ಮಳೆಗಾಲದ ಆರೋಗ್ಯ ಕಾಪಾಡಿಕೊಳ್ಳೋದು ಹೇಗೆ?

ರೋಗ ನಿರೋಧಕ ಶಕ್ತಿ ಹೆಚ್ಚಿಸಲು ಉಪಾಯಗಳು

Team Udayavani, Aug 11, 2019, 9:00 PM IST

ಮಳೆಗಾಲ ಎಂದರೆ ಎಲ್ಲೆಡೆ ಜಲಧಾರೆ, ಸರಾಗವಾಗಿ ಹರಿಯದ ನೀರು. ನಗರಗಳಲ್ಲಿ ಇನ್ನೂ ಕಷ್ಟ. ಇವುಗಳಿಗೆ ತೆರದುಕೊಂಡರೆ ರೋಗಗಳನ್ನು ಆಹ್ವಾನಿಸಿದಂತೆ. ಎಷ್ಟೇ ಮುಂಜಾಗೃತಿ ವಹಿಸಿದರೂ ಶೀತ, ಜ್ವರ, ಕೆಮ್ಮು ಬಿಡದೇ ಕಾಡುತ್ತದೆ. ಮಳೆಗಾಲದಲ್ಲಿ ಜೀವನಶೈಲಿಯಲ್ಲಿ ಕೆಲವೊಂದು ಬದಲಾವಣೆಗಳನ್ನು ಮಾಡಿಕೊಂಡರೆ ಆರೋಗ್ಯ ಸಮಸ್ಯೆಯಿಂದ ದೂರವಿರಬಹುದು.
1. ಹೊರಗಡೆ ಹೋದಾಗ ಚಪ್ಪಲಿಗಳನ್ನು ಮನೆಯೊಳಗೆ ತರಬೇಡಿ. ಮಳೆ ನೀರಿನಲ್ಲಿರುವ ಬ್ಯಾಕ್ಟೀರಿಯಾಗಳು ಮನೆಯೊಳಗೆ ಬರುವ ಸಾಧ್ಯತೆಗಳು ಹೆಚ್ಚು.
2. ಮಳೆಗಾಲದಲ್ಲಿ ಎಲ್ಲರೂ ಮಾಡುವ ಬಹುದೊಡ್ಡ ತಪ್ಪು ಎಂದರೆ ಸೊಪ್ಪುಗಳನ್ನು ಸೇವಿಸುವುದು. ಮಳೆಗಾಲದಲ್ಲಿ ಸಾಧ್ಯವಾದಷ್ಟು ಸೊಪ್ಪುಗಳನ್ನು ಸೇವಿಸದೇ ದೂರವಿರಿ. ಹೊಟೇಲ್‌ಗ‌ಳಲ್ಲಿ ಕೊಡುವ ಹಸಿ ಸಲಾಡ್‌ಗಳನ್ನು ಸೇವಿಸದಿರಿ. ಏಕೆಂದರೆ ಅವುಗಳನ್ನು ಸರಿಯಾಗಿ ಶುಚಿಗೊಳಿಸುವುದು ಅನುಮಾನ
3. ಬ್ಯಾಕ್ಟೀರಿಯಾ, ಕ್ರಿಮಿಗಳಿಂದ ದೂರವಿರಲು ತಾಜಾ ತರಕಾರಿಗಳನ್ನು ಹದ ಬಿಸಿ ನೀರು ಹಾಗೂ ಉಪ್ಪು ಅಥವಾ ಆ್ಯಪಲ್‌ ಸೈಡರ್‌ ವಿನೇಗರ್‌ ಮಿಶ್ರಣದಿಂದ ತರಕಾರಿಗಳನ್ನು ತೊಳೆಯಿರಿ.
4. ಮಲೇರಿಯಾ ಅಥವಾ ಡೆಂಗ್ಯೂ ಜ್ವರಕ್ಕೆ ಔಷಧವಾಗಿರುವ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಪ್ಲೇಟ್‌ಲೆಟ್‌ ಮಟ್ಟವನ್ನು ಹೆಚ್ಚಿಸುವ ತಾಜಾ ಪಪ್ಪಾಯಿ ಎಲೆಗಳು ಅಥವಾ ಅದರ ಕ್ಯಾಪ್ಸೂಲ್‌ಗ‌ಳನ್ನು ಸುಲಭವಾಗಿ ಸಿಗುವಂತೆ ಇಟ್ಟುಕೊಳ್ಳಿ
5. ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದು ನಮ್ಮ ಮೊದಲ ಆದ್ಯತೆಯಾಗಿರಲಿ. ಏಕೆಂದರೆ ಕಾಮಾಲೆ, ಮಲೇರಿಯ, ಡೆಂಗ್ಯೂ, ಹೆಪಟೈಟಿಸ್‌ ಎ ಮತ್ತು ಇ, ಅತಿಸಾರ ಅಥವಾ ಆಹಾರ ವಿಷದಂತಹ ಸಮಸ್ಯೆಗಳ ವಿರುದ್ಧ ರಕ್ಷಣೆ ನಮ್ಮ ಮೊದಲ ಆದ್ಯತೆ ಆಗಿರಬೇಕು. ಕರುಳಿನ ಆರೋಗ್ಯವನ್ನು ಕಾಪಾಡಿಕೊಳ್ಳಿ, ನಿದ್ರೆಯನ್ನು ತಪ್ಪಿಸಬೇಡಿ. ಪ್ರೋಬಯಾಟಿಕ್‌ಗಳ ದೈನಂದಿನ ಪ್ರಮಾಣದಲ್ಲಿ ಸೇರಿಸಿ. ಹಣ್ಣುಗಳನ್ನು ಸೇವಿಸಿ. ಒತ್ತಡದ ಮಟ್ಟವನ್ನು ನಿಭಾಯಿಸಿ.
6. ಸೊಳ್ಳೆಯಿಂದ ಮುಕ್ತಿಗೆ ಪ್ರಮುಖ ತೈಲಗಳು: ಸಿಟ್ರೊನೆಲ್ಲಾ, ಲ್ಯಾವೆಂಡರ್‌, ಥೈಮ್‌, ನೀಮ್‌ ಹಾಗೂ ಟೀ ಟ್ರೀ. ಇವೆಲ್ಲವು ಸೊಳ್ಳೆಯ ಕಡಿತದ ಮುಕ್ತಿ ನೀಡುವ ತೈಲಗಳು. ಕೋಣೆಗಳಿಗೆ ಸಿಂಪಡಿಸುವುದು. ಮೈಗೆ ಹಚ್ಚಿಕೊಳ್ಳುವುದರಿಂದ ಸೊಳ್ಳೆ ಕಡಿತದಿಂದ ದೂರವಿರಬಹುದು.

