ಮನಮೋಹಕ ಸುಮಂಗಲಾ ಭರತನಾಟ್ಯ

Team Udayavani, Oct 11, 2019, 4:30 AM IST

ಮೂಕಾಂಬಿಕಾ ಕಲ್ಚರಲ್‌ ಅಕಾಡೆಮಿ ದರ್ಬೆ ಪುತ್ತೂರು ಇಲ್ಲಿಯ ನೃತ್ಯಾಂತರಂಗ ವೇದಿಕೆಯ 75ನೇ ಸಂಚಿಕೆಯಲ್ಲಿ ವಿ| ಸುಮಂಗಲಾ ಗಿರೀಶ್‌ರವರು ನೃತ್ಯ ಪ್ರದರ್ಶಿಸಿದರು.

ಭರತನಾಟ್ಯದ ಮಾರ್ಗ ಪದ್ಧತಿಯಂತೆ ಪುಷ್ಪಾಂಜಲಿ ಯೊಂದಿಗೆ ಕಾರ್ಯಕ್ರಮ ಆರಂಭ ಗೊಂಡಿತು. ಕುಮಾರ ವ್ಯಾಸನ ಗದುಗಿನ ಭಾರತದಿಂದ ಆಯ್ದ ಶ್ಲೋಕಕ್ಕೆ ಹಂಸಧ್ವನಿ ರಾಗ, ಆದಿ ತಾಳದಲ್ಲಿ ವಿಳಂಬ ಕಾಲದಲ್ಲಿ ರಚನೆಯಾದ ನೃತ್ಯ ಸುಂದರವಾಗಿ ಹಾಗೂ ಮನಸ್ಸು ಶಾಂತವಾಗುವ ರೀತಿಯಲ್ಲಿ ಆರಂಭ ನೀಡಿತು.

ಮುಂದಿನ ಪದ ವರ್ಣ ಬಾಲಕೃಷ್ಣನ ಕುರಿತಾದ ತೆಲುಗು ಸಾಹಿತ್ಯದಿಂದ ಕೂಡಿದ ನೃತ್ಯವಾಗಿತ್ತು. ಕೃಷ್ಣ ಎಂದೊಡನೆ ನಮ್ಮ ಗ್ರಹಿಕೆಗೆ ಸಿಗುವಂತಹ ಶೃಂಗಾರ, ರಾಧೆಯ ಜೊತೆಗಿನ ಸರಸ ಇತ್ಯಾದಿಗಳಿಂದ ಸ್ವಲ್ಪ ಭಿನ್ನವಾಗಿ ಬಾಲಕೃಷ್ಣನ ವಾತ್ಸಲ್ಯ, ಆತನ ತುಂಟತನ, ತಾಯಿಗೆ ಆತ ನೀಡಿದ ಕಾಟಗಳು ಇತ್ಯಾದಿಗಳನ್ನು ವರ್ಣದ ಸಂಚಾರಿಯಲ್ಲಿ ಕಲಾವಿದೆ ಅಮೋಘವಾಗಿ ಪ್ರದರ್ಶಿಸಿದ್ದಲ್ಲದೆ ಜತಿಗಳನ್ನು ಸಹ ಸುಂದರವಾಗಿ ಪ್ರಸ್ತುತ ಪಡಿಸಿದರು. ಬಾಲ್ಯದಲ್ಲಿಯೇ ಕೃಷ್ಣನ ಲೀಲೆಗಳಾದ ಪೂತನಿ ವಧೆ, ಕಂಸ ವಧೆಗಳಲ್ಲಿ ವೀರ ರಸವೂ ಪ್ರಕಟವಾಗಿ, ಕುಚೇಲನ ಪ್ರಸಂಗ ಮತ್ತು ಪಾರ್ಥ ಸಾರಥಿಯ ತನಕವೂ ಸಂಯೋಜಿಸಲ್ಪಟ್ಟಿದ್ದು, ಸಂಯೋಜಕರಾದ ವಿ| ದೀಪಕ್‌ ಕುಮಾರ್‌ರವರ ಸೃಜನಶೀಲತೆಯನ್ನು ಬಿಂಬಿಸಿತು.

