Udayavni Special

ಅನ್ನದಾತೋ,”ಸ್ವಿಗ್ಗಿ’ ಭವ!

ಊಟ ಕೈಗಿಡುವ ಹುಡುಗರ ಹಸಿವಿನ ಕತೆ

Team Udayavani, Jul 13, 2019, 4:59 PM IST

shutterstock_1353450977

ಆಹಾ, ಮಳೆ ಬರ್ತಿದೆ! ವರ್ಲ್ಡ್‌ ಕಪ್‌ ಮ್ಯಾಚ್‌ ಬೇರೆ. ಯಾರ್‌ ಅಡುಗೆ ಮಾಡ್ತಾರೆ? ಮನೆಯೂಟ ತಿಂದೂ ತಿಂದು ಬೋರ್‌ ಆಗಿದೆ. ಏನಾದ್ರೂ ಸ್ಪೆಷೆಲ್ಲಾಗಿ ಆರ್ಡರ್‌ ಮಾಡೋಣ ಅಂತ ನಾವು ಆನ್‌ಲೈನ್‌ ಫ‌ುಡ್‌ ಸರ್ವಿಸ್‌ಗಳ ಮೊರೆ ಹೋಗುತ್ತೇವೆ. ಸರಿಯಾದ ಟೈಮ್‌ಗೆ ಊಟ ಬರೇºಕು, ಆರ್ಡರ್‌ ಮಾಡಿದ ಪಲಾವ್‌, ಬಿರಿಯಾನಿ, ಕಬಾಬ್‌ಗಳು ಬಿಸಿಬಿಸಿ ಆಗಿರ್ಬೇಕು. ಇಲ್ಲಾಂದ್ರೆ, ನಾವು ಡೆಲಿವರಿ ಕೊಟ್ಟ ಹುಡುಗನಿಗೆ ಅಧಿಕಾರಯುತವಾಗಿ ಪ್ರಶ್ನಿಸುತ್ತೇವೆ. ಅವನಿಗೆ ಖಾರವಾಗಿ ಪ್ರತಿಕ್ರಿಯಿಸಿ, ಬಾಗಿಲು ಮುಚ್ಚುತ್ತೇವೆ. ಆದರೆ, ಆ ಆಹಾರದ ಪಾಕೆಟ್ಟನ್ನು ನಮ್ಮ ಕೈಗಿಡಲು, ಆತ ಪಟ್ಟ ಶ್ರಮ- ಸಾಹಸ ನಮ್ಮ ಗಮನಕ್ಕೇ ಬರೋದಿಲ್ಲ. ಸರಿಯಾದ ಟೈಮ್‌ಗೆ ಆರ್ಡರ್‌ ಬಯಸುವ ನಾವು, ಹೊಟ್ಟೆ ಹಸಿದ ಅವರನ್ನು ಒಮ್ಮೆಯೂ ಪ್ರೀತಿಯಿಂದ ನೋಡಿರೋದಿಲ್ಲ. ಮಹಾನಗರದ ಮೂಲೆ ಮೂಲೆಗೂ ಊಟ ತಲುಪಿಸುವ ಡೆಲಿವರಿ ಬಾಯ್‌ಗಳು ಎಷ್ಟೊತ್ತಿಗೆ ಊಟ ಮಾಡ್ತಾರೆ? ದಿನ ಎಷ್ಟೆಲ್ಲ ಕಷ್ಟ ಪಡ್ತಾರೆ?- ಅದರ ಒಂದು ರಿಯಾಲಿಟಿ ಚೆಕ್‌ ಇಲ್ಲಿದೆ…

