Udayavni Special

ನಿಮ್ಮ ಮಗುವಿನ ಹೊಕ್ಕುಳ ಬಳ್ಳಿಯ ರಕ್ತದ ಶೇಖರಣೆ


Team Udayavani, Jan 17, 2021, 6:00 AM IST

ನಿಮ್ಮ ಮಗುವಿನ ಹೊಕ್ಕುಳ ಬಳ್ಳಿಯ ರಕ್ತದ ಶೇಖರಣೆ

ನಿಮ್ಮ ಮುದ್ದಾದ ಮಗುವಿನ ಜನನದ ಸಮಯ ಬಹಳಷ್ಟು ಆಸೆ-ಆಕಾಂಕ್ಷೆಗಳಿಂದ ತವಕಿಸುತ್ತಿರುತ್ತೀರಿ. ಭಾವನೆಗಳ ಉದ್ವೇಗದಲ್ಲಿರುವ ನಿಮ್ಮಲ್ಲಿ ವೈದ್ಯ ಅಥವಾ ದಾದಿಯಿಂದ ಒಂದು ಪ್ರಶ್ನೆ: “ನಿಮ್ಮ ಮಗುವಿನ ಹೊಕ್ಕುಳ ಬಳ್ಳಿಯ ರಕ್ತವನ್ನು ಶೇಖರಿಸಿಡುವಿರೇ? ಇದಕ್ಕೆ  ತಗಲುವ ವೆಚ್ಚ…’ ಪ್ರಶ್ನೆ ನಿಮ್ಮಲ್ಲಿ ಹಲವರಿಗೆ ಎದುರಾಗಿರಬಹುದು. ತಮ್ಮ ಕರುಳ ಕುಡಿಯ ಉಜ್ವಲ ಭವಿಷ್ಯಕ್ಕಾಗಿ ಏನನ್ನೂ ಮಾಡಲು ಸಿದ್ಧವಿರುವ ನಿಮಗೆ ಸಂದಿಗ್ಧ ಪ್ರಶ್ನೆಗೆ ಉತ್ತರ ನೀಡಲು ಸಹಾಯಕಾರಿಯಾಗುವ ಒಂದು ಪ್ರಯತ್ನ  ಲೇಖನ.

ಹೊಕ್ಕುಳ ಬಳ್ಳಿಯ ರಕ್ತ ನಿಧಿ  (Cord blood banking) :

ಮಗು ಜನಿಸಿದಾಗ ಹೊಕ್ಕುಳ ಬಳ್ಳಿಯ ಸುಮಾರು 80-100 ಮಿ.ಲೀ. ರಕ್ತವು ತ್ಯಾಜ್ಯವಾಗಿ ಹೊರಹೊಮ್ಮುತ್ತದೆ. ಈ ರಕ್ತವು ಆಕರ ಕೋಶಗಳ (stem cells)ಅತ್ಯಮೂಲ್ಯ ಮೂಲ. ಈ ರಕ್ತವನ್ನು ಯೋಗ್ಯ ಕ್ರಮದಲ್ಲಿ ಸಂಗ್ರಹಿಸಿ, ಶೈತ್ಯೀಕರಿಸಿ ಶೇಖರಿಸಿದರೆ ಬಹಳಷ್ಟು ವಿಧದ ಕ್ಯಾನ್ಸರ್‌ (ಲ್ಯುಕೇಮಿಯಾ, ಲಿಂಫೋಮಾ ಮುಂತಾದ) ಹಾಗೂ ಕೆಲವು ವಂಶವಾಹಿ ಕಾಯಿಲೆಗಳನ್ನು ಗುಣಪಡಿಸಲು ಉಪಯೋಗಿಸಬಹುದು. ಹೊಕ್ಕುಳ ಬಳ್ಳಿಯ ರಕ್ತವು ಸುಲಭ, ಅಗ್ಗವಾಗಿ, ಕಡಿಮೆ ದುಷ್ಪರಿಣಾಮವುಳ್ಳ ಮೂಲಕೋಶಗಳ ಒಂದು ಆಗರ. ಆದರೆ ಇಲ್ಲಿ ಸಂಗ್ರಹಿಸಿದ ಮೂಲಕೋಶಗಳ ಎಚ್‌ಎಲ್‌ಎ ಮಾದರಿಯನ್ನು ಗುರುತಿಸಿಡುವುದು ಬಹಳಷ್ಟು ಅಗತ್ಯ.

