ಆ್ಯಡು ಹುಟ್ಟಿದ ಸಮಯ; ಜನ ಮೆಚ್ಚಿದ ಜಾಹೀರಾತುಗಳು!


Team Udayavani, Nov 18, 2019, 5:45 AM IST

TV

ರೇಡಿಯೊಗಳಲ್ಲಿ, ಟಿ.ವಿ.ಗಳಲ್ಲಿ, ಪ್ರಸಾರಗೊಳ್ಳುವ ಜಾಹೀರಾತುಗಳು ಕೆಲವೇ ಸೆಕೆಂಡುಗಳ ಅವಧಿಯದ್ದಾಗಿರಬಹುದು. ಆದರೆ, ಅದು ತಂದು ಕೊಡುವ ಲಾಭ ಮಾತ್ರ ಕೋಟ್ಯಂತರ ರುಪಾಯಿ ಬೆಲೆಯದ್ದು. ಅಷ್ಟು ಚಿಕ್ಕ ಅವಧಿಯ ವಿಡಿಯೋ- ಆಡಿಯೋ ಕ್ಲಿಪ್‌ ಒಂದು ಇಡೀ ಸಮುದಾಯದ, ಒಂದಿಡೀ ತಲೆಮಾರಿನ ಜನರ ಜೀವನದ ಪ್ರಮುಖ ಘಟ್ಟವನ್ನೇ ನೆನಪಿಸುವುದು ಅಚ್ಚರಿಯೇ ಸರಿ. ಸಂಸ್ಥೆಗಳಿಗೆ ಲಾಭ ತಂದುಕೊಟ್ಟಿದ್ದೇ ಅಲ್ಲದೆ, ಜನರ ಮನದಲ್ಲಿ ಉತ್ಪನ್ನಗಳನ್ನು ಬೇರೂರುವಂತೆ ಮಾಡಿದ ಆ್ಯಡ್‌ಗಳು ಹಲವಾರಿವೆ. ಅವುಗಳಲ್ಲಿ ಕೆಲವನ್ನು ಆರಿಸಿ ನಿಮ್ಮ ಮುಂದಿಡುತ್ತಿದ್ದೇವೆ. ಇವು ಓದುಗರನ್ನು ದಶಕಗಳ ಹಿಂದಿನ ಕಾಲಕ್ಕೆ ಕೊಂಡೊಯ್ಯಲಿವೆ.

ಲೈಫ್ ಬಾಯ್‌
ಲೈಫ್ಬಾಯ್‌ ಎಲ್ಲಿದೆಯೋ,ಅಲ್ಲಿದೆ ಆರೋಗ್ಯ
ಕೆಂಪು ಬಣ್ಣದ ಸಾಬೂನನ್ನು ಹಳ್ಳಿ ಹಳ್ಳಿಗಳಲ್ಲೂ, ನಗರ ಪ್ರದೇಶಗಳ ಮನೆಗಳ ಬಾತ್‌ರೂಮುಗಳಲ್ಲೂ ಕಾಣುವಂತೆ ಮಾಡಿದ ಶ್ರೇಯ “ಲೈಫ್ಬಾಯ್‌ ಎಲ್ಲಿದೆಯೋ, ಅಲ್ಲಿದೆ ಆರೋಗ್ಯ’ ಜಾಹೀರಾತಿನದ್ದು. ರೇಡಿಯೊಗಳಲ್ಲಿ, ದೂರದರ್ಶನ ಚಾನೆಲ್‌ನಲ್ಲಿ ಲೈಫ್ಬಾಯ್‌ ಜಾಹೀರಾತು ಸರ್ವೇಸಾಮಾನ್ಯವಾಗಿತ್ತು.
ಏಜೆನ್ಸಿ- ಲೋವೆ ಲಿಂಟಾಸ್‌ 1964

