ಎದ್ದು ಬಂದ ಸ್ಟೀಫ‌ನ್‌ ಹಾಕಿಂಗ್‌!

Team Udayavani, Apr 28, 2018, 4:32 PM IST

ಭೌತ ವಿಜ್ಞಾನಿ ಸ್ಟೀಫ‌ನ್‌ ಹಾಕಿಂಗ್‌ ಈಗ ನಮ್ಮೊಂದಿಗಿಲ್ಲ. ಆದರೆ, ಈ ಭೂಮಿ ಇರುವ ತನಕ ಹಾಕಿಂಗ್‌ ಉದುರಿಸಿದ ಅಚ್ಚರಿಗಳು ಮನುಷ್ಯನ ಜತೆಗೇ ಜೀವಿಸುತ್ತಿರುತ್ತವೆ. ಅಂಥ ಅಚ್ಚರಿಗಳನ್ನು ಪುನಃ ಸ್ಪರ್ಶಿಸುವ ಕೆಲಸ ಮಾಡುತ್ತಿದೆ ಮುನ್ನೋಟ ಬಳಗ. “ಸ್ಟೀಫ‌ನ್‌ ಹಾಕಿಂಗ್‌- ವಿಜ್ಞಾನ ಪ್ರಪಂಚದ ಬೆರಗು’ ಎಂಬ ಕಾರ್ಯಕ್ರಮವನ್ನು ಅದು ಆಯೋಜಿಸಿದೆ.

ಅಮಿಯೋಟ್ರಾಫಿಕ್‌ ಲ್ಯಾಟರಲ್‌ ಸ್ಕೆರೋಸಿಸ್‌ ಎಂಬ ಕಾಯಿಲೆಗೆ ತುತ್ತಾಗಿ, ನರಕೋಶದ ತೀವ್ರ ಸಮಸ್ಯೆಗೆ ತುತ್ತಾದ ಹಾಕಿಂಗ್‌, ತನ್ನೆಲ್ಲ ದೈಹಿಕ ನ್ಯೂನತೆಗಳನ್ನು ಬದಿಗೊತ್ತಿಯೂ, ವೀಲ್‌ಚೇರ್‌ಗೆ ಅಂಟಿಕೊಂಡೇ ಸಾಪೇಕ್ಷ ಸಿದ್ಧಾಂತದ ಚೌಕಟ್ಟಿನಲ್ಲಿ ನಿರಂತರ ಸಂಶೋಧನೆ ನಡೆಸಿದರು. ಕಪ್ಪು ಕುಳಿಗಳ ರಹಸ್ಯ ಬೇದಿಸಿದ ಅವರ “ಎ ಬ್ರಿಫ್ ಹಿಸ್ಟರಿ ಆಫ್ ಟೈಮ್‌’, ವಿಜ್ಞಾನ ಲೋಕದಲ್ಲಿಯೇ ಒಂದು ಮೈಲುಗಲ್ಲು. ಹಾಕಿಂಗ್‌ ಬದುಕು, ಸಾಧನೆ, ಕೊಡುಗೆಗಳ ಕುರಿತಾಗಿ, ಪ್ರಶಾಂತ ಸೊರಟೂರ ಎಂಬವರು ಉಪನ್ಯಾಸ ನೀಡಲಿದ್ದಾರೆ.

ಯಾವಾಗ?: ಏ.29, ಭಾನುವಾರ, ಬೆ.11.30
ಎಲ್ಲಿ?: ಮುನ್ನೋಟ ಮಳಿಗೆ, ಡಿವಿಜಿ ರಸ್ತೆ, ಬಸವನಗುಡಿ
ಪ್ರವೇಶ: ಉಚಿತ