ಡಿಜಿಟಲ್‌ ಸಾಲ ಬೈ ನೌ ಪೇ ಲೇಟರ್‌


Team Udayavani, Mar 2, 2020, 5:13 AM IST

Digtal-Loan

ಮೊದಲೆಲ್ಲಾ ಸಾಲ ಬೇಕೆಂದರೆ ನೂರೆಂಟು ರೀತಿ ರಿವಾಜುಗಳಿರು ತ್ತಿದ್ದವು. ಹಲವು ಕಾಗದ ಪತ್ರಗಳಿಗೆ ಸಹಿ ಹಾಕಬೇಕಾಗಿತ್ತು. ಕಟ್ಟಳೆಗಳನ್ನು ಪಾರಾಗಬೇಕಾಗಿತ್ತು. ಈಗ ಹಾಗಲ್ಲ, ಸಾಲ ನೀಡುವ ಸಂಸ್ಥೆಯ ಜಾಲತಾಣದಲ್ಲಿ ಅಕೌಂಟ್‌ ಕ್ರಿಯೇಟ್‌ ಮಾಡಿದರೆ ಸಾಕು.

ಬೈ ನೌ ಪೇ ಲೇಟರ್‌ – ಎಂಬ ಆಹ್ವಾನ ಯಾರನ್ನಾದರೂ ಆಕರ್ಷಿಸೀತು. ನಿಮ್ಮ ಜೇಬಿನಲ್ಲಿ ದುಡ್ಡು ಇರಲಿ, ಇಲ್ಲದಿರಲಿ. ಮೊದಲು ನಿಮಗೆನು ಬೇಕೋ ಅದನ್ನು ಖರೀದಿಸಿಬಿಡಿ, ಆಮೇಲೆ ಪಾವತಿ ಮಾಡಿದರಾಯಿತು’ ಎನ್ನುವುದು ಈ ಸ್ಕೀಮುಗಳ ಮೋಡಿಯ ಮಾತು. ಈ ಆಕರ್ಷಣೆಗೆ ಬಲಿಬಿದ್ದು ಪರಿತಪಿಸುವವರ ಸಂಖ್ಯೆ ಕಡಿಮೆಯೇನಲ್ಲ. ಏಕೆಂದರೆ, ಆಮೇಲೆ ಪಾವತಿ ಮಾಡುವಲ್ಲಿ ನಿರ್ಬಂಧಗಳು ಹಲವು. ಬಡ್ಡಿ ದರ ಅಧಿಕ ಮತ್ತು ಅದನ್ನೂ ನಿಭಾಯಿಸಿಕೊಂಡು ಹೋಗುವುದು ಕಠಿಣ. ಇಂಥ ಬೈ ನೌ ಪೇ ಲೇಟರ್‌ ಸ್ಕೀಂಗಳಿಗೆ ಕೈ ಹಾಕುವ ಮೊದಲು ಆ ಬಗ್ಗೆ ಸೂಕ್ತ ಮಾಹಿತಿ ತಿಳಿದುಕೊಳ್ಳುವುದು ಅತ್ಯಗತ್ಯ.

