ಓಟ್ಸ್‌ ಸೇವನೆ ಇರಲಿ ಎಚ್ಚರ

Team Udayavani, May 28, 2019, 6:00 AM IST

ದೇಹದ ತೂಕ ಇಳಿಸಿಕೊಳ್ಳಬೇಕೆಂದು ಬಯಸುವವರಿಗೆ ಬೆಳಗ್ಗಿನ ಉಪಾಹಾರದಲ್ಲಿ ಓಟ್ಸ್‌ ಸೇವನೆ ಅತ್ಯುತ್ತಮ. ಓಟ್ಸ್‌ ಆಹಾರವನ್ನು ಮೈಕ್ರೋವೆವ್‌ ಅಥವಾ ನೆನೆಸಿಟ್ಟು ಉಪಯೋಗಿಸುತ್ತೀರಾ ಎಂಬುದು ಇಲ್ಲಿ ಪ್ರಯೋಜನಕ್ಕೆ ಬಾರದಿದ್ದರೂ ಈ ಧಾನ್ಯ ಹಸಿವನ್ನು ನೀಗಿಸಿ, ತೆಳ್ಳಗಿನ ಮೈಕಟ್ಟು ಹೊಂದಲು ಸಹಕರಿಸುತ್ತದೆ. ಆದರೆ ಇದರಿಂದ ಆರೋಗ್ಯಕ್ಕೆ ಸಮಸ್ಯೆಗಳಿಲ್ಲ ಎಂದು ಹೇಳಲಾಗದು. ಓಟ್ಸ್‌ ಸೇವನೆಯ ವೇಳೆ ಕೆಲವೊಂದು ಅಂಶಗಳನ್ನು ಪರಿಗಣಿಸದೇ ಇದ್ದರೆ ದೇಹದ ತೂಕ ಹೆಚ್ಚಳಕ್ಕೆ ಕಾರಣವಾಗುತ್ತದೆ. ಅಲ್ಲದೇ ದೇಹದ ತೂಕ ಇಳಿಸುವ ಆಹಾರ ಸಕ್ಕರೆಯಾಂಶ ಹೆಚ್ಚಿಸುವ ಆಹಾರವಾಗಿ ಬದಲಾಗಿ ಸಮಸ್ಯೆಗೆ ಕಾರಣಬಾಗಬಹುದು.

ಸಮಸ್ಯೆಗೆ ಕಾರಣವಾಗ ಬಹುದಾದ ಅಂಶಗಳು
ಸಕ್ಕರೆಯ ಪ್ರಮಾಣ ಏರಿಸುವುದು
ತೂಕ ಇಳಿಸಿಕೊಳ್ಳಲು ಓಟ್ಸ್‌ ಸೇವನೆ ಒಳ್ಳೆಯದೆ. ಆದರೆ ಓಟ್ಸ್‌ಗೆ ಹೆಚ್ಚಿನ ಪ್ರಮಾಣದ ಸಕ್ಕರೆ ಸೇರಿಸಿ ಆಹಾರ ತಯಾರಿಸಿಕೊಳ್ಳುವುದು ಉತ್ತಮವಲ್ಲ. ಬ್ರೌನ್‌ ಶುಗರ್‌ ಅಥವಾ ವೈಟ್‌ಶುಗರ್‌ ಯಾವುದಾದರೂ ಇರಲಿ ಅತೀ ಹೆಚ್ಚು ಸಕ್ಕರೆ ಡಯೆಟ್‌ಗೆ ಪೂರಕವಲ್ಲ. ಹೆಚ್ಚು ಸಕ್ಕರೆಯಾಂಶ ಸೇರಿಸುವುದರಿಂದ ರಕ್ತದಲ್ಲಿ ಸಕ್ಕರೆ ಅಂಶ ಹೆಚ್ಚಾಗುತ್ತದೆ. ಓಟ್ಸ್‌ ಸಿಹಿಯಿಂದ ಕೂಡಿರಬೇಕು ಎಂದು ಬಯಸಿದರೆ ತಾಜಾ ಹಣ್ಣು, ದಾಲ್ಚಿನ್ನಿಯನ್ನು ಬಳಸಬಹುದು.

