Udayavni Special

ವರಮಹಾಲಕ್ಷ್ಮೀ ಹಬ್ಬದಂದು ನಡೆಯಿತು ಲಕ್ಷ್ಮೀ ಸ್ವಯಂವರ

ಹಿರಿ-ಕಿರಿ ಕಲಾವಿದರ ಪ್ರಸ್ತುತಿ

Team Udayavani, Aug 30, 2019, 5:00 AM IST

f-13

ದೇವತೆಗಳು ಮತ್ತು ರಾಕ್ಷಸರ ಮಧ್ಯೆ ಲಕ್ಷ್ಮೀಗಾಗಿ ವಾಗ್ವಾದ ಆರಂಭವಾಗುತ್ತದೆ. ಈ ಸಂದರ್ಭದಲ್ಲಿ ಈಶ್ವನ ಸಲಹೆಯಂತೆ ಲಕ್ಷ್ಮೀ ಇಷ್ಟ ಬಂದವರೊಂದಿಗೆ ತೆರಳುವ ಅವಕಾಶವನ್ನು ನೀಡಲಾಯಿತು. ಅದುವೇ ಲಕ್ಷ್ಮೀ ಸ್ವಯಂವರ.

ಬಜ್ಪೆಯ ವಿಜಯ ವಿಠಲ ಭಜನಾ ಮಂದಿರದಲ್ಲಿ ವರಮಹಾಲಕ್ಷ್ಮೀ ಹಬ್ಬದಂದು ಹಬ್ಬಕ್ಕೆ ಸರಿಹೊಂದುವ “ಲಕ್ಷ್ಮೀ ಸ್ವಯಂವರ’ ಎಂಬ ಪ್ರಸಂಗದ ಪ್ರದರ್ಶನ ನಡೆಯಿತು. ಪುರಾಣದಲ್ಲಿ ದೇವತೆಗಳು ಮತ್ತು ಅಸುರರು ಸೇರಿ ಅಮೃತದ ಉದ್ಭವಕ್ಕಾಗಿ ನಡೆಸಿದ ಸಮುದ್ರ ಮಥನ ಪ್ರಸಂಗದ ಒಂದು ಭಾಗವೇ ಲಕ್ಷ್ಮೀ ಸ್ವಯಂವರ. ಈ ಕಥಾನಕವು ದೂರ್ವಾಸ ಮುನಿಯ ಅಬ್ಬರದ ಪ್ರವೇಶದೊಂದಿಗೆ ಆರಂಭಗೊಂಡಿತು. ತ್ರಿಮೂರ್ತಿಗಳ ಪಾಲನಾ ಕಾರ್ಯವನ್ನು ಮಾಡುತ್ತಿರುವ ವಿಷ್ಣು ಮೂರು ಲೋಕವನ್ನು ಸಮತೂಕದಲ್ಲಿ ಮುನ್ನಡೆಸುವ ತಂತ್ರವೂ ಇದೆನ್ನಬಹುದು. ಹಾಗಾಗಿ ಈ ಕಥಾನಕದಲ್ಲಿ ವಿಷ್ಣುದೇವ ಸೂತ್ರಧಾರಿ.

