Udayavni Special

ಬದುಕು ಬದಲಿಸಿದ ಬಲವಾನ್‌ ಈರುಳ್ಳಿ

ಈರುಳ್ಳಿ ಬೀಜ ಮಾರಾಟದಿಂದಲೇ 3 ಲಕ್ಷ ರೂ.

Team Udayavani, Sep 23, 2019, 5:00 AM IST

lead-addur-column-(4)

ಹರಿಯಾಣದ ಭಿವಾನಿ ಜಿಲ್ಲೆಯ ಬಹುಪಾಲು ರೈತರು ಗೋಧಿ ಮತ್ತು ಕಬ್ಬು ಬೆಳೆಯುವವರು. ಕಳೆದ ಕೆಲವು ವರ್ಷಗಳಿಂದ ಅವರಲ್ಲಿ ಅನೇಕರು ಈರುಳ್ಳಿ ಬೆಳೆಯಲು ಶುರು ಮಾಡಿದ್ದಾರೆ. ಅಂತಿಂಥ ಈರುಳ್ಳಿಯಲ್ಲ, 25% ಹೆಚ್ಚು ಇಳುವರಿ ನೀಡುವ “ಬಲವಾನ್‌ ಈರುಳ್ಳಿ’ ತಳಿಯನ್ನು. ಅದನ್ನು ಅಭಿವೃದ್ಧಿ ಪಡಿಸಿದ್ದು ವಿಜ್ಞಾನಿಯಲ್ಲ, ಬಲವಾನ್‌ ಸಿಂಗ್‌ ಎಂಬ ರೈತ!

ರೈತ ಬಲವಾನ್‌ ಸಿಂಗ್‌, 80ರ ದಶಕದಲ್ಲಿ ಉತ್ತಮ ಗುಣಮಟ್ಟದ ಈರುಳ್ಳಿ ಬೀಜಗಳನ್ನು ಖರೀದಿಸಿದ್ದರು. ಆವಾಗಿನಿಂದ ಪ್ರತಿ ಬಾರಿ ಈರುಳ್ಳಿ ಬೆಳೆಯ ಫ‌ಸಲು ಪಡೆದಾಗಲೂ ಆಯಾ ಬಾರಿಯ ಅತ್ಯುತ್ತಮ ಈರುಳ್ಳಿಗಳನ್ನು ಬೀಜಕ್ಕಾಗಿ ತೆಗೆದಿಟ್ಟರು. ಈರುಳ್ಳಿಗಳ ಗಾತ್ರ, ಆಕಾರ ಮತ್ತು ಬಿಗಿತ- ಇವುಗಳ ಆಧಾರದಿಂದ ಅವರ ಆಯ್ಕೆ. ಒಂದಲ್ಲ, ಎರಡಲ್ಲ, ಸುಮಾರು 17 ವರುಷ ಹೀಗೆಯೇ ಮಾಡುತ್ತಾ ಬಂದರು. ಕೊನೆಗೆ ಅತ್ಯುತ್ತಮ ಗುಣಮಟ್ಟದ ಈರುಳ್ಳಿ ತಳಿಯೊಂದನ್ನು ಪಡೆದರು ಬಲವಾನ್‌ ಸಿಂಗ್‌.

