 ಕಪ್‌ ಅಡುಗೆ ಎಣ್ಣೆ 6 ಸ್ಪೂನ್‌ ರುಚಿಗೆ ತಕ್ಕಷ್ಟು ಉಪ್ಪು ಶೇಂಗಾ 1 ಕಪ್‌ ಎಳ್ಳು ಕಾಲು ಕಪ್‌ ಕಪ್‌ ಬೆಲ್ಲ ಮುಕ್ಕಾಲು ಕಪ್‌ ಏಲಕ್ಕಿ...

  • ಬೇಕಾಗುವ ಸಾಮಗ್ರಿ ಪಿಸ್ತಾದ ಮಿಶ್ರಣ ತಯಾರಿಗೆ ಹುಡಿ ಮಾಡಿದ ಪಿಸ್ತಾ- ಮುಕ್ಕಾಲು ಕಪ್‌ ಹುಡಿ ಮಾಡಿದ ಸಕ್ಕರೆ-ಕಾಲು ಕಪ್‌ ಹಸುರು ಬಣ್ಣ- 3 ಹನಿ (ಬೇಕಾದಲ್ಲಿ) ಹಾಲಿನ...

ಹೊಸ ಸೇರ್ಪಡೆ

  • ಪ್ರಿಸ್ಕೂಲ್‌ ನಡೆಸುವ ಗೆಳತಿ, ಎರಡು ದಿನ ರಜೆಯಲ್ಲಿ ಮಕ್ಕಳನ್ನು ನೋಡಿಕೊಳ್ಳಲು ಆಗದೆ ಒದ್ದಾಡ್ತೀರ. ನಾವು ವಾರಪೂರ್ತಿ ಅವರನ್ನು ನೋಡಿಕೊಳ್ತೀವಲ್ಲ, ನಮ್ಮ...

  • ಬೆಂಗಳೂರು: ಸಂಚಾರ ನಿಯಮ ಉಲ್ಲಂಘನೆಗೆ ವಿಧಿಸಿರುವ ಭಾರೀ ದಂಡ ಪ್ರಮಾಣವನ್ನು ತಗ್ಗಿಸಲು ರಾಜ್ಯ ಸರಕಾರ ಮುಂದಾಗಿದ್ದರೂ ಕಾಯ್ದೆಯಲ್ಲಿ ನಾಲ್ಕೆ „ದು ಪ್ರಕರಣಗಳನ್ನು...

  • ಹೊಸದಿಲ್ಲಿ: ಕರ್ನಾಟಕದ 17 ಅನರ್ಹ ಶಾಸಕರ ಅರ್ಜಿ ವಿಚಾರಣೆ ಮತ್ತೆ ಮುಂದೂಡಿಕೆಯಾಗಿದೆ. ಸುಪ್ರೀಂ ಕೋರ್ಟ್‌ನ ನ್ಯಾಯಪೀಠದಲ್ಲಿದ್ದ, ಕರ್ನಾಟಕ ಮೂಲದ ನ್ಯಾ| ಮೋಹನ ಎಂ....

  • ಚಾಂಗ್‌ಝು (ಚೀನ): ಭಾರತದ ಮಿಕ್ಸೆಡ್‌ ಡಬಲ್ಸ್‌ ತಾರೆಯರಾದ ಸಾತ್ವಿಕ್‌ಸಾಯಿರಾಜ್‌ ರಾಂಕಿರೆಡ್ಡಿ ಮತ್ತು ಅಶ್ವಿ‌ನಿ ಪೊನ್ನಪ್ಪ ಅವರು ಚೀನ ಓಪನ್‌ ಬ್ಯಾಡ್ಮಿಂಟನ್‌...

  • ನವದೆಹಲಿ: ಏರ್‌ಸೆಲ್‌- ಮ್ಯಾಕ್ಸಿಸ್‌ ಡೀಲ್‌ಗೆ ಸಂಬಂಧಿಸಿದ ಎಲ್ಲಾ ಪ್ರಕರಣಗಳು ಹಾಗೂ 2ಜಿ ತರಂಗಾಂತರ ಹಂಚಿಕೆಗೆ ಸಂಬಂಧಿಸಿದ ಎಲ್ಲ ಕೇಸುಗಳನ್ನೂ ನ್ಯಾಯಾಧೀಶ...