ಬಂತಿದೋ ರಿಯಲ್‌ ಮಿ 3

Team Udayavani, Apr 8, 2019, 11:45 AM IST

ರಿಯಲ್‌ಮಿ ಬ್ರಾಂಡ್‌ ಭಾರತಕ್ಕೆ ಪರಿಚಿತವಾದ ಅಲ್ಪ ಸಮಯದಲ್ಲೇ ಬಹಳಷ್ಟು ಪ್ರಗತಿ ಸಾಧಿಸಿದೆ. ಒಪ್ಪೋ ಮೊಬೈಲ್‌ ಕಂಪೆನಿಯ ಉಪ ಬ್ರಾಂಡ್‌ ಆಗಿದ್ದ ಇದು, ಈಗ ಪ್ರತ್ಯೇಕ ಬ್ರಾಂಡ್‌ ಆಗಿ, 2018ರ ನವೆಂಬರ್‌ನಿಂದ ಹೊಸ ಲೋಗೋದೊಂದಿಗೆ ತನ್ನ ಮೊಬೈಲ್‌ ಫೋನ್‌ಗಳನ್ನು ಬಿಡುಗಡೆ ಮಾಡುತ್ತಿದೆ. ರಿಯಲ್‌ ಮಿ 1, ರಿಯಲ್‌ಮಿ 2, ರಿಯಲ್‌ ಮಿ ಯೂ 1 ಮತ್ತಿತರ ಫೋನ್‌ ಗಳನ್ನು ಮಾರುಕಟ್ಟೆಗೆ ತಂದು ಆನ್‌ಲೈನ್‌ ಮಾರಾಟದ ಮೂಲಕ ಗ್ರಾಹಕರಿಗೆ
ಮಿತವ್ಯಯದ ದರಕ್ಕೆ ತಕ್ಕಮಟ್ಟಿಗೆ ಉತ್ತಮ ಫೋನ್‌ಗಳನ್ನು ನೀಡುತ್ತಿದೆ.

ಈ ಕಂಪೆನಿಯ ಇನ್ನೊಂದು ಹೊಸ ಮೊಬೈಲ್‌ ರಿಯಲ್‌ಮಿ 3. ಇದು, 10-12 ಸಾವಿರ ರೂ. ವಲಯದ ಆರಂಭಿಕ ಮಧ್ಯಮ ದರ್ಜೆಯ ಫೋನ್‌ ಆಗಿದೆ. ಈ ಮೊಬೈಲ್‌ ಭಾರತಕ್ಕೆ ಬಿಡುಗಡೆಯಾಗಿ ಮೂರು ವಾರಗಳಾಗಿವೆ. ಈ ಅವಧಿಯಲ್ಲಿ 5 ಲಕ್ಷ ಫೋನ್‌ಗಳು ಮಾರಾಟವಾಗಿವೆ ಎಂದುಕಂಪೆನಿ ಹೇಳಿಕೊಂಡಿದೆ. ಫ್ಲಿಪ್ ಕಾರ್ಟ್‌ನಲ್ಲಿ ಫ್ಲಾಶ್‌ಸೇಲ್‌ ಮೂಲಕ ಮಾರಾಟ ಮಾಡಲಾಗುತ್ತಿದೆ. 23,500ಮಂದಿಯ ರೇಟಿಂಗ್‌ನಲ್ಲಿ 5ಕ್ಕೆ 4.5 ಸ್ಟಾರ್‌ಗಳ ರೇಟಿಂಗ್‌ ಇದಕ್ಕೆದೊರೆತಿದೆ. ಅಲ್ಲಿಗೇ ಇದನ್ನುಕೊಂಡ ಗ್ರಾಹಕರಿಗೆ ಈ ಮೊಬೈಲ್‌ ಮೆಚ್ಚುಗೆಯಾಗಿದೆ ಎಂಬುದು ಖಚಿತ.

