Udayavni Special

ಪೋಲಿಯೋಮೈಲೈಟಿಸ್‌

ಶಾಶ್ವತ ಅಂಗವೈಕಲ್ಯಕ್ಕೆ ಕಾರಣವಾಗುವ ವೈರಾಣು ಕಾಯಿಲೆ

Team Udayavani, Mar 29, 2020, 5:05 AM IST

polio

ಬೆನ್ನುಹುರಿಯ ಮುಂಭಾಗದಲ್ಲಿರುವ ಕೋಡಿನಾಕೃತಿಯ ಅಂಗಾಂಶಗಳನ್ನು ಬಾಧಿಸಿ ಚಲನೆಯ ಮೇಲೆ ದುಷ್ಪರಿಣಾಮ ಬೀರುವ ಅನಾರೋಗ್ಯವೇ ಪೋಲಿಯೋಮೈಲೈಟಿಸ್‌ ಅಥವಾ ಜನರು ಸಾಮಾನ್ಯವಾಗಿ ಹೆಸರಿಸುವ ಪೋಲಿಯೋ. ಪೋಲಿಯೋವೈರಸ್‌ ಎಂಬ ವೈರಾಣುವಿನಿಂದ ಈ ಕಾಯಿಲೆಯು ಉಂಟಾಗುತ್ತದೆ. ಎರಡು ದಶಕಗಳ ಹಿಂದೆ ಇದೊಂದು ಭೀತಿಕಾರಕವಾದ ಕಾಯಿಲೆಯಾಗಿತ್ತು. ಇಸವಿ 2000ದ ಒಳಗೆ ಭೂಮಿಯ ಮೇಲಿನಿಂದ ಪೋಲಿಯೋ ಕಾಯಿಲೆಯನ್ನು ಅಳಿಸಿಹಾಕುವ ಕನಸನ್ನು ವಿಶ್ವ ಆರೋಗ್ಯ ಸಂಸ್ಥೆಯು ಕಂಡಿತ್ತು.
ಆದರೆ 2000ನೇ ಇಸವಿಯ ಬಳಿಕವೂ ಅಭಿವೃದ್ಧಿಶೀಲ ದೇಶಗಳಲ್ಲಿ ಅಲ್ಲಲ್ಲಿ ಒಂದೊಂದು ಪೋಲಿಯೋ ರೋಗ ಪ್ರಕರಣಗಳು ವರದಿಯಾಗುತ್ತಲೇ ಇವೆ. 2011ರಲ್ಲಿ ಪಶ್ಚಿಮ ಬಂಗಾಲ ಮತ್ತು ಗುಜರಾತ್‌ಗಳಲ್ಲಿಯೂ ಕೆಲವು ಹೊಸ ಪೋಲಿಯೋ ಪ್ರಕರಣಗಳು ವರದಿಯಾಗಿವೆ. 2014ರ ಮಾರ್ಚ್‌ 27ರಂದು ವಿಶ್ವಸಂಸ್ಥೆಯು ಭಾರತವನ್ನು ಪೋಲಿಯೋ ಮುಕ್ತ ಎಂಬುದಾಗಿ ಘೋಷಿಸಿತು. ಕಳೆದ ಆರು ವರ್ಷಗಳಿಂದ ಭಾರತವು ಪೋಲಿಯೋ ಮುಕ್ತವಾಗಿದೆ. ಆದರೆ ಪಾಕಿಸ್ಥಾನ, ಅಫ್ಘಾನಿಸ್ಥಾನ ಮತ್ತು ನೈಜೀರಿಯಾಗಳಲ್ಲಿ ಪೋಲಿಯೋ ಒಂದು ಸಾಂಕ್ರಾಮಿಕ ರೋಗವಾಗಿಯೇ ಉಳಿದಿದೆ. ಪೋಲಿಯೋ ಸೋಂಕು ಸಾಮಾನ್ಯವಾಗಿ ಕಾಲಿನ ಕೆಳಭಾಗದ ಸ್ನಾಯುಗಳು, ಅಪರೂಪವಾಗಿ ಕಾಲಿನ ಮೇಲ್ಭಾಗ ಮತ್ತು ಬೆನ್ನುಮೂಳೆಯನ್ನು ಬಾಧಿಸುತ್ತದೆ.

