ಅತಿ ಸುಂದರ ದ್ವಾರಕಾ ನಿರ್ಮಾಣ-ರುಕ್ಮಿಣಿ ಸ್ವಯಂವರ

ಪಾಂಚಜನ್ಯ ಯಕ್ಷಗಾನ ಕಲಾ ತಂಡ ಪ್ರಸ್ತುತಿ

Team Udayavani, Oct 4, 2019, 4:58 AM IST

ಮಧೂರು ರಾಧಾಕೃಷ್ಣ ನಾವಡರು ಪಾತ್ರದ ಯಾವ ಮಗ್ಗುಲಲ್ಲಿ ನೋಡಿದರೂ ಔಚಿತ್ಯಪೂರ್ಣವಾಗಿ ನಿರ್ವಹಿಸುವ ಮೂಲಕ ಒಟ್ಟಂದವಾಗುವ ಹಾಗೆ ನೋಡಿಕೊಂಡರು. ಕೃಷ್ಣ ಮತ್ತು ಬಲರಾಮರಾಗಿ ಪ್ರಕಾಶ್‌ ನಾಯಕ್‌ ನೀರ್ಚಾಲು ಮತ್ತು ಅಕ್ಷಯ್‌ ಭಟ್‌ ಅವರು ಪಾತ್ರದ ಆಶಯಕ್ಕೆ ಕುಂದು ಬರದಂತೆ ನೋಡಿಕೊಂಡರು.

ಪಾಂಚಜನ್ಯ ಯಕ್ಷಗಾನ ಕಲಾ ತಂಡ ನೇರಳಕಟ್ಟೆ ಮತ್ತು ಸಿರಿಬಾಗಿಲು ಪ್ರತಿಷ್ಠಾನದವರಿಂದ ಇತ್ತೀಚೆಗೆ ಉಡುಪಿ ಪರ್ಕಳದಲ್ಲಿ ದ್ವಾರಕಾ ನಿರ್ಮಾಣ ಮತ್ತು ರುಕ್ಮಿಣಿ ಸ್ವಯಂವರ ಎಂಬ ಎರಡು ಪ್ರಸಂಗಗಳು ಮನೋಹರವಾಗಿ ಪ್ರದರ್ಶನಗೊಂಡವು.

ಕಂಸವಧೆ
ಪ್ರಾರಂಭದ ಕಂಸ ವಧೆಯಲ್ಲಿ ಮಧೂರು ರಾಧಾಕೃಷ್ಣ ನಾವಡರು ಪಾತ್ರದ ಯಾವ ಮಗ್ಗುಲಲ್ಲಿ ನೋಡಿದರೂ ಔಚಿತ್ಯಪೂರ್ಣವಾಗಿ ನಿರ್ವಹಿಸುವ ಮೂಲಕ ಒಟ್ಟಂದವಾಗುವ ಹಾಗೆ ನೋಡಿಕೊಂಡರು. ಅಳಿಯಂದಿರಾದ ಕೃಷ್ಣ ಮತ್ತು ಬಲರಾಮರಾಗಿ ಹನುಮಗಿರಿ ಮೇಳದ ಪ್ರಕಾಶ್‌ ನಾಯಕ್‌ ನೀರ್ಚಾಲು ಮತ್ತು ಅಕ್ಷಯ್‌ ಭಟ್‌ ಅವರ ಪಾತ್ರ ಮಾವ ಕಂಸನನ್ನು ಕುಚೇಷ್ಟೆಯ ಮೂಲಕ ರಂಜಿಸಲು ಯತ್ನಿಸಿ, ಮುಂದಿನ ಉದ್ದೇಶವನ್ನೂ ಬಿಂಬಿಸಬೇಕಾಗಿ ಇರುವು ದರಿಂದ ಉತ್ತಮ ಪ್ರಯತ್ನ ಮಾಡಿದರು. ರಾಜ ರಜಕನಾಗಿ ಮಹೇಶ ಮಣಿಯಾಣಿ ಅವರ ಹಾಸ್ಯ ಉತ್ತಮ ನಿರ್ವಹಣೆ ಯೊಂದಿಗೆ ಸರಿದೂಗಿಸುವಂತಾಯಿತು. ಕಂಸ ವಧೆಯ ನಂತರ ಮಹಾಕಲಿ ಮಗಧೇಂದ್ರದ ಮಾಗಧನಾಗಿ ಶಂಭಯ್ಯ ಭಟ್‌ರ ನಿರ್ವಹಣೆ ಚೆನ್ನಾಗಿತ್ತು. ಆಸ್ತಿ ಮತ್ತು ಪ್ರಾಸ್ತಿಯರಾಗಿ ರಕ್ಷಿತ್‌ ರೈ ದೇರ್ಲಂಪಾಡಿ ಮತ್ತು ರಾಜೇಶ್‌ ನಿಟ್ಟೆ ಅವರು ಮಾಗಧನಲ್ಲಿ ಮನನೊಂದು ಭಿನ್ನವಿಸುವ ಪರಿ ಸುಂದರವಾಗಿ ಮೂಡಿಬಂದಿತು. ಲಕ್ಷ್ಮಣ ಮರಕಡರು ಬೇರೆ ಬೇರೆ ಪಾತ್ರಗಳನ್ನು ಸಮರ್ಥವಾಗಿ ನಿಭಾಯಿಸುವಂತೆ ಕೃಷ್ಣನಾಗಿ ಮನಗೆದ್ದರು. ಶಶಿಕಿರಣ ಕಾವು ಅವರಂತಹ ಕಲಾವಿದರಿಗೆ ಹೇಳಿ ಮಾಡಿಸಿದಷ್ಟು ಸರಿಯಾಗಿ ಕಾಲಯವನ ಪಾತ್ರ ಒಪ್ಪುತ್ತಿತ್ತು.