ದೇವೇಂದ್ರನಿಗೆ ಸಂಪತ್ತಿನ ಮದವೇರಿತ್ತು. ಇದೇ ಅಹಂಕಾರದಿಂದ ದೇವೇಂದ್ರ ಮೆರವಣಿಗೆ ನಡೆಸುತ್ತಿದ್ದ ಸಂದರ್ಭ ದೂರ್ವಾಸ ಮುನಿಯ ಪ್ರವೇಶ. ದೂರ್ವಾಸ ಮುನಿ ವಿಷ್ಣುವಿತ್ತ ಹೂವಿನ ಮಾಲೆಯನ್ನು ದೇವೇಂದ್ರನಿಗೆ ನೀಡುತ್ತಾರೆ. ದೇವೇಂದ್ರ ಹಾರವನ್ನು ತಿರಸ್ಕರಿಸಿ ಐರಾವತದ ಮೇಲೆ ಎಸೆಯುತ್ತಾನೆ. ಐರಾವತ ಈ ಮಾಲೆಯನ್ನು ಕಾಲಡಿಗೆ ಹಾಕಿ ತುಳಿದು ಪುಡಿಗೈಯುತ್ತದೆ. ಅವಮಾನಿತರಾದ ದೂರ್ವಾಸ ಮುನಿ ದೇವೇಂದ್ರನ ಸಕಲ ಸಂಪತ್ತು ಸುವಸ್ತುಗಳು ಸಮುದ್ರ ಪಾಲಾಗಲಿ ಎಂಬ ಶಾಪವೀಯುತ್ತಾರೆ. ಇದೇ ವೇಳೆ ಬಲಿಚಕ್ರವರ್ತಿ ದೇವೇಂದ್ರನೊಂದಿಗೆ ಯುದ್ಧಕ್ಕೆ ಬರುತ್ತಾನೆ. ಯುದ್ಧದಲ್ಲಿ ದೇವೇಂದ್ರನಿಗೆ ಸೋಲಾಗುತ್ತದೆ. ಈಗ ದೇವೇಂದ್ರನಿಗೆ ತನ್ನ ತಪ್ಪಿನ ಅರಿವಾಗುತ್ತದೆ. ಸಂಕಷ್ಟ ನಿವಾರಣೆಗೆ ವಿಷ್ಣುವಿನ ಮೊರೆ ಹೋಗುತ್ತಾನೆ. ವಿಷ್ಣುವಿನ ಸಲಹೆಯಂತೆ ದೇವತೆಗಳು ಮತ್ತು ರಾಕ್ಷಸರು ಒಟ್ಟುಗೂಡಿ ಸಮುದ್ರ ಮಥನಕ್ಕೆ ಮುಂದಾಗುತ್ತಾರೆ. ಮಥನದ ವೇಳೆ ಹಲವು ವಸ್ತುಗಳು ಒಂದೊಂದಾಗಿ ಉದ್ಭವಿಸುತ್ತವೆ. ಈ ಸಂದರ್ಭ ಉದ್ಭವಿಸುವ ವಿಷವನ್ನು ಈಶ್ವರ ಸೇವಿಸುತ್ತಾನೆ. ಮಥನದಿಂದ ದೇವತೆಗಳು ರಾಕ್ಷಸರು ದಣಿದು ಸುಸ್ತಾಗಿ ವಿಶ್ರಾಂತಿ ಪಡೆಯುತ್ತಿದ್ದ ವೇಳೆ ವಾಲಿಯ ಪ್ರವೇಶವಾಗುತ್ತದೆ.

ಪರಾಕ್ರಮಿಯಾದ ವಾಲಿ ಸಮುದ್ರ ಮಥನ ಮಾಡಿ ತಾರೆಯನ್ನು ಪಡೆಯುತ್ತಾನೆ. ಆದರೆ ವಿಷ್ಣುವಿನ ನಾಟಕದಲ್ಲಿ ವಾಲಿಯಿಂದ ಸಮುದ್ರ ಮಥನವಾಗುವುದು ಬೇಕಿರಲಿಲ್ಲ. ಹಾಗಾಗಿ ವಿಷ್ಣು -ವಾಲಿಗೆ ಯುದ್ಧವಾಗಿ ವಿಷ್ಣುವಿಗೆ ಸೋಲಾಗುತ್ತದೆ. ವಿಷ್ಣು ಮಾತಿನ ಮೋಡಿಯಿಂದ ವಾಲಿಯನ್ನು ಸೋಲಿಸಿ ತಾರೆಯೊಂದಿಗೆ ಆತನ ಮದುವೆ ಮಾಡಿಸಿ ಕಳುಹಿಸುತ್ತಾನೆ. ದೇವತೆಗಳು ಮತ್ತು ರಾಕ್ಷಸರು ಮತ್ತೆ ಸಮುದ್ರ ಮಥನ ಆರಂಭಿಸುತ್ತಾರೆ. ಐರಾವತ, ಕಾಮಧೇನು ಸೇರಿದಂತೆ ಒಂದರ ಮೇಲೊಂದರಂತೆ ಸುವಸ್ತುಗಳು ಉದ್ಭವಿಸುತ್ತವೆ. ಎಲ್ಲವೂ ದೇವತೆಗಳ ಪಾಲಾಗುತ್ತದೆ. ಬಳಿಕ ಉದ್ಭವಿಸುವಾಕೆಯೇ ಲಕ್ಷ್ಮೀ ದೇವಿ. ದೇವತೆಗಳು ಮತ್ತು ರಾಕ್ಷಸರ ಮಧ್ಯೆ ಲಕ್ಷ್ಮೀಗಾಗಿ ವಾಗ್ವಾದ ಆರಂಭವಾಗುತ್ತದೆ. ಈ ಸಂದರ್ಭದಲ್ಲಿ ಈಶ್ವನ ಸಲಹೆಯಂತೆ ಲಕ್ಷ್ಮೀ ಇಷ್ಟ ಬಂದವರೊಂದಿಗೆ ತೆರಳುವ ಅವಕಾಶವನ್ನು ನೀಡಲಾಯಿತು. ಅದುವೇ ಲಕ್ಷ್ಮೀ ಸ್ವಯಂವರ. ಲಕ್ಷ್ಮೀದೇವಿ ವಿಷ್ಣುವಿನ ಕೊರಳಿಗೆ ಹಾರ ಹಾಕುತ್ತಾಳೆ.

