ಸೈನಿಕ ಹುಳುಗಳನ್ನು ಹಿಡಿಯುವ ಉಪಾಯ
Team Udayavani, Oct 7, 2019, 4:08 AM IST
ಮೆಕ್ಕೆ ಜೋಳಕ್ಕೆ ದಾಳಿ ಇಡುವ ಕೀಟಗಳಲ್ಲಿ ಸೈನಿಕ ಹುಳುಗಳದ್ದೇ ಪ್ರಾಬಲ್ಯ. ಅದನ್ನು ಹತೋಟಿಯಲ್ಲಿಡಲು ಸೂಕ್ತವಾದ ಮಾರ್ಗಗಳಲ್ಲೊಂದು “ಫೆರೋಮೋನ್ ಟ್ರ್ಯಾಪ್. ಫೆರೋಮೋನ್ ಎಂದರೆ ಹೆಣ್ಣು ಸೈನಿಕ ಹುಳುಗಳು ಸ್ರವಿಸುವ ಹಾರ್ಮೋನ್. ಅದರಿಂದಲೇ ಅವುಗಳು ಸಂತಾನೋತ್ಪತ್ತಿಯ ಸಮಯದಲ್ಲಿ ಹೆಣ್ಣು ಸೈನಿಕಹುಳುಗಳನ್ನು ಆಕರ್ಷಿಸುವುದು. ಈ ಫೆರೋಮೋನನ್ನು ಲ್ಯಾಬ್ನಲ್ಲಿ ತಯಾರಿಸಿ ಟ್ರ್ಯಾಪ್ ನಿರ್ಮಿಸಿರುತ್ತಾರೆ. ಇದು ಗಂಡು ಸೈನಿಕ ಹುಳುಗಳನ್ನು ಮಾತ್ರ ಆಕರ್ಷಿಸುತ್ತದೆ. ಇದರಿಂದಾಗಿ ಸಂತಾನೋತ್ಪತ್ತಿ ಉಂಟಾಗದೆ ಅವುಗಳ ಸಂಖ್ಯೆ ಕುಗ್ಗುತ್ತಾ ಹೋಗುತ್ತದೆ. ಈ ಫೆರೋಮೋನ್ ಟ್ರ್ಯಾಪ್ ಮೇಲ್ಭಾಗದಲ್ಲಿ ಕೊಳವೆ ಇರುತ್ತದೆ. ಅದರ ಕೆಳ ಭಾಗವನ್ನು ಪ್ಲಾಸ್ಟಿಕ್ ಕವರ್ನಿಂದ ಮುಚ್ಚಲಾಗಿರುತ್ತದೆ. ಒಮ್ಮೆ ಕೊಳವೆಯನ್ನು ಪ್ರವೇಶಿಸಿ ಪ್ಲಾಸ್ಟಿಕ್ ಕವರಿನೊಳಗೆ ಬಂದು ಬೀಳುವ ಹುಳುಗಳು ಅಲ್ಲೇ ಬಂಧಿಯಾಗಿಬಿಡುತ್ತವೆ.