ಬಿಡು ಬಿಡು.. ಕೋಪವಾ…
Team Udayavani, Oct 13, 2020, 7:49 PM IST
ಹೋಯ್ ಸಿಟ್ಟಿನ ಸಿಡುಕ, ಅದೇನು ಕೋಪವೋ ಮಾರಾಯ ನಿಂಗೇ. ನಿನ್ನ ಆ ಮುದ್ದುಕೋಪಕ್ಕೇ ನಿನ್ನನ್ನು ಇನ್ನೂ ಇನ್ನೂ ಹೆಚ್ಚು ಹೆಚ್ಚು ಹುಚ್ಚಾಗಿ ಪ್ರೀತಿಸಬೇಕೆಂದು ಅನಿಸುತ್ತದೆ ನೋಡು. ಪ್ರೀತಿಯಿರುವಕಡೆಯೇ ಕೋಪವೂ ಇರುತ್ತದೆ ಎನ್ನುವುದು ಸುಳ್ಳಲ್ಲ. ಮೊನ್ನೆ ಮಾತ್ರ ತುಂಬಾ ಕೋಪ ಬಂದಿತ್ತು ನಿನ್ನ ಮೇಲೆ. ಅದ್ಯಾರೋ ಫೇಸ್ಬುಕ್ಕಿನಲ್ಲಿ ನನ್ನ ಫೋಟೋಕ್ಕೆ ಹಾಕಿರುವಕಮೆಂಟ್ ನೋಡಿ, ಅಂತವರನ್ಯಾಕೆ ಫ್ರೆಂಡ್ ಮಾಡಿಕೊಂಡಿದ್ದೀ ಅಂತಾ ವಾಟ್ಸಪ್ಪಿನಲ್ಲಿ ಮುಖ ಊದಿಸಿದ ಈಮೋಜಿ ಕಳಿಸಿದ್ದೆ.
ನೋಡು, ನನಗೂ ಕೋಪ ತಡೆಯಲಾರದೆ ಯಾರ್ಯಾರ ಬುದ್ಧಿ ಹೇಗೆ ಅಂತ ನನಗೇನು ಗೊತ್ತಿರುತ್ತೆ? ಯಾರ ಜೊತೆಗೂ ನನಗೆ ಪರ್ಸನಲ್ ಚಾಟಿಂಗ್ ಇಲ್ಲ ತಿಳ್ಕೋ ಅಂದಿದ್ದಕ್ಕೆ, ನೀನೇನೋ ಸಿಟ್ಟಾಗಿ ಕೈಮುಗಿವ ಇಮೋಜಿ ಕಳಿಸಿ ತಣ್ಣಗೆಕುಳಿತುಬಿಟ್ಟೆ. ಆದರೆ ನನ್ನಕಥೆ ಹೇಳು, ಆಮೇಲೆ ಎಷ್ಟು ಒದ್ದಾಡಿದೆ ಗೊತ್ತಾ? ನಿನ್ನ ಪ್ರೀತಿ,ಕಾಳಜಿ ನನಗೆ ಅರ್ಥವಾಗುತ್ತದೆಕಣೋ. ನಾನೂ ಹಾಗೆ ಖಡಕ್ ಉತ್ತರ ಕೊಡಬಾರದಿತ್ತು…ಸಾರಿ… ವ್ಯಾಲೆಂಟೈನ್ ದಿವಸ ಜ್ಯೂನಿಯರ್ ಒಬ್ಬ ಡೈರಿಮಿಲ್ಕ್ ಕೊಟ್ಟಿದ್ದನ್ನು ನನಗೆ ತಿನ್ನಲು ಬಿಡದೆ ನೀನೇ ತಿಂದು, ನನಗೆ ಬೇರೆಕೊಡಿಸಿದ್ದು ನೆನಪಾದರೆ ನಗು ಬರುತ್ತದೆ. ಬಸ್ಸಿನಲ್ಲಿ ನನಗಾಗಿ ಹುಡುಗನೊಬ್ಬ ಬದಿಗೆ ಸರಿದು ಜಾಗ ಮಾಡಿಕೊಟ್ಟದ್ದನ್ನು ದೂರದಿಂದಲೇ ಗಮನಿಸಿ ಮುಖ ಸಿಂಡರಿಸಿದ ನೀನು, ಅಲ್ಲಿ ಕುಳಿತು ಕೊಳ್ಳಲೂ ಬಿಡದೆ ಮುಂದಿನ ಸ್ಟಾಪಿನಲ್ಲಿ ಇಳಿಸಿ ಬೇರೆ ಬಸ್ ಹತ್ತಿಸಿಕೊಂಡು ಹೋದಾಗ ನಿನ್ನ ಪೆದ್ದು ಪ್ರೀತಿಗೊಂದು ಗುದ್ದು ಕೊಡಬೇಕು ಎನಿಸಿತ್ತು. ಸ್ಯಾರಿಡೇ ದಿನವಂತೂ,ಕಣ್ಣುಗಳಲ್ಲೇ ನನ್ನನ್ನು ಇಡಿಯಾಗಿ ತುಂಬಿಕೊಂಡು ಬಿಟ್ಟಿಹೆಯೇನೋ ಎನಿಸಿದ್ದು ಸುಳ್ಳಲ್ಲ. ಕಾರ್ಯಕ್ರಮ ಮುಗಿದ ಮೇಲೆ ಮನೆಯ ತನಕ ಡ್ರಾಪ್ ಮಾಡಿದವ, ಹೋಗಿ ದೃಷ್ಟಿ ತೆಗೆಸಿಕೋ ಎಂದು, ತಿರುಗಿ ನೋಡದೆ ಹೋಗಿದ್ದು ಅಚ್ಚರಿ.
