ಸೈಕಲ್‌ ಗ್ಯಾಪ್‌ನಲ್ಲಿ ಇವೆಲ್ಲ ಮಾಡಬಹುದು !

ಸಾರ್ಥಕ ರಜೆಯ ಐದು ಸೂತ್ರಗಳು

Team Udayavani, Jan 28, 2020, 6:15 AM IST

ಜೀವನದ ಹಾದಿ ಬಗ್ಗೆ ಒಂದಿನಿತೂ ಆಲೋಚನೆ ಮಾಡದ ಯುವಕ- ಯುವತಿಯರು ರಜೆ ವಿಚಾರದಲ್ಲಿ ಯಾವತ್ತೂ ಪಕ್ಕಾ ಪ್ಲಾನ್ಡ್. ಮಜವಾಗಿ ಕಳೆಯುವುದರ ಜೊತೆಗೆ , ಭವಿಷ್ಯಕ್ಕೊಂದು ದಾರಿ ಮಾಡಿಕೊಳ್ಳೋದರ ಸಿದ್ಧತೆ ಹೇಗೆ ಅನ್ನೋದರ ಮಾಹಿತಿ ಇಲ್ಲಿದೆ…

ಒಂದೊಂದೇ ಸೆಮಿಸ್ಟರ್‌ ಪರೀಕ್ಷೆಗಳು ಮುಗಿಯುತ್ತಿವೆ. ವಿದ್ಯಾರ್ಥಿಗಳಿಗೆ ಕಣ್ಣ ಮುಂದೆ ಖುಷಿ. ರಜೆ ಸಿಗುತ್ತಲ್ಲಾ? ಮಜ ಮಾಡಬಹುದಲ್ಲಾ? ಅಂತ. ಒಮ್ಮೆ ಈ ಎಕ್ಸಾಮ್‌ ಕಾಟ ಮುಗಿದರೆ ಸಾಕು ಎಂದು ಮನಸ್ಸಲ್ಲೇ ಮಂಡಿಗೆ ಮೆಲ್ಲುವ ವಿದಾರ್ಥಿಗಳೇ ಬಹುಪಾಲು. ಪರೀಕ್ಷೆ ಇದ್ದಾಗಲೇ ಮನಸ್ಸು ಕದಡಿ ರಜೆಯನ್ನು ಮಜವಾಗಿ ಕಳೆಯುವ ಲೆಕ್ಕಾಚಾರ ಶುರುವಾಗಿರುತ್ತದೆ. ಎಲ್ಲೆಲ್ಲಿ ಟೂರ್‌ ಹೋಗಬೇಕು? ಯಾವ ಫ‌ಂಕ್ಷನ್‌ ಅಟೆಂಡ್‌ ಆಗಬೇಕು? ಎಲ್ಲಿ ಯಾವ ರೀತಿ ಎಂಜಾಯ್‌ ಮಾಡಬೇಕು? ಹೀಗೆ… ಎಷ್ಟರ ಮಟ್ಟಿಗೆ ಯೋಜನೆ ಸಿದ್ಧವಾಗಿರುತ್ತದೆ ಅಂದರೆ, ಪರೀಕ್ಷಾ ಸಮಯದಲ್ಲೇ ಒಂದು ತಿಂಗಳ ಪಟ್ಟಿ ರೆಡಿಯಾಗಿರುತ್ತದೆ.

ಕಾಲೇಜಿಗೆ, ಪರೀಕ್ಷೆಗೆ, ಜೀವನದ ಹಾದಿಗೆ ಒಂದಿನಿತೂ ಆಲೋಚನೆ ಮಾಡದ ಯುವಕ-ಯುವತಿಯರು ರಜೆ ವಿಚಾರದಲ್ಲಿ ಯಾವತ್ತೂ ಪಕ್ಕಾ ಪ್ಲಾನ್ಡ್. ಆದರೆ, ಇಲ್ಲಿ ಹೇಳ್ಳೋಕೆ ಹೊರಟಿರೋದೇ ಬೇರೆ.. ಮಜವಾಗಿ ಕಳೆಯುವ ರಜೆ ಮತ್ತು ಭವಿಷ್ಯಕ್ಕೊಂದು ದಾರಿ ಜೊತೆ ಜೊತೆಯಾಗಿ ಹೊಂದಿಕೊಳ್ಳೋದು ಹೇಗೆ ಎಂದು! ಬೋರಿಂಗ್‌ ಕ್ಲಾಸ್‌ಗಳು, ಎಕ್ಸಾಮ್‌ ತಯಾರಿ, ಅರ್ಥವಾಗದ ಪ್ರಶ್ನೆಪತ್ರಿಕೆಯಿಂದ ದೂರ ಹೋಗಲು ಅನೇಕ ವಿದ್ಯಾರ್ಥಿಗಳು ತಮ್ಮದೇ ಲೆಕ್ಕಾಚಾರ ಹಾಕಿಕೊಂಡಿರುತ್ತಾರೆ. ಆದರೆ, ಸೆಮಿಸ್ಟರ್‌ ರಜೆಯನ್ನು ಉಪಯುಕ್ತಗೊಳಿಸಿ, ಭವಿಷ್ಯಕ್ಕೊಂದು ಸುಂದರ ಮಾರ್ಗ ರೂಪಿಸಲು ಇಲ್ಲಿದೆ ನೋಡಿ ಸರಳ ಯೋಜನೆ:

1. ರೆಸ್ಯೂಮ್‌ ತಯಾರಿ: ಮೊತ್ತ ಮೊದಲು ಒಬ್ಬ ವಿದ್ಯಾರ್ಥಿಯ ಮುಂದೆ ಗುರಿಯಿರಬೇಕು. ತಾನು ಏನಾಗಬೇಕು? ಅದಕ್ಕೆ ತಕ್ಕ ಹಾಗೆ ಯಾವ ಶಿಕ್ಷಣ ಪಡೆಯಬೇಕು, ಹೇಗೆ ತಯಾರಿ ಮಾಡಬೇಕು ಎನ್ನುವುದು ಮುಖ್ಯ. ಅದೆಷ್ಟೋ ಬಾರಿ ಗೊತ್ತು ಗುರಿಯಿಲ್ಲದ ಶಿಕ್ಷಣ, ಜೀವನವಿಡೀ ಶಿಕ್ಷೆ ಎಂಬಂತೆ ಭಾಸವಾದದ್ದೂ ಇದೆ. ಹಾಗಾಗಿ ಪ್ರಥಮದಲ್ಲಿ ರೆಸ್ಯೂಮ್‌ ಒಂದನ್ನು ತಯಾರಿಸಿದ್ದಲ್ಲಿ, ಅದೇ ಮುಂದಕ್ಕೆ ಗುರಿ ಮುಟ್ಟಿಸುವಲ್ಲಿ ಸಹಾಯ ಮಾಡುತ್ತದೆ. ರೆಸ್ಯೂಮ್‌ನಲ್ಲಿ ಏನೇನಿರಬೇಕು, ನಾನೇನು ಮಾಡಬೇಕು ಎನ್ನುವುದನ್ನು ಮೊದಲು ಲೆಕ್ಕ ಹಾಕಿಕೊಳ್ಳಬೇಕು. ತನ್ನ ಮುಂದಿನ ಗುರಿ ತಲುಪಲು ರೆಸ್ಯೂಮ್‌ ಕಲಿಸುವ ಪಾಠ ತುಂಬಾ ಅವಶ್ಯಕ.

2. ಕಂಪ್ಯೂಟರ್‌ತರಬೇತಿ: ಅದೆಷ್ಟೋ ಬಾರಿ ವಿದ್ಯಾರ್ಥಿಗಳು ಎಡವೋದು ಸಮಯವನ್ನು ಸರಿಯಾಗಿ ಬಳಸಿಕೊಳ್ಳದ ಕಾರಣಕ್ಕೆ. ಕ್ಯಾಂಪಸ್‌ನಲ್ಲಿ ಉದ್ಯೋಗ ದೊರೆಯಬೇಕೆಂದರೆ ಈ ದಿನಗಳಲ್ಲಿ ಕಂಪ್ಯೂಟರ್‌ ಅನುಭವ ಬೇಕೇಬೇಕು. ಕಾಲೇಜಲ್ಲಿ ಕಲಿಸೋದು ಮಾತ್ರ ಸಾಕಾಗಲ್ಲ. ಹಾಗಾಗಿ, ಸೆಮಿಸ್ಟರ್‌ ರಜೆಯಲ್ಲೊಂದು ಕೋರ್ಸ್‌ ಮಾಡಿ ಪ್ರಮಾಣಪತ್ರ ಇಟ್ಟುಕೊಳ್ಳುವುದು ಜಾಣರ ಲಕ್ಷಣ.