ಹೊಕ್ಕಳ ಬಳ್ಳಿಯ ರಕ್ತ ಶೇಖರಣೆಯ ಉಪಯೋಗಗಳು :

ಮೇಲೆ ಹೇಳಿದಂತೆ ಕ್ಯಾನ್ಸರ್‌ ರೋಗಿಗಳಿಗೆ ಹಾಗೂ ವಂಶವಾಹಿಗಳ ಕೆಲವು ತೊಂದರೆಗಳನ್ನು ಗುಣಪಡಿಸಲು ಈ ರೀತಿ ಸಂಗ್ರಹಿಸಿದ ಮೂಲಕೋಶಗಳನ್ನು ಉಪಯೋಗಿಸಬಹುದು. ಒಂದು ವೇಳೆ ದಾನಿ ಹಾಗೂ ಸ್ವೀಕರಿಸುವ ವ್ಯಕ್ತಿಗಳ ಎಚ್‌ಎಲ್‌ಎ ಮಾದರಿಗಳು ಪರಿಪೂರ್ಣವಾಗಿ ಹೊಂದಾಣಿಕೆಯಾಗದಿದ್ದರೂ ಇದನ್ನು ಬಳಸಬಹುದು. ಮುಂದಿನ ದಿನಗಳಲ್ಲಿ ಹೀಗೆ ಸಂಗ್ರಹಿಸಿದ ಜೀವಕೋಶಗಳ ಪ್ರಯೋಜನ ಅಧಿಕವಾಗಿ ಹೊರಹೊಮ್ಮುವ ಸಾಧ್ಯತೆಗಳಿವೆ.

ಖಾಸಗಿ ಕ್ಷೇತ್ರದಲ್ಲಿ ಹೊಕ್ಕುಳ ಬಳ್ಳಿಯ ರಕ್ತ ಶೇಖರಣೆ  :

ಇತ್ತೀಚಿನ ದಿನಗಳಲ್ಲಿ ಅನೇಕ ಜಾಹೀರಾತುಗಳು ನಿಮ್ಮನ್ನು ಮೋಡಿ ಮಾಡುತ್ತಿರಬಹುದು. ವಿಶೇಷವಾಗಿ ಸಿನೆಮಾ ತಾರೆಯರನ್ನು ಹಾಗೂ ಸಮಾಜದಲ್ಲಿ ಪ್ರಭಾವೀ ವ್ಯಕ್ತಿಗಳನ್ನು ಬಳಸಿ ಇದರ ಬಗ್ಗೆ ಸಾಕಷ್ಟು ಪ್ರಚಾರ ಮಾಡಲಾಗುತ್ತಿದೆ. ಹೊಕ್ಕುಳ ಬಳ್ಳಿಯ ರಕ್ತದ ಸಂಗ್ರಹ, ಪರಿಷ್ಕರಣೆ ಹಾಗೂ ಶೇಖರಣೆಗೆ ದುಬಾರಿ ಶುಲ್ಕವನ್ನು ವಿಧಿಸಲಾಗುತ್ತಿದೆ. ಭಾವನಾತ್ಮಕವಾದ ಕ್ಷಣಗಳಲ್ಲಿ ಇದೊಂದು ಅನಾವಶ್ಯಕವಾದ ವೆಚ್ಚವಾಗಿ ಹೊರಹೊಮ್ಮುವ ಸಾಧ್ಯತೆ ಹೆಚ್ಚು. ಬಹಳಷ್ಟು ಕಡೆ ಕೇವಲ ನಿಗದಿತ ಅವಧಿಗೆ ಮಾತ್ರ ಈ ವ್ಯವಸ್ಥೆಯನ್ನು ಒದಗಿಸುತ್ತಾರೆ.

