ದಾರಿ ತೋರಿದ ಗುರುವಿಗೊಂದು ಧನ್ಯವಾದ

Team Udayavani, Jun 24, 2019, 5:30 AM IST

ವರ್ಷ ಸರಿದಹಾಗೆ ವಯಸ್ಸಿನ ಜತೆಗೆ ಜವಾಬ್ದಾರಿಯು ಅಂಟಿಕೊಳ್ಳುತ್ತಾ ಸಾಗುತ್ತೆ, ಇದರ ನಡುವೆ ಕೆಲವೊಮ್ಮೆ ಸಾಗಿ ಬಂದ ದಾರಿಯ ನೆನಪು ಆವರಿಸುತ್ತದೆ.

ಇತ್ತೀಚೆಗೆ ಒಂದು ಚಲನಚಿತ್ರ ನೋಡ್ತಾ ಇದ್ದೆ. ಅದರಲ್ಲಿದ ಒಂದು ದೃಶ್ಯ ತುಂಬಾ ಕಾಡಿತ್ತು. ಮತ್ತೆ ಬಾಲ್ಯದ ನೆನ ಪತ್ತು ಮುಂದಿರಿಸಿತ್ತು. ಶಿಕ್ಷಣ ಜೀವನಕ್ಕೆ ಮುಕ್ತಾಯ ಹಾಡಿ ಸುಮಾರು ಮೂರು ನಾಲ್ಕು ವರ್ಷಗಳೇ ಕಳೆದಿವೆೆ, ಅದರಲ್ಲಿ ತುಂಬ ಸ್ಮರಣಿಯವಾಗಿದ್ದು ಹೈಸ್ಕೂಲ್‌ ಸಮಯ. ಮತ್ತೇ ಬೇಕೆಂದರೂ ಅದು ಮರಳಿ ಬಾರದ ಸಮಯ.

ಹೈಸ್ಕೂಲ್‌ ಇದ್ದದ್ದು ಸಮುದ್ರದ ಬದಿಯಲ್ಲಿ ಆ ವಾತಾವರಣ, ಸಹಪಾಠಿಗಳು, ಶಿಕ್ಷಕರು ಎಲ್ಲವೂ ಅದ್ಭುತ. ಬದು ಕಿನ ಮೌಲ್ಯಗಳನ್ನು ಕಲಿಸಿದ ಹೈಸ್ಕೂಲ್‌ ಜೀವನದಲ್ಲಿ ಚೇಷ್ಟೆ ಕಿತಾಪತಿಗಳಿಗೆ ಕಡಿಮೆ ಇರಲಿಲ್ಲ.

ಒಂದು ದಿನ ಶಾಲೆ ಮಹಡಿ ಮೇಲಿನಿಂದ ಸಮುದ್ರದ ಸೌಂದರ್ಯವನ್ನು ವೀಕ್ಷಿಸುತ್ತಿದ್ದೆವು. ಸಮುದ್ರದ ಅಲೆಗಳ ಏರಿಳಿತ ಜೀವನಕ್ಕೇನೋ ಪಾಠ ಹೇಳು ವಂತೆ ಭಾಸವಾಯಿತು. ಆದರೆ ಆಗದು ಅರ್ಥವಾಗಲಿಲ್ಲ. ಕೆಲವೇ ದಿನಗಳಲ್ಲಿ ಎಸೆಸೆಲ್ಸಿ ಪೂರ್ವಭಾವಿ ಪರೀಕ್ಷೆ ಇತ್ತು. ಅದೊಂದು ದಿನ ವಯಕ್ತಿಕ ಕಾರಣದಿಂದಾಗಿ ಶಾಲೆಗೆ ಹೋಗಲು ಸಾಧ್ಯವಾಗಲಿಲ್ಲ. 2- 3 ದಿನ ಶಾಲೆಗೆ ಬಾರದೇ ಇದ್ದುದರಿಂದ ಶಿಕ್ಷಕರು ಸ್ವತಃ ಮನೆ ಕಡೆ ಹುಡುಕಿಕೊಂಡು ಬಂದರು. ಆ ವೇಳೆ ನಾನು ಮನೆಯಲ್ಲಿ ಇರಲಿಲ್ಲ. ಹೀಗಾಗಿ ಮನೆ ಮಂದಿಗೆ ವಿಷಯ ತಿಳಿಸಿದರು. ನಾನು ಮನೆಗೆ ಬಂದಾಗ ತಿಳಿಯಿತು ಹಾಜರಾತಿ ಕೊರತೆಯಿಂದ ಪರೀಕ್ಷೆ ಬರೆಯಲು ಸಾಧ್ಯವಿಲ್ಲ ಎನ್ನುವ ವಿಷಯ. ನನ್ನ ಶಿಕ್ಷಣಕ್ಕೆ ಯಾವುದೇ ತೊಂದರೆಯಾಗಬಾರದು ಎಂಬ ಕಾರಣಕ್ಕೆ ಅವರೇ ಬಂದು ತಿಳಿ ಹೇಳಿದ್ದು ಕೇಳಿ ಕಣ್ತುಂಬಿ ಬಂತು. ಹಾಗೇ ಆ ವರ್ಷ ನನ್ನ ಶಾಲೆ ಶುಲ್ಕ ಅವರೇ ತುಂಬಿದ್ರು.