ಈ ಮೊಬೈಲ್‌ ಯಾವ ಯಾವ ತಾಂತ್ರಿಕ ಅಂಶಗಳನ್ನು ಒಳಗೊಂಡಿದೆ?:
ರಿಯಲ್‌ಮಿ 3 6.2 ಇಂಚಿನ ಎಚ್‌ಡಿ ಪ್ಲಸ್‌, (1520720 ಪಿಕ್ಸಲ್‌, 271 ಪಿಪಿಐ) ವಾಟರ್‌ ಡ್ರಾಪ್‌ ವಿನ್ಯಾಸದ ಪರದೆ ಹೊಂದಿದೆ. ಪರದೆ ಮತ್ತು ಬೆಜೆಲ್ಸ್‌ನ ಅನುಪಾತ 19:9 ಇದೆ. 4 ಜಿಬಿ ರ್ಯಾಮ್‌, 64 ಜಿಬಿ ಆಂತರಿಕ ಸಂಗ್ರಹ ಹಾಗೂ 3ಜಿಬಿ ರ್ಯಾಮ್‌ ಹಾಗೂ 32 ಜಿಬಿ ಆಂತರಿಕ ಸಂಗ್ರಹದ ಎರಡು ಆವೃತ್ತಿಗಳಿವೆ.
ಇದು ಮೀಡಿಯಾಟೆಕ್‌ ಹೀಲಿಯೋ ಪಿ70 ಎಂಟು ಕೋರ್‌ಗಳ ಪ್ರೊಸೆಸರ್‌ ಹೊಂದಿದೆ. (2.1 ಗಿ.ಹ. ಕ್ಲಾಕ್‌ ಸ್ಪೀಡ್‌) ಒಪ್ಪೋ, ವಿವೋ ಮಾತೃ ಕಂಪೆನಿಯದ್ದಾದ ಕಲರ್‌ ಆಪರೇಟಿಂಗ್‌ ಸಿಸ್ಟಂ ಒಳಗೊಂಡಿದೆ. ನೂತನ ಆಂಡ್ರಾಯ್ಡ 9 ಪೈ ಆವೃತ್ತಿ ಹೊಂದಿದೆ. ಎರಡು ಸಿಮ್‌ ಹಾಕಿಕೊಂಡು, ಮೆಮೊರಿ ಕಾರ್ಡ್‌ ಕೂಡ ಹಾಕಿಕೊಳ್ಳಬಹುದು. ಎರಡು ಸಿಮ್‌ ಸ್ಲಾಟ್‌ ಗಳಲ್ಲೂ 4ಜಿ ಸಿಮ್‌ ಹಾಕಿಕೊಳ್ಳಬಹುದು. ಅರ್ಥಾತ್‌ ಜಿಯೋ ವೋಲ್ಟ್ ಸಿಮ್‌ ಹಾಕಿ ಬಳಸಬಹುದು. ಕ್ಯಾಮರಾ ವಿಭಾಗಕ್ಕೆ ಬಂದರೆ 13 ಮತ್ತು 2 ಮೆಗಾ ಪಿಕ್ಸಲ್‌ ಹಿಂಬದಿ ಪ್ರಾಥಮಿಕ ಕ್ಯಾಮರಾ ಇದೆ.

ಸೆಲ್ಫಿಗಾಗಿ 13 ಮೆಗಾಪಿಕ್ಸಲ್‌ ಕ್ಯಾಮರಾ ಇದೆ.ಮೊಬೈಲ್‌ನ ಹಿಂಬದಿಯಲ್ಲಿ ಬೆರಳಚ್ಚು ಸ್ಕ್ಯಾನರ್‌ ಇದೆ. 3.5 ಎಂ.ಎಂ. ಆಡಿಯೋ ಜಾಕ್‌ ಇದೆ. ಮೈಕ್ರೋ ಯುಎಸ್‌ಬಿ ಚಾರ್ಜಿಂಗ್‌ ಪೋರ್ಟ್‌ ಹೊಂದಿದೆ. ಎಲ್ಲ ಸರಿ, ಬ್ಯಾಟರಿ ಎಷ್ಟು ಎಂಬ ,ಕುತೂಹಲ ಇದ್ದೇ ಇರುತ್ತದೆ. ನಿಮ್ಮ ಕುತೂಹಲಕ್ಕೆ ಈ ಮೊಬೈಲ್‌ ಮೋಸ ಮಾಡುವುದಿಲ್ಲ. ಇದು 4230 ಎಂಎಎಚ್‌ ಬ್ಯಾಟರಿ ಹೊಂದಿದೆ! ನಾನು ಹೆವಿ ಯೂಸರ್‌. ನನಗೆ ಜಾಸ್ತಿ ಬ್ಯಾಟರಿ ಇರುವ ಮೊಬೈಲ್‌ ಬೇಕು ಎನ್ನುವಂಥವರು ಈ ಮೊಬೈಲ್‌ ಅನ್ನು ಸಹ ಪರಿಗಣಿಸಬಹುದು.

