ಸ್ವಚ್ಛ, ಸುಂದರವಾಗಿರಲಿ ಮಲಗುವ ಕೋಣೆ

Team Udayavani, Aug 17, 2019, 5:04 AM IST

ದಿನದ ಅಂತ್ಯದಲ್ಲಿ ಒಂದಿಷ್ಟು ಸಮಾಧಾನ ಹಾಗೂ ಆರಾಮದಾಯಕ ಅನುಭವ ನೀಡುವ ಸ್ಥಳವೆಂದರೆ ಮನೆಯಲ್ಲಿರುವ ಮಲಗುವ ಕೋಣೆ. ಒಂದರ್ಥದಲ್ಲಿ ಹೇಳುವುದಾದರೆ ಮಲಗುವ ಕೋಣೆಯೇ ನಮ್ಮ ನಿಜವಾದ ಅಸ್ತಿತ್ವ ನೀಡುವ ಸ್ಥಳವಾಗಿರುತ್ತದೆ.

ಮಲಗುವ ಕೋಣೆಯ ಸ್ವಚ್ಛತೆ ಹಾಗೂ ಅದರ ಅಲಂಕಾರ ಮನಸ್ಸಿಗೆ ಮುದ ನೀಡುವಂತಿರಬೇಕು. ಮಲಗುವ ಕೋಣೆಯನ್ನು ಸುಸಜ್ಜಿತವಾಗಿಟ್ಟುಕೊಂಡರೆ ದಣಿದು ಬಂದ ಮನಸ್ಸಿಗೆ ಸಮಾಧಾನ, ಒಂದಿಷ್ಟು ಚೈತನ್ಯ ಹಾಗೂ ಉತ್ಸಾಹ ಭಾವನೆ ಸೃಷ್ಟಿಯಾಗುತ್ತದೆ. ಅದೇ ಮಲಗುವ ಕೋಣೆಯು ಆಸಕ್ತಿದಾಯಕವಾಗಿಲ್ಲ ಅಥವಾ ಸ್ವಚ್ಛತೆಯಿಂದ ಕೂಡಿಲ್ಲ ಎಂದಾದರೆ ಒಂದು ಬಗೆಯ ಬೇಸರ ಹಾಗೂ ಕಿರಿಕಿರಿಯ ಭಾವನೆ ಕಾಡಬಹುದು. ಹಾಗಾಗಿ ಈ ಕೋಣೆಯನ್ನು ಸುಂದರವಾಗಿಸಿಕೊಳ್ಳುವುದು ಉತ್ತಮ.

ವಾಲ್ಪೇಪರ್‌ ಬಳಕೆ
ಕೋಣೆಯ ಗೋಡೆಗಳಲ್ಲಿ ಕೆಲ ಆಸಕ್ತಿದಾಯಕ ಚಿತ್ರಗಳ ಜೋಡಣೆ ಮಾಡುವುದರಿಂದ ಮನಸ್ಸು ಶಾಂತ ಹಾಗೂ ವಿನೋದದಿಂದ ಕೂಡಿರುತ್ತದೆ. ಮಾರುಕಟ್ಟೆಯಲ್ಲಿ ಲಭ್ಯವಿರುವ ಆಲಂಕಾರಿ ವಸ್ತುಗಳನ್ನು ಸೂಕ್ತ ರೀತಿಯಲ್ಲಿ ಬಳಸಿಕೊಂಡು ಹೊಸ ಮೆರುಗು ನೀಡಬಹುದು.

ಬೆಡ್‌ ಶೀಟ್ ಬಳಕೆ
ಋತುಗಳಿಗೆ ಅನುಗುಣವಾಗಿ ಬೆಡ್‌ಶೀಟ್‌ಗಳನ್ನು ಬದಲಿಸಿಕೊಳ್ಳಬೇಕು. ಆಗ ಮಲಗುವ ಕೋಣೆಯ ಕೇಂದ್ರಬಿಂದುವಾದ ಹಾಸಿಗೆ ಅಥವಾ ಬೆಡ್‌ ಆಕರ್ಷಕವಾಗಿ ಕಾಣುವುದು. ಜತೆಗೆ ಬೆಚ್ಚನೆಯ ಅನುಭವ ನೀಡುವುದು. ಹೂವಿನ ಮುದ್ರಣ ಇರುವ ಬೆಡ್‌ಶೀಟ್‌ಗಳು ಹಾಗೂ ಕೆಲವು ನಿಮ್ಮ ಮೆಚ್ಚಿನ ಬಣ್ಣಗಳ ಬೆಡ್‌ಶೀಟ್ ಒಂದಿಷ್ಟು ಖುಷಿಯನ್ನು ನೀಡುವುದು.

ಅನಗತ್ಯ ವಸ್ತುಗಳನ್ನು ತೆಗೆಯಿರಿ
ಕೆಲವರಿಗೆ ಅನಗತ್ಯ ವಸ್ತುಗಳನ್ನು ಮಲಗುವ ಕೋಣೆಯಲ್ಲಿ ಜೋಡಿಸಿಡುವ ಹವ್ಯಾಸ ಇರುತ್ತದೆ. ಇದರಿಂದ ಮಲಗುವ ಕೋಣೆಯ ನೋಟ ಹಾಳಾಗುವುದು. ಜತೆಗೆ ನಿತ್ಯ ಕಿರಿಕಿರಿ ಉಂಟು ಮಾಡುತ್ತದೆ. ಹಾಗಾಗಿ ಅನಗತ್ಯ ವಸ್ತುಗಳನ್ನು ಹೊರಹಾಕಿ.