ಸಾಲ ಕೊಡುವವರು ಯಾರು?
ಫ್ಲಿಪ್‌ಕಾರ್ಟ್‌, ಝೊಮಾಟೋ, ಸ್ವಿಗ್ಗಿ ಮುಂತಾದ ಇ- ಕಾಮರ್ಸ್‌ ಜಾಲತಾಣದಲ್ಲಿ ಖರೀದಿಸುವಾಗ ಪಾವತಿಗಾಗಿ ಬರುವ ವಿವಿಧ ಆಯ್ಕೆಗಳಲ್ಲಿ ಇ-ಪೇ ಲೇಟರ್‌, ಲೇಝಿ ಪೇನಂಥ ಫಿನ್‌ ಟೆಕ್‌ ಮಾದರಿಯ ಸಂಸ್ಥೆಗಳು ಕೂಡಾ ಇವೆ. ಇಂಥ ಫಿನೆrಕ್‌ ಅಥವಾ ಫೈನಾನ್ಶಿಯಲ್‌ ಟೆಕ್ನಾಲಜಿ ಸಂಸ್ಥೆಗಳು ಅಸಲಿನಲ್ಲಿ ಸಾಲ ನೀಡುವ ವ್ಯವಸ್ಥೆಯೇ buy now pay later ಸ್ಕೀಮು. ಯಾವುದೇ ಬಿಲ್‌ ಪಾವತಿಗಾಗಿ ನೀವು ಈ ಸಂಸ್ಥೆಗಳ ಮೊರೆ ಹೋದರೆ, ಆ ಸಂಸ್ಥೆಗಳು ವರ್ತಕರಿಗೆ ನಿಮ್ಮ ಪರವಾಗಿ ಹಣ ಪಾವತಿಸಿಬಿಡುತ್ತಾರೆ. ಮತ್ತು ಆ ಮೊತ್ತವನ್ನು ನಿಮ್ಮ ಹೆಸರಿನಲ್ಲಿ ಸಾಲವೆಂದು ಬರೆದಿಟ್ಟುಕೊಳ್ಳುತ್ತಾರೆ. ಹಾಗಾಗಿ ನಿಮಗೆ ಅದು ನಂತರ ಹಣ ಪಾವತಿಸುವ ವ್ಯವಸ್ಥೆಯಂತೆ ತೋರಿದರೂ, ಅವು ಕ್ರೆಡಿಟ್‌ ಕಾರ್ಡ್‌ ಮಾಡುವ ಕೆಲಸವನ್ನೇ ಮಾಡುತ್ತಿರುತ್ತವೆ. ಆದರೆ ಭೌತಿಕವಾಗಿ ಕ್ರೆಡಿಟ್‌ ಕಾರ್ಡು ಇಲ್ಲದಿದ್ದರೂ ವರ್ಚುವಲ್‌ ಆಗಿ ಒಂದು ಕ್ರೆಡಿಟ್‌ ಕಾರ್ಡಿನ ರೀತಿಯಲ್ಲಿಯೇ ಈ ಸ್ಕೀಮು ಕೆಲಸ ಮಾಡುತ್ತದೆ. ಅದಕ್ಕಾಗಿ ಆಯಾ ಸಂಸ್ಥೆಯ ಆನ್‌ಲೈನ್‌ ಪೇಜಿಗೆ ಭೇಟಿ ಕೊಟ್ಟು ರಿಜಿಸ್ಟರ್‌ ಆದರಷ್ಟೇ ಸಾಕು.

ಉರುಳು ಮಾಡಿಕೊಳ್ಳಬಾರದು
ಬರೇ ಬಡ್ಡಿಯಾದರೂ ಆದೀತೇ? ಪಾವತಿಯ ದಿನಾಂಕ ತಪ್ಪಿದರೆ ಬಡ್ಡಿಯಲ್ಲದೆ ಲೇಟ್‌ ಫೀಸ್‌ ಕೂಡಾ ಹೇರಲಾಗುತ್ತದೆ. ಅದು ಕೂಡಾ ಮಿತಿ ಮೀರಿದ ಪ್ರಮಾಣದಲ್ಲಿ! ಉದಾಹರಣೆಗೆ, ಸಿಂಪಲ್‌ ಸ್ಟಾರ್ಟ್‌ ಎಂಬ ಪೇ ಲೇಟರ್‌ ಸ್ಕೀಮಿನ ಒಂದು ಕಂಪೆನಿ 500 ರೂ. ಪಾವತಿಸಲು ವಿಳಂಬ ಮಾಡಿದರೆ, ಅದಕ್ಕೆ ರೂ. 250 ದಂಡ ವಿಧಿಸುತ್ತದಂತೆ. ಹೇಗಿದೆ ನೋಡಿ! ಇನ್ನೊಂದು ಕಂಪೆನಿ ದಿನಕ್ಕೆ 10 ರೂ.ನಂತೆ ಶೇ. 30 ವರೆಗೆ ಚಾರ್ಜ್‌ ಮಾಡುತ್ತದೆ. ಇವನ್ನು ಒಟ್ಟಾಗಿ ಗಮನಿಸಿದರೆ ಈ ಬಯ್‌ ನೌ ಪೇ ಲೇಟರ್‌ ಸ್ಕೀಮು ಕ್ರೆಡಿಟ್‌ ಕಾರ್ಡ್‌ಗಿಂತಲೂ ಹೆಚ್ಚಿನ ಹೊರೆ ನೀಡುವಂಥದ್ದು ಎಂದೆನಿಸದೇ ಇರದು. ಸಮಯಕ್ಕೆ ಸರಿಯಾಗಿ ಪಾವತಿ ಮಾಡುತ್ತಿದ್ದರೆ ಏನೂ ಸಮಸ್ಯೆ ಇಲ್ಲ. ಆದರೆ, ಸಮಯ ಮೀರಿದರೆ ಈ ಸಾಲ, ಸಮಸ್ಯೆಯ ಉರುಳಾಗುವುದರಲ್ಲಿ ಸಂಶಯವಿಲ್ಲ.