ಸುವಾಸನೆ ಭರಿತ, ಪ್ಯಾಕ್‌ ಆಗಿರುವ ಓಟ್ಸ್‌
ಪ್ಯಾಕ್‌ ಮತ್ತು ಸುವಾಸನೆಭರಿತ ಓಟ್ಸ್‌ ಆಹಾರ ತಯಾರಿಸುವಿಕೆ ಸಮಯ ಉಳಿಸುತ್ತವೆ ನಿಜ. ಆದರೆ, ಅದರಲ್ಲಿ ಅಷ್ಟೇ ರಾಸಾಯನಿಕ ಮತ್ತು ಸಕ್ಕರೆ ಅಂಶಗಳಿರುತ್ತವೆ. ಕೆಲವೊಂದು ಪ್ಯಾಕ್‌ ಆಗಿರುವ ಓಟ್ಸ್‌ಗಳು 14 ಗ್ರಾಂನಷ್ಟು ಸಕ್ಕರೆ ಮತ್ತು ಕೃತಕ ಬಣ್ಣಗಳನ್ನು ಹೊಂದಿರುತ್ತದೆ. ಹೀಗಾಗಿ ಸುವಾಸೆಯಿಲ್ಲದ, ಪ್ಯಾಕ್‌ ಮಾಡಿರದ ಓಟ್ಸ್‌ಗಳನ್ನು ಖರೀದಿಸುವುದು ಉತ್ತಮ.

ಹೆಚ್ಚು ಸೇವನೆ
ಮುಂಜಾನೆಯ ಉಪಹಾರ ಮುಖ್ಯವಾದುದು. ಆದರೆ ಅತೀ ಹೆಚ್ಚು ಸೇವನೆ ಒಳ್ಳೆಯ ದಲ್ಲ. ಇದು ಹೊಟ್ಟೆಗೆ ತೊಂದರೆ ನೀಡುವುದಲ್ಲದೆ ತೂಕ ಹೆಚ್ಚಳಕ್ಕೆ ಕಾರಣವಾಗುತ್ತದೆ. ಒಂದು ಬಾರಿಗೆ ಅರ್ಧಕಪ್‌ನಷ್ಟು ಒಣ ಓಟ್ಸ್‌ನ್ನು ಮಾತ್ರ ಸೇವಿಸುವ ಅಭ್ಯಾಸವಿರಲಿ.

ಅತೀ ಹೆಚ್ಚು ಟಾಪಿಂಗ್ಸ್‌
ಒಂದು ಬೌಲ್‌ ಓಟ್ಸ್‌ ಆಹಾರದ ಮೇಲೆ ಹೆಚ್ಚು ಅಲಂಕಾರವನ್ನು ಬಳಸುತ್ತಿದ್ದರೇ ತೂಕ ಇಳಿಕೆ ಯೋಜನೆ ಕೆಡುವುದು ಖಂಡಿತ. ಆಹಾರದ ಮೇಲೆ ಬಾದಾಮಿ, ದ್ರಾಕ್ಷಿ, ತಾಜಾ ಹಣ್ಣು ಮೊದಲಾದವುಗಳನ್ನು ಬಳಸಿದರೆ ಸೇವಿಸುವ ಒಟ್ಟು ಕ್ಯಾಲೋರಿ ಪ್ರಮಾಣ ಹೆಚ್ಚಾಗುತ್ತದೆ. ಒಂದು ವೇಳೆ ಟಾಪಿಂಗ್ಸ್‌ ಹಾಕಲೇಬೇಕೆಂದಾದರೇ ಎಲ್ಲ ಸೇರಿ 150 ಗ್ರಾಮ್‌ ಕ್ಯಾಲೋರಿಗಿಂತ ಹೆಚ್ಚಾಗುವುದು ಬೇಡ. ಸಣ್ಣ ಪ್ರಮಾಣದಲ್ಲಿ ಟಾಪಿಂಗ್ಸ್‌ ಇರಲಿ.

