ನಿತ್ಯಯೋಗ ಆರೋಗ್ಯದ ಪ್ರಮುಖ ಸೂತ್ರ

Team Udayavani, Jan 14, 2020, 5:26 AM IST

ಯೋಗ ಒಂದು ಇದ್ದರೆ ಬದುಕು ಹೆಚ್ಚು ಸ್ವಸ್ಥ. ಈ ಮಾತು ಖಂಡಿತಾ ಸುಳ್ಳಲ್ಲ. ಅದರಲ್ಲೂ ಮನಸ್ಸು ಸ್ವಸ್ಥವಾಗಿಡಲು ಯೋಗ ಬೇಕೇಬೇಕು. ಇನ್ನೂ ಒಂದು ಕುತೂಹಲದ ಅಂಶವೆಂದರೆ, ಮನಸ್ಸು ಸರಿ ಇದ್ದರೆ ದೇಹದ ಬಹುತೇಕ ಭಾಗ ಕ್ರಿಯಾಶೀಲವಾಗಿರಬಲ್ಲದು. ಅದಕ್ಕೆಂದೇ ಯೋಗ ನಿತ್ಯವೂ ಇದ್ದರೆ ಚೆನ್ನ.

ಯೋಗಾಭ್ಯಾಸದ ಪ್ರಯೋಜನಗಳೇನು ಎನ್ನುವ ಪ್ರಶ್ನೆ ಎಲ್ಲರಲ್ಲೂ ಇದ್ದದ್ದೇ. ಯೋಗ ಮಾಡದೆ ಬದುಕುವವರು ಇಲ್ಲವೇ ಎಂಬ ಉತ್ತರವೂ ಅಂಥವರಲ್ಲಿರುತ್ತದೆ. ಒಂದು ಲೆಕ್ಕದಲ್ಲಿ ಹೇಳುವುದಾದರೆ ಪ್ರಶ್ನೆಯೂ ಸರಿ, ಉತ್ತರವೂ ಸರಿ. ಆದರೆ ಅವೆಲ್ಲದಕ್ಕಿಂತಲೂ ಮಿಗಿಲಾಗಿ ಹತ್ತಾರು ಪ್ರಯೋಜನಗಳಿವೆ. ಅದು ಸರಳ ಮತ್ತು ಸ್ಪಷ್ಟ.

ದೇಹದ ಪ್ರತಿ ಭಾಗದಲ್ಲೂ ನವ ಚೈತನ್ಯ ತುಂಬಿಕೊಳ್ಳಲು ಯೋಗ ಅತ್ಯಂತ ಸಹಕಾರಿ. ತೂಕವನ್ನು ಕಳೆದುಕೊಳ್ಳಲು, ಬಲಿಷ್ಠವಾದ, ಬಾಗಿ-ಬಳಕುವ (ಫ್ಲೆಕ್ಸಿಬಲ್‌) ದೇಹ ಪಡೆಯಲು, ಸುಂದರ ವಾದ ಹೊಳೆಯುವ ಚರ್ಮವನ್ನು ಹೊಂದಲು, ಮನಸ್ಸನ್ನು ಪ್ರಶಾಂತವಾಗಿರಿಸಲು ಯೋಗ ಸಹಕಾರಿ.

ಯೋಗವು ದೇಹ, ಮನಸ್ಸು ಮತ್ತು ಉಸಿರನ್ನು ಐಕ್ಯವಾಗಿರಿಸುತ್ತದೆ. ಇವು ಮೂರೂ ಸಾಮ
ರಸ್ಯದಲ್ಲಿದ್ದಾಗ ಜೀವನದ ಪಯಣ ಪ್ರಶಾಂತ ವಾಗಿರುತ್ತದೆ. ಸರ್ವಾಂಗೀಣ ದೇಹದ ಸುಸ್ಥಿತಿ, ತೂಕ ತಗ್ಗುವಿಕೆ, ಒತ್ತಡ ನಿವಾರಣೆ, ಆಂತರಿಕ ಶಾಂತಿ, ರೋಗ ನಿರೋಧಕ ವ್ಯವಸ್ಥೆಯಲ್ಲಿ ಸುಧಾರಣೆ, ಹೆಚ್ಚಿನ ಅರಿವಿನಿಂದ ಜೀವಿಸುವುದು, ಸಂಬಂಧಗಳಲ್ಲಿ ಸುಧಾರಣೆ, ಹೆಚ್ಚಿನ ಮನೋದೈಹಿಕ ಶಕ್ತಿ ಹಾಗೂ ಉತ್ತಮ ಅಂತ ದೃಷ್ಟಿಯನ್ನು ಯೋಗ ನೀಡಬಲ್ಲದು.