ಇನ್ನೂ ಸ್ವಲ್ಪ ಹೊತ್ತು ನಿನ್ನನ್ನು ಹಾಗೆಯೇ ನೋಡುತ್ತಿದ್ದರೆ ಹುಚ್ಚನಾಗಿ ಹೋಗುತ್ತಿದ್ದೆ ಎಂದು ನೀಮೆಸೇಜ್ ಮಾಡಿದಾಗ, ನಾ ಪದೇ ಪದೆ ಆಮೆಸೇಜನ್ನು ಮುದ್ದಿಸಿದ್ದು ಸುಳ್ಳಲ್ಲ. ಒಂದು ವಿಷ್ಯ ತಿಳ್ಕೋ;ನೀನೆಷ್ಟೇಕೋಪ ಮಾಡಿಕೊಂಡರೂ ನನಗೆ ಮುದ್ದುದ್ದೇ ನೀನು. ನಿನ್ನ ಪ್ರೀತಿಯನ್ನು ಅರಿತರೂ ಅರಿಯಲಾರದವಳಂತೆ, ಗೊತ್ತಾದರೂ ಗೊತ್ತಿಲ್ಲದಂತೆ ನಟಿಸಿ, ನನ್ನ ಮನದಾಳದ ಮಾತುಗಳನ್ನುಕೇಳಲು ಚಾತಕ ಪಕ್ಷಿಯಂತೆಕಾಯುತ್ತಿರುವ ನಿನಗೆ ಹೇಳದೆ ಸತಾಯಿಸುತ್ತಾ,ಮಾಮೂಲಿ ಬೈಗುಳ ಇದ್ದೇ ಇದೆಯಲ್ಲ, ಅದನ್ನು ಅಂದರೆ ಮಾತ್ರ ನಿನ್ನ ರಿಪ್ಲೈ ಗ್ಯಾರಂಟೀ ಅಂತಾ ಗೊತ್ತು. ಹೇಳಲಾ……ಕಂಜೂಸ್… ಕಂಜೂಸ್…ಕಂಜೂಸ್
-ನಳಿನಿ. ಟಿ. ಭೀಮಪ್ಪ, ಧಾರವಾಡ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
T20 World Cup; ರೋಹಿತ್, ವಿರಾಟ್ ಆರಂಭಿಕರು? ಅಚ್ಚರಿಯ ಮುಖಗಳಿಲ್ಲ?
The Very Best Payment Techniques for Online Casinos
Jammu and Kashmir: ಉಗ್ರರ ಗುಂಡಿನ ದಾಳಿಗೆ ಬಲಿಯಾದ ವಲಸೆ ಕಾರ್ಮಿಕ
Election 2024: ಕೋಟಾ ಅವರನ್ನು 2 ಲಕ್ಷ ಮತಗಳ ಅಂತರದಿಂದ ಗೆಲ್ಲಿಸಿ: ದೇವೇಗೌಡ
Russia War: ಉಕ್ರೇನ್ ಮೇಲೆ ರಷ್ಯಾ ಭೀಕರ ದಾಳಿ-17 ಮಂದಿ ಮೃತ್ಯು; ನೆರವಿಗಾಗಿ ಮನವಿ