ದ್ವಾರಕಾ ನಿರ್ಮಾಣವಾಗುವಲ್ಲಿ ಹಿಮ್ಮೇಳದಲ್ಲಿ ವಿಶಿಷ್ಟ ರಾಗಗಳ ಪ್ರಸ್ತುತಿಯ ಮೂಲಕ ಭಾಗವತ ರವಿಚಂದ್ರ ಕನ್ನಡಿಕಟ್ಟೆಯವರು ಮನರಂಜಿಸಿದರು. ಲವ ಕುಮಾರ ಐಲರು ಸುಂದರವಾಗಿ ಮದ್ದಳೆ ನುಡಿಸುವುದರ ಮೂಲಕ ಪದ್ಯಗಳ ರಸಾಸ್ವಾದನೆಗೆ ಅವಕಾಶ ಕೊಟ್ಟರು. ದೇಲಂತಮಜಲು ಸುಬ್ರಹ್ಮಣ್ಯ ಭಟ್‌ ಚೆಂಡೆಯ ನುಡಿತವು ಅದ್ಭುತವಾಗಿದ್ದುದರಿಂದ ಅದೊಂದು ಪರಿಪೂರ್ಣ ಯಕ್ಷಗಾನವೆನಿಸಿತು.

ರುಕ್ಮಿಣಿ ಕಲ್ಯಾಣ
ಭಾಗವತರಾಗಿ ಧರ್ಮಸ್ಥಳ ಮೇಳದ ಅನುಭವಿ ಭಾಗವತ ಸಿರಿಬಾಗಿಲು ರಾಮಕೃಷ್ಣ ಮಯ್ಯರು ಮುಂದುವರೆಸಿ, ಚಕ್ರತಾಳದಲ್ಲಿ ಸಹಕರಿಸಿದವರು ನೀಶ್ವತ್‌ ಜೋಗಿ.
ಪೆರುವಡಿ ಸುಬ್ರಹ್ಮಣ್ಯ ಭಟ್‌ ಅಗ್ನಿದ್ಯೋತ ಪಾತ್ರದಲ್ಲಿ ಬ್ರಾಹ್ಮಣನಾಗಿ ಪಾತ್ರಕ್ಕೆ ಜೀವ ತುಂಬಿದರೆ ಶಿಶುಪಾಲನಾಗಿ ಪ್ರಕಾಶ ನಾಯಕ್‌ ಮತ್ತು ರುಕ್ಮನಾಗಿ ಜಗದಭಿರಾಮ ಪಡುಬಿದ್ರೆ ಅವರು ಪ್ರಸಂಗಾವಧಾನತೆಯನ್ನು ಮೆರೆದರು. ರಾಜೇಶ್‌ ನಿಟ್ಟೆ ಅವರು ರುಕ್ಮಿಣಿ ಪಾತ್ರವನ್ನು ನಿರ್ವಹಿಸಿದರು. ಗುಂಡಿಮಜಲು ಗೋಪಾಲ ಭಟ್ಟರ ಬಲರಾಮ ಬಲ ತುಂಬುವಂತಹ ಶಾರೀರ ಹೊಂದಿರುವುದರಿಂದ ಮನಸಾ ಒಪ್ಪುವಲ್ಲಿ ಸಫಲವಾಯಿತು.

ಸಂತೋಷ್‌ ಕೇಳ್ಕರ್‌, ಸುಲ್ಕೇರಿ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಜಯತಿ ಎಂದರೆ "ಸರ್ವದಾ ಜಯಶೀಲವಾಗುತ್ತ ಇರುವ'ಎಂಬರ್ಥ ಬಿಂಬಿಸುವ ಇದು ಈ ಮಣ್ಣಿನ ನಾಟ್ಯಪ್ರಕಾರಗಳ "ಜಯತಿ'ಯಾಗಿ ನಾಟ್ಯ ಜಯಂತೀಯ ಸಂಭ್ರಮ ಆಚರಣೆಯಾಯಿತು . ಭರತಮುನಿ...

  • ಇತ್ತೀಚೆಗೆ ಬೆಂಗಳೂರಿನಲ್ಲಿ ಯಕ್ಷಸಿಂಚನ ತಂಡದವರಿಂದ ಉಪನ್ಯಾಸಕ ಶಿವಕುಮಾರ ಬಿ.ಎ. ಅಳಗೋಡು ರಚಿಸಿದ ದೇವಸೇನಾ ಪರಿಣಯ(ಸ್ಕಂದ ವಿಜಯ) ಪ್ರಸಂಗದ ಪ್ರಥಮ ರಂಗಪ್ರದರ್ಶನ...