ನಮ್ಗೆ ಪುಟ್ಪಾತೇ ಚೀಪ್‌ ಆ್ಯಂಡ್‌ ಬೆಸ್ಟ್‌
– ಮಹೇಶ್‌ ಕೆ.
ಮಧ್ಯಾಹ್ನದ ಊಟ: ಸಂಜೆ 4.30 ಗಂಟೆ
ರಾತ್ರಿ ಊಟ: 11.30ರ ನಂತರ
ಬೆಳಗ್ಗೆ 6.30ಕ್ಕೆ ನಾನು ದೇವರ ಮುಖವನ್ನೇ ನೋಡಿರೋದಿಲ್ಲ. ಅದಾಗಲೇ ಗ್ರಾಹಕರ ಮುಂದೆ ನಿಂತಿರುತ್ತೇನೆ. ರಾತ್ರಿ 11.30ರ ವರೆಗೆ ನಾನ್‌ಸ್ಟಾಪ್‌ ಆಗಿ ಸಿಟಿ ಸುತ್ತುತ್ತೇನೆ. ಮೂಲತಃ ತುಮಕೂರಿನ ಶಿರಾದವನಾದ ನನಗೆ, ಆರಂಭದಲ್ಲಿ ಈ ಬೆಂಗಳೂರಿನ ಟ್ರಾಫಿಕ್‌ ನೋಡಿ, ಚಿಂತೆಯಾಗಿತ್ತು. ಸ್ವಿಗ್ಗಿಯಲ್ಲಿ ಡೆಲಿವರಿ ಬಾಯ್‌ ಆಗಿ ಸೇರಿಕೊಂಡ ಮೇಲೆ, ಕಳೆದ ಒಂದು ವರ್ಷದಿಂದ ಈ ಟ್ರಾಫಿಕ್‌ ಏನೂ ಮಹಾ ಅಲ್ಲ ಅಂತನ್ನಿಸಿಬಿಟ್ಟಿದೆ. ಒಮ್ಮೆ ಹೀಗಾಯ್ತು… ರಾತ್ರಿ 9 ಗಂಟೆಗೆ ಡೆಲಿವರಿ ಕೊಡಲು ಹೊರಟಿದ್ದೆ, ಇದ್ದಕ್ಕಿದ್ದಂತೆ ಬೈಕ್‌ ಪಂಕ್ಚರ್‌ ಆಯ್ತು. ಪಂಕ್ಚರ್‌ ಹಾಕ್ಕೊಂಡು, ಹೊರಡುವಷ್ಟರಲ್ಲಿ 2 ತಾಸು ತಡವಾಗಿತ್ತು. ಆರ್ಡರ್‌ ಮಾಡಿದವರಿಗೆ ನನ್ನ ಸಮಸ್ಯೆ ಹೇಳಿಕೊಂಡಾಗ, ಅವರು ಏಕ್‌ದಂ ರೇಗಾಡಿಬಿಟ್ಟರು. ಮೌನವಾಗಿ ಕೇಳಿಸಿಕೊಂಡೆ. “ಕಂಪ್ಲೇಂಟ್‌ ಮಾಡ್ತೀನಿ’ ಅಂತಲೂ ಹೇಳಿದರು. ಅನೇಕ ಸಲ ನಮಗೇ ಊಟ ಮಾಡೋದಿಕ್ಕೆ ಟೈಮ್‌ ಇರೋದಿಲ್ಲ. ಅಂಥ ಟೈಮಲ್ಲಿ ಸ್ನ್ಯಾಕ್ಸ್‌ ತಿಂದು ಹೊಟ್ಟೆ ತುಂಬಿಸಿಕೊಳ್ತೀವಿ. ರಾತ್ರಿ ಹೊತ್ತಲ್ಲಂತೂ ಬೇರೆಲ್ಲರಿಗೂ ಊಟ ತಲುಪಿಸುತ್ತೇವೆ. ವಾಪಸು ಬರುವಾಗ ನಮಗೇ ಊಟ ಇರೋಲ್ಲ. ಫ‌ುಟ್‌ಪಾತ್‌ ಊಟವೇ ನನಗೆ ಚೀಪ್‌ ಆ್ಯಂಡ್‌ ಬೆಸ್ಟ್‌.