ಲಕ್ಸ್‌
ಫಿಲಿ¾ ಸಿತಾರೋಂ ಕಾ ಸೌಂದರ್ಯ ಸಾಬೂನ್‌ (ಸಿನಿಮಾ ತಾರೆಯರ ಸೌಂದರ್ಯ ಸಾಬೂನು)
ಹಾಲಿನ ಬಾತ್‌ ಟಬ್‌ನಲ್ಲಿ ಸ್ನಾನ ಮಾಡುವ ಬಾಲಿವುಡ್‌ ನಟಿಯರ ಜಾಹೀರಾತು ಲಕ್ಸ್‌ ಬ್ರ್ಯಾಂಡನ್ನು ಭಾರತೀಯರ ಮನಸ್ಸಿನಲ್ಲಿ ಅಚ್ಚೊತ್ತಿ ನಿಲ್ಲಿಸಿಬಿಟ್ಟಿತು. 1941ರಲ್ಲಿ ಬಾಲಿವುಡ್‌ ನಟಿ ಲೀಲಾ ಚಿಟ್ನಿಸ್‌ರಿಂದ ಆ ಪರಿಪಾಠ ಶುರುವಾಯಿತು. ನಂತರ, ಆಯಾ ಕಾಲಘಟ್ಟದ ಪ್ರಖ್ಯಾತ ಸಿನಿಮಾ ನಟಿಯರನ್ನೇ ತನ್ನ ಜಾಹೀರಾತಿನಲ್ಲಿ ಬಳಸಿಕೊಳ್ಳುವುದು ಲಕ್ಸ್‌ನ ಟ್ರೇಡ್‌ ಮಾರ್ಕ್‌ ಆಗಿಬಿಟ್ಟಿತು. ಡ್ರೀಮ್‌ ಗರ್ಲ್ ಹೇಮಾ ಮಾಲಿನಿಯೂ ಲಕ್ಸ್‌ ಗರ್ಲ್ ಆಗಿ ಕಾಣಿಸಿಕೊಂಡಿದ್ದರು.
ಏಜೆನ್ಸಿ- ಜೆ.ಡಬ್ಲ್ಯು.ಟಿ 1941

ಅಮುಲ್‌ ಬಟರ್‌
ಬೆಣ್ಣೆಗೆ ಪರ್ಯಾಯ ಚಿತ್ರವೊಂದಿದ್ದರೆ ಅದು ಅಮುಲ್‌ ಜಾಹೀರಾತಿನಲ್ಲಿ ಬರುವ ಹುಡುಗಿಯದ್ದು. ಅಮುಲ್‌ ಗರ್ಲ್ ಎಂದೇ ಹೆಸರಾಗಿರುವ ಕಾಟೂìನ್‌ ಚಿತ್ರವನ್ನು ರಚಿಸಿದ್ದು, ಕಲಾವಿದರಾದ ಸಿಲ್ವೆಸ್ಟರ್‌ ಡ ಕುನ್ಹಾ ಮತ್ತು ಯುಸ್ಟೇಸ್‌ ಫೆರ್ನಾಂಡಿಸ್‌. ರಾಷ್ಟ್ರೀ ಯ, ಜಾಗತಿಕ ವಿದ್ಯಮಾನಗಳಿಗೆ ತಕ್ಕಂತೆ ಛಡಿಯೇಟಿನಂಥ ಜಾಹೀರಾತುಗಳನ್ನು ರೂಪಿಸುವುದು ಅಮುಲ್‌ ಜಾಹೀರಾತು ಸರಣಿಯ ವೈಶಿಷ್ಟé. ಸಿನಿಮಾಗಳಲ್ಲಿ, ನಾಟಕಗಳಲ್ಲಿ ಅಷ್ಟೇ ಯಾಕೆ; ಜನರ ಬಾಯಿಮಾತಿನಲ್ಲಿಯೂ “ಅಮುಲ್‌ ಗರ್ಲ್’ ಎಂಬ ನುಡಿಗಟ್ಟೇ ಸೃಷ್ಟಿಯಾಗಿರುವುದು ಈ ಜಾಹೀರಾತುಗಳ ಯಶಸ್ಸಿಗೆ ಸಾಕ್ಷಿ.
ಎಜೆನ್ಸಿ- ಎಎಸ್‌ಪಿ 1966