ಯಾವುದೇ ವ್ಯವಹಾರವನ್ನು ಕುತ್ತಿಗೆಯ ಮಟ್ಟಕ್ಕೆ ತಂದುಕೊಳ್ಳಬಾರದು. ನೇರಾ ನೇರ ದುಡ್ಡು ಪಾವತಿ ಮಾಡಿ ಸರಕು ಕೊಳ್ಳಿರಿ. ಸಾಲದಲ್ಲಿ ಕೊಂಡರೂ ಸರಿಯಾದ ಸಮಯಕ್ಕೆ ಸಾಲ ಮರುಪಾವತಿಸಿ. ಆದರೆ, ಇಲ್ಲಿ ಸಮಸ್ಯೆ ಏನೆಂದರೆ, ಹಲವರಿಗೆ ಸಾಲ ಎಂಬುದು ಒಂದು ಚಟ ಮತ್ತು ಅದನ್ನು ಸಮಯಕ್ಕೆ ಸರಿಯಾಗಿ ಸಂದಾಯ ಮಾಡುವ ಶಿಸ್ತು ಅವರಿಗಿರುವುದಿಲ್ಲ. ಅತಿಯಾಗಿ ಪ್ರಲೋಭನೆಗೆ ಬಲಿಯಾಗುವವರ ವ್ಯಥೆ ಇದು.