ಪ್ರತಿದಿನ ಸ್ವಚ್ಛಗೊಳಿಸಿ
ಮಲಗುವ ಕೋಣೆ ಮಲಗಲು ಮಾತ್ರ ಸೀಮಿತವಾಗಿರುವುದಿಲ್ಲ. ವೈಯಕ್ತಿಕ ಕೆಲಸಗಳಿಗೆ ಹೆಚ್ಚಿನವರು ಮಲಗುವ ಕೋಣೆಗಳನ್ನು ಉಪಯೋಗಿಸುತ್ತಾರೆ. ಹೀಗಾಗಿ ಮಲಗುವ ಕೋಣೆ ಎಂದೂ ಸ್ವಚ್ಛವಾಗಿರಬೇಕು.

ಒಳಾಂಗಣ ಗಿಡಗಳ ಜೋಡಣೆ
ಒಳಾಂಗಣ ಗಿಡವನ್ನು ಮಲಗುವ ಕೋಣೆಯಲ್ಲಿ ಜೋಡಿಸುವುದರಿಂದ ಎರಡು ಉಪಯೋಗವನ್ನು ಪಡೆದುಕೊಳ್ಳಬಹುದು. ಒಂದು ಕೋಣೆಗೆ ಸುಂದರ ನೋಟವನ್ನು ನೀಡುವುದು. ಇನ್ನೊಂದು ಕಾರಣ ತಾಜಾ ಗಾಳಿ ಕೋಣೆಯ ಒಳಗೆ ಸುಳಿದಾಡುವುದು. ಜತೆಗೆ ಗಾಳಿಯನ್ನು ಶುಚಿಗೊಳಿಸುವುದು. ಸೂಕ್ತವಾದ ಒಳಾಂಗಣ ಗಿಡಗಳ ಆಯ್ಕೆ ಮಾಡಿಕೊಂಡರೆ ಋಣಾತ್ಮಕ ಶಕ್ತಿಯನ್ನು ದೂರ ಮಾಡಬಹುದು.

•ಕಾರ್ತಿಕ್‌ ಚಿತ್ರಾಪುರ

 

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.



ಈ ವಿಭಾಗದಿಂದ ಇನ್ನಷ್ಟು

  • ಸುಮ್ಮನೆ ಕುಳಿತರೆ ಸಾಕು. ಹಲವಾರು ಯೋಚನೆಗಳು ಮನಸ್ಸಿನೊಳಗೆ ಬಂದು ಹೋಗುವುದು ಸರ್ವೇ ಸಾಮಾನ್ಯ. "ಎಂಪ್ಟೀ ಮೈಂಡ್‌ ಈಸ್‌ ಡೆವಿಲ್ಸ್‌ ವರ್ಕ್‌ ಶಾಪ್‌' ಅನ್ನುವ...

  • ವ್ಯಕ್ತಿಯ ಜೀವನ, ಸಮಾಜ, ಅರ್ಥವ್ಯವಸ್ಥೆ, ರಾಜಕಾರಣಗಳೆಲ್ಲವೂ ಮೌಲ್ಯಾ ಧಾರಿತ ವಾಗಿ ರಬೇಕು. ಮೌಲ್ಯಗಳ ಅಳವಡಿಕೆಯಿಂದ ವ್ಯಕ್ತಿಯ ಗೌರವ, ಘನತೆ ವೃದ್ಧಿಸಿ, ಚಿನ್ನದಂತೆ...

  • ಒಂದು ಬಾರಿ ಮುಲ್ಲಾ ನಸ್ರುದ್ದೀನ್‌ ದೋಣಿಯಲ್ಲಿ ಪ್ರಯಾಣ ಬೆಳೆಸುತ್ತಿದ್ದ. ಅವನಂತೆಯೇ ಒಂದಿಷ್ಟು ಸಹಯಾತ್ರಿಕರು ದೋಣಿಯಲ್ಲಿದ್ದರು. ಎಲ್ಲರೂ ಒಂದೇ ಮಟ್ಟದ ಬುದ್ಧಿವಂತರಾಗಿದ್ದರು....

  • "ಮಾನವ ಜನ್ಮ ಬಲು ದೊಡ್ಡದು, ಇದ ಹಾಳುಮಾಡಿ ಕೊಳ್ಳದಿರಿ ಹುಚ್ಚಪ್ಪಗಳಿರ' ಎಂಬ ಮಾತಿನಂತೆ ಈ ಬದುಕು ಅತ್ಯಮೂಲ್ಯ ಭೂಮಿಯ ಮೇಲಿನ ಬೇರಾವುದೇ ಜೀವಿಗಳಿಗೆ ಹೋಲಿಸಿದರೆ...

  • ಬಸ್ಸಿನಲ್ಲಿ ದೂರದೂರಿಗೆ ಪಯಣಿಸುತ್ತಿದ್ದೆ. ಮೊಬೈಲ್‌ನಲ್ಲಿ ಹಾಕಿದ್ದ "ಹಾಡು ಹಳೆಯದಾದರೇನು ಭಾವ ನವನವೀನ' ಹಾಡು ಮೆಲುವಾಗಿ ಕೇಳಿಸುತ್ತಿತ್ತು. ನನ್ನ ಹಿಂದಿನ...

ಹೊಸ ಸೇರ್ಪಡೆ