ಇದರ ದರ ಮಿತವ್ಯಯಕಾರಿಯಾಗಿದೆ. ಅದರಂತೆಯೇ 3 ಜಿಬಿ ರ್ಯಾಮ್‌ 32 ಜಿಬಿ ಆಂತರಿಕ ಸಂಗ್ರಹದ ಆವೃತ್ತಿಗೆ 9 ಸಾವಿರ ರೂ. ಹಾಗೂ 4 ಜಿಬಿ ರ್ಯಾಮ್‌ ಹಾಗೂ 64 ಜಿಬಿ ಆಂತರಿಕ ಸಂಗ್ರಹದ ಆವೃತ್ತಿಗೆ 11 ಸಾವಿರ ರೂ. ಇಡಲಾಗಿದೆ. ಈ ದರದಿಂದಾಗಿಯೇ ಇದು ಚೆನ್ನಾಗಿ ಮಾರಾಟವಾಗಿರುವುದು. ಇದು ಫ್ಲಿಪ್ ಕಾಟ್‌ ನಲ್ಲಿ ಮಾತ್ರ ಲಭ್ಯವಿದ್ದು, ಕಪ್ಪು ಮತ್ತು ನೀಲಿ ಬಣ್ಣಗಳಲ್ಲಿ ದೊರಕುತ್ತದೆ. ಹಾಂ, ತಡೆಯಿರಿ, ರಿಯಲ್‌ ಮಿ ಕಂಪೆನಿ, ಶಿಯೋಮಿ ಕಂಪೆನಿಯ ಜೊತೆ ಪೈಪೋಟಿ ನೀಡಲು ಕಡಿಮೆ ದರಕ್ಕೆ ಫೋನ್‌ ಗಳನ್ನು ನೀಡುತ್ತಿದೆ ಎಂಬುದೇನೋ ನಿಜ. ಆದರೆ….! ಈ ದರಕ್ಕೆ ನೀಡುವ ಸಲುವಾಗಿ ಗುಣಮಟ್ಟದಲ್ಲಿ ಕೆಲವು ರಾಜಿ ಮಾಡಿಕೊಂಡಿದೆ ಎಂಬುದನ್ನೂ ಒಮ್ಮೆ ಗಮನಿಸಿ ಮುಂದುವರೆಯಿರಿ. ಇದರಲ್ಲಿ ಸ್ನಾಪ್‌ಡ್ರಾಗನ್‌ ಪ್ರೊಸೆಸರ್‌ ಇಲ್ಲ. ಕಡಿಮೆ ದರಕ್ಕೆ ಮೊಬೈಲ್‌ ನೀಡಲು ಕೆಲವು ಕಂಪೆನಿಗಳು ಮೀಡಿಯಾಟೆಕ್‌
ಪ್ರೊಸೆಸರ್‌ ಬಳಸುತ್ತವೆ. ಸ್ನಾಪ್‌ಡ್ರಾಗನ್‌ ಗೆ ಹೋಲಿಸಿದರೆ ಮೀಡಿಯಾಟೆಕ್‌ ಪ್ರೊಸೆಸರ್‌ ಗಳು ಕಾರ್ಯಾಚರಣೆಯಲ್ಲಿ ಅಷ್ಟೊಂದು ಮುಂದಿಲ್ಲ. ಇನ್ನು, ರಿಯಲ್‌ಮಿಯಲ್ಲಿ ಇನ್ನೊಂದು ಇಷ್ಟವಾಗದ ಅಂಶವೆಂದರೆ, ಸಾಮಾನ್ಯವಾಗಿ ಈಗಿನ ಮೊಬೈಲ್‌ಗ‌ಳೆಲ್ಲಾ ಲೋಹದ ದೇಹ ಅಥವಾ ಗಾಜಿನ ದೇಹ ಹೊಂದಿರುತ್ತವೆ. ಕಡಿಮೆ ದರಕ್ಕೆ ಕೊಡುವ ಸಲುವಾಗಿ ರಿಯಲ್‌ಮಿ ಪ್ಲಾಸ್ಟಿಕ್‌
ಪ್ಯಾನೆಲ್‌ಗ‌ಳನ್ನು ಬಳಸುತ್ತಿದೆ.