ತಪ್ಪು ವಿಳಾಸ ಹುಡುಕೋ ಸಾಹಸ
– ಗುರುನಾಥ್‌ ಎನ್‌.
ಮಧ್ಯಾಹ್ನದ ಊಟ: ಸಂಜೆ 5 ಗಂಟೆ
ರಾತ್ರಿ ಊಟ: 12 ಗಂಟೆ
ಆಂಧ್ರಪ್ರದೇಶದ ನಾನು, ಬಡತನದ ಕಾರಣದಿಂದ ಓದನ್ನು ಅರ್ಧಕ್ಕೇ ಬಿಟ್ಟು, ಬೆಂಗಳೂರು ಸೇರಿಕೊಂಡೆ. ಸ್ವಿಗ್ಗಿಯಲ್ಲಿ ಕೆಲಸ ಸಿಕ್ಕಿ ಒಂದೂವರೆ ವರ್ಷವಾಯಿತು. ಇಲ್ಲಿ ಒಂದೊಂದು ದಿನವೂ ಹತ್ತಾರು ಅನುಭವ. ಇನ್ನೇನು ಸರಿಯಾದ ಪಾಯಿಂಟ್‌ ಮುಟ್ಟಿದೆವು ಎಂಬ ಖುಷಿಯಲ್ಲಿದ್ದಾಗ, ಲೆಕ್ಕಾಚಾರವೇ ಉಲ್ಟಾ ಆಗಿದ್ದೂ ಇದೆ. ನನ್ನ ಒಂದು ಆರ್ಡರ್‌ ಕತೆಯೂ ಹಾಗೆಯೇ ಆಗಿತ್ತು… ಅವತ್ತು ಹರಿಶ್ಚಂದ್ರ ಘಾಟ್‌ ಪಕ್ಕದ ಬಡಾವಣೆಗೆ ಡೆಲಿವರಿ ಇತ್ತು. ಅಲ್ಲಿಗೆ ಹೋಗಿ ಕರೆಮಾಡಿದಾಗ, ಆರ್ಡರ್‌ ಮಾಡಿದ್ದ ಪಾರ್ಟಿ, “ರಾಜಾಜಿನಗರದಲ್ಲಿದ್ದೀನಿ. ಇಲ್ಲಿಗೇ ಆರ್ಡರ್‌ ತಲುಪಿಸಿ’ ಅಂದ್ರು. ಲೊಕೇಶನ್‌ ಪಾಯಿಂಟ್‌ಗಿಂತ ತುಸು ದೂರವೇ ಆದರೂ, ಅಲ್ಲಿಗೆ ಹೋದಾಗ, ಆ ಪಾರ್ಟಿ ಸಿಗಲೇ ಇಲ್ಲ. ಅವತ್ತು ಅರ್ಧ ಸಮಯ ಅವರನ್ನು ಹುಡುಕೋದರಲ್ಲೇ ಕಳೆದುಹೋಯ್ತು. ಪೆಟ್ರೋಲ್‌ ಖರ್ಚು ನನ್ನ ಅಂದಾಜು ಮೀರಿತ್ತು. ಅವತ್ತು ಇಡೀ ದಿನ ಆರ್ಡರ್‌ಗಳೂ ಕಡಿಮೆಯಾಗಿ, ನಷ್ಟವಾಯ್ತು. ರಾಂಗ್‌ ಲೊಕೇಶನ್‌, ನಮಗೆ ದೊಡ್ಡ ತಲೆನೋವು. ಸಮಯಕ್ಕೆ ಸರಿಯಾಗಿ ತಲುಪದೇ ಇದ್ದಾಗ, ಕಂಪ್ಲೇಂಟ್‌ ಮಾಡ್ತೀನಿ, ಕೇಸ್‌ ಹಾಕ್ತೀನಿ ಎನ್ನುವ ಮಾತುಗಳು ತುಂಬಾ ದುಃಖ ತರಿಸುತ್ತವೆ.