ಪೋಲಿಯೋ ಪ್ರಸರಣವಾಗುವುದು ಹೇಗೆ?
ಪೋಲಿಯೋ ವೈರಸ್‌ನಿಂದ ಪೋಲಿಯೋಮೈಲೈಟಿಸ್‌ ಉಂಟಾಗುತ್ತದೆ. ಮೂರು ವಿಧವಾದ ಪೋಲಿಯೋ ವೈರಸ್‌ಗಳಿವೆ: ಟೈಪ್‌ 1, ಟೈಪ್‌ 2 ಮತ್ತು ವಿಧ 3. ಮಲ ಮತ್ತು ಮೌಖೀಕ ಮಾರ್ಗದ ಮೂಲಕ ಈ ವೈರಲ್‌ ಪ್ರಸಾರವಾಗುತ್ತದೆ. ನೈರ್ಮಲ್ಯದ ಕೊರತೆ ಮತ್ತು ಜನಸಂದಣಿಯೂ ಈ ಸೋಂಕು ಪ್ರಸರಣದಲ್ಲಿ ಮುಖ್ಯ ಪಾತ್ರ ವಹಿಸುತ್ತವೆ. ಸೋಂಕುಕಾರಕ ವೈರಸ್‌ ಜೀರ್ಣಾಂಗವ್ಯೂಹದ ಮೂಲಕ ರಕ್ತ ಪರಿಚಲನ ವ್ಯವಸ್ಥೆಗೆ ಮತ್ತು ಅಲ್ಲಿಂದ ಬೆನ್ನುಹುರಿಯ ಹೊರಭಾಗದ ಕೋಡಿನಂತಹ ಅಂಗಾಂಶಗಳಿಗೆ ಪ್ರಯಾಣ ಬೆಳೆಸುತ್ತದೆ.

ಪೋಲಿಯೋ ದಿನ
ಪ್ರತೀವರ್ಷ ಅಕ್ಟೋಬರ್‌ 24ನ್ನು ವಿಶ್ವ ಆರೋಗ್ಯ ದಿನವನ್ನಾಗಿ ಆಚರಿಸಲಾಗುತ್ತದೆ. ಪೋಲಿಯೋ ವೈರಸ್‌ಗೆ ಲಸಿಕೆಯನ್ನು ಕಂಡುಹಿಡಿದ ಜೊನಾಸ್‌ ಸಾಲ್ಕ್ನ ಜನ್ಮದಿನವಿದು. ರೋಟರಿ ಇಂಟರ್‌ನ್ಯಾಶನಲ್‌ ಸಂಘಟನೆಯು ವಿಶ್ವ ಪೋಲಿಯೋ ದಿನವನ್ನು ಆಚರಿಸುವ ಸಂಪ್ರದಾಯವನ್ನು ಎರಡು ದಶಕಗಳ ಹಿಂದೆ ಆರಂಭಿಸಿತು.

ಪೋಲಿಯೋ ವೈರಸ್‌
ಪರಿಣಾಮ ಬೀರುವುದು ಹೇಗೆ?
ಪೋಲಿಯೋ ವೈರಸ್‌ ಬೆನ್ನುಹುರಿಯ ಹೊರಭಾಗದ ಕೋಡಿನಂತಹ ಅಂಗಾಂಶಗಳ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ವಿಷಮ ಪಾರ್ಶ್ವದ (ಅಸಿಮೆಟ್ರಿಕಲ್‌) ಸ್ನಾಯುಗಳ ಲಕ್ವಾಕ್ಕೆ ಕಾರಣವಾಗುತ್ತದೆ. ಕಾಲುಗಳ ವಿಷಮ ಪಾರ್ಶ್ವದ ಸ್ಥಿರ ಸ್ನಾಯುಗಳ ಮೇಲೆ ಈ ವೈರಸ್‌ ದುಷ್ಪರಿಣಾಮ ಬೀರುತ್ತದೆ. ಸಾಮಾನ್ಯವಾಗಿ ಇದು ಪರಿಣಾಮ ಬೀರುವುದು ಕೆಳಕಾಲಿನ ಮೇಲೆ. ದುಷ್ಪರಿಣಾಮವನ್ನು ಅನುಭವಿಸುವ ಸಾಮಾನ್ಯ ಸಂಧಿಗಳೆಂದರೆ, ಪೃಷ್ಠ, ಮೊಣಕಾಲು ಮತ್ತು ಹಿಮ್ಮಡಿಗಳು. ಅಪರೂಪವಾಗಿ ಕಾಲಿನ ಮೇಲು ಭಾಗ ಮತ್ತು ಸೊಂಟ-ಪೃಷ್ಠವೂ ಇದರ ದುಷ್ಪರಿಣಾಮವನ್ನು ಅನುಭವಿಸುತ್ತವೆ. ಇದರಿಂದ ಉಂಟಾಗುವ ಲಕ್ವಾದ ತೀವ್ರತೆಯೂ ಭಿನ್ನವಾಗಿರುತ್ತದೆ. ಇದು ಸ್ನಾಯುಗಳ ಮೇಲೆ ಮಾತ್ರ ಪರಿಣಾಮ ಬೀರುತ್ತದೆ. ದುಷ್ಪರಿಣಾಮ ಅನುಭವಿಸಿದರೂ ಕಾಲುಗಳ ಸಂವೇದನಾಶಕ್ತಿಯು ಸಹಜವಾಗಿರುತ್ತದೆ.