ನಿಮ್ಮ ಮಗುವಿಗೆ ಅಥವಾ  ಕುಟುಂಬಕ್ಕೆ ಸ್ವಂತ ಮೂಲ  ಕೋಶಗಳ ಉಪಯೋಗವಿದೆಯೇ? :

ಈಗಿನ ಲಭ್ಯವಿರುವ ಮಾಹಿತಿಗಳ ಪ್ರಕಾರ, ಮಗುವಿನ ಸ್ವಂತ ಬಳಕೆಗಾಗಿ ಈ ಮೂಲಕೋಶಗಳ ಅಗತ್ಯ ನಗಣ್ಯ. ಒಂದು ಅಂದಾಜಿನ ಪ್ರಕಾರ ದುರದೃಷ್ಟವಶಾತ್‌ ಮಗುವು ಕ್ಯಾನ್ಸರಿಗೆ ತುತ್ತಾದರೆ ಸುಮಾರು ಎರಡು ಲಕ್ಷದಲ್ಲೊಂದು ವ್ಯಕ್ತಿಗೆ ಈ ರೀತಿ ಸಂಗ್ರಹಿಸಿಟ್ಟ ಮೂಲಕೋಶಗಳು ಉಪಯೋಗವಾಗುವ ಸಾಧ್ಯತೆ ಇರಬಹುದು. ಇಲ್ಲಿ ಇನ್ನೊಂದು ಗಮನಿಸುವ ಅಂಶವೆಂದರೆ 50 ಕೆ.ಜಿ.ಗಿಂತ ಜಾಸ್ತಿ ತೂಕದ ವ್ಯಕ್ತಿಗೆ ಆತನ/ಆಕೆಯ ಮೂಲಕೋಶಗಳ ಪರಿಮಾಣ ತಕ್ಕಷ್ಟಿರುವುದಿಲ್ಲ ಮತ್ತು ಮೂಲಕೋಶಗಳ ಇತರ ಆಕರಗಳ ಬಳಕೆ ಅಗತ್ಯವಾಗಬಹುದು. ತನ್ನದೇ ವಂಶವಾಹಿಗಳ ಕಾಯಿಲೆಗಳಿಗೆ ಈ ಮೂಲವನ್ನು ಬಳಸುವಂತಿಲ್ಲ (ಅದೇ ವಂಶವಾಹಿಗಳನ್ನು ಮೂಲಕೋಶಗಳೂ ಹೊಂದಿರುವ ಕಾರಣ).

ಕ್ಯಾನ್ಸರಿಗೆ ತುತ್ತಾದ ಮಗುವಿನ ಹೊಕ್ಕಳ ಬಳ್ಳಿಯ ಮೂಲ ಕೋಶಗಳಲ್ಲೂ ಕ್ಯಾನ್ಸರ್‌ಯುಕ್ತ ಜೀವಕೋಶಗಳಿರುವ ಸಾಧ್ಯತೆಯನ್ನು ಅಲ್ಲಗೆಳೆಯಲಾಗದು.

ಕುಟುಂಬದ ಸದಸ್ಯರಿಗೂ ಈ ಮೂಲಕೋಶಗಳ ಬಳಕೆಯ ಸಾಧ್ಯತೆ ಇನ್ನಷ್ಟು ಕಡಿಮೆ. ಒಂದು ವೇಳೆ ಅಗತ್ಯ ಬಂದಲ್ಲಿ ಮಗುವಿನ ಅಸ್ಥಿಮಜ್ಜೆಯಿಂದ (Bone marrow) ಅಥವಾ ರಕ್ತದಿಂದ ಬೇಕಾದ ಮೂಲಕೋಶಗಳನ್ನು ಮುಂದಕ್ಕೆ ಸೋದರ/ಸೋದರಿಯರು ಪಡೆಯುವ ಅವಕಾಶ ಇದ್ದೇ ಇದೆ.