ಪ್ರತಿಯೊಂದು ಪಾತ್ರವನ್ನೂ ಅರ್ಥ ಗರ್ಭಿತವಾಗಿ ನಿರ್ವಹಿಸಿ, ಈ ಕಥಾನಕವನ್ನು ಅರ್ಥಪೂರ್ಣಗೊಳಿಸಿದ ಗೌರವ ಹಿಮ್ಮೇಳ ಮತ್ತು ಮುಮ್ಮೇಳ ಕಲಾವಿದರಿಗೆ ಸಲ್ಲುತ್ತದೆ.ಪೂರ್ವಾರ್ಧದಲ್ಲಿ ದಯಾನಂದ ಕೋಡಿಕಲ್‌ ಮತ್ತು ಉತ್ತರಾರ್ಧದಲ್ಲಿ ಸುಧಾಕರ್‌ ಸಾಲಿಯಾನ್‌ ಇವರ ಸುಮಧುರ ಕಂಠದ ಭಾಗವತಿಕೆಗೆ ಚೆಂಡೆಯಲ್ಲಿ ಕೃಷ್ಣರಾಜ್‌ ಭಟ್‌ ನಂದಳಿಕೆ ಮತ್ತು ಮದ್ದಳೆಯಲ್ಲಿ ರಾಜೇಶ್‌ ಭಟ್‌ ಸಾಥ್‌ ನೀಡಿದ್ದರು. ದೂರ್ವಾಸ ಮುನಿಯಾಗಿ ಸಂದೇಶ್‌ ಬಡಗಬೆಳ್ಳೂರು ಮೂಕವಿಸ್ಮಿತರನ್ನಾಗಿಸಿದರೆ, ಬಳಿಕ ಮೂಕಾಸುರನಾಗಿ ನಗಿಸಿದರು. ಬಲಿ ಚಕ್ರವರ್ತಿಯಾಗಿ ಚರಣ್‌ರಾಜ್‌ ಕುಕ್ಕಾಜೆ ವೇದಿಕೆಯನ್ನು ನಡುಗಿಸಿದರು. ವಿಷ್ಣುವಾಗಿ ಅಮಿತಾ ಪೊಳಲಿ ಪಾತ್ರ ನಿರ್ವಹಣೆ ಉತ್ತಮವಾಗಿತ್ತು. ದೇವೇಂದ್ರನ ಪಾತ್ರವನ್ನು ಪುಷ್ಪಾ ಕುಕ್ಕಾಜೆ ಸಮರ್ಥವಾಗಿ ನಿಭಾಯಿಸಿದರು. ವಾಲಿಯಾಗಿ ಸಂಜೀವ ಕೋಟ್ಯಾನ್‌, ಲಕ್ಷ್ಮೀಯಾಗಿ ಆಜ್ಞಾ ಸೋಹಮ್‌ ಪಾತ್ರಕ್ಕೆ ತಕ್ಕ ಅಭಿನಯ ನೀಡಿದರು. ಈಶ್ವರನಾಗಿ ದಯಾನಂದ ಪೂಜಾರಿ , ಪಾರ್ವತಿಯಾಗಿ ಲೋಲಾಕ್ಷಿ ,ಅಗ್ನಿಯಾಗಿ ಚಮನ್‌, ವಾಯುವಾಗಿ ತನ್ಮಯಿ, ವರುಣನಾಗಿ ಅಮೃತವರ್ಣ, ಕುಬೇರನಾಗಿ ಅಮೃತವರ್ಷ, ನಿರುತಿಯಾಗಿ ದೀûಾ ಪೆರಾರ ರಂಗು ತುಂಬಿಸಿದರು. ಬಲಿಚಕ್ರವರ್ತಿ ಬಲಗಳಾಗಿ ಮಂದಾರ ಮೂಡಬಿದ್ರೆ, ಕೌಶಿಕ್‌ ಪೆರಾರ, ಇಂದು, ಸೃಷ್ಟಿಕೃಷ್ಣ, ಸುರೇಶ್‌ ಅಬ್ಬರದ ಪ್ರವೇಶದೊಂದಿಗೆ ರಂಗಸ್ಥಳಕ್ಕೆ ಹೊಸ ಕಳೆ ತುಂಬಿಸಿದರು. ತಾರನಾಥ ವರ್ಕಾಡಿಯವರ ದಕ್ಷ ನಿರ್ದೇಶನವಿತ್ತು.