ಸರಕಾರಿ ಶಾಲೆ ಎಂದರೆ ಹಣ, ಆಸ್ತಿ ಸಂಪಾದನೆಗೆ ದಾರಿ ಎನ್ನುವವರಿದ್ದಾರೆ. ಆದರೆ ನಿಜವಾದ ಕಾಳಜಿಯಿಟ್ಟು ಕೆಲಸ ಮಾಡುವವರೂ ಇರುತ್ತಾರೆ. ಬದುಕಿನಲ್ಲಿ ಎಲ್ಲರೂ ಏನಾದರೂಂದು ಪಾಠವನ್ನು ಹೇಳಿ ಕೊಟ್ಟು ಹೋಗುತ್ತಾರೆ. ಅಂಥದ್ದರಲ್ಲಿ ಶಿಕ್ಷಣದ ಮಹತ್ವದ ಜತೆಗೆ ತಮ್ಮ ವೃತ್ತಿಯ ಮೇಲಿನ ಬದ್ಧತೆಯನ್ನು ಕಲಿಸಿಕೊಟ್ಟ ಗುರುವಿಗೊಂದು ಧನ್ಯಾವಾದ ಹೇಳಲೇಬೇಕು.

– ಕಾರ್ತಿಕ್‌ ಚಿತ್ರಾಪುರ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ನಿಮ್ಮ ಮನೆಯನ್ನು ಆಕರ್ಷಕವಾಗಿಸಲು ಒಳಾಂಗಣದ ಜತೆಗೆ ಅಂಗಳದ ಕಡೆಗೂ ಗಮನ ಹರಿಸಬೇಕು. ಮನೆ ಸುತ್ತ ಖಾಲಿ ಜಾಗ ಇದ್ದರೆ ನಿಮ್ಮ ಅಭಿರುಚಿಗೆ ತಕ್ಕಂತೆ ಸುಂದರ ರೂಪ ಕೊಡಬಹುದು....

  • ಮನೆಯನ್ನು ಕಟ್ಟುವಾಗ ಪ್ರತಿ ಭಾಗವನ್ನು ಕಟ್ಟುವಾಗ ಇಂಚಿಚು ಗಮನಹರಿಸಬೇಕಾಗುತ್ತದೆ. ಬಾತ್‌ರೂಂ ನಿರ್ಮಿಸುವಾಗ ಕೆಲವು ಮುನ್ನೆಚ್ಚರಿಕೆ ವಹಿಸಬೇಕಾಗುತ್ತದೆ....

  • ಮನೆ ಸುಂದರವಾಗಿದ್ದರಷ್ಟೆ ಸಾಲದು. ಮನೆಯೊಳಗಿರುವ ವಸ್ತುಗಳನ್ನು ಅಷ್ಟೇ ಸುಂದರವಾಗಿರುವಂತೆ ನೋಡಿಕೊಳ್ಳವುದು ಅಗತ್ಯ. ಪ್ರತಿಯೊಂದು ವಸ್ತುಗಳ ನಿರ್ವಹಣೆಯತ್ತಲೂ...

  • ಪ್ರತಿಯೊಬ್ಬರಲ್ಲಿಯೂ ಸ್ವಂತ ಮನೆ ನಿರ್ಮಾಣದ ಕನಸುಗಳಿರುವುದು ಸಹಜವೇ. ನಾವು ನಿರ್ಮಿಸುವ ಮನೆಯ ಕೋಣೆ,ಬೆಡ್‌ ರೂಂ, ಕಿಚನ್‌ ಸಹಿತ ಹಾಲ್ ಈ ರೀತಿಯಲ್ಲಿ ಸಿಂಗರಿಸಬೇಕು...

  • ಮಾರುಕಟ್ಟೆಯಲ್ಲಿ ಈಗಾಗಲೇ ಪ್ರಾಬಲ್ಯ ಸಾಧಿಸಿರುವ ರೆಡ್‌ಮಿ ಮೊಬೈಲ್‌ ತನ್ನ ನೂತನ ಆವೃತ್ತಿಯನ್ನು ಬಿಡುಗಡೆಗೊಳಿಸಿದೆ. ರೆಡ್‌ಮಿ ಕೆ 20 ಮತ್ತು ರೆಡ್‌ಮಿ ಕೆ 20...

ಹೊಸ ಸೇರ್ಪಡೆ