ಪ್ರಾರ್ಥನೆಯೊಂದಿಗೆ ಆರಂಭಿಸಿ
ಚಂಚಲವಾದ ಮನಸ್ಸು ಏಕಾಗ್ರತೆ ತರಲು ಯೋಗದ ಮೊದಲು ಪ್ರಾರ್ಥನೆ ಮಾಡುವುದು ಅತ್ಯಗತ್ಯ. 10ರಿಂದ 15 ನಿಮಿಷ ಧ್ಯಾನ ಮತ್ತು ಪ್ರಾರ್ಥನೆಗೆ ಅವಶ್ಯ. ಪ್ರಾರ್ಥನೆ ಬಳಿಕ ದೇಹದ ಅಂಗಾಗಗಳು ಸಡಿಲಗೊಳ್ಳಲು ಶಿಥಿಲೀಕರಣ ವ್ಯಾಯಾಮವನ್ನು ಮಾಡಬೇಕು. ಕೈ-ಕಾಲು, ಸೊಂಟ, ಬೆನ್ನುಮೂಳೆ ಸೇರಿದಂತೆ ದೇಹದ ಎಲ್ಲ ಭಾಗಗಳಿಗೆ ವ್ಯಾಯಾಮದ ಮೂಲಕ “ಆರಾಮ’ ನೀಡಬೇಕು. ಇದು ಗಂಟು ನೋವು ಮತ್ತು ಗಂಟುಗಳಲ್ಲಿ ಬರುವ ಶಬ್ದಗಳನ್ನು ನಿವಾರಿಸಲು ನೆರವಾಗುತ್ತದೆ.

ಸೂರ್ಯ ನಮಸ್ಕಾರ
ಸೂರ್ಯ ನಮಸ್ಕಾರವನ್ನು ಖಾಲಿ ಹೊಟ್ಟೆಯಲ್ಲಿ ಸೂರ್ಯೋದಯದ ಸಮಯದಲ್ಲಿ ಮಾಡುವುದೇ ಅತ್ಯುತ್ತಮ. 8+4 ಒಟ್ಟು 12 ಆಸನಗಳು ಇರುತ್ತವೆ. ಅದರಲ್ಲಿ 4 ಆಸನಗಳು ಪುನರಾವರ್ತನೆಯಾಗುತ್ತವೆ. ಇವನ್ನು ಮಂತ್ರ ಪಠನ ಮಾಡುತ್ತಾ ಮಾಡಬೇಕು. ಸೂರ್ಯನಮಸ್ಕಾರವನ್ನು “ಸರ್ವಾಂಗ ಸುಂದರ ಆಸನ’ ಎನ್ನುತ್ತಾರೆ. ಇದು ದೇಹದಲ್ಲಿನ ಎಲ್ಲ ರಸ ಗ್ರಂಥಿಗಳನ್ನು ಆರೋಗ್ಯ ವಾಗಿಡಲು ಪೂರಕ. 12 ಆಸನಗಳನ್ನು 4 ಆವೃತ್ತಿ ಯಲ್ಲಿ ಮಾಡಬೇಕು.

ಆಸನಗಳು
ಯೋಗಾಸನ, ಪ್ರಾಣಾ ಯಾಮ ಮತ್ತು ಧ್ಯಾನವು ಸರ್ವಾಂಗೀಣ ಸುಸ್ಥಿತಿಯನ್ನು ಉಂಟು ಮಾಡುವ ಅಂಶ ಗಳಿವೆ. ಸೂರ್ಯ ನಮಸ್ಕಾರ ಆದ ಆಸನಗಳನ್ನು ಮಾಡಬೇಕು. ಪ್ರಮುಖ ವಾಗಿ ತಾಡಾಸನ, ತ್ರಿಕೋನಾಸನ, ವೃತ್ತಾಸನ ಅಥವಾ ಸಂತುಲನಾಸನವನ್ನು ಮಾಡಬೇಕು. ಶಶಾಂಕಾ ಸನ (ಕಾಲು ಹಿಂದೆ ಮಡಚಿ ಕುಳಿತುಕೊಂಡು) ಮಾಡಬೇಕು. ಆರೋಗ್ಯದಲ್ಲಿ ಸುಧಾರಣೆ, ಮಾನಸಿಕ ಬಲ ಹೆಚ್ಚುತ್ತದೆ, ದೈಹಿಕ ಬಲ ವರ್ಧಿಸುತ್ತದೆ, ಗಾಯಗಳಾಗುವುದರಿಂದ ತಪ್ಪಿಸುತ್ತದೆ, ದೇಹದಲ್ಲಿನ ವಿಷಕಾರಿ ಪದಾರ್ಥಗಳನ್ನು ಹೊರಕ್ಕೆಸೆಯುತ್ತದೆ.