ಹೆಚ್ಚು ಹೆಚ್ಚು ಬಡ್ಡಿ
ಕ್ರೆಡಿಟ್‌ ಕಾರ್ಡಿನಲ್ಲಿ ಇರುವ ಸಮಸ್ಯೆಗಳೇ, ಈ ವರ್ಚುವಲ್‌ ಕಾರ್ಡಿನಲ್ಲಿಯೂ ಇವೆ. ಮುಖ್ಯ ಸಮಸ್ಯೆ ಏನೆಂದರೆ, ಈ ಸಾಲಕ್ಕೆ ಬಡ್ಡಿ ಸಿಕ್ಕಾಪಟ್ಟೆ ಇರುತ್ತದೆ. ಇದೊಂದು ರೀತಿಯ ಪರ್ಸನಲ್‌ ಲೋನ್‌ ಅಥವಾ ವೈಯಕ್ತಿಕ ಸಾಲ. ಇದಕ್ಕೆ ಯಾವುದೇ ರೀತಿಯ ಭದ್ರತೆ ಇರುವುದಿಲ್ಲ. ಸಾಲ ನೀಡುವ ಸಂಸ್ಥೆಯು, ಭದ್ರತೆ ಇಲ್ಲ ಎಂದಾಕ್ಷಣ ತನ್ನ ರಿಸ್ಕ್ ಅನ್ನು ಸರಿದೂಗಿಸಲು ಬಡ್ಡಿದರವನ್ನು ಹೆಚ್ಚು ಮಾಡಿಯೇ ಮಾಡುತ್ತದೆ. ಅದಕ್ಕಾಗಿಯೇ ಈ ರೀತಿಯ ಸಾಲದ ವ್ಯವಸ್ಥೆ ಅತ್ಯಂತ ದುಬಾರಿ. ಇಲ್ಲಿ, ನೀವು ಒಂದು ವಸ್ತುವನ್ನು ಖರೀದಿಸಿದ ಬಳಿಕ, ಆ ದುಡ್ಡು ಪಾವತಿಗಾಗಿ ಕೆಲವೇ ದಿನಗಳ ಸಮಯವನ್ನು ಮಾತ್ರ ಕೊಡಲಾಗುತ್ತದೆ. ಆ ಅವಧಿಯೊಳಗೆ ನಿಮ್ಮ ಬಿಲ್‌ ನಿಮ್ಮ ಕೈಸೇರಿ ನೀವು ಪಾವತಿ ಮಾಡಬೇಕಾಗುತ್ತದೆ. ಒಂದು ವೇಳೆ ನೀವು ಆ ಅವಧಿಯೊಳಗೆ ಪಾವತಿ ಮಾಡಿದರೆ ಸೈ! ಇಲ್ಲದಿದ್ದರೆ, ವಾರ್ಷಿಕ ಲೆಕ್ಕದಲ್ಲಿ ಸುಮಾರು ಶೇ. 36 ಬಡ್ಡಿ ತೆರಬೇಕಾಗಿ ಬರಬಹುದು. ಯಾವುದೋ ಜೋಶ್‌ನಿಂದ ಕೊಂಡ ಸರಕಿನ ಬಿಲ್‌ ಪಾವತಿಯನ್ನು, ಬೇಗನೆ ಮಾಡಲಾರದೆ ಅಸಾಧ್ಯ ಬಡ್ಡಿಯನ್ನು ಮೈಮೇಲೆ ಏರಿಸಿಕೊಳ್ಳುವವರೇ ಜಾಸ್ತಿ. ಈ ರೀತಿ ಆರಂಭದಲ್ಲಿ ಅನುಕೂಲಕರ ಅನ್ನಿಸಿದ ಒಂದು ವ್ಯವಸ್ಥೆ, ಹಣ ಪಾವತಿಸಲು ಆಗದ ಕ್ಷಣದಿಂದಲೇ ಬಹುದೊಡ್ಡ ಸಮಸ್ಯೆಯಾಗಿ ಪರಿಣಮಿಸುತ್ತದೆ.

ಡಿಜಿಟಲ್‌ ಸಾಲ ಮನೆವರೆಗೂ ಮುಟ್ಟದಿರಲಿ
ಈ ಕತೆ ಇಷ್ಟಕ್ಕೆ ನಿಲ್ಲುವುದಿಲ್ಲ. ಪಾವತಿ ಮಾಡಲು ಇನ್ನಷ್ಟು ವಿಳಂಬವಾದರೆ, ಈ ಸಂಸ್ಥೆಗಳು ನಿಮ್ಮ ಸಾಲದ ಖಾತೆಯನ್ನು ಬಂದ್‌ ಮಾಡಿ ಬಾಕಿ ವಸೂಲಿಗೆ ರಿಕವರಿ ಏಜೆನ್ಸಿಯನ್ನು ನಿಮ್ಮ ಮನೆ ಬಾಗಿಲಿಗೆ ಕಳುಹಿಸಬಹುದು. ಬ್ಯಾಂಕಿಂಗ್‌ ಭಾಷೆಯಲ್ಲಿ “ರಿಕವರಿ ಏಜೆನ್ಸಿ’ ಎಂದರೆ, ಗುತ್ತಿಗೆಯ ಆಧಾರದಲ್ಲಿ ಸಾಲವನ್ನು ವಸೂಲಿ ಮಾಡಿಕೊಡುವ ಸಂಸ್ಥೆ. ಸರಳ ಭಾಷೆಯಲ್ಲಿ ಅದೊಂದು ಬಲಿಷ್ಠ ಪಡೆ. ಕೇವಲ ನಾಲಗೆ ಬಲ ಮತ್ತು ಸ್ನಾಯು ಬಲಗಳನ್ನು ಉಪಯೋಗಿಸಿ ಸಾಲವನ್ನು ಬಡ್ಡಿ ಸಮೇತ ವಸೂಲಿ ಮಾಡುವ ಪ್ರವೀಣರು. ರಿಕವರಿ ಏಜೆನ್ಸಿಯ ಕೈಗೆ ಸಿಕ್ಕಿ ಹಾಕಿಕೊಂಡರೆ ಕಿಬ್ಬದಿಯ ಕೀಲು ಮುರಿದಂತೆ ಸರ್ವಜ್ಞ!