ರಿಯಲ್‌ಮಿ 3 ಕೂಡ ಪ್ಲಾಸ್ಟಿಕ್‌ ದೇಹದ ಫೋನ್‌. ನಿಮಗೆ ಲೋಹ ಅಥವಾ ಗಾಜಿನ ಅನುಭವ ಇದರಲ್ಲಿ ದೊರಕುವುದಿಲ್ಲ. ಈ ದರಕ್ಕೆ ಅನೇಕ ಫೋನ್‌ಗಳು ಫ‌ುಲ್‌ ಎಚ್‌ ಡಿ ಪ್ಲಸ್‌ (19201080) ಪರದೆ ನೀಡುತ್ತಿವೆ. 401 ಪಿಪಿಐ (ಪಿಕ್ಚರ್‌ ಪರ್‌ ಇಂಚ್‌) ಯ ಸಮೃದ್ಧ ಚಿತ್ರಗಳು ದೊರಕುತ್ತವೆ. ಆದರೆ ರಿಯಲ್‌ಮಿ 3 ಯಲ್ಲಿ 1520720 ರೆಸ್ಯೂಲೇಶನ್‌ನ 271 ಪಿಪಿಐ ಪರದೆ ಇದೆ. ಅಂದರೆ ಪರದೆಯಲ್ಲಿ ವಿಡಿಯೋ ಮತ್ತು ಫೋಟೋಗಳು ಅತಿಹೆಚ್ಚು ಸೂಕ್ಷ್ಮತೆ, ಸ್ಪಷ್ಟತೆ ಹೊಂದಿರುವುದಿಲ್ಲ.

ಕೆ.ಎಸ್‌. ಬನಶಂಕರ ಆರಾಧ್ಯ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಅಡಿಕೆಯ ಮರ ನೋಡಿದ ತಕ್ಷಣ ಈಗೀಗ ಕೊಳವೆ ಬಾವಿಯ ಕೇಸಿಂಗ್‌ ಪೈಪ್‌ ನೆನಪಾಗುತ್ತಿದೆ. ವಾರ್ಷಿಕ 400-500 ಮಿಲಿ ಮೀಟರ್‌ ಮಳೆಯಿಲ್ಲದ ಊರಲ್ಲಿಯೂ ಅಡಿಕೆ ಪ್ರೀತಿ ಸಮೂಹ...

  • ಕೃಷಿಯಿಂದ ಏನು ಸಾಧ್ಯ? ಜೀವನ ನಡೆಸೋಕೆ ಆಗುತ್ತಾ ಅಂತ ಮೂಗು ಮುರಿಯೋರಿಗೆ, ರಾಜ್‌ಕುಮಾರರ ಬದುಕೇ ಸಾಕ್ಷಿ. ಬಹುಬೆಳೆ ಪದ್ಧತಿಯಿಂದ ವಾರ್ಷಿಕ ಇವರಿಗೆ 10 ಲಕ್ಷ ಆದಾಯ...

  • ಹಲಸು ಅಂದರೆ ದಪ್ಪ ಕಾಯಿ, ಅಪಾರ ತೊಳೆಗಳು ನೆನಪಿಗೆ ಬರುತ್ತವೆ. ಆದರೆ, ಇಂಥ ಕಾಯಿಯ ಸಾಗಾಣಿಕೆ ಕಷ್ಟ. ಇಲ್ಲೊಂದು ಹಲಸಿದೆ. ಹೆಸರು ಸಿದ್ಧ ಹಲಸು. ನಗರ ಪ್ರದೇಶದವರು...

  • ಪಿಪಿಎಫ್ ಗೆ ಹಣ ಹಾಕಿ ಹದಿನೈದು ವರ್ಷ ಕೈಕಟ್ಟಿ ಕುಳಿತುಕೊಳ್ಳಬೇಕು ಅನ್ನೋದೇನೋ ನಿಜ. ಆದರೆ, ಹೆಚ್ಚಿನ ಬಡ್ಡಿ ಜೊತೆಗೆ ಇದರಿಂದ ಹಲವು ಲಾಭಗಳಿವೆ. ಇವತ್ತು ದೀರ್ಘಾವಧಿ...