ನಿರ್ಮಾ
ಹೇಮಾ, ರೇಖಾ, ಜಯಾ ಔರ್‌ ಸುಷ್ಮಾ, ಸಬ್‌ ಕೀ ಪಸಂದ್‌ ನಿರ್ಮಾ ಶ್ವೇತ ವರ್ಣದ ಫ್ರಾಕನ್ನು ಉಟ್ಟ ಪುಟ್ಟ ಹುಡುಗಿಯ ಚಿತ್ರವಿದ್ದ ನಿರ್ಮಾ ಬಟ್ಟೆ ಸಾಬೂನಿನ ಜಾಹೀರಾತು, ಪ್ರತಿನಿತ್ಯ ರೇಡಿಯೊಗಳಲ್ಲಿ ಪ್ರಸಾರಗೊಳ್ಳುತ್ತಿತ್ತು. ಒಂದು ಬರವಣಿಗೆಯ ಸಾಲು ಜನರನ್ನು ಅದೆಷ್ಟು ಮೋಡಿ ಮಾಡಬಲ್ಲದು ಎನ್ನುವುದಕ್ಕೆ ನಿರ್ಮಾದ ಟ್ಯಾಗ್‌ ಲೈನ್‌ ಅತ್ಯುತ್ತಮ ಉದಾಹರಣೆ. ಸಾಲು ಮಾತ್ರವಲ್ಲ, ಅದರ ಹಿನ್ನೆಲೆ ಸಂಗೀತವೂ ಅದಕ್ಕೆ ಪೂರಕವಾಗಿದೆ. ಈ ಜಾಹೀರಾತು, ಅಹಮದಾಬಾದ್‌ ಮೂಲದ ನಿರ್ಮಾ ಉತ್ಪನ್ನವನ್ನು ರಾಷ್ಟ್ರಮಟ್ಟದಲ್ಲಿ ಪ್ರಖ್ಯಾತಗೊಳಿಸಿತು. ನಿರ್ಮಾ ಸಂಸ್ಥೆಯ ಮಾಲೀಕರ ಮಗಳೇ ನಿರ್ಮಾ ಚಿತ್ರಕ್ಕೆ ರೂಪದರ್ಶಿ ಎಂಬುದು ಮತ್ತೂಂದು ವಿಶೇಷ.
ಏಜೆನ್ಸಿ- ಪೂರ್ಣಿಮಾ 1980ರ ದಶಕ

ರಸ್ನಾ
ಐ ಲವ್‌ ಯೂ ರಸ್ನಾ
ಹಿಂದೆಲ್ಲಾ ಯಾರದೇ ಮನೆಗೆ ಹೋದರೂ ಗಾಜಿನ ಲೋಟಗಳಲ್ಲಿ ಕೆಂಪು, ಹಳದಿ ಬಣ್ಣದ ತಂಪು ಪಾನೀಯಗಳನ್ನು ಟ್ರೇನಲ್ಲಿ ಇಟ್ಟು ಕೊಡುತ್ತಿದ್ದರು. ಅದು ನೂರಕ್ಕೆ ನೂರು ಪ್ರತಿಶತ ರಸ್ನಾ ಆಗಿರುತ್ತಿತ್ತು. ಆಗಿನ್ನೂ ಬಾಟಲಿ ಪಾನೀಯಗಳು ಮನೆಗಳಲ್ಲಿ ಸ್ಥಾನ ಪಡೆದಿದರಲಿಲ್ಲ. ಆ ಸಮಯದಲ್ಲಿ ರಸ್ನಾವನ್ನು ಮನೆ ಮನೆಗಳಲ್ಲೂ ಕಾಣಬಹುದಿತ್ತು. ಅದರ ಜಾಹೀರಾತಿನಲ್ಲಿ ಮುದ್ದಾದ ಪುಟ್ಟ ಹುಡುಗಿಯೊಬ್ಬಳು “ಐ ಲವ್‌ ಯೂ ರಸ್ನಾ’ ಎಂದು ಹೇಳುತ್ತಾ,ಅದನ್ನು ಭಾರತೀಯರ ಪ್ರೀತಿಯ ಪೇಯವಾಗಿಸುವಲ್ಲಿ ಮುಖ್ಯ ಪಾತ್ರ ವಹಿಸಿದ್ದಳು.
ಏಜೆನ್ಸಿ- ಮುದ್ರಾ ಕಮ್ಯುನಿಕೇಷನ್ಸ್‌ 1980ರ ದಶಕ