-ಜಯದೇವ ಪ್ರಸಾದ ಮೊಳೆಯಾರ

ಟಾಪ್ ನ್ಯೂಸ್

ಹಿಂದೆಂದೂ ಕಾಣದ ಸಿನಿಮಾ ಅನುಭವ!: ಪುನೀತ್ ಡ್ರೀಮ್ ಪ್ರಾಜೆಕ್ಟ್ ಬಗ್ಗೆ ಅಶ್ವಿನಿ ಟ್ವೀಟ್

ಹಿಂದೆಂದೂ ಕಾಣದ ಸಿನಿಮಾ ಅನುಭವ!: ಪುನೀತ್ ಡ್ರೀಮ್ ಪ್ರಾಜೆಕ್ಟ್ ಬಗ್ಗೆ ಅಶ್ವಿನಿ ಟ್ವೀಟ್

15-crocodile

ಬೆಳ್ತಂಗಡಿ: ತೋಟದಲ್ಲಿ ಪ್ರತ್ಯಕ್ಷವಾದ ಮೊಸಳೆ ರಕ್ಷಣೆ

11–sdsd

ಅಮೇಥಿಯ ಅಭಿವೃದ್ಧಿ ಪ್ರಸ್ತಾಪವೇ ಇಲ್ಲ : ರಾಹುಲ್ ಗೆ ಸ್ಮೃತಿ ಟಾಂಗ್

ashwin

ಮುಂಬೈ ಟೆಸ್ಟ್: ಅನಿಲ್ ಕುಂಬ್ಳೆ ದಾಖಲೆ ಮುರಿದ ರವಿಚಂದ್ರನ್ ಅಶ್ವಿನ್

13fund

ಕೇರಳ ಮಾದರಿಯಲ್ಲಿ ಗ್ರಾ.ಪಂ. ಸದಸ್ಯರಿಗೆ ಗೌರವ ಧನ ಸಿಗಲು ಪ್ರಯತ್ನ:  ಮಹಾಂತೇಶ ಕವಟಗಿಮಠ

1-asdas

ದೇಶದಲ್ಲಿ ನಾಗರಿಕರಾಗಲಿ,ಭದ್ರತಾ ಸಿಬ್ಬಂದಿಗಳಾಗಲಿ ಸುರಕ್ಷಿತವಾಗಿಲ್ಲ : ರಾಹುಲ್ ಕಿಡಿ

1-sadsds

ಮಂಡ್ಯ ಜಿಲ್ಲೆಯಲ್ಲಿ ಯಾವುದೇ ಕಾರಣಕ್ಕೂ ಮೈತ್ರಿ ಇಲ್ಲ: ಬಿಎಸ್‌ವೈ ಸ್ಪಷ್ಟನೆ



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಬೋಂಡಾ, ಬನ್ಸ್ ಮತ್ತು ಕೇಕ್‌

ಬೋಂಡಾ, ಬನ್ಸ್ ಮತ್ತು ಕೇಕ್‌

promegrnate

ಉಪಬೆಳೆಯಾಗಿ ದಾಳಿಂಬೆ

ಕೂಲ್‌ ಕೂಲ್‌ ಬೇಸಗೆಯಲ್ಲಿ ಜಾನುವಾರುಗಳ ಆರೈಕೆ ಹೀಗಿರಲಿ

ಕೂಲ್‌ ಕೂಲ್‌ ಬೇಸಗೆಯಲ್ಲಿ ಜಾನುವಾರುಗಳ ಆರೈಕೆ ಹೀಗಿರಲಿ

go-green

ಮನೆಯಲ್ಲೇ ಹಸಿರು ಕ್ರಾಂತಿಯಾಗಲಿ…