  • ಸಮಾಜ ಮಂದಿರ ಸಭಾ ಮೂಡಬಿದಿರೆ ಇದರ 74ನೇ ದಸರಾ ಸಾಹಿತ್ಯ ಮತ್ತು ಸಾಂಸ್ಕೃತಿಕ ಉತ್ಸವದ ಅಂಗವಾಗಿ ಜರುಗಿದ ಪಾರ್ತಿಸುಬ್ಬ ವಿರಚಿತ ವಾಲಿ ಮೋಕ್ಷ ಆಖ್ಯಾನವು ಉತ್ತಮ...

  • ಕೆಲವೊಮ್ಮೆ ಅನ್ನಿಸುವುದುಂಟು, ಗತಿಸಿದ ಬಳಿಕವೂ ಲೋಕ ಅಂಥವರ ಕುರಿತು ಏನೆನ್ನುತ್ತದೆ ಎಂದು ಅರಿತುಕೊಳ್ಳುವ ಸಾಧ್ಯತೆ ಇರುತ್ತಿದ್ದರೆ ಹೇಗೆ ಎಂದು. ಹಾಗೆ ಅರಿತ...

  • ಇಬ್ಬರು ಪದವಿ ಪೂರ್ವ ವಿದ್ಯಾಲಯದ ಅಧ್ಯಾಪಕರು. ಒಬ್ಬರು ಪ್ರೌಢಶಾಲೆಯ ಶಿಕ್ಷಕರು, ಓರ್ವ ನಿವೃತ್ತ ಪ್ರಾಧ್ಯಾಪಕರು. ಇವರದೇ ಮುಮ್ಮೇಳದಲ್ಲಿ ನಡೆದ ಮಧುಕೈಟಭ ವಧೆ...

ಹೊಸ ಸೇರ್ಪಡೆ

  • ಬೆಂಗಳೂರು: ಹಿಂಗಾರು ಮಾರುತಗಳ ಭರ್ಜರಿ ಪ್ರವೇಶ ದಿಂದ ಕಳೆದೆರಡು ದಿನಗಳಿಂದ ರಾಜ್ಯಾದ್ಯಂತ ಮಳೆ ಅಬ್ಬರಿ ಸುತ್ತಿದೆ. ಇನ್ನೂ ಮೂರ್‍ನಾಲ್ಕು ದಿನಗಳು ಇದೇ ವಾತಾವರಣ...

  • ಏಷಿಯಾದ ಮೊದಲ "ಬಿಪಿಎಲ್‌'ಗೆ ಭಾನುವಾರ ಪ್ರಾಯೋಗಿಕ ಚಾಲನೆ ಸಿಕ್ಕಿದೆ. ಈ ಒಂದು ಪಥ ಯಶಸ್ವಿಯಾದರೆ, ನಗರ ಸಂಚಾರ ವ್ಯವಸ್ಥೆಯಲ್ಲಿ ಹಲವು ಬದಲಾವಣೆಗಳಿಗೆ ಮುನ್ನುಡಿ...

  • ಬೆಂಗಳೂರು: ಅಲಯನ್ಸ್‌ ವಿವಿಯ ವಿಶ್ರಾಂತ ಕುಲಪತಿ ಹಾಗೂ ರಾಜಕಾರಣಿ ಡಾ.ಅಯ್ಯಪ್ಪ ದೊರೆ ಕೊಲೆ ಪ್ರಕರಣದ ಎರಡನೇ ಪ್ರಮುಖ ಆರೋಪಿ ಹಾಗೂ ಸುಪಾರಿ ಹಂತಕನಿಗೆ ಉತ್ತರ...

  • ವೀರ ಸಾವರ್ಕರ್‌ಗೆ "ಭಾರತ ರತ್ನ' ನೀಡುವ ಮಹಾರಾಷ್ಟ್ರ ಬಿಜೆಪಿ ಪ್ರಣಾಳಿಕೆಯ ಅಂಶದ ಬಗ್ಗೆ ರಾಜಕೀಯ ನಾಯಕರ ವಾಕ್ಸಮರ ಭಾನುವಾರವೂ ಮುಂದುವರಿದಿದೆ. ಇದೇ ವಿಚಾರವಾಗಿ...

  • ಬೆಂಗಳೂರು: ಅನಿಷ್ಠ ಹಾಗೂ ನಿಷೇಧಿತ ದೇವದಾಸಿ ಪದ್ಧತಿಯಿಂದ ಮುಕ್ತಿ ಪಡೆದು ಸಮಾಜದ ಮುಖ್ಯ ವಾಹಿನಿಗೆ ಬಂದು ಗೌರವ ಹಾಗೂ ಘನತೆಯ ಬದುಕು ಕಟ್ಟಿಕೊಳ್ಳುತ್ತಿರುವ...