ಇಂದು ನಾಗೇಶ್‌, ಕೂಳೂರು

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ, ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಪಿಎಂ ಕೌಶಲ ಅಭಿವೃದ್ಧಿ ಯೋಜನೆ

ಪಿಎಂ ಕೌಶಲ ಅಭಿವೃದ್ಧಿ ಯೋಜನೆ

ಭತ್ತದ ಕೃಷಿಯಲ್ಲಿ ಮತ್ತಷ್ಟು ಸ್ವಾವಲಂಬನೆ ಅಗತ್ಯ

ಭತ್ತದ ಕೃಷಿಯಲ್ಲಿ ಮತ್ತಷ್ಟು ಸ್ವಾವಲಂಬನೆ ಅಗತ್ಯ

ಭೂಮಿಗೆ ಯಾವತ್ತಿದ್ದರೂ ಬಂಗಾರದ ಬೆಲೆ

ಭೂಮಿಗೆ ಯಾವತ್ತಿದ್ದರೂ ಬಂಗಾರದ ಬೆಲೆ

ಕೈ ಕಾಲು ಇಲ್ಲದಿದ್ರೂ ಕಡಲ್ಗಾಲುವೆ ಈಜಿದ!

ಕೈ ಕಾಲು ಇಲ್ಲದಿದ್ರೂ ಕಡಲ್ಗಾಲುವೆ ಈಜಿದ!

ಮೊಬೈಲ್‌ ಟವರ್‌ ಇಲ್ಲದ ಮುಟ್ಲುಪಾಡಿ ಗ್ರಾಮ

ಮೊಬೈಲ್‌ ಟವರ್‌ ಇಲ್ಲದ ಮುಟ್ಲುಪಾಡಿ ಗ್ರಾಮ

ಸ್ಟಾರ್ಟಪ್‌ಗೆ  ಸಾವಿರ ಕೋ. ರೂ.

ಸ್ಟಾರ್ಟಪ್‌ಗೆ ಸಾವಿರ ಕೋ. ರೂ.

ಜನವರಿ 18ರಿಂದ ಗೋಹತ್ಯೆ ನಿಷೇಧ

ಜನವರಿ 18ರಿಂದ ಗೋಹತ್ಯೆ ನಿಷೇಧ







ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ನಾಟಕವಾದ ತಮಿಳು ಮಹಾಕಾವ್ಯದ ಕನ್ನಗಿ