ಸರಿಯಾದ ಟಾಪಿಂಗ್ಸ್‌ ಇಲ್ಲದಿರುವುದು
ಓಟ್ಸ್‌ ಆರೋಗ್ಯಕರ. ಆದರೆ ಟಾಪಿಂಗ್ಸ್‌ನಲ್ಲಿ ಒಂದು ಚಮಚದಷ್ಟು ನ್ಯೂಟ್ರೇಲಾ ಅಥವಾ ಚಾಕೋಚಿಪ್ಸ್‌ ಬಳಸುವುದು ಉತ್ತಮ ಆಹಾರವನ್ನು ಕೆಡಿಸುತ್ತದೆ. ಟಾಪಿಂಗ್ಸ್‌ಗೆ ಉತ್ತಮವಾದುದನ್ನು ಆರಿಸುವುದು ಫಿಟ್‌ ಮತ್ತು ಆರೋಗ್ಯಕರವಾಗಿರಲು ಒಳ್ಳೆಯದು. ಹಿಡಿಯಷ್ಟು ಬಾದಾಮಿ ಅಥವಾ ತಾಜಾ ಹಣ್ಣುಗಳನ್ನು ಬಳಸಬಹುದು. ಚಾಕೋಚಿಪ್‌ ಬದಲು ಕೋಕೋ ಪೌಡರ್‌ ಬಳಸಬಹುದು. ಚಾಕೋಚಿಪ್‌ಗಿಂತ ಕೋಕೋ ಪೌಡರ್‌ ಶುದ್ಧವಾಗಿದ್ದು, ಕಬ್ಬಿಣ ಮತ್ತು ರೋಗ ನಿರೋಧಕ ಅಂಶಗಳಿಂದ ಕೂಡಿದೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಸದ್ಯ ಜಗತ್ತಿನಾದ್ಯಂತ ಕಾಡುತ್ತಿರುವ ಆರೋಗ್ಯ ಸಮಸ್ಯೆಗಳಲ್ಲಿ ಬೊಜ್ಜು ಕೂಡ ಒಂದು. ವಯಸ್ಸಿನ ಮಿತಿ ಇಲ್ಲದೆ ಎಲ್ಲಾ ವಯೋಮಾನದವರನ್ನೂ ಕಾಡುತ್ತಿರುವ ಬೊಜ್ಜಿನ...

  • ಭಾರತೀಯರ ಅಡುಗೆ ಮನೆಯಲ್ಲಿ ಸಾಮಾನ್ಯವಾಗಿ ಇರುವ ಒಂದು ಪದಾರ್ಥ ತುಪ್ಪ. ಬೆಣ್ಣೆಯಿಂದ ತೆಗೆದ ತುಪ್ಪದಲ್ಲಿ ಕೊಬ್ಬಿನಿಂದ ಕೂಡಿದ ಆಮ್ಲ ಹಾಗೂ ಉತ್ತಮ ಕೊಲೆಸ್ಟ್ರಾಲ್...

  • ತಂತ್ರಜ್ಞಾನಗಳ ಬಳಕೆಯೂ ವ್ಯಕ್ತಿಗಳಲ್ಲಿ ಶಾರೀರಿಕ ವ್ಯಾಯಾಮ ಇಲ್ಲದಂತೆ ಮಾಡಿದೆ. ಹಿಂದೆ ಬೆವರು ಹರಿಸಿ ಕೆಲಸ ಮಾಡುತ್ತಿದ್ದ ಜನರು ಇಂದು ಎಸಿ. ರೂಮ್‌ನಲ್ಲಿ ಕುಳಿತಲ್ಲೇ...

  • ವಿಷಯಗಳಿಗೆ ತೆಂಗಿನ ಎಣ್ಣೆ ನಮಗೆ ಅತೀ ಮುಖ್ಯ. ಆಹಾರ ಮತ್ತು ಆರೋಗ್ಯದ ವಿಷಯದಲ್ಲಿ ನಮ್ಮ ದೇಹಕ್ಕೆ ಹೆಚ್ಚು ಸಹಾಯ ಮಾಡಬಲ್ಲ ಗುಣವನ್ನು ಹೊಂದಿದೆ. ಬಹುಪಯೋಗಿ ತೆಂಗಿನೆಣ್ಣೆಯನ್ನು...

  • ಇತ್ತೀಚಿನ ದಿನಗಳಲ್ಲಿ ಹೃದಯಾಘಾತ ಮತ್ತು ಹೃದಯ ಸ್ತಂಭನದಿಂದಾಗಿ ನಿಧನ ಹೊಂದಿರುವ ಸುದ್ದಿಯನ್ನು ನಾವು ಕೇಳಿರುತ್ತೇವೆ. ಆದರೆ ಕೆಲವರು ಈ ಎರಡೂ ವಿಧಾನಗಳು ಒಂದೇ...

ಹೊಸ ಸೇರ್ಪಡೆ