ದಾನಿಗಳು ಮತ್ತು ಶೇಖರಣೆ :

ಅವಕಾಶವಿರುವ ಎಲ್ಲರೂ ತಮ್ಮ ಮಗುವಿನ ಹೊಕ್ಕುಳ ಬಳ್ಳಿಯ ರಕ್ತವನ್ನು ಶೇಖರಣೆ ಹಾಗೂ ಮುಂದಿನ ಬಳಕೆಗಾಗಿ ದಾನ ಮಾಡುವುದರಿಂದ ಸೂಕ್ತ ರೋಗಿಗಳು ಅದರ ಪ್ರಯೋಜನವನ್ನು ಪಡೆಯಬಹುದು. ಸಾರ್ವಜನಿಕ ಕ್ಷೇತ್ರದಲ್ಲಿ ಹಲವಾರು ಶೇಖರಣ ವ್ಯವಸ್ಥೆಗಳು ಪಾಶ್ಚಾತ್ಯ ದೇಶಗಳಲ್ಲಿ ಇದ್ದರೂ ನಮ್ಮ ದೇಶದಲ್ಲಿ ಇನ್ನೂ ಅಂತಹ ಒಂದು ವ್ಯವಸ್ಥೆ ಸಮರ್ಪಕವಾಗಿ ಇಲ್ಲದಿರುವುದು ವಿಷಾದಕರ. ಇಲ್ಲಿ ಗಮನಿಸಬೇಕಾದ ಅಂಶವೆಂದರೆ ಹೀಗೆ ಶೇಖರಿಸಿದ ಮೂಲಕೋಶಗಳ ಎಚ್‌ಎಲ್‌ಎ ಮಾದರಿ ಹಾಗೂ ಲಭ್ಯತೆಯನ್ನು ಸಾರ್ವಜನಿಕವಾಗಿ ಬಹಿರಂಗ ಪಡಿಸತಕ್ಕದ್ದು. ಸಮಾನತೆಯನ್ನು ಪ್ರತಿಪಾದಿಸುವುದಾದರೆ, ಈ ರೀತಿಯ ದಾನ ಹಾಗೂ ಲಭ್ಯತೆಗೆ ಯಾವುದೇ ಶುಲ್ಕವನ್ನು ವಿಧಿಸುವಂತಿಲ್ಲ (ಶೇಖರಣೆಯ ಹಾಗೂ ಸಂಸ್ಕರಣೆಯ ಖರ್ಚನ್ನು ಹೊರತು ಪಡಿಸಿ). ಈ ರೀತಿಯ ವ್ಯವಸ್ಥೆಯನ್ನು ರಕ್ತದಾನ ಹಾಗೂ ರಕ್ತನಿಧಿಗೆ ಹೋಲಿಸಬಹುದು.

ಮುಂದಿನ ಮಾರ್ಗ :

ಸಾರ್ವಜನಿಕ ಕ್ಷೇತ್ರದಲ್ಲಿ ಹೊಕ್ಕುಳ ಬಳ್ಳಿಯ ರಕ್ತ ನಿಧಿಯು ಕ್ಯಾನರ್‌ ಪೀಡಿತ ವ್ಯಕ್ತಿಗಳಿಗೆ ಮೂಲಕೋಶಗಳ ಒಂದು ಉಪಯುಕ್ತ ಆಕರ. ಆದರೆ ಖಾಸಗಿ ಕ್ಷೇತ್ರದಲ್ಲಿ ಮಗುವಿನ ಸ್ವಂತ ಉಪಯೋಗಕ್ಕಾಗಿ ಈಗಿನ ಶುಲ್ಕ ಸಹಿತ ಸೌಲಭ್ಯ ಪ್ರಾಯಶಃ ದುಬಾರಿ ಹಾಗೂ ಅನವಶ್ಯಕವೆಂದು ಕಂಡು ಬರುತ್ತದೆ. ಆದರೆ ಮುಂದಿನ ದಿನಗಳಲ್ಲಿ ಎಲ್ಲಾ ಮಕ್ಕಳ ಹೊಕ್ಕುಳ ಬಳ್ಳಿಯ ರಕ್ತದ ಸಂಗ್ರಹ, ಸಂಸ್ಕರಣೆ ಹಾಗೂ ಶೇಖರಣೆ ಸಾರ್ವಜನಿಕ ಉಪಯೋಗಕ್ಕೆ ಲಭಿಸುವಿಕೆಯು ಎಲ್ಲರ ಒಗ್ಗೂಡುವಿಕೆಯಿಂದ ಸಾಧ್ಯವಾಗಲಿ ಎಂದು ಆಶಿಸೋಣ.

