ಮಕ್ಕಳ ಆರೈಕೆಗೆ ತೆಂಗಿನೆಣ್ಣೆ

Team Udayavani, Sep 24, 2019, 5:37 AM IST

ಕರಾವಳಿ ತೀರಗಳಲ್ಲಿ ಹೇರಳವಾಗಿ ಲಭ್ಯವಿರುವ ತೆಂಗಿನೆಣ್ಣೆ ರುಚಿಯಾದ ಅಡುಗೆ ಜತೆಗೆ ಉತ್ತಮ ಆರೋ ಗ್ಯಕ್ಕೂ ಕಾರಣವಾಗಿದೆ. ತೆಂಗಿನೆಣ್ಣೆ ಯಲ್ಲಿ ಲಾರಿಕ್‌ ಆಮ್ಮ ಇದ್ದು ಇದು ತ್ವಚೆಯ ಪೋಪಕಾಂಶಕ್ಕೆ ಸಹಕಾರಿ. ಮಕ್ಕಳ ಆರೋಗ್ಯ ಕಾಪಾಡುವಲ್ಲಿಯೂ ತೆಂಗಿನೆಣ್ಣೆ ಉತ್ತಮವಾಗಿದೆ. ತೆಂಗಿನೆಣ್ಣೆಯಲ್ಲಿ ವಿಟಮಿನ್‌ ಇ ಇದೆ. ಇದು ಯಾವ ರೀತಿ ಮಕ್ಕಳ ಆರೋಗ್ಯಕ್ಕೆ ಪೂರಕ ಎಂಬ ಮಾಹಿತಿ ಇಲ್ಲಿದೆ.

1 ಹಲ್ಲು ನೋವು ನಿವಾರಕ: ಮಕ್ಕಳಿಗೆ ಹಲ್ಲು ನೋವು ಸಾಮಾನ್ಯ. ಈ ಸಂದರ್ಭದಲ್ಲಿ ಹಲ್ಲಿಗೆ ಮತ್ತು ದವಡೆಗೆ ತೆಂಗಿನ ಎಣ್ಣೆ ಉಜ್ಜಿದರೆ ಹಲ್ಲು ನೋವು ಕಡಿಮೆಯಾಗುತ್ತದೆ.

2 ಅಲರ್ಜಿಯಿಂದ ರಕ್ಷಣೆ: ಮಗುವಿನ ತ್ವಚೆ ಸೂಕ್ಷ್ಮವಾಗಿದ್ದು ಅಲರ್ಜಿ ಸಮಸ್ಯೆ ಬಹು ಬೇಗನೆ ಕಾಣಿಸಿಕೊಳ್ಳುತ್ತದೆ. ಮೂಗಿನ ಹೊಳ್ಳೆಗಳ ಒಳಗೆ ತೆಂಗಿನ ಎಣ್ಣೆ ಹಚ್ಚುವುದರಿಂದ ಅಲರ್ಜಿಯಿಂದ ಮುಕ್ತಿ ಪಡೆಯಬಹುದು.

3 ಸುಖ ನಿದ್ದೆ: ಮಕ್ಕಳಿಗೆ ತೆಂಗಿನ ಎಣ್ಣೆಯಿದ ಮಸಾಜ್‌ ಮಾಡಿ ಸ್ನಾನ ಮಾಡಿಸಿದರೆ ಒಳ್ಳೆಯ ನಿದ್ದೆ ಜತೆಗೆ ಮೂಳೆಗಳೂ ದೃಢವಾಗುತ್ತದೆ. ತ್ವಚೆಯಲ್ಲಿ ತೇವಾಂಶವನ್ನು ಉಳಿಸಲು ಇದು ಸಹಕಾರಿ.

4 ಕಿವಿಯ ಸೋಂಕಿಗೆ: ಕಿವಿ ನೋವು ಕಾಣಿಸಿಕೊಂಡರೆ ಸ್ವಲ್ಪ ಪ್ರಮಾಣದಲ್ಲಿ ಕಿವಿಯ ಒಳಗೆ ಹಾಕಿದರೆ ನೋವಿನಿಂದ ಉಪಶಮನವಾಗುತ್ತದೆ.

5 ಚರ್ಮದ ಸಮಸ್ಯೆ ದೂರ: ಮಗುವಿನ ಮೈಗೆ ತೆಂಗಿನ ಎಣ್ಣೆಯನ್ನು ಹಚ್ಚುವುದರಿಂದ ಚರ್ಮ ಅದು ಒಂದು ರೀತಿಯ ತೆಳುವಾದ ಪದರವನ್ನು ರೂಪಿಸುತ್ತದೆ. ಇದು ಹೊರಗಿನ ಧೂಳು, ಬ್ಯಾಕ್ಟೀರಿಯಾಗಳಿಂದ ಕಾಪಾಡುತ್ತದೆ. ಒಣ ತುಟಿಗಳಿಗೆ ಕೊಬ್ಬರಿ ಎಣ್ಣೆ ಹಚ್ಚಿದರೆ ತೇವಾಂಶ ಹೆಚ್ಚಾಗಿ ಒಣ ತುಟಿಯಿಂದ ಮುಕ್ತಿ ಪಡೆಯಬಹುದು.

6 ರೋಗ ನಿರೋಧಕ ಶಕ್ತಿ ಹೆಚ್ಚಳ: ತೆಂಗಿನ ಎಣ್ಣೆ ಯಲ್ಲಿರುವ ಆ್ಯಂಟಿ ಮೈಕ್ರೊಬಿಯಲ್‌ ಅಂಶವು ಮಕ್ಕಳ ರೋಗ ನಿರೋಧಕ ಹೆಚ್ಚಿಸುತ್ತದೆ.

7 ಹೊಟ್ಟೆ ನೋವು ನಿವಾರಣೆ: ಮಕ್ಕಳ ಹೊಕ್ಕಳಿನ ಮೇಲೆ ತೆಂಗಿನ ಎಣ್ಣೆಯನ್ನು ಹಚ್ಚಿದರೆ ಮಕ್ಕಳಲ್ಲಿ ಕಾಣಿಸಿಕೊಳ್ಳುವ ಹೊಟ್ಟೆ ನೋವು ಕಡಿಮೆಯಾಗುತ್ತದೆ..

8 ಗಾಯಗಳಿಂದ ಶೀಘ್ರ ಶಮನ: ಸದಾ ಚಟುವಟಿಕೆಯಿಂದ ಇರುವ ಮಕ್ಕಳಿಗೆ ಗಾಯಗಳು ಆಗುತ್ತಲೇ ಇರುತ್ತವೆ. ಗಾಯಗಳ ಮೇಲೆ ತೆಂಗಿನ ಎಣ್ಣೆ ಹಚ್ಚಿದರೆ ಶೀಘ್ರ ಉಪಶಮನವಾಗುತ್ತದೆ.

9 ಜ್ವರ: ಮಕ್ಕಳಲ್ಲಿ ಸಾಮನ್ಯವಾಗಿ ಜ್ವರ , ಕಫ‌ ಕಂಡು ಬರುತ್ತದೆ. ಆಗ ಎದೆಯ ಮೇಲೆ ತೆಂಗಿನ ಎಣ್ಣೆ ಹಚ್ಚಬೇಕು. ಇದರಿಂದ ಜ್ವರ, ಕಫ‌ ಕಡಿಮೆಯಾಗುತ್ತದೆ.