ಪೋಲಿಯೋದ ಹಂತಗಳಾವುವು?
ಪೋಲಿಯೋ 3 ವಿಭಿನ್ನ ಹಂತಗಳನ್ನು ಹೊಂದಿರುತ್ತದೆ; ಅಕ್ಯೂಟ್‌ ಪ್ಲಾಸಿಡ್‌ ಪ್ಯಾರಾಲಸಿಸ್‌ (ಲಕ್ವಾ), ಚೇತರಿಕೆ ಮತ್ತು ಶಾಶ್ವತ ಲಕ್ವಾ (ರೆಸಿಡುವಲ್‌ ಪ್ಯಾರಾಲಿಸಿಸ್‌). ಮಗು ಶಾಶ್ವತ ಲಕ್ವಾ ಅಥವಾ ರೆಸಿಡುವಲ್‌ ಪ್ಯಾರಾಲಿಸಿಸ್‌ ಹಂತ ತಲುಪಿದ ಬಳಿಕ ಸ್ನಾಯುಗಳ ದೌರ್ಬಲ್ಯವು ಶಾಶ್ವತವಾಗಿರುತ್ತದೆ.

ಚಿಕಿತ್ಸೆ ಹೇಗೆ?
ಕಾಯಿಲೆಯ ಹಂತವನ್ನು ಅವಲಂಬಿಸಿ ಪಟ್ಟಿಕಟ್ಟು (ಸ್ಪ್ಲಿಂಟ್‌) ಅಥವಾ ಶಸ್ತ್ರಕ್ರಿಯೆಯ ಮೂಲಕ ಚಿಕಿತ್ಸೆ ನೀಡಲಾಗುತ್ತದೆ.ಶಾಶ್ವತ ಪೋಲಿಯೋಕ್ಕೆ ಒಳಗಾಗಿರುವ ಅನೇಕ ಮಂದಿ ಭಾರತದಲ್ಲಿದ್ದಾರೆ. 2014ರಲ್ಲಿ ಭಾರತವು ಪೋಲಿಯೋ ಮುಕ್ತ ದೇಶವಾಯಿತು. ಆದರೆ 2014ಕ್ಕಿಂತ ಹಿಂದೆ ದೇಶದಲ್ಲಿ ಪೋಲಿಯೋ ಭಾದೆಗೊಳಗಾಗದ ಮಕ್ಕಳು ಅದರಿಂದ ಉಂಟಾದ ಶಾಶ್ವತ ಅಂಗವೈಕಲ್ಯದೊಂದಿಗೆ ಜೀವಿಸುತ್ತಿದ್ದಾರೆ. ಇಂತಹ ಶಾಶ್ವತ ಪೋಲಿಯೋ ಅಂಗವೈಕಲ್ಯವನ್ನು ಹೊಂದಿರುವ ಹದಿಹರಯದ ಅಥವಾ ಪ್ರೌಢ ರೋಗಿಗಳಿಗೆ ಆಥೊìಪೆಡಿಕ್‌ ಶಸ್ತ್ರಚಿಕಿತ್ಸಾ ತಜ್ಞ ವೈದ್ಯರು ಚಿಕಿತ್ಸೆ ನೀಡುತ್ತಾರೆ.

ಶಾಶ್ವತ ಹಂತದಲ್ಲಿ ಚಲನೆಯ ದೌರ್ಬಲ್ಯ, ಸ್ನಾಯು ಅಸಮತೋಲನ, ಸಂಧಿಗಳ ರಚನೆಯಲ್ಲಿ ವೈಕಲ್ಯ, ಸಂಧಿಗಳ ಅಸ್ಥಿರತೆ ಮತ್ತು ಕಾಲುಗಳು ಕುಬjವಾಗಿರುವುದು ಪ್ರಧಾನ ತೊಂದರೆಗಳಾಗಿರುತ್ತವೆ. ಪೋಲಿಯೋಕ್ಕೆ ಚಿಕಿತ್ಸೆಯು ಅಂಗ ಕಾರ್ಯಚಟುವಟಿಕೆಗಳು ಪುನರ್‌ಸ್ಥಾಪನೆ, ಸ್ನಾಯು ಅಸಮತೋಲನವನ್ನು ಸರಿಪಡಿಸುವುದು, ಸಂಧಿಗಳ ವಿರೂಪವನ್ನು ತಡೆಯುವುದು ಮತ್ತು ಸರಿಪಡಿಸುವುದು, ಅಸ್ಥಿರ ಸಂಧಿಗಳನ್ನು ಸ್ಥಿರಗೊಳಿಸುವುದು ಮತ್ತು ಕಾಲುಗಳ ಉದ್ದವನ್ನು ಸಮಾನಗೊಳಿಸುವುದನ್ನು ಒಳಗೊಂಡಿದೆ. ತೊಂದರೆಗಳ ಲಕ್ಷಣಗಳು ಮತ್ತು ಗಂಭೀರತೆಯನ್ನು ಆಧರಿಸಿ ಚಿಕಿತ್ಸೆಗೆ ಒಳಪಡಿಸಲಾಗುತ್ತದೆ. ಪೋಲಿಯೋಗೆ ಚಿಕಿತ್ಸೆಯು ಶಸ್ತ್ರಕ್ರಿಯೇತರ ಮತ್ತು ಶಸ್ತ್ರಕ್ರಿಯಾತ್ಮಕ ಕ್ರಮಗಳನ್ನು ಒಳಗೊಂಡಿರುತ್ತದೆ. ಶಸ್ತ್ರಕ್ರಿಯೇತರ ವಿಧಾನಗಳಲ್ಲಿ ಕಾಸ್ಟ್‌, ಬ್ರೇಸ್‌ ಮತ್ತು ಟ್ರ್ಯಾಕ್ಷನ್‌ ಒಳಗೊಂಡಿರುತ್ತದೆ. ಶಸ್ತ್ರಕ್ರಿಯಾತ್ಮಕ ಕ್ರಮಗಳಲ್ಲಿ ಟೆಂಡನ್‌ ಸ್ನಾಯುಗಳನ್ನು ಉದ್ದಗೊಳಿಸುವುದು, ಟೆಂಡರ್‌ ವರ್ಗಾವಣೆ, ಓಸ್ಟಿಯೊಟೊಮಿ ಹಾಗೂ ಸಂಧಿಯ ಶಸ್ತ್ರಕ್ರಿಯಾತ್ಮಕ ಫ್ಯೂಶನ್‌ ಸೇರಿವೆ. ಸಣ್ಣ ಮಕ್ಕಳಲ್ಲಿ ಬ್ರೇಸಿಂಗ್‌ ಪ್ರಯೋಜನಕಾರಿಯಾಗಿದ್ದರೆ ಓಸ್ಟಿಯೊಟೊಮಿ, ಟೆಂಡನ್‌ ಟ್ರಾನ್ಸ್‌ಫ‌ರ್‌ ಮತ್ತು ಸಂಧಿಗಳ ಶಸ್ತ್ರಕ್ರಿಯಾತ್ಮಕ ಫ್ಯೂಶನ್‌ ರೆಸಿಡುವಲ್‌ ಪೋಲಿಯೋ ಹೊಂದಿರುವ ವಯಸ್ಕರಿಗೆ ಪ್ರಯೋಜನಕಾರಿ.