ಮನೆಯ ಬಾಗಿಲು ತಟ್ಟೋವಾಗ,ಆ ಮಕ್ಕಳ ಊಟ ಮುಗಿದಿತ್ತು!
– ರಾಜೇಶ್‌
ಮಧ್ಯಾಹ್ನದ ಊಟ: ಸಂಜೆ 4.30- 5 ಗಂಟೆ
ರಾತ್ರಿ ಊಟ: 12 ಗಂಟೆ
ನಾನು ಆಂಧ್ರಪ್ರದೇಶದ ಅಮರಾಪುರದಲ್ಲಿದ್ದಾಗ (ಹುಟ್ಟೂರು), ಮಳೆಗಾಲದಲ್ಲಿ ಬಹಳ ಖುಷಿಪಡುತ್ತಿದ್ದೆ. ಮಳೆಯಲ್ಲಿ ಕಾಲ ಕಳೆಯುವುದೇ ಒಂದು ಚೆಂದವಿತ್ತು. ಆದರೆ, ಬೆಂಗಳೂರಿನಲ್ಲಿ ಸ್ವಿಗ್ಗಿ ಡೆಲಿವರಿ ಬಾಯ್‌ ಆದ ಮೇಲೆ, ಇಲ್ಲಿನ ಮಳೆ ನನಗೆ ನೀಡಿದ ಅನುಭವಗಳೇ ಬೇರೆ. ರಸ್ತೆಯಲ್ಲಿ ನೀರು ತುಂಬಿಕೊಂಡು, ಟ್ರಾಫಿಕ್‌ ಜಾಸ್ತಿಯಾದಾಗ, ನಮಗೆ ದಾರಿಗಳೇ ಇರುವುದಿಲ್ಲ. ಎಷ್ಟೋ ಸಲ ಮಳೆಯನ್ನು ಲೆಕ್ಕಿಸದೇ, ಡೆಲಿವರಿ ಕೊಟ್ಟಿದ್ದೇನೆ. ಅವತ್ತೂಂದು ದಿನ, ಜೋರು ಮಳೆ ಸುರಿಯುತ್ತಿತ್ತು. ಒಂದೇ ರೀತಿಯ ಅಡ್ರೆಸ್‌ಗಳಿಂದ ಗಲಿಬಿಲಿಗೊಂಡು, ಡೆಲಿವರಿ ಕೊಡೋದು ತಡವಾಯ್ತು. ನಾನು ಆ ಮನೆಯ ಬಾಗಿಲು ತಟ್ಟುವಷ್ಟರಲ್ಲಿ, ಇಬ್ಬರು ಮಕ್ಕಳ ಊಟ ಮುಗಿದಿತ್ತು. ನನಗೇ ಬೇಸರ ಆಗಿತ್ತು. ರಾತ್ರಿ ನಿದ್ರೆ ಬಂದಿರಲಿಲ್ಲ. ನನ್ನ ಊಟ ನಿತ್ಯವೂ, ತಡರಾತ್ರಿಯ ಬಳಿಕವೇ. ಎಷ್ಟೋ ಸಲ ಊಟ ಸಿಗದೇ ಇದ್ದಾಗ, ರೂಮ್‌ನಲ್ಲಿ ಊಟ ಸಿದ್ಧ ಮಾಡಿ, ಮಲಗುವಷ್ಟರಲ್ಲಿ ರಾತ್ರಿ ಒಂದೂವರೆ ದಾಟಿರುತ್ತೆ. ಮತ್ತೆ ಬೆಳಗ್ಗೆ 6 ಗಂಟೆಗೆ ಅಲರಾಂ ಬಡಿದುಕೊಳ್ಳುತ್ತೆ, ಬೈಕ್‌ ವ್ರೂಂ ವ್ರೂಂ ಅನ್ನುತ್ತೆ!

