ಮೊದಲ ಮಳೆಯಂತೆ …
Team Udayavani, Sep 10, 2019, 5:09 AM IST
“ಹೊರಗೆ ವಿಪರೀತ ಮಳೆ, ಚಿಟಪಟ ಹನಿಯಲ್ಲೂ ಅದೇನು ಲಯ ? ಮೆಲ್ಲಗೆ ಚಳಿ ಅವರಿಸಿಕೊಳ್ಳುತ್ತಿರುವಂತೆ ನಿನ್ನ ನೆನಪು ದಿಢೀರನೆ ! ಯಾಕೋ ಆ ಕ್ಷಣ ನೋಡಬೇಕನ್ನಿಸಿತು, ನಿದ್ದೆ ಸುಳಿಯಲಿಲ್ಲ ನೋಡು, ಅದಕ್ಕೇ ನಿನ್ನ ನೆಚ್ಚಿನ ರೇಡಿಯೋ ನಿರೂಪಕಿಗೆ ಫೋನ್ ಹಾಕಿ -“ನನ್ನ ನಲ್ಲನಿಗೆ ಕೇಳಿಸಿದರೆ ಸಾಕು, ಅವನು ನಿಮ್ಮ ಕಾರ್ಯಕ್ರಮವನ್ನು ತಪ್ಪದೆ ಕೇಳ್ತಾನೆ’ ಅಂತ ನನ್ನ ಅಳಲನ್ನು ತೋಡಿಕೊಂಡೆ. ಕೆಲಸದ ಮೇಲೆ ನೀನು ನೂರಾರು ಮೈಲಿ ದೂರ… ಆದರೇನು? ಮನಸ್ಸಿಗೆ ತೀರಾ ಹತ್ತಿರ.
ನೀನೇ ಮೊದಲು ನೀನೇ ಕೊನೆ… ಹೌದು ಕಣೋ, ನನ್ನ ಹೃದಯದಲ್ಲಿ ಭದ್ರವಾಗಿ ಕುಳಿತುಬಿಟ್ಟಿದ್ದೀಯ, ಬೇರಾರಿಗೂ ಅವಕಾಶ ನೀಡದೆ… ಇಷ್ಟು ದಿನಗಳೇ ಕಾದಿದ್ದಾಯಿತು; ಇನ್ನೇನು ನಾಲ್ಕು ತಿಂಗಳಲ್ಲಿ ನಿನ್ನ ಪ್ರೊಬೇಷನ್ ಪಿರಿಯಡ್ ಮುಗಿಯುತ್ತೆ. ಆಮೇಲೆ ಇಲ್ಲಿಗೆ ಬರ್ತೀಯ ಅನ್ನೋದು ಗೊತ್ತು, ಆದರೂ ಈ ಮನವೆಂಬ ಮರ್ಕಟ ತನ್ನ ತುಂಟಾಟ ಆಡದೆ ಸುಮ್ಮನಿರೋಲ್ಲ ನೋಡು.
ಮೊದಲ ಮಳೆಯಂತೆ, ಎದೆಗೆ ಇಳಿದೆ ಮೆಲ್ಲಗೆ…
ಅರೆ, ರೇಡಿಯೋಲಿ ಈಗಷ್ಟೇ ನನ್ನ ವಾಯ್ಸ… ಮೆಸೇಜ್ ಬಂತು. ನೀನು ಖಂಡಿತ ಕೇಳಿರ್ತೀಯ ಅನ್ನೋ ನಂಬಿಕೆ, ನಿನ್ನನ್ನು ಯಾವಾಗ ನೋಡ್ತಿನೋ ಅನ್ನಿಸ್ತಿದೆ…’ ಡೈರಿಯಲ್ಲಿ ಮನದ ಮಾತುಗಳನ್ನು ದಾಖಲಿಸಿ ಅರ್ಧ ಗಂಟೆಯೂ ಕಳೆದಿಲ್ಲ. ರೇಡಿಯೋದಲ್ಲಿ ಅವಳನ್ನೇ ಉಲ್ಲೇಖೀಸಿದ್ದ ಅವನ ವಾಯ್ಸ… ಮೆಸೇಜ್ ಬಿತ್ತರವಾಯಿತು. “ನಿನಗೋಸ್ಕರ ಫ್ಲೆಟ್ ಹಿಡಿದು ಬರ್ತಿದ್ದೀನಿ, ತಡರಾತ್ರಿ ಆಗಬಹುದು, ಐ ಮಿಸ್ ಯು ಟೂ ‘
ಅವಳ ನಿದ್ದೆ ಹಾರಿತ್ತು, ಅವನ ನಿರೀಕ್ಷೆಯಲ್ಲಿ…
-ರಾಜಿ, ಬೆಂಗಳೂರು
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Exam; ದ್ವಿತೀಯ ಪಿಯು ವಾರ್ಷಿಕ ಪರೀಕ್ಷೆ-2ಕ್ಕೆ 1.49 ಲಕ್ಷ ವಿದ್ಯಾರ್ಥಿಗಳ ನೋಂದಣಿ
ಹಿಂದುತ್ವಕ್ಕೆ ಬದ್ಧತೆ, ಸಮಗ್ರ ಅಭಿವೃದ್ಧಿಗೆ ಆದ್ಯತೆ: ಕ್ಯಾಪ್ಟನ್ ಬ್ರಿಜೇಶ್ ಚೌಟ
ಕೋಮುಸೂಕ್ಷ್ಮ ಹಣೆಪಟ್ಟಿ ಕಳಚಿ, ಅಭಿವೃದ್ಧಿಗಾಗಿ ಕಾಂಗ್ರೆಸ್ ಬೆಂಬಲಿಸಿ: ಪದ್ಮರಾಜ್ ಪೂಜಾರಿ
ಕೆಂಪಡಿಕೆ ಧಾರಣೆ ಏರಿಕೆ; ಚಾಲಿ ಅಡಿಕೆಗೂ ಬೇಡಿಕೆ: ಚುನಾವಣೆ ಬಳಿಕ ಮತ್ತಷ್ಟು ಹೆಚ್ಚಳ ಸಾಧ್ಯತೆ
ದಕ್ಷಿಣ ಕನ್ನಡ, ಉಡುಪಿ ಚಿಕ್ಕಮಗಳೂರು ಕ್ಷೇತ್ರಗಳು ; ಬಹಿರಂಗ ಪ್ರಚಾರ ಅಂತ್ಯ