3. ಇಂಟರ್ನ್ ಶಿಪ್‌: ಇತ್ತೀಚೆಗೆ ಕಂಪೆನಿಗಳು ವಿದ್ಯಾರ್ಥಿಗಳ ಕೆಲಸ ಮಾಡಿದ ಅನುಭವವನ್ನೂ ಕೇಳಲು ಆರಂಭಿಸಿದೆ. ಶಿಕ್ಷಣದ ಗುಣಮಟ್ಟ ಹೇಗೇ ಇರಲಿ, ಹಲವು ಕಂಪೆನಿಗಳಲ್ಲಿ ಇಂಟರ್ನ್ ಶಿಪ್‌ ಮಾಡಿದ ಅನುಭವದ ಮೇಲೂ ಅನೇಕ ಬಾರಿ ಒಳ್ಳೆಯ ಉದ್ಯೋಗಸಿಗುವುದಿದೆ. ಇಂಟರ್ನ್ ಶಿಪ್‌ಗೆ ಹೋಗುವಾಗಲೂ ಜಾಗರೂಕರಾಗಿರಬೇಕು. ತಮ್ಮ ಕ್ಷೇತ್ರಕ್ಕೆ ಸಂಬಂಧಪಟ್ಟ ವಿಷಯಗಳ ಮೇಲೆಯೇ ಇಂಟರ್ನ್ ಶಿಪ್‌ ಮಾಡಿದರೆ ಉತ್ತಮ. ಕೆಲವೊಂದು ಕಂಪೆನಿಗಳು ಒಂದು ತಿಂಗಳ ಕಲಿಕೆಯ ಜೊತೆಗೆ ಸ್ವಲ್ಪಮಟ್ಟಿಗೆ ಸಂಬಳದ ರೂಪದಲ್ಲಿ ಹಣವನ್ನೂ ನೀಡುತ್ತವೆ. ಉತ್ತಮ ಕಂಪೆನಿಯಾದಲ್ಲಿ ಆರು ಸೆಮಿಸ್ಟರ್‌ಗಳು ಮುಗಿಯುವ ಹೊತ್ತಿಗೆ ಒಂದು ಹಂತದ ತರಬೇತಿ ಕೊಟ್ಟಿರುತ್ತದೆ. ಇಂಥವರಿಗೆ ನೇರ ನೇಮಕಾತಿ ಸೌಲಭ್ಯಗಳು ಹೆಚ್ಚು ಇರುತ್ತವೆ.

4. ಕೌಶಲ್ಯ ಪರಿಣತಿ: ಡಿಗ್ರಿ ಕೆಲವೊಬ್ಬರಿಗೆ ಬರಿಯ ಪ್ರಮಾಣಪತ್ರವಷ್ಟೇ. ಅಂಥವರು ತಮ್ಮ ಆಸಕ್ತಿಯ ಕ್ಷೇತ್ರಗಳಲ್ಲಿ ರಜಾಸಮಯವನ್ನು ಕಳೆಯುವುದು ಒಳ್ಳೆಯದು. ಒಂದು ತಿಂಗಳ ಕೌಶಲ್ಯಾಭಿವೃದ್ಧಿ ತರಬೇತಿಗಳು ವಿದ್ಯಾರ್ಥಿಯ ಜೀವನಪಥವನ್ನು ಬದಲಿಸಿದ್ದೂ ಇದೆ. ಒಬ್ಬ ಒಳ್ಳೆಯ ಗಾಯಕ, ಚಿತ್ರಕಾರ, ಡ್ಯಾನ್ಸರ್‌, ಛಾಯಾಚಿತ್ರಗಾರ, ಫ್ಯಾಶನ್‌ ಡಿಸೈನರ್‌ ಮೂಡಿಬರಲು, ಸ್ವಾವಲಂಬಿಯಾಗಿ ಬದುಕಲು ಸೆಮಿಸ್ಟರ್‌ ರಜೆಯನ್ನು ಉಪಯುಕ್ತವಾಗಿ ಬಳಸಿಕೊಳ್ಳಬಹುದು.