ಅವರ ಹುಡುಗಾಟ, ನಮಗೆ ಹುಡುಕಾಟ
– ರಮೇಶ್‌
ಮಧ್ಯಾಹ್ನ ಊಟ: ಸಂಜೆ 4 ಗಂಟೆ
ರಾತ್ರಿ ಊಟ: 12.30
ಒಮ್ಮೆ ಪಿ.ಜಿ. ಹುಡುಗರು, ಅವರ ಫ್ರೆಂಡ್‌ ಒಬ್ಬರಿಗೆ ಬರ್ತ್‌ಡೇ ಪಾರ್ಟಿ ಇಟ್ಕೊಂಡಿದ್ರು. ಬರ್ತ್‌ ಡೇ ಐಟಮ್ಸ್‌, ನನಗೆ ಬುಕ್ಕಿಂಗ್‌ ಆಗಿತ್ತು. ಅದನ್ನು ತೆಗೆದುಕೊಂಡು, ವಿಜಯನಗರದ ಲೊಕೇಶನ್‌ಗೆ ಹೋಗಿದ್ದೆ. ಅಲ್ಲಿಗೆ ಹೋಗಿ ಕಾಲ್‌ ಮಾಡಿದರೆ, ಅವರು ಬೇರೆ ವಿಳಾಸ ಕೊಟ್ಟು, ಅಲ್ಲಿಗೆ ಬರುವಂತೆ ಸೂಚಿಸಿದರು. ಸರಿ ಅಂತ, ಅವರು ಹೇಳಿದ್ದಲ್ಲಿಗೆ ಹೋಗಿ ಕರೆ ಮಾಡಿದರೆ ಪಾರ್ಟಿ, ಕಾಲ್‌ ರಿಸೀವ್‌ ಮಾಡಲೇ ಇಲ್ಲ. ಅವರ ಹುಡುಗಾಟಿಕೆಯಿಂದ ನನಗೆ ಅವತ್ತಿನ ಆರ್ಡರ್‌ಗಳೇ ತಪ್ಪಿಹೋದವು. ಪೆಟ್ರೋಲ್‌ ಖರ್ಚೂ ಹೊರೆ ಆಯಿತು. ಝೊಮೇಟೋ ಸರ್ವಿಸ್‌ ಕೊಡುವಾಗ, ಇಂಥ ಅನುಭವಗಳು ಸಾಕಷ್ಟಾಗುತ್ತವೆ. ಕಚೇರಿಗಳಿಗೆ ಊಟ ಆರ್ಡರ್‌ ಮಾಡಿದವರೂ, ಕೆಲವೊಮ್ಮೆ ಹೀಗೆಯೇ ಸತಾಯಿಸುವುದುಂಟು. ಬೆಂಗಳೂರಿನಲ್ಲಿ ಹುಟ್ಟಿದ ನನಗೆ ಇಲ್ಲಿನ ಏರಿಯಾಗಳು ಹೊಸತಲ್ಲ. ಆದರೆ, ತಪ್ಪು ವಿಳಾಸ, ಹುಸಿ ಆರ್ಡರ್‌ಗಳಿಂದ ಕೊಂಚ ತಬ್ಬಿಬ್ಟಾಗುತ್ತೇನೆ. ಡೆಲಿವರಿ ಕೆಲಸದಿಂದ ನನಗೆ ಹಣಕ್ಕೇನೂ ತೊಂದರೆಯಿಲ್ಲ. ನಿತ್ಯ ಕನಿಷ್ಠ 5 ಗಂಟೆ ನಿದ್ದೆ. ಮಧ್ಯಾಹ್ನ- ರಾತ್ರಿಯ ಊಟ ಮಾತ್ರ, ಹದ್ದುಮೀರುತ್ತದೆ. ಏನ್‌ ಮಾಡೋದು ಸ್ವಾಮಿ, ಹೊಟ್ಟೆಪಾಡು! ನಗುತ್ತಾ ಸೇವೆ ಮಾಡುವುದೇ ನನ್ನ ಧರ್ಮ.