ಮೂರನೇ ನೃತ್ಯಅಭಿನಯ ಪ್ರಧಾನವಾದ ಪದಮ್‌ನಲ್ಲಿ ಕಲಾವಿದೆ ಪಾತ್ರಕ್ಕೆ ನಿಜವಾದ ಜೀವ ತುಂಬಿದಂತಿತ್ತು. ಶಹನ ರಾಗ ಮಿಶ್ರಚಾಪು ತಾಳದಲ್ಲಿ ರಚಿಸಲ್ಪಟ್ಟ ನೃತ್ಯಕ್ಕೆ ಕಲಾವಿದೆ ನೈಜ ಮನೋಧರ್ಮದಿಂದ ಅಭಿನಯಿಸಿ ವೀಕ್ಷಕರೂ ಸಹ ಪಾತ್ರದೊಳಗೆ ಸೇರುವಂತೆ ಮಾಡಿದರು. ಮಾರ್ಗ ಪದ್ಧತಿಯಂತೆ ಕೊನೆಯದಾಗಿ ದರ್ಬಾರಿ ಕಾನದ ರಾಗ ಹಾಗೂ ಆದಿ ತಾಳದಲ್ಲಿ ಲಾಲ್ಗುಡಿ ಜಯರಾಮನ್‌ರವರಿಂದ ಸುಬ್ರಹ್ಮಣ್ಯ ದೇವರ ಕುರಿತಾಗಿ ರಚಿಸಲ್ಪಟ್ಟ ಸಾಹಿತ್ಯಕ್ಕೆ ಕಲಾವಿದೆ ನೀಡಿದ ತಿಲ್ಲಾನ ಪ್ರದರ್ಶನ ಅದ್ಭುತ ಮಂಗಳದಂತಿತ್ತು. ವಿ|ರಾಜನ್‌ ಪಯ್ಯನ್ನೂರುರವರು ಒಟ್ಟು ನೃತ್ಯವನ್ನು ಸುಂದರವಾಗಿಸುವಲ್ಲಿ ಮಧುರ ಮತ್ತು ಜತಿಗಳಲ್ಲಿ ಸಮಯೋಚಿತವಾಗಿ ಮೃದಂಗ ನುಡಿಸಿ ದರು. ಕೊಳಲಿನಲ್ಲಿ ವಿ|ರಾಜಗೋಪಾಲ್‌ ಕಾಂಞಂಗಾಡ್‌ ಇಂಪಾಗಿ ಮೋಹಕವಾಗಿಸಿದರು. ಹಾಡುಗಾರಿಕೆಯಲ್ಲಿ ಕಲಾಶಾಲೆಯ ಸಂಗೀತ ಗುರುಗಳಾದ ವಿ| ಪ್ರೀತಿಕಲಾ ಇವರ ಮಧುರ ಧ್ವನಿ ಒಟ್ಟು ಕಾರ್ಯಕ್ರಮದ ಕೇಂದ್ರ ಬಿಂದುವಾಗಿತ್ತು. ನಟುವಾಂಗದಲ್ಲಿ ವಿ| ದೀಪಕ್‌ ಕುಮಾರ್‌ರವರು ಸಹಕರಿಸಿದರು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಇಬ್ಬರೇ ಪಾತ್ರಧಾರಿಗಳು ಕಥನವನ್ನು ಕೊಂಡೊಯ್ಯುವ ಗತಿ , ದಿನ ನಿತ್ಯದ ಎಲ್ಲಾ ಗೌಜಿ ಗದ್ದಲದ ನಡುವೆ ಸಾಗುವ ನಾಟಕ ಕೇವಲ ಇಬ್ಬರೇ ಪಾತ್ರಧಾರಿಗಳ ಪ್ರಸ್ತುತಿ ಎಂಬುದನ್ನೇ...

  • ಸತ್ಯರೂಢನಾದ ಭೂಪಾಲನಾರು ಎನ್ನುವ ಇಂದ್ರನ ಪ್ರಶ್ನೆಯೊಂದಿಗೆ ಕಥೆ ಆರಂಭ.ವಸಿಷ್ಠರು ಹರಿಶ್ಚಂದ್ರನ ಹೆಸರು ಸೂಚಿಸಿದಾಗ ಕೋಪಗೊಂಡು ವಿರೋಧಿಸಿದ ವಿಶ್ವಾಮಿತ್ರರು...

  • ಉಡುಪಿ ಪುತ್ತೂರು ಭಗವತಿ ದುರ್ಗಾಪರಮೇಶ್ವರೀ ದೇವಸ್ಥಾನದಲ್ಲಿ ನವರಾತ್ರಿ ಅಂಗವಾಗಿ ಶ್ರೀ ಭಗವತಿ ಹವ್ಯಾಸಿ ಯಕ್ಷ ಬಳಗ ಪುತ್ತೂರು ಇವರು "ಲಂಕಿಣಿ ಮೋಕ್ಷ' ಮತ್ತು...

  • ಡಿಜಿಟಲ್‌ ಯುಗದಲ್ಲಿ ಮಕ್ಕಳ ಮನಸ್ಸನ್ನು ಆಕರ್ಷಿಸಿ ಅವರ ಸೃಜನಶೀಲತೆ ಬೆಳೆಸಲು ಸೂಕ್ತ ತರಬೇತಿಯನ್ನು ನೀಡುವುದೆಂದರೆ ಸುಲಭದ ಕೆಲಸವಲ್ಲ. ಉತ್ಸಾಹಿ ಸಂಪನ್ಮೂಲ...

  • ಚೇಂಪಿಯ ಶ್ರೀ ಲಕ್ಷ್ಮೀ ವೆಂಕಟರಮಣ ದೇವಸ್ಥಾನದಲ್ಲಿ ಜಿ.ಎಸ್‌.ಬಿ.ಎಸ್‌ ಸೇವಾ ಸಂಘದ ಆಶ್ರಯದಲ್ಲಿ ಸುಧನ್ವ ಕಾಳಗ ಎಂಬ ಯಕ್ಷಗಾನ ಪ್ರದರ್ಶನಗೊಂಡಿತು. ಕಿರಣ್‌ ಪೈ...

ಹೊಸ ಸೇರ್ಪಡೆ