ತಡೆಗಟ್ಟುವುದು ಹೇಗೆ?
ಸರಿಯಾದ ಸಮಯದಲ್ಲಿ ಸಮರ್ಪಕವಾದ ಲಸಿಕೆ ಹಾಕಿಸಿಕೊಳ್ಳುವುದರ ಮೂಲಕ ಪೋಲಿಯೋವನ್ನು ತಡೆಗಟ್ಟಬಹುದು. ಎರಡು ವಿಧವಾದ ಲಸಿಕೆಗಳಿವೆ; ಒಂದನೆಯದು ಬಾಯಿಗೆ ಹನಿ ರೂಪದಲ್ಲಿ ಹಾಕಲಾಗುವ ಓರಲ್‌ ಪೋಲಿಯೋ ವ್ಯಾಕ್ಸಿನೇಶನ್‌ (ಒಪಿವಿ) ಮತ್ತು ಎರಡನೆಯದು ನಿಶ್ಚೇತನಗೊಳಿಸಿದ ಇನ್ಯಾಕ್ಟಿವೇಟೆಡ್‌ ಪೊಲಿಯೋ ವ್ಯಾಕ್ಸಿನೇಶನ್‌ (ಐಪಿವಿ). ತರಬೇತಿ ಹೊಂದಿದ ಪರಿಣಿತರು ಇಂಜೆಕ್ಷನ್‌ ಮೂಲಕ ಐಪಿವಿಯನ್ನು ನೀಡುತ್ತಾರೆ. ಭಾರತವು ಸಮಗ್ರ ಲಸಿಕೆ ಕಾರ್ಯಕ್ರಮಕ್ಕಾಗಿ ಬಾಯಿಗೆ ಹನಿ ರೂಪದಲ್ಲಿ ಹಾಕುವ ಒಪಿವಿಯನ್ನು ಉಪಯೋಗಿಸುತ್ತದೆ. ಪ್ರತಿ ಶಿಶುವೂ ಜನನ ಸಂದರ್ಭದಲ್ಲಿ ಬಾಯಿಯ ಮೂಲಕ ಹನಿರೂಪದಲ್ಲಿ ಹಾಕಲಾಗುವ ಪೋಲಿಯೋ ಲಸಿಕೆಯನ್ನು ಹಾಕಿಸಿಕೊಳ್ಳಬೇಕು. ಆ ಬಳಿಕ ಜನನ ಬಳಿಕ ಮೊದಲ ತಿಂಗಳಿನಲ್ಲಿ ಮೂರು ಡೋಸ್‌ಗಳನ್ನು ನೀಡಲಾಗುತ್ತದೆ. ಪ್ರತೀ ಮಗುವಿನ ಬಾಯಿಗೆ ಎರಡು ಹನಿಗಳ ರೂಪದಲ್ಲಿ ಈ ಲಸಿಕೆಯನ್ನು ನೀಡಲಾಗುತ್ತದೆ. ಪೋಲಿಯೋ ವೈರಸ್‌ನ ಪ್ರಸರಣವನ್ನು ತಡೆಯಲು ಬರೇ ಮೂರು ಡೋಸ್‌ ಲಸಿಕೆಗಳು ಸಾಕಾಗುವುದಿಲ್ಲ. ಹೀಗಾಗಿ ಪೋಲಿಯೋ ವೈರಸ್‌ ನಿರ್ಮೂಲನೆಗೊಳಿಸುವುದಕ್ಕಾಗಿ ಪ್ರತೀ ಮಗುವೂ ಸಾಮೂಹಿಕ ಪೋಲಿಯೋ ಲಸಿಕೆ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಲಸಿಕೆ ಹಾಕಿಸಿಕೊಳ್ಳುವುದು ಅವಶ್ಯ. 1990ರ ದಶಕದ ಅಂತ್ಯಭಾಗದಲ್ಲಿ ಪೋಲಿಯೋ ನಿರ್ಮೂಲನೆಗಾಗಿ ಸರಕಾರವು ಪಲ್ಸ್‌ ಪೋಲಿಯೋ ಲಸಿಕೆ ಕಾರ್ಯಕ್ರಮವನ್ನು ಆರಂಭಿಸಿತು.