 

ಡಾ| ಗಿರೀಶ್‌ ಕಟ್ಟ

ಪ್ರಾಧ್ಯಾಪಕರು ಮತ್ತು ವಿಭಾಗ ಮುಖ್ಯಸ್ಥರು

ಮೆಡಿಕಲ್‌ ಜೆನೆಟಿಕ್ಸ್‌ ವಿಭಾಗ ಕಸ್ತೂರ್ಬಾ ಆಸ್ಪತ್ರೆ, ಮಣಿಪಾಲ

 

ಟಾಪ್ ನ್ಯೂಸ್

ಕೋವಿಡ್ ಹೆಚ್ಚಳ ಪಾಕಿಸ್ಥಾನ ಸೂಪರ್‌ ಲೀಗ್ ಮುಂದೂಡಿಕೆ

ಕೋವಿಡ್ ಹೆಚ್ಚಳ ಪಾಕಿಸ್ಥಾನ ಸೂಪರ್‌ ಲೀಗ್ ಮುಂದೂಡಿಕೆ

Untitled-1

ದುಬೈನಲ್ಲಿ 24 ಕೋಟಿ ರೂ. ಲಾಟರಿ ಗೆದ್ದ ಶಿವಮೊಗ್ಗದ ಅದೃಷ್ಟವಂತ!

ಮಗಳ ತಲೆ ಕಡಿದು, ಕೈಯಲ್ಲಿ ಹಿಡಿದು ತಣ್ಣಗೆ ನಡೆದ ಅಪ್ಪ

ಮಗಳ ತಲೆ ಕಡಿದು, ಕೈಯಲ್ಲಿ ಹಿಡಿದು ತಣ್ಣಗೆ ನಡೆದ ಅಪ್ಪ

ನಂದಿಯ ಶ್ರೀ ಭೋಗನಂದೀಶ್ವರ ದೇವಾಲಯದಲ್ಲಿ ಹುಂಡಿ ಹಣ ಕದ್ದಿದ್ದ ಆರೋಪಿಗಳ ಬಂಧನ

ನಂದಿಯ ಶ್ರೀ ಭೋಗನಂದೀಶ್ವರ ದೇವಾಲಯದಲ್ಲಿ ಹುಂಡಿ ಹಣ ಕದ್ದಿದ್ದ ಆರೋಪಿಗಳ ಬಂಧನ

My sugar Factory

ಬಜೆಟ್‌ನಲ್ಲಿ ಮೈಷುಗರ್‌ಗೆ ಸಿಗುತ್ತಾ ಮುಕ್ತಿ !

ಕೃಷಿ ಇಲಾಖೆ ರಾಯಭಾರಿಯಾಗಿ ದರ್ಶನ್ ನಾಳೆ ಅಧಿಕಾರ ಸ್ವೀಕಾರ

Siddaramaiah

ಸಚಿವರಾದವರು ಇಂತಹ ಕೆಲಸ ಮಾಡುತ್ತಾರಾ?: ಸಿದ್ದರಾಮಯ್ಯ







ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ವಿಶ್ವ ಅತೀ ವಿರಳ ಕಾಯಿಲೆಗಳ ದಿನಾಚರಣೆ