ಮನೆಯ ಒಳಾಂಗಣದ ಅಂದ ಹೆಚ್ಚಿಸುವ ಗಾರ್ಡನ್‌

ಮನೆಯ ಒಳಾಂಗಣದ ಅಂದ ಹೆಚ್ಚಿಸುವ ಗಾರ್ಡನ್‌

MUST WATCH

udayavani youtube

ಜೋಯಿಡಾ : ರೈತರಿಗೆ ಒಂದು ಕಡೆ ಮಳೆಯ ಸಮಸ್ಯೆಯಾದರೆ ಇನ್ನೊಂದೆಡೆ ಆನೆಗಳ ಹಾವಳಿ

udayavani youtube

ವಿಭಿನ್ನ ರೀತಿಯಲ್ಲಿ ಹೂವು ಕಟ್ಟುವ ವಿಧಾನ

udayavani youtube

ಬೆಳ್ತಂಗಡಿ: ತೋಟದಲ್ಲಿ ಕೆಲಸ ಮಾಡುತ್ತಿದ್ದ ವೇಳೆ ಎದುರಾಯ್ತು 9 ಅಡಿ ಉದ್ದದ ಮೊಸಳೆ

udayavani youtube

ಇಲ್ಲಿಗೇಕೆ ಬಂದಿದ್ದೀಯ? ಸಿದ್ದರಾಮಯ್ಯ ಪ್ರಶ್ನೆಗೆ ನಿನ್ನ ನೋಡೋಕೆ ಬಂದಿದ್ದೀನಿ ಎಂದ ಪುಟಾಣಿ

udayavani youtube

ಹೊಸಮಠ ಕಂಬಳದಲ್ಲಿ ಹಲಗೆ ಸಹಿತ ಕೆರೆಗೆ ಜಿಗಿದ ಕೋಣಗಳು ; ತಪ್ಪಿದ ಅನಾಹುತ

ಹೊಸ ಸೇರ್ಪಡೆ

ಹಿಂದೆಂದೂ ಕಾಣದ ಸಿನಿಮಾ ಅನುಭವ!: ಪುನೀತ್ ಡ್ರೀಮ್ ಪ್ರಾಜೆಕ್ಟ್ ಬಗ್ಗೆ ಅಶ್ವಿನಿ ಟ್ವೀಟ್

ಹಿಂದೆಂದೂ ಕಾಣದ ಸಿನಿಮಾ ಅನುಭವ!: ಪುನೀತ್ ಡ್ರೀಮ್ ಪ್ರಾಜೆಕ್ಟ್ ಬಗ್ಗೆ ಅಶ್ವಿನಿ ಟ್ವೀಟ್

16protest

ತ್ರಿಪುರಾ ಘಟನೆ ಖಂಡಿಸಿ ಮನವಿ

onion

ಈರುಳ್ಳಿ ಮೂಟೆ ತಿಪ್ಪೆ ಸೇರಿದೆ ..!

ahara mela

ಲಕ್ಷದೀಪೋತ್ಸವದ ವೈಭವ ಹೆಚ್ಚಿಸಿದ ಆಹಾರ ಮೇಳ    

15-crocodile

ಬೆಳ್ತಂಗಡಿ: ತೋಟದಲ್ಲಿ ಪ್ರತ್ಯಕ್ಷವಾದ ಮೊಸಳೆ ರಕ್ಷಣೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.