5. ಅಗತ್ಯ ಪತ್ರಗಳ ತಯಾರಿ: ಇಂದು ಎಲ್ಲದಕ್ಕೂ ದಾಖಲೆಗಳನ್ನು ಕೇಳುವ ಸಮಯ. ಆಧಾರ್‌ ಕಾರ್ಡ್‌, ಪಾನ್‌ ಕಾರ್ಡ್‌, ವೋಟರ್‌ ಕಾರ್ಡ್‌, ಪಾಸ್‌ ಪೋರ್ಟ್‌… ಹೀಗೆ, ಅಗತ್ಯ ದಾಖಲೆಪತ್ರಗಳನ್ನು ಈ ರಜಾ ಸಮಯದಲ್ಲೇ ಮಾಡಿಡುವುದು ಉತ್ತಮ. ಎಲ್ಲಾ ದಾಖಲೆ ಪ್ರತಿಗಳು ಸರಿಯಾಗಿದ್ದಷ್ಟೂ ಉದ್ಯೋಗದ ಖಾತ್ರಿಯ ಹಾದಿ ಸುಲಭ. ಹೆಚ್ಚಿನ ಕಡೆಗಳಲ್ಲಿ ಡ್ರೈವಿಂಗ್‌ ಲೈಸೆನ್ಸ್‌ ಕೇಳುತ್ತಾರೆ. ಹಾಗಾಗಿ ದ್ವಿಚಕ್ರ ಮತ್ತು ಕಾರಿನ ಡ್ರೈವಿಂಗ್‌ ಲೈಸೆನ್ಸ್‌ ಇದ್ದಲ್ಲಿ ಒಳ್ಳೆಯದು.

* ಅಶೋಕ್‌ ಕೆ. ಜಿ. ಮಿಜಾರ್‌

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ಹಣವನ್ನು ಎಲ್ಲೆಲ್ಲಿ ಹೂಡಿದರೆ, ಹೇಗೇಗೆ ಲಾಭ ಮಾಡಬಹುದು. ಕಂಪೆನಿಗೆ ನಷ್ಟವಾಗದ ರಹದಾರಿಗಳು ಯಾವುವು? ಹೀಗೆ, ಉದ್ಯಮ ಆರಂಭಿಸಲು ನಿಂತವರಿಗೆ ನಾನಾ ಮಾರ್ಗಗಳನ್ನು...

  • ನಾಳೆಯೇ ಪರೀಕ್ಷೆ. ಹೀಗಂತ ನೆನಪು ಬಂದಾಕ್ಷಣ ಮನಸ್ಸು ಬೆಚ್ಚಿ ಬೀಳುತ್ತದೆ. ಉಸಿರು ಸ್ವಲ್ಪ ಬಿಸಿಯಾಗುತ್ತದೆ. ಕೆಲವರಿಗೆ ಇದೇ ಭಯವಾಗಿ, ಓದಿದ್ದೆಲ್ಲ ಮರೆತು ಹೋಗುತ್ತದೆ....

  • ಫೋಟೋಗ್ರಫಿಯು ನಿಸರ್ಗದ ಎಂತಹುದೇ ಆಕಾರ, ರೂಪ, ವರ್ಣ, ಪ್ರಮಾಣ, ಇರುವ ಜೀವ ಅಥವಾ ನಿರ್ಜೀವ ವಸ್ತುವನ್ನು, ಕನ್ನಡಿ ಹಿಡಿದಂತೆ ಯಥಾವತ್ತು ದೃಶ್ಯದಾಖಲೆಯಾಗಿಸುವಷ್ಟಕ್ಕೇ...

  • ಕೈ ತುಂಬಾ ಕಾಸು ಇದ್ದರೂ, ಅನ್ಯರ ಕಷ್ಟಕ್ಕೆ ತುಡಿಯುವ ಮನಸ್ಸು ಎಲ್ಲರಿಗೂ ಇರಲ್ಲ. ಹಣದಲ್ಲಿ ಶ್ರೀಮಂತಿಕೆ ಇದ್ದು, ಸಮಾಜಕ್ಕೆ ಅವರಿಂದ ನಯಾ ಪೈಸೆ ಅನುಕೂಲವಿಲ್ಲ...

  • ನೀವು ಆಫೀಸಲ್ಲಿ ಕೆಲಸ ಮಾಡುವಾಗ, ಸಣ್ಣಗೆ ಕೆಮ್ಮುವುದು, ನೆಗಡಿಯಿಂದ ನಸ ನಸ ಅನ್ನುವುದು ಆದರೆ, ಎಲ್ಲ ಆಫೀಸಿನ ಎ.ಸಿ ಕಾಟ ಅಂದುಕೊಂಡು ಬಿಡ್ತೀರಿ. ಇದು ನಿಮ್ಮ ದೇಹದಲ್ಲಿನ...

ಹೊಸ ಸೇರ್ಪಡೆ