ಮ್ಯಾಗಿ
ಟೂ ಮಿನಿಟ್‌ ಪ್ರಾಮಿಸ್‌(ಎರಡು ನಿಮಿಷದ ವಾಗ್ಧಾನ)
ನೆಸ್ಲೆ ಸಂಸ್ಥೆಯ ಮ್ಯಾಗಿಯ ಹಳದಿ ಪ್ಯಾಕೆಟ್ಟುಗಳು ಇಂದು ಬಾರತೀಯರ ಅಡುಗೆಮನೆಯನ್ನು ಆಕ್ರಮಿಸಿರಬಹುದು. ಅದಕ್ಕೆ ಕಾರಣವಾದುದು “ಟೂ ಮಿನಿಟ್‌ ಪ್ರಾಮಿಸ್‌’ ಜಾಹೀರಾತು ಸರಣಿ. ಕೇವಲ ಎರಡೇ ನಿಮಿಷಗಳಲ್ಲಿ ಬ್ರೇಕ್‌ಫಾಸ್ಟ್‌ ತಯಾರು ಮಾಡುವುದಾಗಿ ಮಕ್ಕಳಿಗೆ ಮಾತು ಕೊಡುವ ಅಮ್ಮ, ಆ ಮಾತನ್ನು ಉಳಿಸಿಕೊಳ್ಳುವ ಕಥೆ ಜಾಹೀರಾತಿನದ್ದು.
ಏಜೆನ್ಸಿ- ಜೆ.ಡಬ್ಲ್ಯು.ಟಿ 1980 ದಶಕ

ಕೈನೆಟಿಕ್‌ ಲೂನಾ
ಚಲ್‌ ಮೇರಿ ಲೂನಾ
ನಮ್ಮಲ್ಲಿ ಇಂದಿಗೂ ಮೊಪೆಡ್‌ ದ್ವಿಚಕ್ರ ವಾಹನಗಳನ್ನು ಕೈನೆಟಿಕ್‌ ಎಂದೇ ಕರೆಯುವವರಿದ್ದಾರೆ. ಅಂದರೆ ಮೊಪೆಡ್‌ ಎನ್ನುವುದಕ್ಕೆ ಪರ್ಯಾಯ ಅರ್ಥವಾಗಿ ಹೋಗಿಬಿಟ್ಟಿದೆ ಕೈನೆಟಿಕ್‌. ದಶಕಗಳ ಹಿಂದೆ 50 ಸಿ.ಸಿ.ಯ ಕೈನೆಟಿಕ್‌ ಲೂನಾ ಮೊಪೆಡ್‌ಅನ್ನು ಮನೆ ಮಾತಾಗಿಸಿದ್ದು “ಚಲ್‌ ಮೇರಿ ಲೂನಾ’ ಜಾಹೀರಾತು ಸರಣಿ. ಅದುವರೆಗೂ ಸೈಕಲ್‌ನಲ್ಲಿ ಪ್ರಯಾಣಿಸುತ್ತಿದ್ದ ಭಾರತೀಯರನ್ನು ಲೂನಾ ಕೊಳ್ಳುವಂತೆ ಪ್ರಚೋದಿಸಿದ್ದು ಇದರ ಹೆಗ್ಗಳಿಕೆ.
ಏಜೆನ್ಸಿ- ಒಗಿಲ್ವಿ ಅಂಡ್ ಮ್ಯಾಥರ್‌1984

ಬಜಾಜ್‌
ಹಮಾರಾ ಬಜಾಜ್‌
ಬಜಾಜ್‌ನ “ಹಮಾರಾ ಬಜಾಜ್‌’ ಜಾಹೀರಾತು ಸರಣಿಯನ್ನು ದೇಶವನ್ನು ಒಗ್ಗೂಡಿಸುವ ಮಟ್ಟಿಗೆ ಯಶಸ್ಸು ಪಡೆದ ಜಾಹೀರಾತು ಎಂದರೆ ಅತಿಶಯೋಕ್ತಿಯಿಲ್ಲ. ಈ ಸರಣಿಯಲ್ಲಿ ವಿವಿಧ ಧರ್ಮಗಳ, ವಿವಿಧ ಉದ್ಯೋಗಸ್ಥರ, ವಿವಿಧ ಪ್ರದೇಶಗಳ ಜನರು ಬಜಾಜ್‌ಅನ್ನು ಚಲಾಯಿಸುತ್ತಿರುವಂತೆ ತೋರಿಸಲಾಗಿತ್ತು.
ಏಜೆನ್ಸಿ- ಲೋವೆ ಲಿಂಟಾಸ್‌ 1989