ಟಾಪ್ ನ್ಯೂಸ್

ಪಂಜಾಬ್ ನಲ್ಲಿ ಕಾಂಗ್ರೆಸ್ ಬದಲಾಗಿ ಬಾದಲ್ ರಿಂದ ಆಡಳಿತ : ನವಜೋತ್‌ ಸಿಂಗ್‌ ಸಿಧು ಆರೋಪ

ಪಂಜಾಬ್ ನಲ್ಲಿ ಕಾಂಗ್ರೆಸ್ ಬದಲಾಗಿ ಬಾದಲ್ ರಿಂದ ಆಡಳಿತ : ನವಜೋತ್‌ ಸಿಂಗ್‌ ಸಿಧು ಆರೋಪ

chilly rate hike

ಗೋವಾ: ಗ್ರಾಹಕರಿಗೆ ಬೆಲೆಯಲ್ಲೂ ಖಾರವಾದ ಕೆಂಪು ಖಾರದ ಮೆಣಸು; ಕೆ.ಜಿ ಗೆ 1200 ರೂ.

ಸಾರ್ವಜನಿಕರು ಅನಗತ್ಯವಾಗಿ ಮನೆಯಿಂದ ಹೊರ ಬರಬೇಡಿ :ಪೊಲೀಸ್‌ ಆಯುಕ್ತ ಕಮಲ್‌ ಪಂತ್‌ ಎಚ್ಚರಿಕೆ

ಸಾರ್ವಜನಿಕರು ಅನಗತ್ಯವಾಗಿ ಮನೆಯಿಂದ ಹೊರ ಬರಬೇಡಿ :ಪೊಲೀಸ್‌ ಆಯುಕ್ತ ಕಮಲ್‌ ಪಂತ್‌ ಎಚ್ಚರಿಕೆ

ಅಗತ್ಯ ವಸ್ತು ಖರೀದಿಗೆ ಕಾಲ್ನಡಿಗೆಯಲ್ಲಿ ಬನ್ನಿ, ವಾಹನ ಬಳಕೆಗೆ ನಿರ್ಬಂಧ: ಕಾರವಾರ ಡಿಸಿ

ಅಗತ್ಯ ವಸ್ತು ಖರೀದಿಗೆ ವಾಹನ ಬಳಸದೆ ಕಾಲ್ನಡಿಗೆಯಲ್ಲಿ ಬನ್ನಿ: ಕಾರವಾರ ಜಿಲ್ಲಾಧಿಕಾರಿ ಸೂಚನೆ

ದಾವಣಗೆರೆಯಲ್ಲಿ 393 ಸೋಂಕಿತರು ಗುಣಮುಖ, 453 ಹೊಸ ಪ್ರಕರಣ ಪತ್ತೆ

ದಾವಣಗೆರೆಯಲ್ಲಿ 393 ಸೋಂಕಿತರು ಗುಣಮುಖ, 453 ಹೊಸ ಪ್ರಕರಣ ಪತ್ತೆ

ಕೋವಿಡ್ ವಾರ್ ರೂಂಗೆ ಸಚಿವರಾದ ಎಸ್.ಟಿ. ಸೋಮಶೇಖರ್, ಅಶೋಕ್ ದಿಡೀರ್ ಭೇಟಿ

ಕೋವಿಡ್ ವಾರ್ ರೂಂಗೆ ಸಚಿವರಾದ ಎಸ್.ಟಿ. ಸೋಮಶೇಖರ್, ಅಶೋಕ್ ದಿಡೀರ್ ಭೇಟಿ

250 ಯೂನಿಟ್ ಆಕ್ಸಿಜನ್ ಕಾನ್ಸನ್ಟ್ರೇಟರ್ ಬ್ಯಾಂಕ್ ಗೆ ಚಾಲನೆ ನೀಡಿದ ಸಂಸದ ತೇಜಸ್ವೀ ಸೂರ್ಯ

250 ಯೂನಿಟ್ ಗಳ ಆಕ್ಸಿಜನ್ ಕಾನ್ಸನ್ಟ್ರೇಟರ್ ಬ್ಯಾಂಕ್ ಗೆ ಚಾಲನೆ ನೀಡಿದ ಸಂಸದ ತೇಜಸ್ವೀ ಸೂರ್ಯ






ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

bachuilar-of-coro

ಬ್ಯಾಚುಲರ್‌ ಆಫ್ ಕೊರೊನಾ

niffa-kanna

ನಿಫಾ ಕನ್ನಡಿಯಲ್ಲಿ ಕೊರೊನಾ ಬಿಂಬ

yava-sama

ಯಾವ ಸಮಸ್ಯೆಯೂ ಶಾಶ್ವತವಲ್ಲ…

mole

ಮೊಳೆ ಕೀಳುವ ಸೈನಿಕರು

hiriyarige

ಹಿರಿಯರಿಗೆ ಟೆರೇಸೇ ಪಾರ್ಕು, ಮೈದಾನ

MUST WATCH

udayavani youtube

ಬಾಕಿ ಉಳಿದ ಐಪಿಎಲ್ ಪಂದ್ಯಗಳ ಗತಿ ಏನು ?

udayavani youtube

ಕೋವಿಡ್ ಬಗ್ಗೆ ಭಯ ಬೇಡ. ಆದರೆ ಎಚ್ಚರಿಕೆ ಇರಲಿ

udayavani youtube

ಮೂಡಿಗೆರೆ ಆಸ್ಪತ್ರೆಯಲ್ಲಿ ಊಟ-ತಿಂಡಿ ಸರಿಯಿಲ್ಲ

udayavani youtube

ಅಂಗಡಿ ಬಾಗಿಲು ಮುಚ್ಚಿ ಬಟ್ಟೆ ವ್ಯಾಪಾರ: ವಿಟ್ಲದಲ್ಲಿ ಪೊಲೀಸರಿಂದ ದಾಳಿಯ

udayavani youtube

ಬಂಗಾಳ ಮಣಿಸಲು ಯಾರಿಂದಲೂ ಸಾಧ್ಯವಿಲ್ಲ : ಬಿಜೆಪಿಗೆ ಮಮತಾ ಎಚ್ಚರಿಕೆ

ಹೊಸ ಸೇರ್ಪಡೆ

9-24

ಕಾಡಾನೆ ದಾಳಿಗೆ ಬಲಿಯಾದ ಅರಣ್ಯ ರಕ್ಷಕನ ಅಂತ್ಯಕ್ರಿಯೆ

9-23

ಸರ್ಕಾರ ಕಠಿಣ ಲಾಕ್‌ಡೌನ್‌ಗೆ ಮುಂದಾಗಲಿ

9-22

ಬಡವರ ಜೀವನಕ್ಕೆ ನರೇಗಾ ಆಸರೆ

9-21

ಜಿಂದಾಲ್‌ ಆಕ್ಸಿಜನ್‌ ಘಟಕ ಪರಿಶೀಲನೆ

ಪಂಜಾಬ್ ನಲ್ಲಿ ಕಾಂಗ್ರೆಸ್ ಬದಲಾಗಿ ಬಾದಲ್ ರಿಂದ ಆಡಳಿತ : ನವಜೋತ್‌ ಸಿಂಗ್‌ ಸಿಧು ಆರೋಪ

ಪಂಜಾಬ್ ನಲ್ಲಿ ಕಾಂಗ್ರೆಸ್ ಬದಲಾಗಿ ಬಾದಲ್ ರಿಂದ ಆಡಳಿತ : ನವಜೋತ್‌ ಸಿಂಗ್‌ ಸಿಧು ಆರೋಪ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.