ರಮ್ಯಾ ಎಂ.ಕೆ.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಸದ್ಯ ಜಗತ್ತಿನಾದ್ಯಂತ ಕಾಡುತ್ತಿರುವ ಆರೋಗ್ಯ ಸಮಸ್ಯೆಗಳಲ್ಲಿ ಬೊಜ್ಜು ಕೂಡ ಒಂದು. ವಯಸ್ಸಿನ ಮಿತಿ ಇಲ್ಲದೆ ಎಲ್ಲಾ ವಯೋಮಾನದವರನ್ನೂ ಕಾಡುತ್ತಿರುವ ಬೊಜ್ಜಿನ...

  • ಭಾರತೀಯರ ಅಡುಗೆ ಮನೆಯಲ್ಲಿ ಸಾಮಾನ್ಯವಾಗಿ ಇರುವ ಒಂದು ಪದಾರ್ಥ ತುಪ್ಪ. ಬೆಣ್ಣೆಯಿಂದ ತೆಗೆದ ತುಪ್ಪದಲ್ಲಿ ಕೊಬ್ಬಿನಿಂದ ಕೂಡಿದ ಆಮ್ಲ ಹಾಗೂ ಉತ್ತಮ ಕೊಲೆಸ್ಟ್ರಾಲ್...

  • ತಂತ್ರಜ್ಞಾನಗಳ ಬಳಕೆಯೂ ವ್ಯಕ್ತಿಗಳಲ್ಲಿ ಶಾರೀರಿಕ ವ್ಯಾಯಾಮ ಇಲ್ಲದಂತೆ ಮಾಡಿದೆ. ಹಿಂದೆ ಬೆವರು ಹರಿಸಿ ಕೆಲಸ ಮಾಡುತ್ತಿದ್ದ ಜನರು ಇಂದು ಎಸಿ. ರೂಮ್‌ನಲ್ಲಿ ಕುಳಿತಲ್ಲೇ...

  • ವಿಷಯಗಳಿಗೆ ತೆಂಗಿನ ಎಣ್ಣೆ ನಮಗೆ ಅತೀ ಮುಖ್ಯ. ಆಹಾರ ಮತ್ತು ಆರೋಗ್ಯದ ವಿಷಯದಲ್ಲಿ ನಮ್ಮ ದೇಹಕ್ಕೆ ಹೆಚ್ಚು ಸಹಾಯ ಮಾಡಬಲ್ಲ ಗುಣವನ್ನು ಹೊಂದಿದೆ. ಬಹುಪಯೋಗಿ ತೆಂಗಿನೆಣ್ಣೆಯನ್ನು...

  • ಇತ್ತೀಚಿನ ದಿನಗಳಲ್ಲಿ ಹೃದಯಾಘಾತ ಮತ್ತು ಹೃದಯ ಸ್ತಂಭನದಿಂದಾಗಿ ನಿಧನ ಹೊಂದಿರುವ ಸುದ್ದಿಯನ್ನು ನಾವು ಕೇಳಿರುತ್ತೇವೆ. ಆದರೆ ಕೆಲವರು ಈ ಎರಡೂ ವಿಧಾನಗಳು ಒಂದೇ...

ಹೊಸ ಸೇರ್ಪಡೆ