ದೇವರನ್ನು ನೋಡಿದ್ದೀರಾ?

ವಿಂಡೋ ಸೀಟು

Team Udayavani, Apr 16, 2019, 6:00 AM IST

ತಪ್ಪು ಮಾಡೋದು ಸಹಜ ಕಣೋ… ತಿದ್ದಿ ನಡೆಯೋನು ಮನುಜ ಕಣೋ ಎಂದು “ಮನೆದೇವ್ರು’ ಸಿನಿಮಾದಲ್ಲಿ ಹಂಸಲೇಖ ಬರೆದಿದ್ದರು. ಭೂಮಿ ಮೇಲಿನ ಅಂಥ ಮನುಜರಲ್ಲಿ ಒಬ್ಬ ಮಿಜೋರಾಂನ ಡೆರೆಕ್‌. ವಯಸ್ಸು ಬರೀ 6. ರಸ್ತೆ ಮೇಲೆ ಹಿಟ್‌ ಅಂಡ್ ರನ್‌ ಮಾಡುವವರು ಗಾಯಾಳುಗಳಿಗೆ ಸಹಾಯ ಮಾಡದೆ ಹಾಗೆಯೇ ಓಡಿಹೋಗುತ್ತಾರೆ. ಆದರೆ, ಓಡಿ ಹೋಗದೆ ಗಾಯಾಳುವಿನ ಜವಾಬ್ದಾರಿ ತೆಗೆದುಕೊಂಡಿದ್ದು ಡೆರೆಕ್‌ನ ಹೆಚ್ಚುಗಾರಿಕೆ. ಹಿಟ್‌ ಮಾಡಿದ ಮೇಲೆ ಆತ ನಡೆದುಕೊಂಡ ರೀತಿ ಇಂಟರ್‌ನೆಟ್ಟಿಗರ ಹುಚ್ಚೆಬ್ಬಿಸುತ್ತಿದೆ. 6ನೇ ವಯಸ್ಸಿಗೇ ಅದ್ಯಾವ ವಾಹನ ಚಾಲನೆ ಮಾಡುತ್ತಾನಪ್ಪ ಎಂದುಕೊಳ್ಳುತ್ತಿದ್ದೀರಾ. ಆತ ವಾಹನ ಚಾಲನೆ ಮಾಡುತ್ತಿರಲಿಲ್ಲ. ಮನೆ ಹತ್ತಿರ ಓಡಿ ಬರುತ್ತಿದ್ದಾಗ ಒಂದು ಕೋಳಿಮರಿಯ ಮೇಲೆ ಕಾಲಿಟ್ಟು ಬಿಟ್ಟಿದ್ದ. ಜೀವನದಲ್ಲಿ ಇರುವೆಗೂ ನೋವು ನೀಡದ ಡೆರೆಕ್‌ಗೆ ತನ್ನ ಕೃತ್ಯದಿಂದ ಅಳುಬಂತು. ಅಳುತ್ತಲೇ ಕೋಳಿ ಮರಿಯನ್ನೆತ್ತಿಕೊಂಡು ಆಸ್ಪತ್ರೆಗೆ ಬಂದಿದ್ದಾನೆ. ಬಂದವನೇ ವೈದ್ಯರ ಮುಂದೆ ತಾನು ಕಷ್ಟಪಟ್ಟು ಕೂಡಿಟ್ಟ ಹತ್ತು ರುಪಾಯಿಯನ್ನೇ ವೈದ್ಯರ ಮುಂದೆ ಹಿಡಿದು ಹೇಗಾದರೂ ಮಾಡಿ ಕೋಳಿಮರಿಯನ್ನು ಹುಷಾರು ಮಾಡಿ ಎಂದು ಅಲವತ್ತುಕೊಂಡಿದ್ದಾನೆ. ಆಗ ತೆಗೆದ ಫೋಟೋನೇ ಈಗ ಇಂಟರ್‌ನೆಟ್‌ನಲ್ಲಿ ಹರಿದಾಡುತ್ತಿರುವುದು. ಈ ಹುಡುಗನ ಅಂತಃಕರಣಕ್ಕೆ ಒಂದು ಸಲಾಂ ಹೇಳ್ಳೋಣ, ಅಲ್ವಾ?


ಈ ವಿಭಾಗದಿಂದ ಇನ್ನಷ್ಟು

  • ಪಕ್ಕದಲ್ಲಿರುವವರೆಲ್ಲ ಗೈಡ್‌ ತೆಗೆದು, ಕದ್ದು ಕದ್ದು ನೋಡಿ ಬರೆಯುತ್ತಿರುವುದನ್ನು ಗಮನಿಸಿದೆ. ನನಗೂ ತಡೆಯಲಾಗಲಿಲ್ಲ. ನಾನು ಓದದೇ ಇದ್ದ ಒಂದು ಗಾದೆ ಮಾತಿನ ವಿವರಣೆಯ...

  • ಅಂದು ಅಮ್ಮನ ಜೊತೆ ಮುಂಬೈಗೆ ಹೊರಟಿದ್ದೆ. ಕುಡಚಿ ರೈಲು ನಿಲ್ದಾಣದಲ್ಲಿ ನಿಂತು ಸಹ್ಯಾದ್ರಿ ಎಕ್ಸ್‌ಪ್ರೆಸ್‌ಗೆ ಕಾಯುತ್ತಿದ್ದೆವು. ಸಮಯ 8 ಗಂಟೆ. ಅಮ್ಮ ಮಣಭಾರದ...

  • ಚಿತ್ರ: ಡೆಸೀರ್ಟೊ ಅವಧಿ: 88 ನಿಮಿಷ ನಿರ್ದೇಶನ: ಜೋನಾಸ್‌ ಕ್ಯುರಾನ್‌ ವಿಶಾಲ ಮರುಭೂಮಿ. ಮೈ ಸುಡುವ ಬಿಸಿಲಿನ ನಡುವೆ, ಆ ಗುಂಪು ಭಾರವಾದ ಹೆಜ್ಜೆ ಹಾಕುತ್ತಿರುತ್ತೆ....

  • ನಿನ್ನನ್ನು ನೋಡಿದ ಆ ಕ್ಷಣದಿಂದ ಇಲ್ಲಿಯವರೆಗೆ, ನಂಗೆ ಏನೇನಾಗ್ತಿದೆಯೋ ನನಗೇ ಗೊತ್ತಾಗ್ತಿಲ್ಲ. ಒಮ್ಮೊಮ್ಮೆ ಹುಚ್ಚನಂತೆ ಒಬ್ಬೊಬ್ಬನೇ ನಕ್ಕರೆ, ಮಗದೊಮ್ಮೆ...

  • ಎಲ್ಲರೂ ಓಡಿ ಹೋಗಿ ಬಸ್‌ಗೆ ಕೈ ಮಾಡಿ ನಿಂತೆವು. ಡ್ರೈವರ್‌, ಬಸ್ಸನ್ನೇನೋ ನಿಲ್ಲಿಸಿದ. ಆದರೆ, ಅದರಲ್ಲಿ ಒಂದು ಸಣ್ಣ ನೊಣ ಕೂಡ ಹೋಗಲು ಜಾಗ ಇಲ್ಲದಷ್ಟು ಜನ. ನನ್ನ ಫ್ರೆಂಡ್‌...

ಹೊಸ ಸೇರ್ಪಡೆ