ರೇಮಂಡ್‌
ದಿ ಕಂಪ್ಲೀಟ್‌ ಮ್ಯಾನ್‌
ಒಬ್ಬ ಜೆಂಟಲ್‌ಮ್ಯಾನ್‌ ಹೇಗಿರುತ್ತಾನೆ ಎನ್ನುವುದನ್ನು ಮನ ಮುಟ್ಟುವಂತೆ ತೆರೆ ಮೇಲೆ ತೋರಿಸುತ್ತಲೇ ವಸ್ತ್ರ ತಯಾರಿಕಾ ಸಂಸ್ಥೆಯೊಂದನ್ನು ಭಾರತದಾದ್ಯಂತ ಪ್ರಚುರ ಪಡಿಸಿದ್ದು “ದಿ ಕಂಪ್ಲೀಟ್‌ ಮ್ಯಾನ್‌’ ಜಾಹೀರಾತು ಸರಣಿ. ಕೌಟುಂಬಿಕ ಸುಖ ಸಂತೋಷಗಳಲ್ಲಿ, ಕಷ್ಟದಲ್ಲಿ ಭಾಗಿಯಾಗುತ್ತಾ, ಹೆಣ್ಮಕ್ಕಳನ್ನು ಗೌರವದಿಂದ ಕಾಣುವವನೇ ನಿಜವಾದ ಜೆಂಟಲ್‌ವುನ್‌ ಎನ್ನುವುದನ್ನು ಸೂಚ್ಯವಾಗಿ ತಿಳಿಸಿತ್ತು ಈ ಜಾಹೀರಾತು.
ಏಜೆನ್ಸಿ- ನೆಕ್ಸಸ್‌ 1992

ಫೆವಿಕಾಲ್‌
ಅಂಟು ತಯಾರಕ ಸಂಸ್ಥೆ ಫೆವಿಕಾಲ್‌ ಅಂಟನ್ನು ಮನುಷ್ಯ ಸಂಬಂಧಗಳಿಗೆ ಹೋಲಿಸುತ್ತಲೇ ಭಾವಪೂರ್ಣ ಜಾಹೀರಾತುಗಳನ್ನು ಪ್ರಸಾರಗೊಳಿಸಿ ಮಾರುಕಟ್ಟೆಯನ್ನು ವಿಸ್ತರಿಸಿಕೊಂಡಿತು. ಇಂದಿಗೂ ಅಂಗಡಿಗಳಲ್ಲಿ ಅಂಟು ಕೊಡಿ ಎನ್ನುವುದಕ್ಕೆ ಬದಲಾಗಿ “ಫೆವಿಕಾಲ್‌ ಕೊಡಿ’ ಎಂದೇ ಹೇಳುವುದು ರೂಢಿಯಲ್ಲಿದೆ. ಅದರ ಶ್ರೇಯ ಜಾಹೀರಾತುಗಳಿಗೂ ಸಲ್ಲಬೇಕು. ಪೆವಿಕಾಲ್‌ ಜಾಹೀರಾತುಗಳಲ್ಲಿ ಬಾಂಧವ್ಯ ಮಾತ್ರವಲ್ಲದೆ, ವ್ಯಂಗ್ಯವನ್ನೂ ವಸ್ತುವನ್ನಾಗಿಸಿರುವುದನ್ನು ಕಾಣಬಹುದು. ಫೆವಿಕ್ವಿಕ್‌ ಬಳಸಿ ಕ್ಷಣ ಮಾತ್ರದಲ್ಲಿ ಮೀನು ಹಿಡಿಯುವ ಜಾಹೀರಾತು ಅದಕ್ಕೆ ಉತ್ತಮ ಉದಾಹರಣೆ.
ಏಜೆನ್ಸಿ- ಒಗಿಲ್ವಿ ಅಂಡ್ ಮ್ಯಾಥರ್‌1998