ಮಾರಾಟ ಮತ್ತು ಇಳುವರಿ
ಇತರ ತಳಿಗಳಿಗಿಂತ ಈ ಈರುಳ್ಳಿಯ ಎಕರೆವಾರು ಇಳುವರಿ ಅಧಿಕ. ಜೊತೆಗೆ, ಮಾರುಕಟ್ಟೆಯಲ್ಲಿ ಇದಕ್ಕೆ ಅಧಿಕ ಬೆಲೆ. ಅಲ್ಲದೆ, ಇದನ್ನು ಬೆಳೆಸಲು ಕಡಿಮೆ ನೀರು ಮತ್ತು ಕಡಿಮೆ ರಾಸಾಯನಿಕ ಗೊಬ್ಬರ ಸಾಕು (ಸಾವಯವ ಗೊಬ್ಬರ ಜಾಸ್ತಿ ಬೇಕು). ಇಷ್ಟೆಲ್ಲ ಧನಾತ್ಮಕ ಗುಣಗಳಿರುವ ಈರುಳ್ಳಿ ತಳಿ ಈಗ “ಬಲವಾನ್‌ ಈರುಳ್ಳಿ’ ಎಂಬ ಹೆಸರಿನಿಂದಲೇ ಜನಜನಿತವಾಗಿದೆ. ಇದು ಅವರ ಶ್ರಮ ಮತ್ತು ಶ್ರದ್ಧೆಗೆ ಸಂದ ಗೌರವ. ಈಗ, ಈರುಳ್ಳಿ ತಳಿಯ ಬೀಜಗಳ ಮಾರಾಟದಿಂದ ಅವರು ಗಳಿಸುವ ವಾರ್ಷಿಕ ಆದಾಯ ಮೂರು ಲಕ್ಷ ರೂಪಾಯಿ! ಜೊತೆಗೆ, ಎರಡು ಎಕರೆ ಜಮೀನಿನಲ್ಲಿ ಬೆಳೆಸುವ ಈರುಳ್ಳಿ ಫ‌ಸಲಿನ ಮಾರಾಟದಿಂದಲೂ ಅಷ್ಟೇ ಆದಾಯ ಗಳಿಸುತ್ತಾರೆ ಬಲವಾನ್‌ ಸಿಂಗ್‌.

ಬೀಜ ಸಂಗ್ರಹಣೆಯ ತಪಸ್ಸು
ಸುಮಾರು ಎರಡು ದಶಕಗಳ ಮುಂಚೆ ಉತ್ತಮ ಈರುಳ್ಳಿ ತಳಿಗಾಗಿ ಅವರು ಹುಡುಕಾಟ ನಡೆಸಿದ್ದರು- ಅಕ್ಕಪಕ್ಕದ ಗ್ರಾಮಗಳಲ್ಲಿ. ಅದೊಂದು ದಿನ, ದೇಸಿ ಈರುಳ್ಳಿ ತಳಿಯೊಂದರ ಬೀಜ ಖರೀದಿಸಿ ತಂದರು. ಅದರ ಗಾತ್ರ, ಆಕಾರ ಮತ್ತು ಬಿಗಿತ ಆಕರ್ಷಕವಾಗಿತ್ತು. ಆ ಬೀಜಗಳನ್ನು ಜತನದಿಂದ ಬಿತ್ತಿ ಬೆಳೆಸಿದರು. ಮೊದಲ ಪ್ರಯತ್ನದಲ್ಲೇ ಅಧಿಕ ಇಳುವರಿ ಪಡೆದರು. ಅದರಿಂದಾಗಿ ಇದೊಂದು ಉತ್ತಮ ತಳಿ ಎಂಬುದು ಅವರಿಗೆ ಆಗಲೇ ಖಚಿತವಾಯಿತು. ಅನಂತರ 17 ವರ್ಷಗಳ ತಪಸ್ಸು ಶುರುವಾಯಿತು. ಎಂಥ ತಪಸ್ಸು ಎಂದರೆ, ಅತ್ಯುತ್ತಮ ತಳಿಯೊಂದನ್ನು ಅಭಿವೃದ್ಧಿಪಡಿಸಬೇಕೆನ್ನುವ ತಪಸ್ಸು. ಪ್ರತಿಯೊಂದು ಹಂಗಾಮಿನಲ್ಲಿ ಈರುಳ್ಳಿಯ ಇಳುವರಿ ಮತ್ತು ಈರುಳ್ಳಿ ಮಾರಾಟವಾದ ಬೆಲೆಯನ್ನು ದಾಖಲಿಸತೊಡಗಿದರು.