  • ಮೊಬೈಲ್‌ಗ‌ಳ 3.5 ಎಂ.ಎಂ. ಕಿಂಡಿಗೆ ಸಿಕ್ಕಿಸುವ ವೈರ್‌ಗಳುಳ್ಳ ಇಯರ್‌ಫೋನ್‌ಗಳ ಜಮಾನ ಮರೆಯಾಗುವ ದಿನಗಳು ದೂರವಿಲ್ಲ. ಈಗೇನಿದ್ದರೂ ಬ್ಲೂಟೂತ್‌ ವೈರ್‌ಲೆಸ್‌...

ಹೊಸ ಸೇರ್ಪಡೆ

  • ರಾಯಚೂರು: ಸಿಎಂ ಎಚ್.ಡಿ.ಕುಮಾರಸ್ವಾಮಿ ಅವರ ಬಹು ನಿರೀಕ್ಷಿತ ಗ್ರಾಮ ವಾಸ್ತವ್ಯ ಕಾರ್ಯಕ್ರಮಕ್ಕೆ ಈ ಬಾರಿ ಮಾನ್ವಿ ಕ್ಷೇತ್ರದ ಕರೇಗುಡ್ಡ ಆಯ್ಕೆಯಾಗಿದೆ. ಅನೇಕ ಸಮಸ್ಯೆಗಳಿಂದ...

  • ಸಿಂದಗಿ: ತಾಲೂಕಿನ ವಿವಿಧ ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ ಪದಾಧಿಕಾರಿಗಳು ಪಟ್ಟಣದ ತಹಶೀಲ್ದಾರ ಕಚೇರಿ ಎದುರು...

  • ಮುದ್ದೇಬಿಹಾಳ: ಈ ಭಾಗದ 85 ವರ್ಷಗಳಷ್ಟು ಹಳೆ ಬೇಡಿಕೆಯಾಗಿರುವ ಆಲಮಟ್ಟಿ ಮುದ್ದೇಬಿಹಾಳ ಯಾದಗಿರಿ ನೂತನ ರೈಲು ಮಾರ್ಗ ಅನುಷ್ಠಾನದ ಕುರಿತು ಜು. 7ರಂದು ಕೇಂದ್ರ ಸರ್ಕಾರ...

  • ಬಸವಕಲ್ಯಾಣ: ಹಿಂದುಳಿದ ಹೈದರಾಬಾದ್‌ ಕರ್ನಾಟಕ ಭಾಗದ ವಿದ್ಯಾರ್ಥಿಗಳಿಗೆ ಶಿಕ್ಷಣ ಮತ್ತು ಉದ್ಯೋಗದಲ್ಲಿ ವಿಶೇಷ ಸ್ಥಾನಮಾನ ಸಿಗಬೇಕು ಎಂಬ ಉದ್ದೇಶದಿಂದ 371(ಜೆ)...

  • ಬೀದರ: ಮುಖ್ಯಮಂತ್ರಿ ಎಚ್.ಡಿ. ಕುಮಾರಸ್ವಾಮಿ ಬಸವಕಲ್ಯಾಣ ತಾಲೂಕಿನ ಉಜಳಂಬ ಗ್ರಾಮಕ್ಕೆ ಜೂ. 27ರಂದು ಭೇಟಿ ನೀಡಿ ಗ್ರಾಮ ವಾಸ್ತವ್ಯ ನಡೆಸಲ್ಲಿದ್ದು, ಬರುವ ಮುನ್ನ...

  • ಕಾರವಾರ: ಆರು ತಿಂಗಳಿಗೊಮ್ಮೆ ವೇತನ ನೀಡಲಾಗುತ್ತಿದೆ. ಯಾವಾಗ ಕೇಳಿದ್ರೂ ಬಜೆಟ್ ಇಲ್ಲ. ಅನುದಾನ ಬಂದಿಲ್ಲ ಎಂದು ಕಳೆದ ಹತ್ತು ವರ್ಷಗಳಿಂದ ಹೇಳುತ್ತಿದ್ದಾರೆ. ನಮ್ಮ...