ಸರಕಾರಿ ಮತ್ತು ಸರಕಾರೇತರ
ಸಂಸ್ಥೆಗಳ ಉತ್ಕೃಷ್ಟ ಕಾರ್ಯ ನಿರ್ವಹಣೆಯಿಂದಾಗಿ ಪೋಲಿಯೋ ವೈರಸ್‌ ಮೇಲಿನ ನಿಯಂತ್ರಣವನ್ನು ಪಲ್ಸ್‌ ಪೋಲಿಯೋ ಲಸಿಕೆ ಕಾರ್ಯಕ್ರಮದ ಮೂಲಕ ಸಾಧಿಸಲಾಗಿದೆ. ಭಾರತದಲ್ಲಿ ಈ ಸಾಮೂಹಿಕ ಲಸಿಕೆ ಕಾರ್ಯಕ್ರಮಕ್ಕಾಗಿ ಒಪಿವಿಯನ್ನು ಉಪಯೋಗಿಸಲಾಗುತ್ತಿದೆ. ಐದು ವರ್ಷ ವಯಸ್ಸಿಗಿಂತ ಕಡಿಮೆ ವಯಸ್ಸಿನ ಪ್ರತೀ ಮಗುವಿಗೂ ಲಸಿಕೆ ಹಾಕುವ ಮೂಲಕ ಸಂಪೂರ್ಣ ಭಾರತವನ್ನು ಪೋಲಿಯೋ ಮುಕ್ತವನ್ನಾಗಿಸುವ ಗುರಿಯೊಂದಿಗೆ ನಡೆಸಲಾಗುತ್ತಿರುವ ಕಾರ್ಯಕ್ರಮವೇ ಪಲ್ಸ್‌ ಪೋಲಿಯೋ ಅಭಿಯಾನ.

ಎಲ್ಲ ಮಕ್ಕಳೂ ಪಲ್ಸ್‌
ಪೋಲಿಯೋ ಕಾರ್ಯಕ್ರಮದಡಿ ಒಳಗೊಂಡು ಪೋಲಿಯೋ ಲಸಿಕೆಯನ್ನು ಪಡೆಯುವುದನ್ನು ಖಾತರಿಗೊಳಿಸುವುದಕ್ಕಾಗಿ ಸರಕಾರವು ಸಮರ್ಪಕ ಕ್ರಮಗಳನ್ನು ತೆಗೆದುಕೊಂಡಿದೆ. ಅತಿ ಕುಗ್ರಾಮ, ಅತ್ಯಂತ ದುರ್ಗಮ ಪ್ರದೇಶದ ಮಕ್ಕಳನ್ನೂ ಸೇರಿಸಿ ಯಾವ ಶಿಶುವೂ ಹೊರಗುಳಿಯದಂತೆ ಪಲ್ಸ್‌ ಪೋಲಿಯೋ ಕಾರ್ಯಕ್ರಮವನ್ನು ನಡೆಸಲಾಗಿದೆ. ಯಾವುದೇ ಫ್ಲಾಸಿಡ್‌ ಲಕ್ವಾದ ಪ್ರಕರಣವೂ ವರದಿಯಾಗುವಿಕೆಯಿಂದ ಹೊರಗುಳಿಯದಂತೆ ಕಟ್ಟೆಚ್ಚರದ ಸಮೀಕ್ಷೆಯ ಜತೆಗೆ 2014ರಲ್ಲಿ ಭಾರತವನ್ನು ಪೋಲಿಯೋ ಮುಕ್ತ ಎಂಬುದಾಗಿ
ಘೋಷಿಸಲಾಗಿದೆ.