ಬಹುಮಾನ ಮನ್ನಣೆ
ಹರಿಯಾಣ ತೋಟಗಾರಿಕಾ ಇಲಾಖೆ ನಡೆಸಿದ ರಾಜ್ಯಮಟ್ಟದ ಕೃಷಿ ಉತ್ಪನ್ನಗಳ ಸ್ಪರ್ಧೆಯಲ್ಲಿ ಬಲವಾನ್‌ ಈರುಳ್ಳಿ ಪ್ರಥಮ ಬಹುಮಾನ ಗಳಿಸಿತು. 1990ರಿಂದ 1999ರ ವರೆಗೆ ನಿರಂತರವಾಗಿ ಬಹುಮಾನ ಸಿಗುತ್ತಲೇ ಹೋಯಿತು. 2008ರಲ್ಲಿ, ಬಲವಾನ್‌ ಸಿಂಗ್‌ ಅವರ ಅಪೂರ್ವ ಸಾಧನೆಯನ್ನು ಗುರುತಿಸಿದ ರಾಷ್ಟ್ರೀಯ ಆವಿಷ್ಕಾರ ಪ್ರತಿಷ್ಠಾನ (ಎನ್‌ಐಎಫ್) ಅವರಿಗೆ ರಾಷ್ಟ್ರೀಯ ತಳಮಟ್ಟದ ಆವಿಷ್ಕಾರ ಪ್ರಶಸ್ತಿ ನೀಡಿ ಗೌರವಿಸಿತು. ನಾಲ್ಕು ವರ್ಷಗಳ ನಂತರ, ಅವರಿಗೆ ಇದಕ್ಕಾಗಿ ನವದೆಹಲಿಯಲ್ಲಿ ರಾಷ್ಟ್ರಪತಿಗಳ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.

ರಾಷ್ಟ್ರೀಯ ಆವಿಷ್ಕಾರ ಪ್ರತಿಷ್ಠಾನದ ನಿರ್ದೇಶಕರಾದ ಹರ್ದೇವ ಚೌಧರಿ, ಬಲವಾನ್‌ ಸಿಂಗರ ಆವಿಷ್ಕಾರವನ್ನು ಶ್ಲಾಘಿಸಿದರು. ಹರಿಯಾಣ ಕೃಷಿ ವಿಶ್ವವಿದ್ಯಾಲಯ, “ಬಲವಾನ್‌ ಈರುಳ್ಳಿ’ಯ ಗುಣಮಟ್ಟದ ಬಗ್ಗೆ ಪರೀಕ್ಷೆಗಳನ್ನು ನಡೆಸಿ, ಖಚಿತಪಡಿಸಿಕೊಂಡ ನಂತರವೇ ಅದನ್ನು ಇತರ ರೈತರಿಗೆ ಶಿಫಾರಸ್ಸು ಮಾಡುತ್ತಿದೆ ಎಂದು ಅವರು ತಿಳಿಸುತ್ತಾರೆ. ಕರ್ನಾಲಿನ ಕೇಂದ್ರೀಯ ಮಣ್ಣುದ್ದಾರ ಸಂಶೋಧನಾ ಸಂಸ್ಥೆಯ ವಿಜ್ಞಾನಿ ಡಾ. ಆರ್‌.ಕೆ. ಸಿಂಗ್‌, ಬಲವಾನ್‌ ಈರುಳ್ಳಿಯ ಇಳುವರಿ ಇತರ ತಳಿಗಳಿಗಿಂತ ಶೇ. 25 ಅಧಿಕ, ಗಾತ್ರ ಮತ್ತು ಬಾಳಿಕೆಯೂ ಅಧಿಕ ಎಂಬುದನ್ನು ಖಚಿತಪಡಿಸಿದ್ದಾರೆ.

ಪ್ರೇರಣೆ ಪಡೆದ ರೈತರು
ಬಲವಾನ್‌ ಈರುಳ್ಳಿಯ ಯಶೋಗಾಥೆ ಸುದ್ದಿಯಾಗುತ್ತಿದ್ದಂತೆ, ಹಲವಾರು ರೈತರು ಇದರ ಬೀಜಕ್ಕಾಗಿ ಬಲವಾನ್‌ ಸಿಂಗ್‌ರ ಹೊಲಕ್ಕೆ ಭೇಟಿ ನೀಡಲು ತೊಡಗಿದರು. ಇದೇ ಸಂದರ್ಭದಲ್ಲಿ “ಬಲವಾನ್‌ ಈರುಳ್ಳಿ’ ಹೆಸರಿನಲ್ಲಿ ನಕಲಿ ಬೀಜಗಳನ್ನು ಮಾರಾಟ ಮಾಡುವ ವಂಚಕರ ದಂಧೆ ಶುರುವಾಯಿತು. ಆ ಪ್ರತಿಷ್ಠಾನದ ಪರಿಣತರು ಬಲವಾನ್‌ ಈರುಳ್ಳಿಯ ಗುಣಮಟ್ಟದ ಪರೀಕ್ಷೆ ನಡೆಸುವಾಗ, ಈ ಹೆಸರಿನಲ್ಲಿ ಎಂಟು ಬೇರೆಬೇರೆ ತಳಿಗಳ ಬೀಜಗಳು ಮಾರುಕಟ್ಟೆಯಲ್ಲಿ ಲಭ್ಯವಿರುವುದನ್ನು ದಾಖಲಿಸಿದರು.