ಒಟ್ಟು 11 ಪ್ರಾಣಾಯಾಮಗಳ ಪೈಕಿ ಕೆಲವನ್ನಾದರೂ ನಾವು ನಿತ್ಯ ಮಾಡಲೇಬೇಕು. ನಮ್ಮ ಉಸಿರಾಟದ ಮೇಲೆ ಹಿಡಿತ ಸಾಧಿಸಿ ಏಕಾಗ್ರತೆ, ಮನಶಾಂತಿ ಸಿದ್ಧಿಸಿಕೊಳ್ಳಬಹುದು. ಕುಳಿತು ಆಸನ ಮಾಡಿದ ಬಳಿಕ ಒಂದೆರಡು ಆಸನವನ್ನು ಮಲಗಿ ಮಾಡಬೇಕು. ಸರ್ವಾಂಗಾಸನ, ಮಕರಾಸನವನ್ನು ಭುಜಂಗಾಸನ ಮಾಡಬೇಕು. ಈ ಎರಡು ಆಸನಗಳು ಮೆದುಳು, ದೇಹಗಳಿಗೆ ರಕ್ತದ ಪರಿಚಲನೆಯನ್ನು ಹೆಚ್ಚಿಸುತ್ತದೆ. ಎಲ್ಲ ಆಸನಗಳನ್ನು ಬೆಳಗ್ಗೆ ಮಾಡಿದ ಕೊನೆಯಲ್ಲಿ ವಿಶ್ರಾಂತ ಶವಾಸನದೊಂದಿಗೆ ಕೊನೆಗೊಳಿಸಬೇಕು.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ಹುಡುಗರಿಗೆ ಬಹಳ ಇಷ್ಟವಾಗುವ ಕೊಲ್ಹಾಪುರಿ ಚಪ್ಪಲಿಗಳ ಬಗ್ಗೆ ಬರೆದಿದ್ದಾರೆ ಸುಶ್ಮಿತಾ ಜೈನ್‌. ಅವರು ಹೇಳುವಂತೆ ಕೊಲ್ಹಾಪುರಿ ಚಪ್ಪಲಿಗಳ ಹುಟ್ಟು ನಮ್ಮ ಕರ್ನಾಟಕದಲ್ಲೇ....

  • ಸೌಂದರ್ಯವನ್ನು ಹೆಚ್ಚಿಸುವುದರಲ್ಲಿ ಲಿಪ್‌ಸ್ಟಿಕ್‌ ನ ಪಾಲೂ ಇದೆ. ಹಲವು ಬಾರಿ ತಪ್ಪೆಸಗುವುದು ಬಣ್ಣಗಳ ಆಯ್ಕೆಯಲ್ಲಿ. ಅದಕ್ಕೆ ಇಲ್ಲಿವೆ ಕೆಲವು ಸಲಹೆಗಳು. ಸಾಮಾನ್ಯವಾಗಿ...

  • ನಮ್ಮ ಪ್ರಾಚೀನ ಆಭರಣಗಳಲ್ಲಿ ಮರದ ಬಳಕೆ ಸಾಕಷ್ಟಿತ್ತು. ಮರದ ಕಿವಿಯೋಲೆಗಳು ಆಗಲೂ ಜನಪ್ರಿಯ. ಈಗ ಇತಿಹಾಸ ಮರುಕಳಿಸುವಂತೆ ಈಗ ಮತ್ತೆ ಮರದ ಕಿವಿಯೋಲೆಗಳು ಮುನ್ನೆಲೆಗೆ...

  • 2020ರ ಹೊಸ ವರ್ಷವನ್ನು ಈಗಾಗಲೇ ಆರಂಭವಾಗಿದೆ. ಎಲ್ಲ ಕಂಪೆನಿಗಳು ಹೊಸ ಹೊಸದಾದ ಸರಕುಗಳನ್ನು ಮಾರುಕಟ್ಟೆಗೆ ತರಲು ಮುಂದಾಗಿವೆ. ಈ ಹಿನ್ನೆಲೆಯಲ್ಲಿ ಗ್ರಾಹಕರು ಕೂಡ...

  • ದ್ವಿಚಕ್ರ ವಾಹನಗಳ ಸುಗಮ ಸವಾರಿಗೆ ನೆರವಾಗುವುದು ವೀಲ್‌ ಬೇರಿಂಗ್‌ಗಳು, ಎರಡೂ ಚಕ್ರಗಳಲ್ಲಿ ಈ ಬೇರಿಂಗ್‌ಗಳು ಇರುತ್ತವೆ. ಸುಲಲಿತ ಚಾಲನೆಗೆ ತಿರುಗುವಂತೆ ಮಾಡುವುದು,...

ಹೊಸ ಸೇರ್ಪಡೆ