ಭವಿಷ್ಯ ಮತ್ತು ಸವಾಲುಗಳು
ಪಾಕಿಸ್ಥಾನ, ಅಫ್ಘಾನಿಸ್ಥಾನದಂತಹ ಕೆಲವು ದೇಶಗಳಲ್ಲಿ ಸಾರ್ವತ್ರಿಕ ಲಸಿಕೆ ಕಾರ್ಯಕ್ರಮಕ್ಕೆ ವಿರೋಧಗಳು ವ್ಯಕ್ತವಾಗಿವೆ. ಹೀಗಾಗಿ ಈ ದೇಶಗಳಲ್ಲಿ ಪೋಲಿಯೋ ಈಗಲೂ ಇದೆ. ಈ ದೇಶಗಳಲ್ಲಿ ಪೋಲಿಯೋ ವೈರಸ್‌ ಬಾಧಿಸಿದ ಹೊಸ ಪ್ರಕರಣಗಳು ಈಗಲೂ ವರದಿಯಾಗುತ್ತಿವೆ. ವೈರಸ್‌ಗೆ ರಾಜಕೀಯ ಅಥವಾ ಭೌಗೊಳಿಕ ಪರಿಧಿಗಳು ಲಕ್ಷ್ಯಕ್ಕಿಲ್ಲ. ಹೀಗಾಗಿ ಈ ಮಾರಕ ಕಾಯಿಲೆಯ ವಿರುದ್ಧ ಹೋರಾಟವನ್ನು ಸರಕಾರ ಇನ್ನು ಮುಂದೆಯೂ ಮುಂದುವರಿಸಬೇಕಾಗಿದೆ. ಜಗತ್ತಿನಿಂದ ಪೋಲಿಯೋ ವೈರಸ್‌ ನಿರ್ಮೂಲನೆಯಾಗಿಲ್ಲ, ಹೀಗಾಗಿ ಅದು ಮರುಕಳಿಸುವ ಭೀತಿ ಇದ್ದೇ ಇದೆ. ಒಪಿವಿ ಲಸಿಕೆಯಲ್ಲಿನ ವೈರಸ್‌ ಆಕಸ್ಮಿಕವಾಗಿ ಸಚೇತನಗೊಳ್ಳುವ ಅಪರೂಪದ ಸಾಧ್ಯತೆಯೂ ಇದೆ. ಪಿಲಿಪ್ಪೀನ್ಸ್‌ನಲ್ಲಿ ಹೊಸ ಪೋಲಿಯೋ ಪ್ರಕರಣ ಕಾಣಿಸಿಕೊಂಡಿರುವುದು ಇತ್ತೀಚೆಗೆ ವರದಿಯಾಗಿದೆ. ಇದು ಲಸಿಕೆಯಲ್ಲಿರುವ ದುರ್ಬಲ ವೈರಸ್‌ ಸಚೇತನಗೊಂಡಿರುವುದರಿಂದ ಆಗಿರಬಹುದು. ಆದರೆ ಅಲ್ಲಿ ಪೋಲಿಯೋ ಒಂದು ಸಾಂಕ್ರಾಮಿಕವಾಗಿ ತಲೆದೋರುವ ಸಾಧ್ಯತೆಯನ್ನು ವಿಶ್ವ ಆರೋಗ್ಯ ಸಂಸ್ಥೆಯು ತಳ್ಳಿಹಾಕಿದೆ. ಪಿಲಿಪ್ಪೀನ್ಸ್‌ನ “ಪೋಲಿಯೋ ಮುಕ್ತ’ ಸ್ಥಿತಿಗೆ ಇದು ಬಾಧಕವಾಗದು ಎಂಬುದಾಗಿ ಇಂಟರ್‌ನ್ಯಾಶನಲ್‌ ಪೋಲಿಯೋ ಪ್ಲಸ್‌ನ ಅಧ್ಯಕ್ಷ ಮೈಕೆಲ್‌ ಕೆ. ಮೆಕ್‌ಗವರ್ನ್ ಕೂಡ ಹೇಳಿದ್ದಾರೆ. ಲಸಿಕೆಯಿಂದ ಪೋಲಿಯೋ ವೈರಸ್‌ ಸಚೇತನಗೊಳ್ಳುವ ಸಾಧ್ಯತೆಗಳು ಅಲ್ಪವಾದರೂ ಇದ್ದೇ ಇದೆ. ಭಾರತವನ್ನು ಪೋಲಿಯೋ ಮುಕ್ತವಾಗಿ ಕಾಪಾಡಿಕೊಳ್ಳುವ ಸವಾಲು ಸರಕಾರದ ಮುಂದಿದೆ. ಭಾರತವನ್ನು ಪೋಲಿಯೋ ಮುಕ್ತವಾಗಿ ಇರಿಸಿಕೊಳ್ಳುವುದಕ್ಕಾಗಿ ಭಾರತೀಯ
ಆರೋಗ್ಯ ಸೇವಾ ವ್ಯವಸ್ಥೆಯು ಸಾರ್ವತ್ರಿಕ ಲಸಿಕೆ ಕಾರ್ಯಕ್ರಮವನ್ನು ಮುಂದುವರಿಸಲು ಮತ್ತು ಪ್ರತೀ ಮಗುವೂ ಸುರಕ್ಷಿತ ಪೋಲಿಯೋ ಲಸಿಕೆಯನುನ ಪಡೆಯುವುಂತಾಗುವುದಕ್ಕಾಗಿ ಭಾರತೀಯ ಆರೋಗ್ಯ ಸೇವಾ ವ್ಯವಸ್ಥೆಯು ಶ್ರಮಿಸಬೇಕಾಗಿದೆ. ಪೋಲಿಯೋ ಮುಕ್ತ ಸ್ಥಿತಿಯಲ್ಲಿ ಬದುಕುವುದಕ್ಕಾಗಿ ಪ್ರತೀ ಮಗುವು ಕೂಡ ಜನಿಸಿದ ಬಳಿಕ ಮೊದಲ ವರ್ಷದಲ್ಲಿ ಕನಿಷ್ಠ ನಾಲ್ಕು ಡೋಸ್‌ಗಳಾದರೂ ಪೋಲಿಯೋ ಲಸಿಕೆಯನ್ನು ಪಡೆಯಬೇಕಾಗಿದೆ.