ಹರಿಯಾಣದ ಬಿವಾನಿ ಜಿಲ್ಲೆಯ ಬಹುಪಾಲು ರೈತರು ಗೋಧಿ ಮತ್ತು ಕಬ್ಬು ಬೆಳೆಯುವವರು. ಕಳೆದ ಕೆಲವು ವರುಷಗಳಿಂದ ಈರುಳ್ಳಿ ಬೆಳೆಯಲು ಶುರು ಮಾಡಿದ್ದಾರೆ. ಒಂದೂವರೆ ಎಕರೆಯಲ್ಲಿ ಇದನ್ನು ಬೆಳೆಸಿದ ಬವಾನಿ ಖೇರಾ ಗ್ರಾಮದ ಧರಮ್‌ಬೀರ್‌ ಸಿಂಗ್‌, ಈ ತಳಿಯ ಉತ್ತಮ ಗುಣಗಳನ್ನೆಲ್ಲ ಖಾತರಿ ಪಡಿಸುತ್ತಾರೆ. ಭಿವಾನಿಯ ಇನ್ನೊಬ್ಬ ರೈತ ರಣಧೀರ್‌ ತ್ಯಾಗಿ, ತಮ್ಮ ಅರ್ಧ ಎಕರೆಯಲ್ಲಿ ಈ ತಳಿ 240 ಕ್ವಿಂಟಾಲ್‌ ಬಂಪರ್‌ ಇಳುವರಿ ನೀಡಿದ್ದನ್ನು ಸಂತಸದಿಂದ ಹೇಳಿಕೊಳ್ಳುತ್ತಾರೆ. ಬಲವಾನ್‌ ಈರುಳ್ಳಿಯಿಂದಾಗಿ ಬಲವಾನ್‌ ಸಿಂಗ್‌ ಅವರ ಬದುಕು ಮಾತ್ರವಲ್ಲ, ಅದನ್ನು ಬೆಳೆದ ಹಲವು ರೈತರ ಬದುಕೂ ಬದಲಾಗಿದೆ.

ಹೆಚ್ಚಿದ ಬೇಡಿಕೆ
1989- 1990ನೇ ಇಸವಿಯಿಂದ, ಉತ್ತಮ ಗುಣಮಟ್ಟದ ಈರುಳ್ಳಿ ಕೊಯ್ಲು ಮಾಡಿದಾಗಿನಿಂದ, ಮಾರುಕಟ್ಟೆಯಲ್ಲಿ ತನ್ನ ಈರುಳ್ಳಿಗೆ ಶೇಕಡಾ 25ರಷ್ಟು ಅಧಿಕ ಬೆಲೆ ಸಿಗುತ್ತಿದೆಯೆಂದು ತಿಳಿಸುತ್ತಾರೆ ಬಲವಾನ್‌ ಸಿಂಗ್‌. ಇತರ ರೈತರ ಫ‌ಸಲು ಕಿಲೋಗೆ 100 ರೂ. ಬೆಲೆಗೆ ಮಾರಾಟವಾದರೆ, ಇವರ ಈರುಳ್ಳಿಯ ಮಾರಾಟ ಬೆಲೆ ಕಿಲೋಗೆ 125 ರೂ. ಕ್ರಮೇಣ, ಸಾವಯವ ಈರುಳ್ಳಿಗೆ ಭಾರೀ ಬೇಡಿಕೆಯಿದೆ ಎಂಬುದನ್ನು ತಿಳಿದುಕೊಂಡರು ಬಲವಾನ್‌ ಸಿಂಗ್‌. ಹಾಗಾಗಿ, ಹಿಸ್ಸಾರ್‌ನ ಹರಿಯಾಣ ಕೃಷಿ ವಿಶ್ವವಿದ್ಯಾಲಯದ ಪರಿಣತರ ಸಲಹೆಯಂತೆ, ಈರುಳ್ಳಿ ಬೆಳೆಗೆ ಕನಿಷ್ಠ ರಾಸಾಯನಿಕ ಗೊಬ್ಬರ ಹಾಕತೊಡಗಿದರು. ಜೊತೆಗೆ, ತಾನೇ ತಯಾರಿಸಿದ ಸಾವಯವ ಗೊಬ್ಬರ ಬಳಸತೊಡಗಿದರು.