ವಿಶ್ವ ಅತೀ ವಿರಳ ಕಾಯಿಲೆಗಳ ದಿನಾಚರಣೆ

ಪ್ರಶ್ನೋತ್ತರಗಳ ಮೂಲಕ ರಕ್ತದ ಕ್ಯಾನ್ಸರ್‌ ಅರಿವು

ಪ್ರಶ್ನೋತ್ತರಗಳ ಮೂಲಕ ರಕ್ತದ ಕ್ಯಾನ್ಸರ್‌ ಅರಿವು

ಎಂಡೊಮೆಟ್ರಿಯೋಸಿಸ್‌

ಎಂಡೊಮೆಟ್ರಿಯೋಸಿಸ್‌

Congenital heart disease

ಹುಟ್ಟಿನಿಂದ ಬರುವ ಹೃದಯ ಕಾಯಿಲೆಗಳ ಬಗ್ಗೆ ಜಾಗೃತಿ ಮೂಡಿಸುವ ಮಾಸಾಚರಣೆ

health related articles

ದಂತ ವೈದ್ಯಕೀಯ ತಪಾಸಣೆಗಳನ್ನು ತಪ್ಪಿಸಿಕೊಳ್ಳದಿರಿ

MUST WATCH

udayavani youtube

ಸುಲಲಿತ ಜೀವನ ಸೂಚ್ಯಂಕ: ದೇಶದಲ್ಲಿ 20ನೇ ಸ್ಥಾನ ಪಡೆದ ಮಂಗಳೂರು

udayavani youtube

ಕೂದಲಿನ ಸಮಸ್ಯೆಗೂ ಪಿಸಿಓಡಿ ಗೂ ಏನು ಸಂಬಂಧ?

udayavani youtube

ಇಂದಿನ ಸುದ್ದಿ ಸಮಾಚಾರ | Udayavani 04-March-2021 News Bulletin | Udayavani

udayavani youtube

ಪುತ್ತೂರು: ಜೆಸಿಬಿಯಲ್ಲಿ ಗುಂಡಿ ಅಗೆಯುವ ವೇಳೆ ಮಣ್ಣಿನಡಿ ಸಿಲುಕಿದ ಕಾರ್ಮಿಕರು!

udayavani youtube

ಗದ್ದೆಗೆ ಉಪ್ಪುನೀರು ಹರಿದು ಬಂದು ಬೆಳೆಗಳು ನಾಶ! |Udayavani

ಹೊಸ ಸೇರ್ಪಡೆ

ಪಿಲಿಕಜೆ ಗುಂಡ್ಯ ಸರಕಾರಿ ಶಾಲೆ ಮೇಲ್ದರ್ಜೆಗೆ ಬೇಡಿಕೆ

ಪಿಲಿಕಜೆ ಗುಂಡ್ಯ ಸರಕಾರಿ ಶಾಲೆ ಮೇಲ್ದರ್ಜೆಗೆ ಬೇಡಿಕೆ

ಬಜೆಟ್‌ ಘೋಷಣೆಗಷ್ಟೇ ಸೀಮಿತ ಹಂಗಾರಕಟ್ಟೆ ಬಂದರು ಅಭಿವೃದ್ಧಿ

ಬಜೆಟ್‌ ಘೋಷಣೆಗಷ್ಟೇ ಸೀಮಿತ ಹಂಗಾರಕಟ್ಟೆ ಬಂದರು ಅಭಿವೃದ್ಧಿ

ಜನವಸತಿ ಪ್ರದೇಶಗಳಲ್ಲಿ 10,748 ಆಸ್ತಿ ಗುರುತು

ಜನವಸತಿ ಪ್ರದೇಶಗಳಲ್ಲಿ 10,748 ಆಸ್ತಿ ಗುರುತು

ನಳ್ಳಿ  ತಿರುಗಿಸಿದರೆ ಬರೋದು ಬರಿ ಗಾಳಿ!

ನಳ್ಳಿ ತಿರುಗಿಸಿದರೆ ಬರೋದು ಬರಿ ಗಾಳಿ!

ಲಸಿಕೆ  ಸ್ವೀಕರಿಸಲು ಸರ್ವರ್‌ ಅಡ್ಡಿ!

ಲಸಿಕೆ  ಸ್ವೀಕರಿಸಲು ಸರ್ವರ್‌ ಅಡ್ಡಿ!

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.