ಡಾ| ಹಿತೇಶ್‌ ಶಾ ,
ಪೀಡಿಯಾಟ್ರಿಕ್‌ ಓಥೊìಪೆಡಿಕ್ಸ್‌ ಸರ್ವೀಸಸ್‌
ಕೆಎಂಸಿ, ಮಣಿಪಾಲ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಮೆಕ್ಸಿಕೋದಲ್ಲಿ 10 ಲಕ್ಷ ಉದ್ಯೋಗ ನಷ್ಟ

ಮೆಕ್ಸಿಕೋದಲ್ಲಿ 10 ಲಕ್ಷ ಉದ್ಯೋಗ ನಷ್ಟ

ಒತ್ತಡದಲ್ಲಿವೆ ಚಿಲಿ ಆಸ್ಪತ್ರೆಗಳು : 70 ಸಾವಿರ ಮಂದಿ ಸೋಂಕು ಪೀಡಿತರು

ಒತ್ತಡದಲ್ಲಿವೆ ಚಿಲಿ ಆಸ್ಪತ್ರೆಗಳು : 70 ಸಾವಿರ ಮಂದಿ ಸೋಂಕು ಪೀಡಿತರು

ಅಂಫಾನ್ ಆಯಿತು ಇದೀಗ ಈಶಾನ್ಯ ರಾಜ್ಯಗಳಲ್ಲಿ ಪ್ರವಾಹ ಭೀತಿ

ಅಂಫಾನ್ ಆಯಿತು ಇನ್ನು ಈಶಾನ್ಯ ರಾಜ್ಯಗಳಲ್ಲಿ ಪ್ರವಾಹ ಭೀತಿ

ನಗರಸಭೆ, ಪುರಸಭೆ ವ್ಯಾಪ್ತಿಯಲ್ಲಿ ಅಕ್ರಮ-ಸಕ್ರಮ ಯೋಜನೆ ವಿಸ್ತರಣೆ

ರಾಜ್ಯದ ಮಹಾನಗರ ಪಾಲಿಕೆ, ನಗರಸಭೆ, ಪುರಸಭೆ ವ್ಯಾಪ್ತಿಯಲ್ಲಿ ಅಕ್ರಮ-ಸಕ್ರಮ ಯೋಜನೆ ವಿಸ್ತರಣೆ

ಹಾವೇರಿಯ ಮೊದಲ ಕೋವಿಡ್-19 ಸೋಂಕಿತ ವ್ಯಕ್ತಿ ಗುಣಮುಖ

ಹಾವೇರಿಯ ಮೊದಲ ಕೋವಿಡ್-19 ಸೋಂಕಿತ ವ್ಯಕ್ತಿ ಗುಣಮುಖ

ಅಲೋಪತಿ ವೈದ್ಯರ ಮಾದರಿಯಲ್ಲೇ ಮೇಲೆ ಆಯುಷ್ ವೈದ್ಯರಿಗೂ ವೇತನ ಹೆಚ್ಚಳ: ಶ್ರೀರಾಮುಲು‌

ಅಲೋಪತಿ ವೈದ್ಯರ ಮಾದರಿಯಲ್ಲೇ ಆಯುಷ್ ವೈದ್ಯರಿಗೂ ವೇತನ ಹೆಚ್ಚಳ: ಶ್ರೀರಾಮುಲು‌

ಕೆಲವೇ ದಿನಗಳಲ್ಲಿ ರಾಜ್ಯಾದ್ಯಂತ ಹೋಟೆಲ್, ರೆಸ್ಟೋರೆಂಟ್ ಓಪನ್

ಕೆಲವೇ ದಿನಗಳಲ್ಲಿ ರಾಜ್ಯಾದ್ಯಂತ ಹೋಟೆಲ್, ರೆಸ್ಟೋರೆಂಟ್ ಓಪನ್

ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಕೋವಿಡ್‌ ಮಹಾಮಾರಿಯ ಸಮಯದಲ್ಲಿ ಕ್ಯಾನ್ಸರ್‌ ಶಸ್ತ್ರಚಿಕಿತ್ಸೆಯ ನಿಭಾವಣೆ