-ಅಡ್ಡೂರು ಕೃಷ್ಣ ರಾವ್‌

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಕೋವಿಡ್ ವಿರುದ್ಧ ಹೋರಾಡುತ್ತಿರುವ ವೈದ್ಯರಿಗೆ ಸರಕಾರ 2 ತಿಂಗಳ ಸಂಬಳ ನೀಡಿಲ್ಲ: ಖಾದರ್ ಆರೋಪ

ಕೋವಿಡ್ ವಿರುದ್ಧ ಹೋರಾಡುತ್ತಿರುವ ವೈದ್ಯರಿಗೆ ಸರಕಾರ 2 ತಿಂಗಳ ಸಂಬಳ ನೀಡಿಲ್ಲ: ಖಾದರ್ ಆರೋಪ

ಕೋಟ ಹೋಬಳಿಯ ಬಾರಿಕೆರೆ, ವಂಡಾರು ಮಾರ್ವಿಯಲ್ಲಿ ಇಬ್ಬರಿಗೆ ಕೋವಿಡ್ ಸೋಂಕು ಪತ್ತೆ; ಸೀಲ್ ಡೌನ್

ಕೋಟ ಹೋಬಳಿಯ ಬಾರಿಕೆರೆ, ವಂಡಾರು ಮಾರ್ವಿಯಲ್ಲಿ ಇಬ್ಬರಿಗೆ ಕೋವಿಡ್ ಸೋಂಕು ಪತ್ತೆ; ಸೀಲ್ ಡೌನ್

ತೆಕ್ಕಟ್ಟೆ: ಚಾಲಕನ ನಿಯಂತ್ರಣ ತಪ್ಪಿ ಡಿವೈಡರ್ ಏರಿ ನಿಂತ ಲಾರಿ

ತೆಕ್ಕಟ್ಟೆ: ಚಾಲಕನ ನಿಯಂತ್ರಣ ತಪ್ಪಿ ಡಿವೈಡರ್ ಏರಿ ನಿಂತ ಲಾರಿ

ರಾಜ್ಯದಲ್ಲಿ ಭಾನುವಾರ ಸಂಪೂರ್ಣ ಲಾಕ್ ಡೌನ್ ಇಲ್ಲ; ಮುಖ್ಯಮಂತ್ರಿ ಬಿಎಸ್ ವೈ ಸ್ಪಷ್ಟನೆ

ರಾಜ್ಯದಲ್ಲಿ ಭಾನುವಾರ ಸಂಪೂರ್ಣ ಲಾಕ್ ಡೌನ್ ಇಲ್ಲ; ಮುಖ್ಯಮಂತ್ರಿ ಬಿಎಸ್ ವೈ ಸ್ಪಷ್ಟನೆ

ಜೆಪಿ ಡ್ಯುಮಿನಿಯ ಸಾರ್ವಕಾಲಿಕ ಐಪಿಎಲ್ ತಂಡದಲ್ಲಿ ಧೋನಿಗೆ ಜಾಗವಿಲ್ಲ!

ಜೆಪಿ ಡ್ಯುಮಿನಿಯ ಸಾರ್ವಕಾಲಿಕ ಐಪಿಎಲ್ ತಂಡದಲ್ಲಿ ಧೋನಿಗೆ ಜಾಗವಿಲ್ಲ!