ನಾಟಕವಾದ ತಮಿಳು ಮಹಾಕಾವ್ಯದ ಕನ್ನಗಿ

ಭರತಮುನಿ ಜಯಂತ್ಯುತ್ಸವದಲ್ಲಿ ರಂಜಿಸಿದ ನೃತ್ಯ ರೂಪಕ

ಭರತಮುನಿ ಜಯಂತ್ಯುತ್ಸವದಲ್ಲಿ ರಂಜಿಸಿದ ನೃತ್ಯ ರೂಪಕ

ಸರ್ವೇಜನಾಃ ಕಾಂಚನಮಾಶ್ರಯಂತೇ 51ನೇ ಪ್ರದರ್ಶನ

ಸರ್ವೇಜನಾಃ ಕಾಂಚನಮಾಶ್ರಯಂತೇ 51ನೇ ಪ್ರದರ್ಶನ

ದೇಶಾಭಿಮಾನ ಸಾರುವ ಮಾನಸಗಂಗಾ

ದೇಶಾಭಿಮಾನ ಸಾರುವ ಮಾನಸಗಂಗಾ

karakushala-

ಪುಟ್ಟಕರಗಳಿಂದ ಮೂಡಿದ ಕರಕುಶಲ ಕಲಾಕೃತಿಗಳು

MUST WATCH

udayavani youtube

KBCಯಲ್ಲಿ 12.5 ಲಕ್ಷ ಗೆದ್ದು ಬಡ ಮಕ್ಕಳ ಆಶಾಕಿರಣವಾದ ರವಿ ಕಟಪಾಡಿ | Udayavani

udayavani youtube

Whatsapp ಅನ್ನು ಓವರ್ ಟೇಕ್ ಮಾಡಿದ ಸಿಗ್ನಲ್!!??

udayavani youtube

ದ.ಕ ಜಿಲ್ಲೆಯಲ್ಲಿ ಕೋವಿಡ್ ಲಸಿಕೆ ವಿತರಣೆ ಅಭಿಯಾನಕ್ಕೆ ಕೋಟ ಶ್ರೀನಿವಾಸ ಪೂಜಾರಿ ಚಾಲನೆ

udayavani youtube

ಉಡುಪಿ ಜಿಲ್ಲಾಸ್ಪತ್ರೆಯಲ್ಲಿ ಕೋವಿಡ್ 19 ಲಸಿಕೆ ಅಭಿಯಾನ; ಪ್ರಥಮ ಡೋಸ್ ನೀಡಿ ಚಾಲನೆ

udayavani youtube

ಉಡುಪಿಯಲ್ಲಿ ಕೋರೋನಾ ಲಸಿಕೆ ಪಡೆದ ಮೊದಲ ವ್ಯಕ್ತಿಯ ಮಾತು

ಹೊಸ ಸೇರ್ಪಡೆ

ಪಿಎಂ ಕೌಶಲ ಅಭಿವೃದ್ಧಿ ಯೋಜನೆ

ಪಿಎಂ ಕೌಶಲ ಅಭಿವೃದ್ಧಿ ಯೋಜನೆ

ಉಡುಪಿ ಜಿಲ್ಲಾ ಉಸ್ತುವಾರಿ ಹುದ್ದೆಗೆ ಕೋಟ ಶ್ರೀನಿವಾಸ ಪೂಜಾರಿ ?

ಉಡುಪಿ ಜಿಲ್ಲಾ ಉಸ್ತುವಾರಿ ಹುದ್ದೆಗೆ ಕೋಟ ಶ್ರೀನಿವಾಸ ಪೂಜಾರಿ ?

ಭತ್ತದ ಕೃಷಿಯಲ್ಲಿ ಮತ್ತಷ್ಟು ಸ್ವಾವಲಂಬನೆ ಅಗತ್ಯ

ಭತ್ತದ ಕೃಷಿಯಲ್ಲಿ ಮತ್ತಷ್ಟು ಸ್ವಾವಲಂಬನೆ ಅಗತ್ಯ

60 ಗಂಟೆಗಳಲ್ಲಿ ಸೇತುವೆ ನಿರ್ಮಾಣ

60 ಗಂಟೆಗಳಲ್ಲಿ ಸೇತುವೆ ನಿರ್ಮಾಣ

ಭೂಮಿಗೆ ಯಾವತ್ತಿದ್ದರೂ ಬಂಗಾರದ ಬೆಲೆ

ಭೂಮಿಗೆ ಯಾವತ್ತಿದ್ದರೂ ಬಂಗಾರದ ಬೆಲೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.