ಕೋಕಾ ಕೋಲಾ
ಥಂಡಾ ಮತ್ಲಬ್‌ ಕೋಕಾ ಕೋಲಾ
ಮೊತ್ತ ಮೊದಲ ಬಾರಿಗೆ ಅಂತಾರಾಷ್ಟ್ರೀಯ ಮಟ್ಟದ ಪೇಯ ತಯಾರಕ ಸಂಸ್ಥೆ ಕೋಕಾ ಕೋಲಾ ಭಾರತದ ಯುವಪೀಳಿಗೆಯನ್ನು ತಲುಪಲು ಸಾಧ್ಯವಾಗಿದ್ದು ಈ ಜಾಹೀರಾತಿನ ಮೂಲಕ. ಆ ಜಾಹೀರಾತಿನಲ್ಲಿ ನಟ ಆಮೀರ್‌ ಖಾನನ ಬಾಯಲ್ಲಿ ಹೇಳಿಸಿದ ಟ್ಯಾಗ್‌ ಲೈನ್‌ “ಥಂಡಾ ಮತ್ಲಬ್‌ ಕೋಕಾ ಕೋಲಾ’. ತಂಪು ಪಾನೀಯ ಎಂದರೆ ಕೋಕಾ ಕೋಲ ಎನ್ನುವುದು ಅದರ ಅರ್ಥ. ಅರ್ಥ ಸರಳವಾಗಿದ್ದರೂ ಹೇಳುವ ಧಾಟಿ ಮತ್ತು ಅದರ ಹಿಂದಿದ್ದ ಲಯ ಅದನ್ನು ಭಾರತದಲ್ಲಿ ಪ್ರಖ್ಯಾತವಾಗಿಸಿತು. ಕೋಲಾ ಕೈಯಲ್ಲಿ ಹಿಡಿದು ಟ್ಯಾಗ್‌ ಲೈನ್‌ ಹೇಳುವ ಪರಿಪಾಠ, ಸಂಸ್ಥೆಯ ಬೆಳವಣಿಗೆಗೆ ಸಹಕಾರಿಯಾಗಿತ್ತು.
ಏಜೆನ್ಸಿ- ಮೆಕ್‌ಕ್ಯಾನ್‌- ಎರಿಕ್‌ಸನ್‌ 2002

-ಹರ್ಷವರ್ಧನ್‌ ಸುಳ್ಯ

ಟಾಪ್ ನ್ಯೂಸ್

cm-bommai

ಬೆಂಗಳೂರು; ಕೆರೆ ಪ್ರದೇಶದಲ್ಲಿ ಮನೆ ಕಟ್ಟಲು ಅವಕಾಶವಿಲ್ಲ : ಸಿಎಂ ಬೊಮ್ಮಾಯಿ

1-ddsad

ಮಳೆಯ ಆರ್ಭಟ : ತೀರ್ಥಹಳ್ಳಿ ಗದ್ದೆಯ ಹೊಂಡದಲ್ಲಿ ಬಿದ್ದು ವ್ಯಕ್ತಿ ಸಾವು

cm-@-3

ಸಿಎಂ ದಾವೋಸ್ ಪ್ರವಾಸ ಡೌಟು?; ಇಂದು ದಿಲ್ಲಿಗೆ ಹಠಾತ್ ಭೇಟಿ!