ಕೋವಿಡ್ ವಿರುದ್ಧ ಹೋರಾಟಕ್ಕಿಳಿದ ವಾಯುಪಡೆಯ ಚಿನೂಕ್‌ ಹೆಲಿಕಾಪ್ಟರ್‌ಗಳು

ಕೋವಿಡ್ ವಿರುದ್ಧ ಹೋರಾಟಕ್ಕಿಳಿದ ವಾಯುಪಡೆಯ ಚಿನೂಕ್‌ ಹೆಲಿಕಾಪ್ಟರ್‌ಗಳು

ವಿಶ್ವ ಆರೋಗ್ಯ ಸಂಸ್ಥೆ ಜೊತೆಗೆ ಸಂಬಂಧ ಕಡಿದುಕೊಂಡ ಅಮೇರಿಕ

ವಿಶ್ವ ಆರೋಗ್ಯ ಸಂಸ್ಥೆ ಜೊತೆಗೆ ಸಂಬಂಧ ಕಡಿದುಕೊಂಡ ಅಮೇರಿಕ

ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

reela reallla

ರೀಲಾ, ರಿಯಲ್ಲಾ?: ರಿಯಲ್‌ ಎಸ್ಟೇಟ್‌ ಸ್ಥಿತಿಗತಿ

tenta-banta

ತೆಂತಾ ಬಂತಾ?

score-yesht

ಸ್ಕೋರ್‌ ಎಷ್ಟಾಯ್ತು?

dablu s

ಸೂಪರ್‌ ಟ್ರೈಬರ್‌: ಲಾಕ್‌ಡೌನ್‌ ನಡುವೆಯೇ ರಿಲೀಸ್‌ ಆಯ್ತು ಕಾರು!

lat fan

ಮಡಚುವ ಫ್ಯಾನ್‌!

MUST WATCH

udayavani youtube

COVID-19 : ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವ Homeopathy Medicine | Udayavani

udayavani youtube

Preserving the heritage -World Famous Udupi Mattugulla Documentary by Udayavani

udayavani youtube

Mattu ಗದ್ದೆಯಲ್ಲಿ ಕೃಷಿಯ ಆಟಕ್ಕಿಳಿದ Football ಆಟಗಾರ Yashodara

udayavani youtube

ಪಶುಸಂಗೋಪನೆಯಲ್ಲಿ ಯಶಸ್ವಿಯಾದ Uttam Agro Industries Poultry Farming Success Story

udayavani youtube

ಈ ಮನೆಯಲ್ಲಿದೆ ಬೀದಿನಾಯಿಗಳಿಗೆ ಪ್ರೀತಿಯ ಆಸರೆ | Udayvani

ಹೊಸ ಸೇರ್ಪಡೆ

30-May-04

ಊರಿಗೆ ಮರಳಿದ 139 ವಲಸೆ ಕಾರ್ಮಿಕರು

ಕೋವಿಡ್ ವಿರುದ್ಧ ಹೋರಾಡುತ್ತಿರುವ ವೈದ್ಯರಿಗೆ ಸರಕಾರ 2 ತಿಂಗಳ ಸಂಬಳ ನೀಡಿಲ್ಲ: ಖಾದರ್ ಆರೋಪ

ಕೋವಿಡ್ ವಿರುದ್ಧ ಹೋರಾಡುತ್ತಿರುವ ವೈದ್ಯರಿಗೆ ಸರಕಾರ 2 ತಿಂಗಳ ಸಂಬಳ ನೀಡಿಲ್ಲ: ಖಾದರ್ ಆರೋಪ

30-May-03

ಸಾಂಸ್ಥಿಕ ಕ್ವಾರಂಟೈನ್‌ನಿಂದ ಮನೆಗೆ

30-May-02

ಸಾಮಗ್ರಿ ವಿತರಣೆ: ಸಾಮಾಜಿಕ ಅಂತರ ಮಾಯ

30-May-01

ಕ್ವಾರಂಟೈನ್‌ದಿಂದ ಮನೆಗೆ ಹೋದವರಿಗೆ ಸೋಂಕು

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.