ಕೋವಿಡ್‌ ಮಹಾಮಾರಿಯ ಸಮಯದಲ್ಲಿ ಕ್ಯಾನ್ಸರ್‌ ಶಸ್ತ್ರಚಿಕಿತ್ಸೆಯ ನಿಭಾವಣೆ

ಅರಿವು ಹೆಚ್ಚಿದರೆ ಶೀಘ್ರ ಚಿಕಿತ್ಸೆ, ಉತ್ತಮ ಫ‌ಲಿತಾಂಶ

ಅರಿವು ಹೆಚ್ಚಿದರೆ ಶೀಘ್ರ ಚಿಕಿತ್ಸೆ, ಉತ್ತಮ ಫ‌ಲಿತಾಂಶ

ನಮ್ಮ ರಕ್ತದೊತ್ತಡ ಅಳೆಯೋಣ ನಿಯಂತ್ರಿಸೋಣ ಮತ್ತು ದೀರ್ಘ‌ಕಾಲ ಬದುಕೋಣ

ನಮ್ಮ ರಕ್ತದೊತ್ತಡ ಅಳೆಯೋಣ ನಿಯಂತ್ರಿಸೋಣ ಮತ್ತು ದೀರ್ಘ‌ಕಾಲ ಬದುಕೋಣ

ಗರ್ಭಾವಸ್ಥೆಯಲ್ಲಿ ಅಧಿಕ ರಕ್ತದೊತ್ತಡ ತಾಯಿ- ಮಗು ಇಬ್ಬರಿಗೂ ಅಪಾಯ

ಗರ್ಭಾವಸ್ಥೆಯಲ್ಲಿ ಅಧಿಕ ರಕ್ತದೊತ್ತಡ ತಾಯಿ- ಮಗು ಇಬ್ಬರಿಗೂ ಅಪಾಯ

ಮೂತ್ರಪಿಂಡ ಕಾಯಿಲೆಗಳು; ಪತ್ತೆ ಹಚ್ಚುವುದು ಮತ್ತು ತಡೆಗಟ್ಟುವ ಕ್ರಮಗಳು

ಮೂತ್ರಪಿಂಡ ಕಾಯಿಲೆಗಳು; ಪತ್ತೆ ಹಚ್ಚುವುದು ಮತ್ತು ತಡೆಗಟ್ಟುವ ಕ್ರಮಗಳು

MUST WATCH

udayavani youtube

Mattu ಗದ್ದೆಯಲ್ಲಿ ಕೃಷಿಯ ಆಟಕ್ಕಿಳಿದ Football ಆಟಗಾರ Yashodara

udayavani youtube

ಪಶುಸಂಗೋಪನೆಯಲ್ಲಿ ಯಶಸ್ವಿಯಾದ Uttam Agro Industries Poultry Farming Success Story

udayavani youtube

ಈ ಮನೆಯಲ್ಲಿದೆ ಬೀದಿನಾಯಿಗಳಿಗೆ ಪ್ರೀತಿಯ ಆಸರೆ | Udayvani

udayavani youtube

Karnataka : A Farmer who quits Private Job & became Successful in Agriculture

udayavani youtube

MOTHERSDAY ಪ್ರಯುಕ್ತ ನಾಡಿನ ಎಲ್ಲಾ ಅಮ್ಮಂದಿರಿಗೆ ಶುಭಾಶಯವನ್ನು ಕೋರಿದ SHINE SHETTY

ಹೊಸ ಸೇರ್ಪಡೆ

ಅಕ್ರಮ ವಲಸಿಗರಿಗೆ ವರದಾನವಾದ ಕೋವಿಡ್‌

ಅಕ್ರಮ ವಲಸಿಗರಿಗೆ ವರದಾನವಾದ ಕೋವಿಡ್‌

ಬಾಕಿ ಬೆಳೆ ಸಾಲ: ಸರಕಾರಿ ಖಾತೆಗೆ ವರ್ಗಾಯಿಸಲು ಬ್ಯಾಂಕ್‌ಗಳಿಗೆ ನಿರ್ದೇಶ

ಬಾಕಿ ಬೆಳೆ ಸಾಲ: ಸರಕಾರಿ ಖಾತೆಗೆ ವರ್ಗಾಯಿಸಲು ಬ್ಯಾಂಕ್‌ಗಳಿಗೆ ನಿರ್ದೇಶ

ಮೆಕ್ಸಿಕೋದಲ್ಲಿ 10 ಲಕ್ಷ ಉದ್ಯೋಗ ನಷ್ಟ

ಮೆಕ್ಸಿಕೋದಲ್ಲಿ 10 ಲಕ್ಷ ಉದ್ಯೋಗ ನಷ್ಟ

ಒತ್ತಡದಲ್ಲಿವೆ ಚಿಲಿ ಆಸ್ಪತ್ರೆಗಳು : 70 ಸಾವಿರ ಮಂದಿ ಸೋಂಕು ಪೀಡಿತರು

ಒತ್ತಡದಲ್ಲಿವೆ ಚಿಲಿ ಆಸ್ಪತ್ರೆಗಳು : 70 ಸಾವಿರ ಮಂದಿ ಸೋಂಕು ಪೀಡಿತರು

ಅಂಫಾನ್ ಆಯಿತು ಇದೀಗ ಈಶಾನ್ಯ ರಾಜ್ಯಗಳಲ್ಲಿ ಪ್ರವಾಹ ಭೀತಿ

ಅಂಫಾನ್ ಆಯಿತು ಇನ್ನು ಈಶಾನ್ಯ ರಾಜ್ಯಗಳಲ್ಲಿ ಪ್ರವಾಹ ಭೀತಿ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.