ಭಾರತದಲ್ಲಿ 24 ಗಂಟೆಯಲ್ಲಿ 2,259 ಕೋವಿಡ್ ಪ್ರಕರಣ ದೃಢ, ಸಕ್ರಿಯ ಪ್ರಕರಣ 15,044ಕ್ಕೆ ಇಳಿಕೆ

ಭಾರತದಲ್ಲಿ 24 ಗಂಟೆಯಲ್ಲಿ 2,259 ಕೋವಿಡ್ ಪ್ರಕರಣ ದೃಢ, ಸಕ್ರಿಯ ಪ್ರಕರಣ 15,044ಕ್ಕೆ ಇಳಿಕೆ

shobha-karandlaje

ಇಡೀ ದೇಶದಲ್ಲಿ ಕೃಷಿ ಭೂಮಿ ಸೈಟ್ ಗಳಾಗುತ್ತಿದೆ : ಸಚಿವೆ ಶೋಭಾ ಕರಂದ್ಲಾಜೆ ಆತಂಕ

1-adasda

ಬೆಂಗಳೂರು ವಿಮಾನ ನಿಲ್ದಾಣಕ್ಕೆ ಹುಸಿ ಬಾಂಬ್ ಕರೆ : ಮೂರೂವರೆ ಗಂಟೆಗಳ ಹುಡುಕಾಟ

thumb 6

ಎಲ್ಲಾದರು ಇರು…ಕೆನಡಾ ಸಂಸತ್ ನಲ್ಲಿ ಕನ್ನಡ ಕಲರವ; ವಿಡಿಯೋ ವೈರಲ್



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

Untitled-1

ಪದವೀಧರನ ಕೈ ಹಿಡಿದ ಜೇನು ಕೃಷಿ

article about life story

ಬದುಕು ಕೊಟ್ಟ ಜೋಳದ ರೊಟ್ಟಿ!

suggestion to the sugarcane grower

ಕಬ್ಬು ಬೆಳೆವವರಿಗೆ ಕಿವಿಮಾತು

Oppo F19

ಒಪ್ಪಬಹುದಾದ ಒಪ್ಪೋ ಎಫ್19

ಏಪ್ರಿಲ್‌ನಲ್ಲಿ ಕಾರುಗಳ ಸುಗ್ಗಿ

ಏಪ್ರಿಲ್‌ನಲ್ಲಿ ಕಾರುಗಳ ಸುಗ್ಗಿ

MUST WATCH

udayavani youtube

ಎಸ್ಸೆಸ್ಸೆಲ್ಸಿ ಫಲಿತಾಂಶ : ಶಿರಸಿ ಸರಕಾರಿ ಶಾಲಾ ವಿದ್ಯಾರ್ಥಿಗಳ ಸಾಧನೆ

udayavani youtube

ಒಳ್ಳೆಯ ಆರೋಗ್ಯಕ್ಕೆ ಯಾವ ರೀತಿ ವ್ಯಾಯಾಮ ಮಾಡಬೇಕು ?

udayavani youtube

ಬೆಳಗ್ಗೆ 4 ಗಂಟೆಗೆ ಎದ್ದು ಫಿಶಿಂಗ್ ಕೆಲಸಕ್ಕೆ ಹೋಗುತ್ತಿದ್ದ ಉಡುಪಿಯ ವಿದ್ಯಾರ್ಥಿಗೆ 625 ಅಂಕ

udayavani youtube

ಕೃಷಿ ಚಟುವಟಿಕೆ ಕಂಡು ಖುಷಿ ಪಟ್ಟ ರಾಶಿ ರಾಶಿ ಕೊಕ್ಕರೆಗಳು !!

udayavani youtube

ಶಿವಮೊಗ್ಗದಲ್ಲಿ ರಸ್ತೆ ತುಂಬೆಲ್ಲಾ ನೀರು… ಅಪಾಯಕ್ಕೆ ಅಹ್ವಾನ ನೀಡುತ್ತಿವೆ ಗುಂಡಿಗಳು..

ಹೊಸ ಸೇರ್ಪಡೆ

rain

ಕೊಪ್ಪಳ, ಗದಗದಲ್ಲಿ ನಿರಂತರ ಮಳೆ: ಅಂಗನವಾಡಿ, ಶಾಲೆಗಳಿಗೆ ಇಂದು ರಜೆ

cm-bommai

ಬೆಂಗಳೂರು; ಕೆರೆ ಪ್ರದೇಶದಲ್ಲಿ ಮನೆ ಕಟ್ಟಲು ಅವಕಾಶವಿಲ್ಲ : ಸಿಎಂ ಬೊಮ್ಮಾಯಿ

1-ddsad

ಮಳೆಯ ಆರ್ಭಟ : ತೀರ್ಥಹಳ್ಳಿ ಗದ್ದೆಯ ಹೊಂಡದಲ್ಲಿ ಬಿದ್ದು ವ್ಯಕ್ತಿ ಸಾವು

9

ಕನ್ನಡ ಸಾಹಿತ್ಯ ಪರಿಷತ್‌ ಸಂಸ್ಥಾಪನೆ ದಿನಾಚರಣೆ

charand

ಕಾರ್ಕಳ: ಮಳೆಗೆ ಕೃತಕ ನೆರೆ ಸೃಷ್ಟಿ; ಮನೆಗೆ ನುಗ್ಗಿದ ನೀರು

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.