ಲಿಪ್‌ಸ್ಟಿಕ್‌ ಆಯ್ಕೆಯಲ್ಲಿರಲಿ ಸಾಮಾನ್ಯ ಜ್ಞಾನ

Team Udayavani, Jan 14, 2020, 4:24 AM IST

ಸಾಮಾನ್ಯವಾಗಿ ಹುಡುಗಿಯರು ಸೌಂದರ್ಯಪ್ರಿಯರೇ. ಯಾವಾಗಲೂ ತಾವು ಬ್ಯೂಟಿಯಾಗಿ ಕಾಣಬೇಕು ಎಂದು ಬಯಸುವುದು ಸಹಜ. ಬಟ್ಟೆಗೆ ತಕ್ಕಂತೆ ಸ್ಯಾಂಡಲ್ಸ್‌ಗಳು, ಹೇರ್‌ಸ್ಟೈಲ್‌ ಎಲ್ಲ ಪಫೆìಕ್ಟ್ ಆಗಿರಬೇಕು. ಆದರೆ ಕೆಲವೊಮ್ಮೆ ಕೆಲವೊಂದು ವಿಷಯದಲ್ಲಿ ನಮ್ಮ ಆಯ್ಕೆ ತಪ್ಪಾಗುವ ಸಾಧ್ಯತೆಗಳಿರುತ್ತದೆ. ಅದರಲ್ಲಿ ಲಿಪ್‌ಸ್ಟಿಕ್‌. ನಾವು ನಮ್ಮ ತುಟಿಗಳಿಗೆ, ಧರಿಸುವ ಬಟ್ಟೆಗಳಿಗೆ ಸರಿಯಾದ ಬಣ್ಣದ ಲಿಪ್‌ಸ್ಟಿಕ್‌ ಆಯ್ಕೆ ಮಾಡಿಕೊಳ್ಳುವುದರಲ್ಲಿ ಎಡವುತ್ತೇವೆ. ನಾವು ಯಾವ ಬಟ್ಟೆಯನ್ನು ಧರಿಸುತ್ತೇವೆಯೋ ಆ ಬಣ್ಣಕ್ಕೆ ಯಾವ ತರದ ಲಿಪ್‌ಸ್ಟಿಕ್‌ ಹಾಕಿಕೊಳ್ಳಬೇಕು ಎಂಬುವುದರ ಕುರಿತು ಸ್ವಲ್ಪವಾದರೂ ಜ್ಞಾನ ಇರುವುದು ಉತ್ತಮ.

ಕೆಂಪು ಲಿಪ್‌ಸ್ಟಿಕ್‌
ಸಾಮಾನ್ಯವಾಗಿ ಕೆಂಪು ಬಣ್ಣವು ನಮ್ಮ ಭಾರತೀಯ ಸ್ಕಿನ್‌ ಟೋನ್‌ನೊಂದಿಗೆ ಚೆನ್ನಾಗಿ ಹೊಂದಿಕೊಳ್ಳುತ್ತದೆ. ಇದು ನಮ್ಮ ನೈಸರ್ಗಿಕ ತುಟಿ ಬಣ್ಣಕ್ಕಿಂತ ಸ್ವಲ್ಪ ಹೆಚ್ಚಿನ ಲುಕ್‌ ನೀಡುತ್ತದೆ. ನೀವು ಸೀರೆ ಅಥವಾ ಲೆಹೆಂಗಾದಂತಹ ಸಾಂಪ್ರದಾಯಿಕ ಉಡುಪುಗಳನ್ನು ಧರಿಸಿದಾಗ ಕೆಂಪು ಬಣ್ಣದ ಲಿಪ್‌ಸ್ಟಿಕ್‌ ಧರಿಸಲು ಸೂಕ್ತವಾದ ಬಣ್ಣವಾಗಿದೆ. ಕೆಂಪು ಲಿಪ್‌ಸ್ಟಿಕ್‌ ಸೌಂದರ್ಯವೆಂದರೆ ಅದು ಯಾವುದೇ ಬಣ್ಣದ ಉಡುಪಿನೊಂದಿಗೆ ಚೆನ್ನಾಗಿ ಕಾಣುತ್ತದೆ. ಕೆಂಪು ಲಿಪ್‌ಸ್ಟಿಕ್‌ ಯಾವುದೇ ಸಮಯದಲ್ಲಿ ಯಾವುದೇ ಉಡುಪಿನೊಂದಿಗೆ ಕೂಡ ಹಚ್ಚಿಕೊಳ್ಳಬಹುದು.

ಡಾರ್ಕ್‌ ಲಿಪ್‌ಸ್ಟಿಕ್‌
ಮರೂನ್‌, ಕೆಂಪು, ನೇರಳೆ, ಚಾಕೊಲೇಟ್‌ ಮತ್ತು ನೇರಳೆ ಬಣ್ಣಗಳಂತಹ ಗಾಢ ಬಣ್ಣದ ಲಿಪ್‌ಸ್ಟಿಕ್‌ಗಳನ್ನು ಕೆಲವೊಂದು ಹೊಂದಾಣಿಕೆಯಾಗುವ ಬಟ್ಟೆಗಳೊಂದಿಗೆ ಮಾತ್ರ ಧರಿಸಬೇಕು. ಆದರೆ ಕೆಂಪು ಬಣ½ದ ಲಿಪ್‌ಸ್ಟಿಕ್‌ ಯಾವುದೇ ಬಣ್ಣದೊಂದಿಗೆ ಚೆನ್ನಾಗಿ ಹೊಂದುತ್ತದೆ. ಕಣ್ಣಿನ ಮೇಕಪ್‌ ಕಡಿಮೆ ಇರುವಾಗ ತುಟಿಗಳಿಗೆ ಸುಂದರವಾಗಿ ಕಾಣುವಂತೆ ಈ ಬಣ್ಣಗಳನ್ನು ಬಳಸಲಾಗುತ್ತದೆ. ಈ ಗಾಢ ಬಣ್ಣದ ಲಿಪ್‌ಸ್ಟಿಕ್‌ ಹಾಕಿದರೆ ನಿಮಗೆ ಉತ್ತಮ ಲುಕ್‌ ನೀಡುವುದರಲ್ಲಿ ಸಂಶಯವಿಲ್ಲ.

ಬ್ರೌನ್‌ ಲಿಪ್‌ಸ್ಟಿಕ್‌
ಪ್ರತಿದಿನ ಮೇಕಪ್‌ ಮಾಡುವವರಿಗೆ ಕಂದು ಬಣ್ಣದ ಲಿಪ್‌ಸ್ಟಿಕ್‌ ಸೂಟ್‌ ಆಗುವುದಿಲ್ಲ. ನಮ್ಮ ಸ್ಕಿನ್‌ಟೋನ್‌ಗಳಿಗೆ ಈ ಬಣ್ಣ ಹೊಂದಿಕೆಯಾಗದಿದ್ದರೂ, ಜೀನ್ಸ್‌, ಕುರ್ತಿಸ್‌, ಟ್ಯೂನಿಕ್ಸ್‌, ಟಾಪ್ಸ್‌ ಮತ್ತು ನಿಲುವಂಗಿಗಳಂತಹ ಕ್ಯಾಶುವಲ್‌ ಬಟ್ಟೆಗಳನ್ನು ಧರಿಸಿದಾಗ ಚಾಕೊಲೇಟ್‌ ಬಣ್ಣದ ಲಿಪ್‌ ಶೇಡ್‌ ಒಳ್ಳೆಯದು. ನಿಮ್ಮ ತುಟಿಗಳನ್ನು ಹೈಲೈಟ್‌ ಮಾಡಲು ನೀವು ಬಯಸಿದಾಗ, ನೀವು ಗ್ಲೋಸ್‌ ಲಿಪ್‌ಸ್ಟಿಕ್‌ ಅನ್ವಯಿಸಬಹುದು. ಇದು ನಿಮ್ಮ ತುಟಿಗಳನ್ನು ಹೊಳೆಯುವಂತೆ ಮಾಡುತ್ತದೆ.

ಮ್ಯಾಟ್‌ ಲಿಪ್‌ಸ್ಟಿಕ್‌
ಲಿಪ್‌ಸ್ಟಿಕ್‌ ಫ್ಯಾಷನ್‌ ಜಗತ್ತಿನಲ್ಲಿ ಹೊಸ ಪ್ರವೃತ್ತಿ ಮ್ಯಾಟ್‌ ತುಟಿ ಗಳು. ಇದು ಕಳೆದ ಕೆಲವು ವರ್ಷ ಗಳಿಂದ ಪ್ರವೃತ್ತಿಯಾಗಿದೆ. ಇಂದಿನ ಯುವತಿಯರು ಮ್ಯಾಟ್‌ ತುಟಿಯನ್ನು ಪ್ರೀತಿಸು ತ್ತಾರೆ. ಮ್ಯಾಟ್‌ ತುಟಿಗಳು ಸರಳವಾಗಿ, ಹೊಳಪು ಅಥವಾ ಆಡಂಬರ ವಿಲ್ಲದೆ ಕಾಣುತ್ತದೆ. ಮ್ಯಾಟ್‌ ತುಟಿ ಗಳು ಆಕರ್ಷಕವಾಗಿ ಕಾಣುತ್ತದೆ. ಹಾಗಾಗಿ ಕನಿಷ್ಠ ಮೇಕಪ್‌ನೊಂದಿಗೆ ಮ್ಯಾಟ್‌ ಲಿಪ್‌ಸ್ಟಿಕ್‌ಗೆ ಆದ್ಯತೆ ಕೊಡುವುದು ಉತ್ತಮ.

-ಪೂರ್ಣಿಮಾ ಪೆರ್ಣಂಕಿಲ